خريجو جامعة أسيوط لمزيد من التواصل

[الطيب موسى الطيب]

اخوتي الاساياطة السلام عليكم ورحمة الله ..الحديث عن الذكريات وماضيها تحيى فينا عن بينة روحا جديدة ونفسا جديدا وعبقا فريدا والقا انيقا ..كانت بداية الرحلة من محطة السكة الحديد يومها وقفت والاخ محمد عبد الله جبارة في صف التذاكر .. وركبنا القطر والتقينا فيه بالاخ صلاح محمد احمد ( زراعة ) . وحجزنا في غمارة وكان معنا حلفاوي متزوج مصرية وله بنتان ..وكنا بالنهار نكون معهم وبالليل نخلي لهم المكان ، وننام في الممشى . وصرنا نأكل ونشرب سويا كأننا نعرف بعض من زمان ..وبدأ القطر يشق غمار تلك الصحرى الشاسعة ولم يبقى فيها من أثر حياة إلا من محطات انعدمت من كل شيء حتى لم يجدوا لها اسما فسموها كيلو واحد واثنين الخ ..حتى وصلنا وادي حلفا وجدنا حلفا ولم نجد الوادي ..وبعدها من بعد عمري ركبنا الباخرة بعد ليلة قضيناها على الارض نوما ومخدتنا من التراب كوما ..واصبح الصبح وعلى الباخرة التقينا ثلة من البرالمة كل يعرف الاخر بسيماه .. وبعد رحلة نيلية انستنا بعض التعب ، بدا الكل يترقب وصول اسوان.. ووصلنا السد ، ووقفنا صفوف صفوف ، ووقف الحلفاوي معنا واعطاني حقيبة قال لي خدها معك فيها شاي وانت طالب ما بسألوك ..وبكل براءة البرلمة اخذت الحقيبة ووقفت في الصف ..فمعية الله كانت معي ، مددت جوازي فقال لي : الضابط الطيب موسى الطيب قلت نعم ،فقال لي وين عفشك قلت له اهو شنطتين ، فقال لي ضعهما فوق الطاولة وعدي من فوق الطاولة وبكل سذاجة طلعت فوق الطاولة ونزلت ، واخذت عفشي وخرجت . وبعد ان خرج الحلفاوي من التفتيش جاءني واخد مني الشنظة ومشى قطع لينا التذاكر واحضر لينا سمك نتغدى به ، واخوكم ما جايب خبر ، حتى حل المساء لاكتشف ان الرجل كان يضع في الشنطة بنقو ... فكم المسافة لاسيوط كانت بعيدة لي ومتين انزل من القطر وافارق ذلك الرجل الذي كاد يدفعني الثمن غاليا.. وفي الحلقة القادمة المضب الثاني مع الامن المصري ...

[د.عصام الدين عليش]

اقتباس:
المشاركة الأصلية كتبت بواسطة محمد الامين مصطفي

اخي دكتور عصام عودا جميلا وانشاء الله خليت العقاب بخير وانشاء الله لقيت العائد اليهم بصحة وعافية 00 عودا حميدا مستطاب بعد ان اخذت دعوات وبركات الاهل والاحباب 00 ونأمل تواصلك مع البوست وانت ركن من اركانه 00 وطينا من تكوينه فكونو بنفسكم وذكرياتكم وتواصلكم النبيل فأهلا وسهلا بك

الاخ العزيز محمدالامين مصطفى
السلام عليكم ورحمة الله وبركاته
لك جزيل الشكر لهذا الترحيب ونحن في إنتظار مشاركاتك التي نحن من اكثر المتابعين لها لك الف تحية وإلى لقاء

[د.عصام الدين عليش]

اقتباس:
المشاركة الأصلية كتبت بواسطة هاشم أبوزيد نقد :

مرحبا بالعزيز المحارب القديم د. عصام ... إفتقدناك و إفتقدك البيت الأسيوطي زمنا نحسبه طويلا. حمدا لله على السلامة ... و في إنتظار الكثير من شيوخ جبال أسيوط الشامخات.

الأخ العزيز رفيق الدرب د هاشم
لك مني الف شكر على هذه الكلمات وأسجل لك اعجابي لكل ماتكتبه ومن سلسلة ذكرياتك بأسيوط
تحية لك ولاسرتك

[د.عصام الدين عليش]

نرحب بابناء اسيوط في دارهم العامر إسماعيل والطيب ونتمنى ان تشاركوننا رحلة الذكريات التي تعيش في وجداننا بمشاركتكم لكم الف تحية

[Wad Elbeck]

الطيب .. سلامات ..
قلت لى صاحبك الحلفاوى كان عاوز يضيّعك ..
يا زول سلامة نيتك هى النجأتك . .
تعرف يا الطيب من أول مداخلة ليك وأنا بحاول أربط الإسم بى شكلك فى محاولة منى لتحدى الزهايمر وكده .. فإن لم تخنى الذاكرة كنت رجل طويل.. أخضرانى .. نحيف .. وجيه الملامح .. خُنفس (على الأقل فى ذلك الوقت) ..فى أيام المعاقيل كنت أراك فى معية محمد عبدالله وصلاح محمد أحمد بجانب حسبو "تجارة" ..( أرجو تصحيحى إن كنت مخطئاً)..

عليك الله لو عندك صورة قديمة ويا حبذا لو معاها واحدة حديثة نزلها لينا .. وذلك لإنعاش الذاكرة وحتى إذا جمعتنا الظروف مستقبلاً الواحد يقدر يتعرف عليك ..
نفس الرجاء موجه للأخ إسماعيل يوسف إن أمكن ذلك ..
تخريمه:
بمناسبة صلاح محمد أحمد .. ياخى الزول ده ما عندك أى خبر منو؟
كنت قد طرحت هذا السؤال عنه عدة مرات فى هذا البوست ولكن يبدؤ أنه ما فى واحد عنده خبر عنه ..



ودالبك قديماَ ثم حديثاً

[اسماعيل يوسف]

بترحيب الاعزاء د.الجيلى ود. هاشم ابوزيد والبك ود البك وعلى عبدالله نجزم اننا قد اصبحنا اصحاب ملك ولا يوجد هاجس المطالبه بدفع الايجار اول كل شهر بعد كده نجر لينا عنقريب هباب فى وسط حوشنا وقعدة جبنة ضهريه نمتع النفس بحديث الذكريات عن اسيوط وناسها السمحين
وما اخرجته اليوم من سحارتك ِالمعتقه أخى دكتور الجيلى قد حرك فى دواخلنا كوامن الشجن واليوتيوب تم الناقصه فانت رجل جمع له الابداع من كل اطرافه فمدنى التى اهدتنا اياكم لا تنافسها الامدينتنا الاجمل الابيض والمريخ الذى يسكنك ويسكننا لا منافس له ( يا جماعه دى حبة عكننه ) يا الجيلى ما تشوف لينا احمد قسم الله خبره شنو ؟
ود البك طلبك امر بنفتش الصور لكن عاوزين لينا زول خبير اجنبى زيك كده فى التكنلوجيا لانزال الصور ولكم جميعا من الموده كميات

[اسماعيل يوسف]

فاتنا ان نشكر الاخ الاسيوطى العظيم دكتور عليش على ترحيبه بنا وانضمامنا لناس الدار فله التحيه والعتبى حتى يرضى بس خايف واحد من الجماعه بكره ينط لينا ويقول دى اعراض زهايمر مبكره

[Wad Elbeck]

اقتباس:
المشاركة الأصلية كتبت بواسطة اسماعيل يوسف
بترحيب الاعزاء د.الجيلى ود. هاشم ابوزيد والبك ود البك وعلى عبدالله نجزم اننا قد اصبحنا اصحاب ملك ولا يوجد هاجس المطالبه بدفع الايجار اول كل شهر بعد كده نجر لينا عنقريب هباب فى وسط حوشنا وقعدة جبنة ضهريه نمتع النفس بحديث الذكريات عن اسيوط وناسها السمحين
وما اخرجته اليوم من سحارتك ِالمعتقه أخى دكتور الجيلى قد حرك فى دواخلنا كوامن الشجن واليوتيوب تم الناقصه فانت رجل جمع له الابداع من كل اطرافه فمدنى التى اهدتنا اياكم لا تنافسها الامدينتنا الاجمل الابيض والمريخ الذى يسكنك ويسكننا لا منافس له ( يا جماعه دى حبة عكننه ) يا الجيلى ما تشوف لينا احمد قسم الله خبره شنو ؟
ود البك طلبك امر بنفتش الصور لكن عاوزين لينا زول خبير اجنبى زيك كده فى التكنلوجيا لانزال الصور ولكم جميعا من الموده كميات



إسماعيل .. سلامات ..
بالله هل تصدِّق الجيلى بعد ظرافتو دى طلع هلالابى كبير!! ما يستاهل مش كده؟
بالنسبه لتنزيل الصور ما عندك اى عوجه لما تكون جاهز قول عوك وما شاء الله البوست مليان خبراء ..

[الطيب موسى الطيب]

اقتباس:
المشاركة الأصلية كتبت بواسطة Wad Elbeck
الطيب .. سلامات ..
قلت لى صاحبك الحلفاوى كان عاوز يضيّعك ..
يا زول سلامة نيتك هى النجأتك . .
تعرف يا الطيب من أول مداخلة ليك وأنا بحاول أربط الإسم بى شكلك فى محاولة منى لتحدى الزهايمر وكده .. فإن لم تخنى الذاكرة كنت رجل طويل.. أخضرانى .. نحيف .. وجيه الملامح .. خُنفس (على الأقل فى ذلك الوقت) ..فى أيام المعاقيل كنت أراك فى معية محمد عبدالله وصلاح محمد أحمد بجانب حسبو "تجارة" ..( أرجو تصحيحى إن كنت مخطئاً)..

عليك الله لو عندك صورة قديمة ويا حبذا لو معاها واحدة حديثة نزلها لينا .. وذلك لإنعاش الذاكرة وحتى إذا جمعتنا الظروف مستقبلاً الواحد يقدر يتعرف عليك ..
نفس الرجاء موجه للأخ إسماعيل يوسف إن أمكن ذلك ..
تخريمه:
بمناسبة صلاح محمد أحمد .. ياخى الزول ده ما عندك أى خبر منو؟
كنت قد طرحت هذا السؤال عنه عدة مرات فى هذا البوست ولكن يبدؤ أنه ما فى واحد عنده خبر عنه ..



ودالبك قديماَ ثم حديثاً



السلام عليكم جميعا .. اخي ود البيك لقد اصبت فشخصي كان برلوم رفيييييييييييييييع وطويل وشعرو خنفس وقتها واصدرت جريدة المعاقيل كأول صوت إحتجاجي للبراملة على سؤ المعاملة . لقد رحلنا الاتحاد بواسطة المرحوم كمال زمقان وعملت كاريكتير عنه ( فرسمت برلوم ضعيف ويواجه عملاق كتبت عليه كمال كشة ههههههههههههههههههه . وزول مرح وبدات رحلتنا من الحمرا ومنه لفندق بعد طردنا إلا ان تدخلت إدارة الجامعة لإحتواء المشكلة ، وتم نقلنا لمبنى الجمعية ثم لمبنى واو . وسكنت مع مصطفى عبد الرحمن ( علوم ) من رفاعة الصقيعة وبعده سكنت مع رمزي عثمان سعيد ( بيطرة) واخيرا مع ياسر ابراهيم دفع الله ( ابو سنينة ) ذلك اللاعب المميز في كرة القدم وهو الآن يعمل في شركة النيل للبترول في مدني ..واما عن الصور ان شاء الله عندي مجموعة كبيرة من الصور وقريبا في نهاية هذا الشهر نازل السودان وسوف احضرها لنثري وجداننا وتعيد تلك الايام الحلووووووووووووة .وليك مني ولجميع الاخوة كل الود

[الطيب موسى الطيب]

اقتباس:
المشاركة الأصلية كتبت بواسطة محمد الامين مصطفي
اقتباس:
المشاركة الأصلية كتبت بواسطة الزوول

السلام عليكم

....
غايتو أنا كنت أظن
" إن الله يبعث لهذه البوست على رأس كل 50 صفحة من يجدد له شبابه ويبقيه عالياً حافلاً بجديد المشاركات "

وكنت أظن أن مرحلة أخونا محمد الأمين مصطفى لا تزال مستمرة
حتى فوجئت برهط نساء البورد الذين تكأكأن على (كيشينا) ومن ثم على بوستينا
ومن ثم اعتقدت أن مجدد شباب البوست القادم لا بد وأنه رهط نساء البورد
....
سمراء و تحفة حواء وسارة لكم التحية وشكراً مروركم بحلتنا
وما تزعلوا من الكلام أعلاه
فهو واجب لا بد أن نؤديه على طريقة أنصر أخاك ظالماً أو مظلوماً
....

على ذكر مجدد شباب البوست
نفتقد آخر المجددين
أخونا محمد الأمين مصطفى
ومن قبله أخونا الجيلي وود البيك و أخونا إبن هارون وعصام عليش وهاشم أبو زيد والقائمة تطول...

...

تسلم اخي الزوول 000 ويسلم جميع اعضاء البوست ويا اخي انتو الخير والبركة وانت النور الطالع من رقراق الظلمة وانتو مدار الكلمة الحلوة وحقيقة احترت ابدأ من وين هل من العملاق المرهف رسام الحروف المدهشة الدكتور هاشم ام من ود البك الساحر الفنان الباهر الانسان ام من شبارقة الذي يطل ومعه من الاضاءات والذكريا ت حزمة مهرجان ام من الزوول العجيب شايل تباريح الكلام متوشح الزمن الجميل وناس كرجويل لكن يا اخوة وين الجماعة دكتور الجيلي محرك البوست الرهيب ومكي باعث الغصنالرطيب وكيشو مجلجل الحرف النضيد وكباشي العميق اوالحبيب الغالي محمد عبد الله والقادمات من عمق اسيوط اخوات نسيبة سمراء وحواءوالاخ الكريم البشاري الرجل البركة والعملاق عبود والعملاق ود الكاشف وعلي يوسف المبروك وابوريم الهميم ام دكتور العليش الباقي زي نور القمر من بعد غيبة طل وبهر واخيرا النسمةالطيب و اسمو الطيب وجدو الطيب وبرضو ولدو الطيب وواهديكم كلمات الاخ الاستاذ الشاعر ازهري محمد علي والتي تعبر عن حالي مع البوست

أبداك من وين
وفينى منك لسه حاجات
من مخاوف ومن شجن
أبداك من وين
وظنى إنك فكرة إعلان الحياه
وإنتهاءات العوارض والمحن
نفسى ألقاك
وأكون أنا كلى من بعضك
أو بعضى من كل بدن
وداير ابقاك وأوحد دورة الدم
المقسمة بينى بينك والسحن
أبداك من وين
أبداك منى ولاَ منك أبتديك محل محل
من ياتو منفذ ادخلك
وكل المنافذ فيك
سداها النحل
من ياتو شارع أوصلك
وكل الدروب معطونة لى آخر الوحل
أستبيح كل الحواجز وأدخلك
من بين مسامك .. أدخلك
من أىَ قاسم مشترك
وشبه التشابه .. أدخلك
ونتلاقى نهرين من تسامى وإشتها
وأبداك من حيث إنتهت عندك
خواتم الإنتهاء
أبداك .. واخلع خيام عمرى المضى
والقاك مبسوط اليدين
مفتوح أبواب الرّضا
أبداك من لحظة آنستك نار
وأخدت من قبسك هدى
وانا ضمه زاهد
فى الدروب الما بتجيك
ولا بترجع لىّ من تالاك صدى
أبداك من وين ؟؟؟





إن الله يبعث لهذه البوست على رأس كل 50 صفحة من يجدد له شبابه ويبقيه عالياً حافلاً بجديد المشاركات " اخي ود الامين ما انت حامل اللواء معنا وكلامك سما بنا فاسقانا واشبعناويد بيد نعيد البسمة من تاني للاسايطة ونزرع الامل باللقياء من تاني ..وليك مني كل التحية .....

[الطيب موسى الطيب]

اقتباس:
المشاركة الأصلية كتبت بواسطة د.عصام الدين عليش
نرحب بابناء اسيوط في دارهم العامر إسماعيل والطيب ونتمنى ان تشاركوننا رحلة الذكريات التي تعيش في وجداننا بمشاركتكم لكم الف تحية


الاخ د.عصام على خطى الذكريات وكؤؤسها المعتقة والمترعة بكل جميل نلتقي نلبس منها سندس واستبرق ونشرب كأسا مزاجها كافوراونتحلى منها بخواتم من فضة ونتكيء لا نبكي على الماضي بل لنعيد شيء من فصوله لحياتنا وان عجزنا ان نلتقي بارواحنا واجسادنا فعزاؤنا في ارواحنا ان تلتقي في كل لحظة ..وعود حميدا

[سمراء]

اقتباس:
المشاركة الأصلية كتبت بواسطة Wad Elbeck


ودالبك قديماَ ثم حديثاً

معليش ياشباب عندى ملاحظة للزول ده ....ومارقه ..
غايتو ياود البك انت قلبته نظرية عجيبة ....!

[مكي محمد الحسن]

اقتباس:
المشاركة الأصلية كتبت بواسطة الزوول
]( ولكي اجنب كل ذي بشرة سمراء مغبه حرب نحن الخاسرون فيها لا محاله)
[/glow1]...




Salamat ya Saaida
My arabic keyboard was broken
Dr. Alzool you may say where you are " Wad Al Alazrag" and my friend " keshoo" will deliver the massege

[مكي محمد الحسن]

سلامات يا صعايده
الحمد لله تمكنا من معالجة ( الخلل ) في الكي بورد
مرحبا بالاحوة الطيب موسي الطيب واسماعيل يوسف في "حوش الاسايطة" وان شاء الله من المعمرين..
د.الزوول الاقتباس في المداخلة السابقة قصدته عشان أقول: لي ناس غابت مشتاقين ..انجليزي ده يا مرسي؟

ترحيب خاص بالاخوات
سمراء وسارة وان شاء الله عصير " القصب " من طرف أخونا ود البيك عجبكم ..
يا صعايدة أرجو المعزرة فان خدمة الانترنت هنا ( في الاصقاع الشمالية من الكرة الارضية ) ستالايت وليست كيبل .. شرحوااااااااااااااااا يا د. الروول

[اسماعيل يوسف]

الاخ مكى محمد الحسن شكرا على الترحيب الحار حرارة شمس السودان وقلوب اهل السودان رغم وجودك الان فى بلاد تموت من البرد حيتانها يا ابوى نحن كفايه علينا برد اسيوط
ويا ود البك انا ما زلت عند موقفى ان دكتور الجيلى ده مننا وفينا يعنى ولدنا ولو بقى غير كده وزى ما قلت ما يستاهل تكون دى واحده من اختلال المعايير وقلب النظريات حسب رأى أختنا السمراء فى صورتك قديما وحديثا
قيلوا بعافيه وابقوا لى جوه