ويلكم من غضبة أبو محمد

[رأفت ميلاد]

المشاركة الأصلية كتبت بواسطة أميرى

يا رأفت ايام حرق المعرض ديك كان فى شئ غريب لفت انتباهى...
الاخوة المسيحيين قالوا عايزين يردوا ويجوا يحرقوا مسجد كلية هندسة باعتبار الاسلاميين مركزهم وغالبيتهم فى هندسة....كل الاسلاميين طبعا وقفوا صف واحد والخ الخ

هتافات التكبير والجهاد على المسيحيين كان بقودها طلاب منظمين فى حركة المحايدين..

فانظر ...

ــــــــ
قلت لى ما بطول معاهم؟
ما اظن

تعرف يا أميرى مشكلة المسيحين بالرد بالمثل دى جديدة وتطرف آخر .. وبصراحة لا مبرر له على الإطلاق تحرش الإسلاميين الشديد بيهم .. أنا شخصياً راجل (دنيوى) ومستعد أدخل معهم فى عداء لكل حدود مقابل حقارتم التى يعتبرون فيها أننا أقل منهم .. لكن أمشى أحرق ليهم مسجد مالى ومالم .. هنا ببقى زى زيهم .. هو المسجد بتاعم ؟

لكى أكون منصف الحقد لدى الجنوبيين مبرر وعانوا من عنصرية دينية فوق الذى يحتمل تجد أكثر الجنوبيين غير مقيدين بالديانة ولكنهم يتشبثون بها فى مواجهة الإسلاميين .. لكن عند أهلنا الأقباط مستورد من مصر .. وهى حرب سجال من إحتلال العرب لمصر .. المضوع تعدى الديانة وأرتبط بالقومية وعاد وإنعكس فى الديانة ..

[ابومحمد]

المشاركة الأصلية كتبت بواسطة أميرى

[flash=http://www.youtube.com/v/CCifHCiI2kk&hl=en_US&fs=1]WIDTH=400 HEIGHT=350[/flash]

ااااى اعملوا حسابكم والله

دییییییییییییشک ..محور الشر ..فی قمه الفوران بتاعو ..ومعاهم کمان نبراس وناصر یوسف ..لا عصینا ولا نسینا ....ولدنا ده خلوه یسوی الدایر یسویهو ...فانه عسر المخاض ...

[رأفت ميلاد]

المشاركة الأصلية كتبت بواسطة ابومحمد

دییییییییییییشک ..محور الشر ..فی قمه الفوران بتاعو ..ومعاهم کمان نبراس وناصر یوسف ..لا عصینا ولا نسینا ....ولدنا ده خلوه یسوی الدایر یسویهو ...فانه عسر المخاض ...

عجبنى لناصر يوسف .. وأنت يا أميرى خليك فى ولادتك

[فتحي مسعد حنفي]

المشاركة الأصلية كتبت بواسطة ابومحمد

دییییییییییییشک ..محور الشر ..فی قمه الفوران بتاعو ..ومعاهم کمان نبراس وناصر یوسف ..لا عصینا ولا نسینا ....ولدنا ده خلوه یسوی الدایر یسویهو ...فانه عسر المخاض ...

بالله انت كمان بتعرف تقول دييييييشك..
ياخي لامن انت بتعرف تكون زول لذيذ طيب هارينا ومنجضنا مالك..ياخ احنا ناس كلنا مسلمين بي رأفت ميلادنا دا

[hatim ALi]

المشاركة الأصلية كتبت بواسطة أميرى

يا رأفت ايام حرق المعرض ديك كان فى شئ غريب لفت انتباهى...
الاخوة المسيحيين قالوا عايزين يردوا ويجوا يحرقوا مسجد كلية هندسة باعتبار الاسلاميين مركزهم وغالبيتهم فى هندسة....كل الاسلاميين طبعا وقفوا صف واحد والخ الخ

أميري سلام

صدقني جابتني النقطة دي في كلامك

أنا كنتا شاهد بيان عيان للحادثة دي

انا كنت شاهدا على هذه المهزلة و قد سمعت حديثاً للشيخ عبد الحي يوسف بكلية الهندسة جامعة الخرطوم في
tower 3rd floor Lec. Hall EN26

وذلك في محاضرة نظمتها الجمعية العلمية - و هي من اسم العلم براء - حول جواز اقامة المسيحين لمعرض للكتاب المقدس ، حيث افتى لا فض فوه بعدم جواز ذلك و ان به نشر للمسيحية و ينبغي ايقافه او نحو ذلك

وثاني يوم خرج صبية الاسلام المتشدد لاحراق المعرض و بعد احراقه هربوا الى مسجد كلية الهندسة و اختبأوا به و رفعوا المصاحف - ليقولوا للناس المسيحيون يريدون احراق المصاحف - وصاحوا "يا بني هندسة احموا بيضتكم" بمعنى انهم طلبوا مننا - من طلبة هندسة حمايتهم - و اذكر اننا جمعنا المصاحف من بين ايديهم و قلنا لهم كتاب الله ما للعب ، انتو مشيتو للناس في محلهم و حرقتوا ليهم مقدساتهم اطلعوا للدواس و خلوا الخيابة ، و أذكر اننا جمعنا المصاحف من من أيدي الاسلامين المتشددين و حاولنا إيداعها - للحفظ - بمكتبة صغيرة بالكلية تبيع الاوراق و الدفاتر و رفضت صاحبتها استلام المصاحف خوف الفتنة ، فذهبنا بها الى عميد الكلية و كان بروفيسر النعمة ابراهيم النعمة و المضحك انه كان خالي البال من كل ما يحدث و سألنا من أين لديكم هذه المصاحف فسردنا له القصص فتعجب من الامر و لم يقل شيئاٌ المهم سلمناه المصاحف و رجعنا لكافتريا هندسة و من ثم جاء الجنوبيون و معهم بعض الاقباط الى الكلية و اشهد الله انهم كانوا منضبطين و لم يضربوا طالباً او يعتدوا على ممتلكات و كانوا يريدون فقط المتشددين الذين احرقوا لهم مقدساتهم ، و بعد اخذ و جذب معهم اقناعهم ان العنف لا يحل بالعنف و مضوا الى حال سبيلهم بالحسنى

غير ان صبية الاسلام السياسي المتشدد بما جبلت عليه نفوسهم من مكر و خديعة تعمدوا اصطياد الجنوبيين في الداخليات و طعنهم بالسكاكين التي كانوا يحملونها حتى داخل قاعات الدراسة ، و وقعت فتن عظيمة حتى انه كان يجرى تفتيشنا كلما دخلنا الجامعة تفتيشاُ شخصياً و برغم ذلك كانت الاسلحة تهرب الى داخل الجامعة و كانت ايام حزينة و مؤلمة

هذه شهادة مني للتاريخ يا اميري عن تلك الحادثة البغيضة التي اشعل فتنتها هذا الرجل الذي يدعى عبد الحي يوسف و هو رأس كبير للفتنة النائمة و يسعى دائماُ لاشعال الفتن باسم الاسلام و هو رمز للتشدد و التكفير و تسعى الانقاذ الى بقائه بدون محاكمة او عقاب حتى يكون معادلا موضوعيا لها فينفى عنها شبهة التطرف

و هو نفسه من افتى لا فض فوه بإنتخاب الرئيس الأقرب الى الله فتأمل !

[أميرى]

المشاركة الأصلية كتبت بواسطة رأفت ميلاد

تعرف يا أميرى مشكلة المسيحين بالرد بالمثل دى جديدة وتطرف آخر .. وبصراحة لا مبرر له على الإطلاق تحرش الإسلاميين الشديد بيهم .. أنا شخصياً راجل (دنيوى) ومستعد أدخل معهم فى عداء لكل حدود مقابل حقارتم التى يعتبرون فيها أننا أقل منهم .. لكن أمشى أحرق ليهم مسجد مالى ومالم .. هنا ببقى زى زيهم .. هو المسجد بتاعم ؟

معرض الكتاب المسيحى كان بيمثل ليهم الكنيسة...ومقابلها المسجد اكيد
هم بس كانوا عايزين يطبقوا مفهوم العين بالعين والسن بالسن والبادى اظلم
حنلومهم؟ انا عن نفسى يوم ما لمتهم؟...مع انى ممكن اخسر حياتى وانا بدافع
عن المسجد .............................يا للتناقضات التى بداخلنا يا رأفت

لكى أكون منصف الحقد لدى الجنوبيين مبرر وعانوا من عنصرية دينية فوق الذى يحتمل تجد أكثر الجنوبيين غير مقيدين بالديانة ولكنهم يتشبثون بها فى مواجهة الإسلاميين .. لكن عند أهلنا الأقباط مستورد من مصر .. وهى حرب سجال من إحتلال العرب لمصر .. المضوع تعدى الديانة وأرتبط بالقومية وعاد وإنعكس فى الديانة ..

كيف؟

[hatim ALi]

[QUOTE=أميرى;197809]معرض الكتاب المسيحى كان بيمثل ليهم الكنيسة...ومقابلها المسجد اكيد
هم بس كانوا عايزين يطبقوا مفهوم العين بالعين والسن بالسن والبادى اظلم
حنلومهم؟ انا عن نفسى يوم ما لمتهم؟...مع انى ممكن اخسر حياتى وانا بدافع
عن المسجد .............................يا للتناقضات التى بداخلنا يا رأفت

أميري راجع كلامي الفوق دا

الحادثة دي انا حاضرابالتفصيل

ولو حابب انزل ليك اسماء المتأسلمي بتاعين الجمعية الهندسية

والجنوبيين و الاقباط الجو هندسة كمان

التاريخ دا قريب يا اميري

حاضرنوا و عايشناهو كمان

بسم الله كمان دا كمان حايتغير

شوف عينا ما سمع اضانا

قادر الله

[أميرى]

المشاركة الأصلية كتبت بواسطة ابومحمد

دییییییییییییشک ..محور الشر ..فی قمه الفوران بتاعو ..ومعاهم کمان نبراس وناصر یوسف ..لا عصینا ولا نسینا ....ولدنا ده خلوه یسوی الدایر یسویهو ...فانه عسر المخاض ...

wellcome dear

[أميرى]

أميري راجع كلامي الفوق دا

الحادثة دي انا حاضرابالتفصيل

ولو حابب انزل ليك اسماء المتأسلمي بتاعين الجمعية الهندسية

والجنوبيين و الاقباط الجو هندسة كمان

التاريخ دا قريب يا اميري

حاضرنوا و عايشناهو كمان

بسم الله كمان دا كمان حايتغير

شوف عينا ما سمع اضانا

قادر الله

يا حاتم
بتعرف محمد الخاتم حمادة عبدالعظيم حمادة؟ود ميكانيكا وخريج 2001
بتعرف محمد الشيخ؟ود كهرباء وخريج 2001

ديل كانوا فى تنظيم المحايدين وهم من الناس الكانت بتقود الهتاف بالتكبير والحجار
الضخمة فى ايدهم

يا حاتم بتعرف واحد اسمو شول خريج مدنية 2001
شول دة نجموا برز فى الاحداث دى واصبح المتحدث بتاع تنظيمهم ال ANF لو ما الزاكرة خانتنى فى اسم التنظيم...

لو بتعرف واحد من الناس دى؟
اسألوا

[hatim ALi]

المشاركة الأصلية كتبت بواسطة أميرى

يا حاتم
بتعرف محمد الخاتم حمادة عبدالعظيم حمادة؟ود ميكانيكا وخريج 2001
بتعرف محمد الشيخ؟ود كهرباء وخريج 2001

ديل كانوا فى تنظيم المحايدين وهم من الناس الكانت بتقود الهتاف بالتكبير والحجار
الضخمة فى ايدهم

يا حاتم بتعرف واحد اسمو شول خريج مدنية 2001
شول دة نجموا برز فى الاحداث دى واصبح المتحدث بتاع تنظيمهم ال ANF لو ما الزاكرة خانتنى فى اسم التنظيم...

لو بتعرف واحد من الناس دى؟
اسألوا

الناس ديل اصحابي يا اميري بس أنا ما محتاج أسألهم

لأني شفتا بيعني و أسأل عثمان قمبور خريج كيميائية 2000 هو الشال معاي المصاحف و لميناها من شفع الجمعية الإسلامية و وديناها لي بروف النعمة ابراهيم النعمة لمن كان مكتبو في قسم المدنية جنب مدخل الكلية و كان الزمن داك المسجل عكاشة على ما اظن و مكتبو تحت مكتب النعمة الكلاك دا قبل ما يبنو المباني الجديدة

سيبك من الناس ديل و كلهم بالمناسبة محاييدين ماعدا شول هو اصلاُ كان في African National Front ANF من قبل الحادثة دي و صاحبه نتالي في معمار من نفس دفعته

رأيك شنو في شهادتي الفوق دي ؟!

الكلام دا عايشناهو يا اميري و ما حكوهوا لينا

اها شن قولك ؟

[hatim ALi]

و اسأل خالتك نفيسة بتاعت المكتبة لمن جبنا ليها المصاحف قالت شنو ؟










-- -------------------------------------
انا ما حبيت اذكر الاسماء في الاول لكن نسوي شنو

[أميرى]

المشاركة الأصلية كتبت بواسطة hatim ALi

الناس ديل اصحابي يا اميري بس أنا ما محتاج أسألهم

لأني شفتا بيعني و أسأل عثمان قمبور خريج كيميائية 2000 هو الشال معاي المصاحف و لميناها من شفع الجمعية الإسلامية و وديناها لي بروف النعمة ابراهيم النعمة لمن كان مكتبو في قسم المدنية جنب مدخل الكلية و كان الزمن داك المسجل عكاشة على ما اظن و مكتبو تحت مكتب النعمة الكلاك دا قبل ما يبنو المباني الجديدة

سيبك من الناس ديل و كلهم بالمناسبة محاييدين ماعدا شول هو اصلاُ كان في African National Front ANF من قبل الحادثة دي و صاحبه نتالي في معمار من نفس دفعته

رأيك شنو في شهادتي الفوق دي ؟!

الكلام دا عايشناهو يا اميري و ما حكوهوا لينا

اها شن قولك ؟

حاتم هسى نحن قاعدين نتغالط فى شنو؟
الحتة بتاعت انكم لميتوا المصاحف دى ما حقدر افتى فيها بالجد
لانى اول مرة اسمع بيها...
الشى الانا متزكروا كويس تجمع جزء كبير من طلاب هندسة ووقوفهم وهتافهم
وشغل التسخين والهتافات....ياعمك والله العظيم خالد عثمان زااتو اول مدنية 2001
كان شايل طوبته.........عبدالله جعفر ميرغنى اول الشهادة السودانية وخريج كهربا 2001
زااتو كان بى طوبتو....يا حاتم شكلكم وانتوا لافين تحفظوا المصاحف فاتكم الفيلم دة

بالنسبة لى شول هو فعلا كان فى ال ANF حتى قبل الاحداث بس انا قلت نجموا برز وبقى
المتحدث فى الاركان بعديها...نحن كنا اصحابوا واتفاجأنا انو شول فجأة يبقى نجمهم الاوحد
وازيدك من الشعر بيت...شول نفسوا اعتدى على محمد عمر خريج مدنية 2001
تحت التور...مع انو زميلوا ودفعتوا وما عندو اى توجه سياسى غير انو بس ملتزم فى رقبتوا
ولولا تدخل دكتور عبدالله خوجلى ....كان حدث شى لا يحمد عقباه

[رأفت ميلاد]

المشاركة الأصلية كتبت بواسطة أميرى

معرض الكتاب المسيحى كان بيمثل ليهم الكنيسة...ومقابلها المسجد اكيد
هم بس كانوا عايزين يطبقوا مفهوم العين بالعين والسن بالسن والبادى اظلم
حنلومهم؟ انا عن نفسى يوم ما لمتهم؟...مع انى ممكن اخسر حياتى وانا بدافع
عن المسجد .............................يا للتناقضات التى بداخلنا يا رأفت



كيف؟

كدى يا أميرى رد على حاتم وبعدين أوريك كيف .. يبدو الواقعة خدعة أنطلت عليك .. لأن واقع المسيحية (كمسيحية) ليس له علاقة للسن بالسن .. فدعوة المسيحية واضحة (حبوا أعدائكم ، باركوا لاعنيكم ، صلوا من أجل الذين يسيئون إليكم) يعنى مافى بادى أظلم وقصاص وقصص زى دى .. والواقعة هنا طلاب لطلاب وتطرف وإضطهاد . وزى ما قلت ليك الحقارة تولد الحقارة .. لكن هل حرق المسجد إنتقام شخصى .. لا أعتقد وسعيد بمداخلة حاتم .. ليس لنصرة النصارا .. ولكن مبسوط لأن القباحة لازات فى وجوههم الكلحاء وحدهم دون البشر

[hatim ALi]

المشاركة الأصلية كتبت بواسطة أميرى

حاتم هسى نحن قاعدين نتغالط فى شنو؟
الحتة بتاعت انكم لميتوا المصاحف دى ما حقدر افتى فيها بالجد
لانى اول مرة اسمع بيها...
الشى الانا متزكروا كويس تجمع جزء كبير من طلاب هندسة ووقوفهم وهتافهم
وشغل التسخين والهتافات....ياعمك والله العظيم خالد عثمان زااتو اول مدنية 2001
كان شايل طوبته.........عبدالله جعفر ميرغنى اول الشهادة السودانية وخريج كهربا 2001
زااتو كان بى طوبتو....يا حاتم شكلكم وانتوا لافين تحفظوا المصاحف فاتكم الفيلم دة

بالنسبة لى شول هو فعلا كان فى ال ANF حتى قبل الاحداث بس انا قلت نجموا برز وبقى
المتحدث فى الاركان بعديها...نحن كنا اصحابوا واتفاجأنا انو شول فجأة يبقى نجمهم الاوحد
وازيدك من الشعر بيت...شول نفسوا اعتدى على محمد عمر خريج مدنية 2001
تحت التور...مع انو زميلوا ودفعتوا وما عندو اى توجه سياسى غير انو بس ملتزم فى رقبتوا
ولولا تدخل دكتور عبدالله خوجلى ....كان حدث شى لا يحمد عقباه

خالد و عبد الله جعفر في بريطانيا و يمكن سؤالهم و كونهم شالوا الطوب دا تصرف عادي بالمناسبة و للمعلومية كلاهما غير منظمين سياسياُ و ارجح ان شيلهم للطوب كان بسبب انطلاء فرية اهل الاسلام السياسي ان الجنوبيون جايين يحرقوا المسجد و هذا غير صحيح

لانو الجنوبيين صح كانوا منفعلين لكن كانوا بقولوا في كلمة واحدة لا انساها " هوي يا ناس هندسة نحنا ما دايرين منكم حاجة ، دايرين الناس الحرقو الكتاب المقدس دا طلعوهم لينا"

، شول اخر عهدي بيهو انو كان في جوبا و معلومة غير مؤكدة انو مشا امريكا مع نتالي

لكن حادثة اعتداء شول على علي محمد عمر لا اذكرها صراحة و مافي حد حكاها لي برغم معرفتي بشول و علي .

و الشهادة لله شول انسان في غاية من التهذيب و الاخلاق و النبل و من المستحيل ان يعتدي على زميله لوجه الله كدا لازم يكون في سبب ، و علي كان من اتباع الجمعية العلمية و كان من اصحاب الكوز علي صديق البخت المسدس في طبلون البوكسي الكلام دا قبل ما تحصل المفاصلة و علي صديق ينضم للترابي و بعداك يمشي كوريا الجنوبية

بتذكر بعد لمينا المصاحف رجعنا الكافتريا و قعدنا في بنشاتنا و المتأسلمين ديل كانوا لابدين في المسجد وبصرخوا في الناس "احموا بيضتكم احموا بيضتكم" و قلنا ليهم الرخ اليبيض فيكم تمشوا تحرقوا للناس كتبهم و تجوا تضاروا فينا ؟!
انتو وقت رجال بتعملوا الغلط و تجوا تدسوا ليه ؟!

ناس الحرس قفلوا الباب البيفصل بين كافتريا هندسة و الميدان الغربي من جهة و مباني الكلية -و المسجد لي جوا - من الجهة تانية ، و انا كنتا واقف جنب الباب دا و معاي عثمان قمبور و كم واحد من اولاد هندسة ولمن جوا الجنوبيون صاح كانوا منفعلين و غاضبين لكن نجحنا في افقناعهم انو ما يعبروا الباب دا ويمشو للمتأسلمين المدسوسين في المسجد ، و بعد عت و لج كتير مشوا و رجعوا علوم محل تجمعهم

الاحداث الفردية الحصلت بعداك دي انا ما عارفها ، لكن الهجمة الرئيسية للجنوبين الجو من علوم انا حاضرا و هم في النهاية رجعوا

دا للا ينفي انو كان في تحرش متبادل من الطرفين بعد ذلك في الداخليات و كان عادي الناس بتجي المحاضرات بي سكاكينها

الله يجازي ماهر الفلسطيني بتاع الجمعية العلمية و شيخ عبد الحي يوسف رأس الفتنة

[أميرى]

خالد و عبد الله جعفر في بريطانيا و يمكن سؤالهم و كونهم شالوا الطوب دا تصرف عادي بالمناسبة و للمعلومية كلاهما غير منظمين سياسياُ و ارجح ان شيلهم للطوب كان بسبب انطلاء فرية اهل الاسلام السياسي ان الجنوبيون جايين يحرقوا المسجد و هذا غير صحيح

انا معاك انهم ما كانوا منتمين سياسيا لى اى جهة وانو كل الحكاية كان تنامى المشاعر الدينية
لحظتها والقدر يأججها الاسلاميين فى طلاب هندسة بجدارة..
ياحاتم قسما بالله اليوم داك الناس صلت صلاة الضهر فى المسجد بطريقة الحرب..
الصفوف الورا تأمين ومتتجهة على باب المسجد....صفوف تصلى وصفوف تأمنها
وما متزكر لو صلوا بى الاحذية أو لا...

لانو الجنوبيين صح كانوا منفعلين لكن كانوا بقولوا في كلمة واحدة لا انساها " هوي يا ناس هندسة نحنا ما دايرين منكم حاجة ، دايرين الناس الحرقو الكتاب المقدس دا طلعوهم لينا"

كلامك فيه قدر كبير من الصح فى الحتة دى...بس دة ما بنفى انو كان فى غضب شديد جواهم
وانوا لو اشتبكوا حول المسجد كانوا ممكن يحرقوهو...

، شول اخر عهدي بيهو انو كان في جوبا و معلومة غير مؤكدة انو مشا امريكا مع نتالي

لكن حادثة اعتداء شول على علي محمد عمر لا اذكرها صراحة و مافي حد حكاها لي برغم معرفتي بشول و علي .

شول لازال فى السودان لاقيتو فى الفيس بوك من اسابيع قليلة وعمل ليه جلحات واصلة الركبة....انت ملخبط ما اعتدى على (على محمد عمر)...اعتدى على (محمد عمر حاااف ككدة بدون على)...محمد عمر من اولاد القضارف
وانا بشهد لى شول انو من اكتر طلاب هندسة ادبا واخلاق وتهذيب...واكيد الفعل العملوا
تجاه محمد عمر هو من باب رد الفعل والغضب من كل الاسلاميين...

ناس الحرس قفلوا الباب البيفصل بين كافتريا هندسة و الميدان الغربي من جهة و مباني الكلية -و المسجد لي جوا - من الجهة تانية

يا حاتم دى اهم نقطة...
اتخيل الوضع لو ما كانت البوابات مغلقة كان حيكون كيف؟

الايام التالية كانت ايام عصيبة زى ما انت قلت...وانصار السنة ما كانوا بيجوا داخلين
الجامعة الا بالعكاكيز....وبتتزكر مبادرة تنظيم المحايدين فى الصلح...

يا زول الشى ليهو عشرة سنة بركة المتزكرين دة كلو