الفتاة المجلودة ظلما - قصة اخرى

[حسن سادة]

هوني عليك يا حليفة الصون سناء
فالفجر المشرق آت
وأصبح الصبح كأن الزمن الماضي على الماء نقوش
فأرفعي راية أكتوبر فالثورة لا زالت تعيش
لك المجد والإباء يا شاعر البروف معز بخيت
حين أنشدت مردداً في منتديات عكس الريح:

للظلم نبض الفجيعة
_________________
جلدوك جهراً يا فتاة المجد آه..
جلدوك عمداً
في الصدور وفي المآقي والجباه
جلدوك يا امرأة من الماس الأنيق
ومن حبيبات المياه..
لا السوط أسكت حسك المثقوب
بالصيحات لا خنق الشفاه..
الآهة السكرى بغدر الآثم الملعون
يلهب ظهرك المسدول لوعاً وانتباه
عفواً فإن شوارع الدنيا
ستهزم صمتنا
وتضج غضباً يا فتاة..
وتضيء أنفاق الممات
على ممرات الحياة..
وستجعل البركان يخرج بين آهات
العذاب حملتها بين التنهد
حين ناظرك اعتراه..
والله يا بنت الكرامة لن يناموا
في سرير الأمن بعد الآن
لن يتنفسوا سراً هواه..
يا آثمون وظالمون ويا طغاة
تباً لكم
إن الفجيعة لم تعد تزهو بكم
والموت أسمى من لهيب الذل
من سحت بناه
ضيم الأسى والموقف المخزيُّ
شرطيٌ سقيم شاهد الذنب احتواه
تباً لكم
يا زمرة الأحقاد يا كل البغائض
يا ذئاب النار يا زبد اللهاة
متى تذهبون فتصلح الدنيا
وتأتلق الخطى
والبرق يرفل في سماه
متى تخرجون من الحقول بأرضنا
وبدارنا
من كل صدر قد دعا بزوالكم
فيما دعاه..
أختاه إن عذابك الممتد
في شرف المحطات استمد جلاله
مما رآه..
من ويلك الساقي غليل النهر شهداً
قد رواه
وتأكدي إن الحياة سترتقي نفحاتها
من طيب آهك من نداه..
وبأن نبع الخير يأتي
من ذنوب سطروها بالسياط
على مسامك في معالي العز
في اسمى رباه..
يا أخت عزة سامحيني
إن تخاذلت السيوف
وإن تسولت النفوس
وإن توارى البؤس
في أقصى دماه..
هم جردوك من الأنوثة
من عيون التوق من دنيا صباه
لكنهم ما جردوك من القيام
من الصلاة على جنائزهم
بقبر قد سقاه
مطر الجحيم يسومهم
ويل الصبابة عند ابواب السعير
وفي نهاه..
مجداً لك وتباً لهم
هي لم تكن لله يوماً بينهم
هي آخر الأحزان
في وطن سيصمد ها هنا
ونظل نسمق في حماه..
هي يا بلادي اول البشرى
مقام العدل يأتي
حين يصدر في الضحى
صوت النساء الحق
يبلغ منتهاه.

[نبراس السيد الدمرداش]

المشاركة الأصلية كتبت بواسطة سناء مرسي

حسن ساده كيفك
الماساة دي خلتنا في مواجهه مع انفسنا لانو ما حدث يحدث منذ يونيو 89 لكننا لم نشاهدها بالعين المجرده ولم تصفعنا صرخات كصرخات المسكينه دي.
الحكومه دي مسؤوله عن تجريد الانسان السوداني من صفات كانت تميزه عن الاخرين. وجعلته يتفرج على اوجاع غيرها ويمضي في حال سبيله , بنفسك شاهدت الطائفه الاتفرجت عليها قبل شهور عده عيانا بيانا في صوره حيه مباشره وسط ضحكات بعضهم وكان شيئا لم يكن.
ومسؤوله عن انفصال الجنوب ومالات الانفصال
ومسؤوله عن ضحايا كجبار وكل ضحايا الانقاذ بدا بالضباط ال28 ومجدي محجوب ود\علي فضل وجرجس واخرين لايحصوا ولا يعدوا.
لمتين حنكون ذي ناس جامعة الدول العربيه ندين ونشجب ولاحرج.

سناء تحياتي ليك و لحسن معاك
كلامك دا بخليني اسال سؤال
هل المسوؤل الاول و الاخير الحكومه فقط
وين الشعب و الطلاب و النقابات و المظلومين و المقهورين
ليه الناس ما هزتا الا البنت الاتشهر بيها حاليا دي اكتر مما يجب,ليه هزتهم هي
مع العلم انو للان مافي زول عارف الحقيقه بالضبط الخلت الناس تعاقبها مع تحفظي على طريقة الاتنفذ بيها العقاب

[ام التيمان]

اقتباس:
المشاركة الأصلية كتبت بواسطة نبراس السيد الدمرداش


سناء تحياتي ليك و لحسن معاك
كلامك دا بخليني اسال سؤال
هل المسوؤل الاول و الاخير الحكومه فقط
وين الشعب و الطلاب و النقابات و المظلومين و المقهورين
ليه الناس ما هزتا الا البنت الاتشهر بيها حاليا دي اكتر مما يجب,ليه هزتهم هي
مع العلم انو للان مافي زول عارف الحقيقه بالضبط الخلت الناس تعاقبها مع تحفظي على طريقة الاتنفذ بيها العقاب



سلامات نبراس
يا بت انتى كوزة ؟؟

[حسن سادة]

اقتباس:
المشاركة الأصلية كتبت بواسطة نبراس السيد الدمرداش


سناء تحياتي ليك و لحسن معاك
كلامك دا بخليني اسال سؤال
هل المسوؤل الاول و الاخير الحكومه فقط
وين الشعب و الطلاب و النقابات و المظلومين و المقهورين
ليه الناس ما هزتا الا البنت الاتشهر بيها حاليا دي اكتر مما يجب,ليه هزتهم هي
مع العلم انو للان مافي زول عارف الحقيقه بالضبط الخلت الناس تعاقبها مع تحفظي على طريقة الاتنفذ بيها العقاب



الأخت نبراس
لك التحية والإجلال
أياً كانت الأوزار والجرائم التي إرتكبتها البنت المغدورة
فلا يجب أن يكون العقاب بهذه الوحشية التي لا تشبه أهل السودان
فظيع ومروع هذه الكيفية من الهوان
لقد أبكت هذه المسكينة كل من له قلب ووجدان وإحساس
حسبنا الله ونعم الوكيل

[معاوية محمد الحسن]

اعلن ناشطون وناشطات في مجال حقوق الانسان تصعيد قضية الفتاة التي ظهرت في شريط فيديو على عدد من المواقع على الشبكة الالكترونية وهي تتعرض للجلد من قبل فرديّ شرطة وهي تتلوى وتسقط على الارض، وقرروا تسليم مذكرة للجهات الرسمية المعنية في السودان والمنظمات العاملة في مجال حقوق الانسان في الداخل والخارج.
وقال الناشط في مجال حقوق الانسان الخبير القانوني نبيل اديب لـ (أجراس الحرية) امس ان الجلد عقوبة مهينة لا يجوز التذرع بالشريعة فيه باعتبار انه لم يذكر في القرآن الا في موضعين من
صورة واحدة ويتصل بعقاب جريمتي الزنا والقذف لافتاً الى ان القصد من العقوبة اذلال الجاني . واضاف انه لا يجوز التوسع في تلك العقوبة لجرائم اخرى والصاقها للشريعة الاسلامية وزادما رأيناه في الفيديو مخالف لكل ماهو متفق عليه في تنفيذ الحدود الشرعية)، واستند على ان الضرب بالغ القسوة والشدة وفي اماكن خطرة من الجسم مثل لها بالرأس، وانتقد تبادل اكثر من شرطي جلد الفتاة بحضور القاضي وكلاهم من الرجال، واعتبر ان الفيديو سبب كثيراً من الاستهجان لمخالفته القانون، وشدد على ضرورة الغاء بعض الاحكام القانونية. في السياق اعترض رئيس حزب الامة القومي الامام الصادق المهدي على العنف ضد المرأة ووصف شريط الفيديو المعني بالدرجة العالية من العنف الذي يتنافى مع تسامح الاسلام والانسانية والاعراف والعادات والتقاليد السودانية. من جهتها وصفت الناشطة في مجال حقوق الانسان ناهد جبر الله المشهد المعروض بالصادم للرأي العام والناشطين واعتبرت انه يجسد بشاعة القانون واكدت تصعيد القضية لكافة المستويات ورفع مذكرات للجهات الرسمية في السودان والمنظمات العاملة في مجال حقوق الانسان داخل وخارج السودان وركزت على ان بشاعة الجرم لا تبرر الانتهاك. من جهتها استنكرت قوي الاجماع الوطني الحادث واعتبرت السلوك الذي مورس علي الفتاء منافي لقيم واخلاق السودانيين وطالبت في بيان صادر امس تلقت (أجراس الحرية) نسخة منه الشرطة باجراء تحقيق شفاف ومستقل ومعاقبة المجرمين. وطالبت بالالغاء الفوري لقانون النظام والمادة 152 عقوبات. واكدت قوي الاجماع الوطني دعمها ومؤازرتها لكل المجهودات والنشاطات التي تتم لانهاء قمع وإذلال المرأة السودانية التي يقوم بها الرجال والنساء في المجتمع المدني والمنظمات النسوية، بما فيها مبادرة لا لقهر النساء ( عن صحيفة اجراس الحرية بتاريخ 11/ 12 / 2010 )

[نبراس السيد الدمرداش]

المشاركة الأصلية كتبت بواسطة ام التيمان

سلامات نبراس
يا بت انتى كوزة ؟؟

اسي الجاب الكيزان و الكوزنه شنو
انا سالت سؤال لو قريتيهو كويس ما كنتي سالتيني

بعدين يا جميله مشتاقين اشوفك يوم الثلاثاء ان شاء الله

[نبراس السيد الدمرداش]

المشاركة الأصلية كتبت بواسطة حسن سادة

مع العلم انو للان مافي زول عارف الحقيقه بالضبط الخلت الناس تعاقبها مع تحفظي على طريقة الاتنفذ بيها العقاب
[/I]


الأخت نبراس
لك التحية والإجلال
أياً كانت الأوزار والجرائم التي إرتكبتها البنت المغدورة
فلا يجب أن يكون العقاب بهذه الوحشية التي لا تشبه أهل السودان
فظيع ومروع هذه الكيفية من الهوان
لقد أبكت هذه المسكينة كل من له قلب ووجدان وإحساس
حسبنا الله ونعم الوكيل

لك من التحيات و الاحترام اجله
و ابكتني وابكت جميع اهل بيتي وكل من رآها
راجع ما اقتبسته بالاحمر حتعرف اني معترضه على طريقة تنفيذ العقاب
يا حسن في اشياء لانملك الاعتراض عليها مثل حدود الله لكن نعترض و نتحفظ على طرق تنفيذ هذه الحدود في حال انها تنافت مع كل ماهو انساني

[عبدالمنعم الطيب حسن]

اقتباس:
المشاركة الأصلية كتبت بواسطة نبراس السيد الدمرداش


سناء تحياتي ليك و لحسن معاك
كلامك دا بخليني اسال سؤال
هل المسوؤل الاول و الاخير الحكومه فقط
وين الشعب و الطلاب و النقابات و المظلومين و المقهورين
ليه الناس ما هزتا الا البنت الاتشهر بيها حاليا دي اكتر مما يجب,ليه هزتهم هي
مع العلم انو للان مافي زول عارف الحقيقه بالضبط الخلت الناس تعاقبها مع تحفظي على طريقة الاتنفذ بيها العقاب



نعم المسؤول الاول والاخير الحكومة فقط ليه عملت القوانين
ليه جهزت الارضية والمنفذين بعد ان نزعت منهم الانسانية والنخوة
والله اي زول صاحب ضمير حي لن يضرب بنت بهكذا تشفي لو وضعوا مال قارون في يمينه.
ها الشعب والطلاب والنقابات والمظلومين والمقهورين جزء من المسؤولية تقع عليهم
ولً قصدك شنو
نحن الشفونا دا ظلم كبير واهدار لانسانية الانسان وقهر و...
مهما عملت لا يعقل ان تعاقب بهذه الطريقة
نبراس سلام

[نبراس السيد الدمرداش]

المشاركة الأصلية كتبت بواسطة عبدالمنعم الطيب حسن

اقتباس:
المشاركة الأصلية كتبت بواسطة نبراس السيد الدمرداش


سناء تحياتي ليك و لحسن معاك
كلامك دا بخليني اسال سؤال
هل المسوؤل الاول و الاخير الحكومه فقط
وين الشعب و الطلاب و النقابات و المظلومين و المقهورين
ليه الناس ما هزتا الا البنت الاتشهر بيها حاليا دي اكتر مما يجب,ليه هزتهم هي
مع العلم انو للان مافي زول عارف الحقيقه بالضبط الخلت الناس تعاقبها مع تحفظي على طريقة الاتنفذ بيها العقاب



نعم المسؤول الاول والاخير الحكومة فقط ليه عملت القوانين
ليه جهزت الارضية والمنفذين بعد ان نزعت منهم الانسانية والنخوة
والله اي زول صاحب ضمير حي لن يضرب بنت بهكذا تشفي لو وضعوا مال قارون في يمينه.
ها الشعب والطلاب والنقابات والمظلومين والمقهورين جزء من المسؤولية تقع عليهم
ولً قصدك شنو
نحن الشفونا دا ظلم كبير واهدار لانسانية الانسان وقهر و...
مهما عملت لا يعقل ان تعاقب بهذه الطريقة
نبراس سلام

سلمك الله يا عبد المنعم
طبعا مسوؤلين كلنا مسوؤلين
لما الحال يكون ما عاجبنا و نسكت بنكون مشاركين كمان
ربنا قال (لا يغير الله ما بقوم حتى يغيرو ما بانفسهم)
21 سنه الاتغير شنو ولا شيء
غير كميه من جنود الامم المتحده ماليه البلد جنوبا و غربا و محتله الخرطوم

ذادوا العيش الناس ساكته
كيلو الطماطم وصل 16 و 19 ج و الناس ساكته
العلاج مشاكل و الناس ساكته
التعليم مشاكل و الناس ساكته
خراف الاضحيه في بلد يمتلك اكبر ثروه حيوانيه ب 500ج و برضو الناس ساكته
مشروع الجزيره اتباع و الناس ساكته

ثورة الاقلام و الكيبوردات لاتحل محل الثورات الحقيقيه في ارض الواقع

[Sana Mursi]

اقتباس:
المشاركة الأصلية كتبت بواسطة نبراس السيد الدمرداش


سناء تحياتي ليك و لحسن معاك
كلامك دا بخليني اسال سؤال
هل المسوؤل الاول و الاخير الحكومه فقط
وين الشعب و الطلاب و النقابات و المظلومين و المقهورين
ليه الناس ما هزتا الا البنت الاتشهر بيها حاليا دي اكتر مما يجب,ليه هزتهم هي
مع العلم انو للان مافي زول عارف الحقيقه بالضبط الخلت الناس تعاقبها مع تحفظي على طريقة الاتنفذ بيها العقاب



نبراس ولكي تحيه احسن منها
نعم الحكومه هي المسؤول الاول لانها من جاءت علقت المشانق وزرعت الغواصات وسط الناس وعلمت الشعب الكان بطل في اكتوبر وفي ابريل الخوف والخنوع .
وحسي كجه اطلعي اتكلمي في الحكومه في اي ميدان في الخرطوم كان ركبوك الكومر الناس حيجروا منك بالمشوار وهو بيعاينوا ليكي باستغراب دي جنت ولا شنو (السيناريو ده حصل معاي على فكره) لما لقيت طفلين صغار حالهم يغني عن السؤال عمر 9 سنوات طردوهم من مدرسه في كوبر لانهم ما دفعوا 50 ج مصاريف وامهاتهم ببيعوا الشاي في صينية بري ومشيت معاهم لغاية المكان البيقعدوا فيه امهاتهم وما لقينا امهاتهم وركبتهم مواصلات كوبر العزبه واتكلمت باعلى صوت من وجعي واحساسي بالغبن والذل الهم حاسين بيه والناس عاينوا لي باستغراب كاني مجنونه . اتصلت بصديقه صحفيه واديتها اساميهم واسم مدرستهم واسامي امهاتهم وهي قالت لي اصلا بالقانون مفروض ما يطردوهم والمفروض الولايه تتحمل مصاريف المتعثرين في الدفع ولكن اين الولاة والولايه من الغبش. هل بتصدقي اطفال عمر 9 سنوات قالوا لي المدير اشترى هايس لحسابه الخاص من المال العام.
ننتظر شنو من اطفال ذي ديل في المستقبل (يعشقوا تراب الوطن مثلا).
اقولها ليكي تاني الحكومه دي بالقتل والاعتقال في بيوت الاشباح والسجون والتعزيب والفصل للصالح العام وكل اصناف الاذلال والاهانه زرعوا الخوف والجبن في الشعب السوداني.
وبعد داك قدلوا هم واذنابهم في البلد يسرقوا وينهبوا فيه بدون وازع ديني ولا اخلاقي كانهم في الاقطاعيه ولا العزبه الورثوها من اجدادهم.

[نبراس السيد الدمرداش]

نعم الحكومه هي المسؤول الاول لانها من جاءت علقت المشانق وزرعت الغواصات وسط الناس وعلمت الشعب الكان بطل في اكتوبر وفي ابريل الخوف والخنوع .

نميري كان معلق المشانق و اول من استن العمل بالشريعه و قوانين سبتمبر الجات الانقاذ و بنت عليها قوانين تانيه لما الناس قنعت من خير فيهو غيروهو زي الترتيب في يوم واحد

[Sana Mursi]

اقتباس:
المشاركة الأصلية كتبت بواسطة نبراس السيد الدمرداش

نميري كان معلق المشانق و اول من استن العمل بالشريعه و قوانين سبتمبر الجات الانقاذ و بنت عليها قوانين تانيه لما الناس قنعت من خير فيهو غيروهو زي الترتيب في يوم واحد



طيب تفسيرك شنو للحاصل؟؟؟؟؟؟؟؟
انا عن نفسي قناعنه من التغيير نميري بكل شروره وفظايعه قعد 16 سنه والناس في زمنه كانوا بيطلعوا مظاهرات وانتفضوا في ابريل.
وديل فات 21 سنه والناس سكتم بكتم هل لانهم اشد شراسه وضراوه ولا في سبب تاني؟؟؟؟؟

[نبراس السيد الدمرداش]

المشاركة الأصلية كتبت بواسطة سناء مرسي

اقتباس:
المشاركة الأصلية كتبت بواسطة نبراس السيد الدمرداش

نميري كان معلق المشانق و اول من استن العمل بالشريعه و قوانين سبتمبر الجات الانقاذ و بنت عليها قوانين تانيه لما الناس قنعت من خير فيهو غيروهو زي الترتيب في يوم واحد



طيب تفسيرك شنو للحاصل؟؟؟؟؟؟؟؟
انا عن نفسي قناعنه من التغيير نميري بكل شروره وفظايعه قعد 16 سنه والناس في زمنه كانوا بيطلعوا مظاهرات وانتفضوا في ابريل.
وديل فات 21 سنه والناس سكتم بكتم هل لانهم اشد شراسه وضراوه ولا في سبب تاني؟؟؟؟؟

السبب انو الناس استكانت للحاصل الناس خايفه من مابعد الانقاذ و الاكانت غيرتها زمان
نفترض انو النظام الحاكم دا كلو اتغير الحيجي منو و حيقدم لي انا كمواطن شنو
هل حيكون احسن منها اسوأ مثلها
الناس بقت مهمومه بالحياه و كيف تعيشها بابسط الصور و الامكانيات و لما تعجز تفكر في الهجر و السفر و الابتعاد عشان كدا ما حصل تغيير طيلة 21 سنه وما حيحصل

[رأفت ميلاد]

المشاركة الأصلية كتبت بواسطة نبراس السيد الدمرداش


لك من التحيات و الاحترام اجله
و ابكتني وابكت جميع اهل بيتي وكل من رآها
راجع ما اقتبسته بالاحمر حتعرف اني معترضه على طريقة تنفيذ العقاب
يا حسن في اشياء لانملك الاعتراض عليها مثل حدود الله لكن نعترض و نتحفظ على طرق تنفيذ هذه الحدود في حال انها تنافت مع كل ماهو انساني

حدود الله بتضحكوا فيها كدة .. وبعدين منو المؤهل تنفيذ حدود الله

[عبدالمنعم الطيب حسن]

اقتباس:
المشاركة الأصلية كتبت بواسطة نبراس السيد الدمرداش
سلمك الله يا عبد المنعم

ذادوا العيش الناس ساكته
كيلو الطماطم وصل 16 و 19 ج و الناس ساكته
العلاج مشاكل و الناس ساكته
التعليم مشاكل و الناس ساكته
خراف الاضحيه في بلد يمتلك اكبر ثروه حيوانيه ب 500ج و برضو الناس ساكته
مشروع الجزيره اتباع و الناس ساكته

ثورة الاقلام و الكيبوردات لاتحل محل الثورات الحقيقيه في ارض الواقع



100% كلامك صاح
ويادوب فهمتك وفهمت قصدك
بالمناسبة صوت ليك
تسلمي