شعب جعان .. لاكنو جبان

[Hassan Farah]

[frame="1 50"]يا ماهر ما يطلعوا مظاهرة ياخ ولا حاجة .. البتفرجوا ديل مافى واحد يمسك السوط ويجلد القاضى المستجل والعسكرى البضحك والتانى البجلد بإستمتاع .. تقول لى شعب ما جبان [/frame
يا رأفت ياخى البتفرجوا ديل ما جماهير القماير انت نسيت وللا شنو...ديل بطلعوا مظاهرات... المقلب العملتو الانقاذ انها طيرتكم كلكم للخارج وانفردت ... والشكية لى الله

[رأفت ميلاد]

المشاركة الأصلية كتبت بواسطة مرافي

حبيبنا رافت

الشعب ماجبان بس حليم

شعب عمل انتفاضتين ضد ديكتاتورية عسكرية في قرن واحد !!!

شعبنا حليييم

بس...فليتقوا غضب الحليم...

لأن غضبه سيزلزل العرش من تحت اقدامهم...

طيب عبد الحليم ده .. لامن دقوا قداموا حليمة دى .. ما قام يزلزل الأرض مالو .. ولّ يمكن بتقصدى يقوم يتزلل .. يا مرافى الشوق والجمال .. قومى لفى .. زي ما تقول أنتيمتى

بلا غضب الحليم بلا بطيخ ..

[جيجي]

المشاركة الأصلية كتبت بواسطة رأفت ميلاد

سلامات يا زين ومشتاقين

العوير ده بالمناسبة (للماعرفين) نوع من النباتات البتقوم بدون رعاية .. طويل زى القصب .. وكان لقيت عود منو ناشف حطبة وغزيتو فى بلاعة بخدر .. ولا رأئحة له ولا نفع ..

ده ما البترول يا زين .. ديل نحنا .. لامن يحكمنا واحد زى العوير ده ..

انت عارف انا الغايظني شنو انه شعبنا دا مهما ولع ممكن ترشوا بحبة موية يهبت ويبقى دخان ساي
والدليل
ناس سودانيزاونلاين
البشوفهم يقول الدنيابكرة متقوم فيها نار
يجي واحد صاحبهم في الشرطةسابقا
والله نائب مدير الشرطة قال لي
ويبقواليك في شكر صاحبهم
وانه مصدر موثوق فيه
وانت عارف الباقي

[رأفت ميلاد]

المشاركة الأصلية كتبت بواسطة ام التيمان
يارافت
لى شئ الشايفة حاقيمو عليها الحد الضلاليين الهنا
ما بتلحق تصل الجماعة ديلك

حلوة وملعوبة .. لكن البوست ده تحدى عديل لروحنا .. وماشين نطلع كل الداسنو .. البدخل صباعو .. بقطعو ليهو ..
قال الحاردلو:
نحنا بناتنا محروسات ونحنا ولادنا ضلالات ..
طلعنا:
نحن بناتنا مطلوقات ونحن ولادنا فسايات

معاها عرضة وشبال ودقت أرض .. ولّ ما ياهو

[رأفت ميلاد]

المشاركة الأصلية كتبت بواسطة Hassan Farah

يا رأفت ياخى البتفرجوا ديل ما جماهير القماير انت نسيت وللا شنو...ديل بطلعوا مظاهرات... المقلب العملتو الانقاذ انها طيرتكم كلكم للخارج وانفردت ... والشكية لى الله

سلامات يا حسن .. ياخ ناس الحفر لامن طلعنا نحن قام قفلوا وفلسوا وبعدين قفلوهم هم زاتم الله يرحمم .. وبعدين كان الجوة جبناء .. الطلعوا أجبن ياخ .. لكن طلعوا برضوا بنفخة قديمة .. إسمها الشرف والكرامة .. عند ناس جوة بقت هبالة ونكتة بضحكوا بيها .. والشكية لأب يداً قوية

[رأفت ميلاد]

المشاركة الأصلية كتبت بواسطة جيجي
انت عارف انا الغايظني شنو انه شعبنا دا مهما ولع ممكن ترشوا بحبة موية يهبت ويبقى دخان ساي
والدليل
ناس سودانيزاونلاين
البشوفهم يقول الدنيابكرة متقوم فيها نار
يجي واحد صاحبهم في الشرطةسابقا
والله نائب مدير الشرطة قال لي
ويبقواليك في شكر صاحبهم
وانه مصدر موثوق فيه
وانت عارف الباقي

عارف الباقى يا جيجى
زى (الكسلتزر) فى زمنا .. الحبة تفور وتنزل على مافيش .. عالم كذابة بقنعوا نفسهم بالبطولات ..

جيجى أقول ليس سر قالتو لى همسة .. ناس البوليس ديل حاقدين وبحبو الأذية .. وجلدوا الناس فى صف السينما وفى المظاهرات وفى المولد .. يعنى لامن يلقوها مقننة بالقانون .. ويلعبوا دور البطل وحرس الفضيلة .. ديل العساكر ..

أما الظباط فى وداى تانى .. بالليل سهر وسكر وبنات .. وبالنهار دبابير وونسة مكاتب ومجاملات رتب ووجاهة ..

كدى يجينا الأمين العام يقفل لنا البوست ده .. عاجبك كدة

[تحفة حوا]

سلام يا رأفت
جبان شوية عليه
ياخي الشعب جاع ولسة ساكت
الشعب اتذل ولسة ساكت
الوطن اتقسم ولسة ساكت
سرقوا الثروات وملوا جيوبهم ولسة ساكت
ضربوا النساء بغير حق ولسة ساكت ....

اكتر من كدا شنو
باين الشعب استمرأ الذل وجلدو نحس ولا خايف الجايين يكونوا اسوأ
مسكين وطني ضيعته الحكومات والاحزاب
كان لنا وطن

[فتحي مسعد حنفي]

رأفت ميلاد بقي يستني لغاية ما يشرب اللبن بعدين يرد علي المداخلات ولو قام قل عقلو ورد أثناء شراب اللبن بحصل معاهو الحصل مع مداخلتيني..قلبي عليك ياولدي

[رأفت ميلاد]

المشاركة الأصلية كتبت بواسطة تحفة حوا
سلام يا رأفت
جبان شوية عليه
ياخي الشعب جاع ولسة ساكت
الشعب اتذل ولسة ساكت
الوطن اتقسم ولسة ساكت
سرقوا الثروات وملوا جيوبهم ولسة ساكت
ضربوا النساء بغير حق ولسة ساكت ....

اكتر من كدا شنو
باين الشعب استمرأ الذل وجلدو نحس ولا خايف الجايين يكونوا اسوأ
مسكين وطني ضيعته الحكومات والاحزاب
كان لنا وطن

سلامات يا تحفة وليك وحشة .. غايتو فشيتينى .. وجبى آخر الكلام .. نشوف ماهر رأيو شنو

[ماهر حسن محمد بيك]

المشاركة الأصلية كتبت بواسطة رأفت ميلاد

عارف الباقى يا جيجى
زى (الكسلتزر) فى زمنا .. الحبة تفور وتنزل على مافيش .. عالم كذابة بقنعوا نفسهم بالبطولات ..

جيجى أقول ليس سر قالتو لى همسة .. ناس البوليس ديل حاقدين وبحبو الأذية .. وجلدوا الناس فى صف السينما وفى المظاهرات وفى المولد .. يعنى لامن يلقوها مقننة بالقانون .. ويلعبوا دور البطل وحرس الفضيلة .. ديل العساكر ..

أما الظباط فى وداى تانى .. بالليل سهر وسكر وبنات .. وبالنهار دبابير وونسة مكاتب ومجاملات رتب ووجاهة ..

كدى يجينا الأمين العام يقفل لنا البوست ده .. عاجبك كدة

البوليس السوداني ....عفوا ..سأستعمل كلمات لا تعجبني فقط لتوضيح الفكرة....البوليس السوداني عندما كنا نجلس في حدائق مايو ليلا كان يأتي ويطرد الزرقة فقط أما نحن الممكن إعتبارنا أولاد عرب فلا ياتي ناحيتنا بالمرة ....وكذلك في صف السينما ..... السوط على الزرقة فقط .....مع إن العسكري نفسه من الزرقة!!!!!

[رأفت ميلاد]

المشاركة الأصلية كتبت بواسطة فتحي مسعد حنفي
رأفت ميلاد بقي يستني لغاية ما يشرب اللبن بعدين يرد علي المداخلات ولو قام قل عقلو ورد أثناء شراب اللبن بحصل معاهو الحصل مع مداخلتيني..قلبي عليك ياولدي

أنت ما من ناس (اللبن أبو لى بي) الشتح مداخلاتك شنو خلى بالك أنت مقصود .. ياخ بشتغل من ستة لى ستة والشغل سفر .. لكن السنة الجاية راجع للعطالة .. وناوى عليك ولاعبك راس .. غالباُ أصلك فى محلك .. شيل شيلتك

[تحفة حوا]

اقتباس:
المشاركة الأصلية كتبت بواسطة رأفت ميلاد
سلامات يا تحفة وليك وحشة .. غايتو فشيتينى .. وجبى آخر الكلام .. نشوف ماهر رأيو شنو

عارف كلام ماهر دا استسلام
ولو كل زول قال كدا
يبقى على الدنيا السلام وبختهم الظلمة مافي زول بسألهم
وكل حريرة تبل راسا وتجي
القروش ما بتشتري كرامة الانسان
ويا عمو فتحي مثل مصري بقول
يا فرعون ايه اللي فرعنك قال ما لقيتش حد يوقف لي

[مرافي]

عارف يا رافت الشعب زي القنع من خيرن فيها مسكين يكافح انتفاضات انقلابات ويجو ناس قريعتي راحت ينهبوا الثروات كان الله في عون البلد الما عندها وجيع مش كان خلونا مستعمرين احسن

[رأفت ميلاد]

المشاركة الأصلية كتبت بواسطة ماهر حسن محمد بيك
البوليس السوداني ....عفوا ..سأستعمل كلمات لا تعجبني فقط لتوضيح الفكرة....البوليس السوداني عندما كنا نجلس في حدائق مايو ليلا كان يأتي ويطرد الزرقة فقط أما نحن الممكن إعتبارنا أولاد عرب فلا ياتي ناحيتنا بالمرة ....وكذلك في صف السينما ..... السوط على الزرقة فقط .....مع إن العسكري نفسه من الزرقة!!!!!

أيوااا يا ماهر .. أنت كدة طلعت زولنا .. تعرف الزرقة للزرقة تفرق .. الزرقة دى قصاد أولاد العرب الحرين .. بتعرف بالعبيد أو الفروخ .. نفسى أعرف (فرخ) دى أصلها شنو .. بعرف فرخ الجداد وفرخ الورق ..

تربيتنا بطالة يا ماهر .. عموماً رجل البوليس (عموماً) سيئ السمعة .. تمتلى صفوفهم بالمرتشين واللصوص والساديين وبينهم القتلة ..

[رأفت ميلاد]

المشاركة الأصلية كتبت بواسطة تحفة حوا
عارف كلام ماهر دا استسلام
ولو كل زول قال كدا
يبقى على الدنيا السلام وبختهم الظلمة مافي زول بسألهم
وكل حريرة تبل راسا وتجي
القروش ما بتشتري كرامة الانسان
ويا عمو فتحي مثل مصري بقول
يا فرعون ايه اللي فرعنك قال ما لقيتش حد يوقف لي

تعرفى يا تحفة كلام ماهر ده تنصل من الحقيقة دافعه حب الوطن .. لكن لامن تكون الحقيقة بالـ (الليك والعليك) .. الرؤيا بتكون أوضح ..

يعنى بلادى وإن جارت على عزيزة الخ .. كلام ساكت ..

لكن يا تحفة (حريرة) دى شنو يعنى بت عرب ما خادم بقرا اكلام ده كل يوم وأنا ساكت ..