safe mode

[Aboremaz]

يا جماعة الله وجماعة الكمبيوتر

افتوني في البرنامج ده انا نزلته

عندي وما عارف عواقبه شنو.

http://www.hitmanpro.nl/

وبعد داك وروني ليه بيقول انه زيل

الفيروسات في السيف مود وكيف افتح

كمبيوتري في السيف مود مع العلم انه

عندي (بعيد عنكم ) اكس بي .

اذا كان البرنامج ده كويس ما مضر

ممكن نعممه على كمبيوترات كل الاعضاء

يشيل كل الفيروسات الكمدة بالرمدة حتى زكمة الجداد.

.
.


.
.

[حمدي اب جقادو]

ابوريماز

ازيك ياغالي وشنو الغيبه دي ياخي

طبعا والله ماشفت البوست بتاعك ده الا اللحظه دي . وطبعا سجلته زياره للرابط الانت خاتيهو ده وحياتك ياغالي مافهمته اللغه دي (ولا هي انقليزي ولافرنسي ) شي تاني خاااالص

علي العموم ياحبوب لو عايز تدخل الsafe mode اعمل restart للكمبيوتر وخليك ضاغط علي مفتاح F8 ولو شغال بي linux امشي لي yast2

ونصيحتي ليك ياابو ريماز خلي التهبيش وامشي من دربك ده عدل في موضوع انا منزلو اسمو هدية العوده وانا متاكد بي غادي حتلقي الرايحه

ويلا ابقي شمس مابتغيب

حمدي اب جقادو

[Aboremaz]

شكرا لزيارتك لنا يا شيخ حمدي

انا قلت العنبر ده اصله ما ييزوره حكيمباشي

بس عندي سعال

شنو الفرق بين (كتل ) الفيروسات في السيف مود والنورمال مود؟

شايف ام سهى في العنبر التاني شايلة ليها برطوش بتقول عندهم فيروس خطر


بعدين البرنامج الفي اللنك ده باللغة الهولندية لكن تختار لغتك براك عند التنزيل .

سلام

[حمدي اب جقادو]

ابو ريماز
طبعا انا كنت فاكرك من المغتربين المسجمنين بتاعين السعوديه علا طلعت لي من هولندا (بلد البقر) المهم ياحبوب
انت بس عشان تخت ترس كبير للفايروسات دي امشي اعمل زي ماقلت ليك ولو حصل وجاك فايروس تاني في كمبيوترك ده ابقي تعال قول لي انت كضاب

[Aboremaz]

[QUOTE=حمدي اب جقادو]ابو ريماز
طبعا انا كنت فاكرك من المغتربين المسجمنين بتاعين السعوديه علا طلعت لي من هولندا (بلد البقر)

اسكت يا حمدي الجماعة اياهم يسمعو كلمة بلد البقر يفتكروني دنماركي واروح فيها