بين أوراقنا القديمة ..بنحتفظ بي قصاصات عزيزة

[باسط المكي]

في اوراقنا القديمة ..بنحتفظ بي قصاصات عزيزة
جوابات الاعزاء ..وعنوانين تكاد تكون انتهت صلاحيتها ..
نتاملها كانها شخص عزيز ..
في سكن الشركةكان بقراء تلك الذكريات ..ويرتبها ويسرح
بعيد بعيد في تفاصيل مغارب طوتها سنين الرحيل ...مرور بنيات الفريق ..
سلام عليكم يوم الخميس جابين قولة خير فلانة ..
ودقدام دكان الفريق ..يتبادلو الاخبار ..بي طعم البركاوي ..
مخلوط برائحة الطحنية وماوضع علي كفة الميزان..النحاسي ..
لكن قطع التاملات في الماضي الحنين ..صوت باكستاني ..ينبهه
صديق اليوم مايسير دوام ..تكوم الحزن في صدره ..وجرجر خطواته ..
كانو متوجه لللمقصلة ..ويازنوبة ابوكي مو زول غربة الا الظروف جابرة
كان الوضع والواقع وكانت الغربة ..وكاسيت صديق احمد ...يواسيه
في هجعة الليل وسط ..عالم متعددالجنسيات ..وكل واحد يحن علي
طريقته ..

[بابكر مخير]

المشاركة الأصلية كتبت بواسطة باسط المكي

[size=6وكل واحد يحن علي
طريقته ..[/size]

الحبيب
هناك طريقة الدمعة،،
البكية والجعرة،
دي سيدها بتلقاهو بعدها، خفيف وعندو شحنة من الصبر تمشيهو كمين زمن..
هناك طريقة الكتمة،
الغبن والنكد،
دي طريقة شرق أسيوية، يا ودت سيدها التوج بعد ما إنتحر، يا ودتو السجن وهناك برضو بينتحر..
في طريقة أنسى،
عش لحظتك وصهين،
دي طريقة سودافروآربيا، يا سكرت يوماتي حتى الثمالة، يا هلستا وفلستا وإستلفتا ودي بتوديهو البلد جاري أزيال الخيبة..
هو تعرف يا الحبيب، بتكون في طرق كتيييييرة تانية،،
حماكم وحمانا الله حق ناس صديق إتا سير،،
دآ مووووووووووت عديل....

[باسط المكي]

سلام سودانيات

[حافظ حسين]

غلبني التعليق يا باسط يعلم الله

واصل يا حنين و عليكم السلام

[معاوية عبيد]

المشاركة الأصلية كتبت بواسطة باسط المكي

سلام سودانيات

سلام السودان عموم

ود المكى سلام

معاويه عبيد(سديق)

كاااااااااك..بعد اذن ود الصائم التجارى داك

[معتصم الطاهر]

اقتباس:
المشاركة الأصلية كتبت بواسطة باسط المكي

..عالم متعددالجنسيات ..وكل واحد يحن علي
طريقته ..

حنينى اليك

واصل ..يا حنين

بكا الغربة .. بكا بهرد الجوف

[باسط المكي]

....

[بله محمد الفاضل]

كُنتُ ممن لا تغادرهم قصاصة صغيرة
كتبها وخرج منها إلى ملايين التعديلات
فكيف سيكون حالي مع أوراق من الآخرين

لكنما دوام الحال من المحال يا باسط
فقد جاء الوقت الذي عرفنا فيه أنه ليس بيدنا إلا أن نبتعد قليلاً
حتى لا تلحقنا أيادي أطفالنا
وتلقي بنا إلى مكانٍ ما

ها
واصل بالله عليك
ودعنا نشم هذا العبق الجميل

محبتي وامتناني

[عزو الحاج]

اهلين ومرحبتين باسط
كلام واحساس غربة تملا الزول دموع لكن الغربة دى قدرنا نعمل شنو
ولكنها تجعلنا فى حنين دائم لمن نحبهم وهم بعيدين عننا
الغربة تاخذ مننا الاعزاء ببعد المسافات بالرغم من اننا نتعرف باخرين نعزهم ونقدرهم
ونهاية المطاف نفارق بعضنا ودى سنة الحياة

عزيزة دياب

[احمد عبد الرافع]

الغربة إن شاء الله تعقري ..
يا تعدمي المال الفقري يا تعدمي الشيك الخضري
والله شلتي العيال من بدري .. والله شلتي

[باسط المكي]

كل سنة وانتم بخير