يا بت الناس أتبخري!!
الشاب والمراهقة ، والإعجاب بالحاجة السمحة " الجمال" المتمثل في المرأة .. والمشاغلة البريئة .. وذكريات الماضي عند الجميع بدون استثناء ستظل في طي الكتمان .. وفي اعتقادي المتواضع هذه الأشياء لا حياء فيها لأنها من أبجديات "البني آدمية" إذا صح التعبير .. ومن سمات الطبيعة البشرية .
واحد من أصدقانا كان إذا شاف فتاة جميلة ماشة في الشارع يصر إلا أن يشاغلها .. مرة في سوق شاف واحدة ماشة .. وأصر الا يتكلم معاها يا اخوي بتجيب لينا مشكلة .. لا لا يا زول ما عليك .. جاء بي جنبها وبدون ما يتلفت عليها .. وقال : يا بت الناس أتبخري .. كلمي امك تبخرك .. بسحروك .. بتموتوا يا عالم !! هههههههه
|
