لا اعرف متى جاء دومونك للحلة واصبح واحد من ناسا
يعمل بناء ولمن يكون الشغل ناخي بشرك للسمك الغريبة طوالي بقبض
المغرب يجي سادر بعجلتو وسمكو الجيران موعودون بريحة سمك ومرات سمك
حسب التساهيل.المهم الراجل اولادو الان كبار في المدارس ومازال نشيطا جدا العوضة يومين يسلمك مفاتيحا. تلقاه في اي مناسبة في الحلة
ولمن مرتو تلد نسوان الحلة يعملن دورية كل يوم تبيت معاها واحدة لامن تقوم
ويقولن دي ضيفة لا اخو لااخت
ويوم السماية اللعما بشيل المكسر دومونك كراعو طويلة
عندو بيت حقو بي حوشو وغنمو وكلبو وسمكو.
ناس قالولو تسلم عندما يحكي القصة ناس يقولولو ومالو
وناس ماتورط نفسك يازول يحكي القصة .يحكي ويضحك وهذا الامر لا يشكل له هاجس دومونك متماهي جدا في الحلة والحلة ذاتا متماهية في دومونك
دومونك زول حلة من الجنوب قاعد في حلتو التي تصادف انها حلتي برضو
اها .......
|
