الاستدراج وفن الاصطياد

[خالد الصائغ]

المشاركة الأصلية كتبت بواسطة حافظ اسماعيل احمد

ومن انواع الاستدراج الحميد استدراج بنات حواء لنقع في شباكهم وهن ايضا صيادات ماهرات بدرجة فوق للامتياز

هن الصياد و هن الفريسة


هن الكادر كله يا صاحب


نحن كومبارس و دوبليرات ساي

[الرشيد اسماعيل محمود]

سلام ياحافظ اخوي
مرات كدة ياحافظ.
الواحد بيتصرف تصرف طبيعي
لكن الناس بتصنفوا علي اساس انو استدراج
غايتو انا زمان كنت ماهر في الحاجات دي.
احكي ليك حاجة:
في الابتدائي انا وصاحبي شديد (عاملين ليك فيها مفتحين).
اقترحنا انو نعمل جريدة حائطية
اخترنا القروب من البنات(طبعا الاختيار تم بعناية)
وقلنا انو الناس تجي يومي العصر عشان تنسق الجريدة وكده).
والصيدة طبعا وقعت في الشرك بكل بساطة

[حافظ اسماعيل احمد]

المشاركة الأصلية كتبت بواسطة خالد الصائغ

هن الصياد و هن الفريسة


هن الكادر كله يا صاحب


نحن كومبارس و دوبليرات ساي

ما عشان كدة قلت ليك استدراجن حميد فالادوار متبادلة في
لكن في معظم الاحيان كومبارس بس في معظم

[فتحي مسعد حنفي]

المشاركة الأصلية كتبت بواسطة حافظ اسماعيل احمد

ما عشان كدة قلت ليك استدراجن حميد فالادوار متبادلة في
لكن في معظم الاحيان كومبارس بس في معظم

أهو كدا انت ياحافظ وقعت في نفس الحفرة الحفرتها لينا وتم استدراجك لغاية ما اعترفت بمحل ما كنت شايت يا جكسا

[حافظ اسماعيل احمد]

اخترنا القروب من البنات(طبعا الاختيار تم بعناية)
وقلنا انو الناس تجي يومي العصر عشان تنسق الجريدة وكده).
والصيدة طبعا وقعت في الشرك بكل بساطة[/color][/font][/size][/B][/QUOTE]

عليكم السلام الاخ الرشيد اسماعيل محمود - محمود عشان ود عبد الرحمن ما يزعل

انا ما قلت في ناس بستدرجوا في الحمام

[أميرى]

احلى استدراج ترغيب الام لطفلها عشان يرضع
أنقروا بتعمل شنو؟؟

ـــــــ
حافظ الشى ماشى فى سكة خور ما

[حافظ اسماعيل احمد]

المشاركة الأصلية كتبت بواسطة فتحي مسعد حنفي

أهو كدا انت ياحافظ وقعت في نفس الحفرة الحفرتها لينا وتم استدراجك لغاية ما اعترفت بمحل ما كنت شايت يا جكسا

عليكم السلام ياعمي
انا كنت شايت جكسا وفي القوون عامل فيها الفاتح النقر والشبكة اتملت بعلي ققارين ووليد طاشين ومادرين بهاء الدين

[فتحي مسعد حنفي]

المشاركة الأصلية كتبت بواسطة أميرى

احلى استدراج ترغيب الام لطفلها عشان يرضع
أنقروا بتعمل شنو؟؟

ـــــــ
حافظ الشى ماشى فى سكة خور ما

بالله يا أميري احنا عندنا نقاط ضعف ما تنقر لينا فيها

[حافظ اسماعيل احمد]

المشاركة الأصلية كتبت بواسطة أميرى

احلى استدراج ترغيب الام لطفلها عشان يرضع
أنقروا بتعمل شنو؟؟

ـــــــ
حافظ الشى ماشى فى سكة خور ما

وعليك السلام اميري ياميري
بتننو بيهو بتقول ليهو

لوصحي غنينا بالكلمة الرحيمة فوق دموع الفرحة ما لاقت هنانا
بكرة نرجع تاني للكلمة الرحيمة عشان هنانا عشان منانا عشان عيون اطفالنا ما تضوق الهزيمة

[حافظ اسماعيل احمد]

الايامات دي حيتان مافي
والصير ممنوع الصيد علي حافة النهر

[جيجي]

لي الحيتان مشوا وين

[شهاب كرار]

كنت اريد ان اكتب بوستا منفصلا...
حتى وجدت هذا البوست يتحدث عن ذات الموضوع

هذه الايام يحاول شخص ما وبشدة أصطياد الباسوورد الخاص بالايميل بتاعي
بطريقة بدائية وعبيطة جدا
يعني المفروض يقرا البوست بتاعك عشان يتعلم
بعدين اداني ليك احساس غريب بالاهمية طبعا، لانو ايميلي التكتح ما فيهو
التفسير الوحيد انو جاني ايميل بالغلط من العميل رقم xzy465 في جهاز المخابرات الفلشوخية فيهو اسرار خطيرة جدا ولازم تتمسح عشان انا ما اكشفا
أها لي يومين بفتش على أمل اني القى الايميل دا
وإبتز بيهو صاحبنا وابقى غني
لكن للأسف ما لقيت حاجة لمن شكيت انو التهكير ما انا المقصود بيهو
غايتو الايبي بتاع الزول الرسل الايميل كان 41.209 والباقي ما شفتو عشان النضارة كانت بعيدة
أها جنس دا ما اصطياد؟

[عبده سعد]

المشاركة الأصلية كتبت بواسطة حافظ اسماعيل احمد

الايامات دي حيتان مافي
والصير ممنوع الصيد علي حافة النهر

تيب ماممكن تصيد بى هناك ( الإدارة مشغولة اليومين ديل)