هذا فراق بيني وبينك .......بالجد كتيرة ياخالد الحاج

[ودبغداد]

المشاركة الأصلية كتبت بواسطة خالد الحاج

بدل تسكت .. وتتشطر علي أمش اعتذر للناس البيشيلو ويكفرو ليك علي أساس أنك راقد في السرير الأبيض في ساهرون في الخرطوم . وأنت كاتلك البرد في النرويج .
دي مصيبة شنو دي كمان !!

ربنا ما جاب مصايب ياريس سعدت بيك

[الجيلى أحمد]

لوووووووووووووول

يضحك صباحكم

متعة والله

[زول الله]

المشاركة الأصلية كتبت بواسطة خالد الحاج

زول الله أنا يشهد الله مدفوعا بمعزة أكنها لك حاولت أشرح ليك بكل أريحية .
إنت مصر أنك تتلائم علي .
فيا أخي لآمتك أمسكها عليك أنا ماني ناقصك وماني العاجز عن قول ما يؤلم
فلا تعيدو لي ولا ولا أعيدو ليك .
وغفر الله لك لؤمك يا أخي .

يازول كدي اقيف وروق المنقا شوية
هسه اللؤم هنا وين ؟
انت شرحت كلامك وانا رديت ليك بي كلامك زاتو يعني ماجبت حاجة من عندي
انت مالك ماسك جاز طويل اليومين دي ؟
حاول فرتق كلامي دا حبة حبة حتلقى مافي اي لآمة فيهو بالعكس
واذا كان فيه مايؤلم فـ عفواً و... قدمي بمسكو علي
اقعد عافية











اقول قولي هذا واستغفر الله لي ..............

[ناصر يوسف]

زولي وزول الله

يسعد صباحك يا زين

تعرف كلما تتم مناقشة هنا بين إتنين فيها أخد ورد ( خُد وهات) بتلقاني بدخل وأقرأ وأخت نفسي في مقام الإتنين وأقول ..

يا سلاااااااااااام ياخ والله أ،ا لو كنت في مكان زول الله كان قلت لي خالد الحاج يا زول حبابك تب وحباب لُؤمي الغير بائِن

ولو كنت في بكان خالد الحاج كنت قلت لي زول الله ... يا زولي مالك عاصِر علي خالك ده شديييييييد كدي

هههههههههه

عموماً هذا ليس حجر عليكم ولكنها المحبة وما شايفكم مختلفين بتاااااتاً

ودي ظاهرة صحية ومنكم الإتنين أنا بتعلم معني الإختلاف وأدبو


ود بغدااااااااااااااااد

يا الحبيب ..

كدي أوووووووولاً بالتبادي تعالي علي بي جاي ووريني فزورة مستشفي ساهرون والحادث الحصل ليك ده وحكاية جليد النرويج دي في الأوال في شان الزول يعرف يتنعدل في كلامو معاك

ولا شنو ؟؟؟


يعني نعمات حمود قالت إنتَ راقد سَلَطَه في مستشفي ساهرون

وبن عمي ود الحاج قال إنتَ في النرويج كاسيك جليدها ولافحك بردها مع ناس سرورة ووجيدة

أهاااااااااااااااااااااا

أنا قلتَ شنوووووووووووووو قلت شنو قلت شنو


يا ود كدي ألحق ود عمك ده وإطمأن عليهو

فبالله عليك تِطمني عليك

أما ردك علي خالد الحاج هني الأولاني ....

فيا زول أكتب ما شاء لك أن تكتب .. بس حاول إنك تفهم مقصد خالد الحاج بتروووووووووووووي وكدي

[Hassan Farah]

المشاركة الأصلية كتبت بواسطة خالد الحاج

حمدا لله علي السلامة ..
ده العشم برضو يا طارق ..
والزير يا ابن عمي خت فيه مستكة .. وغطيه بي شاش
أبقي طيب

----------------------------------------------------------
ولاد اللزينا يا طارق وخالد نحن ما عارفين البينكم عامرة... عارفنكم اصحاب الروح بالروح... الا مرات قاعد يركبكم جن جعليين -- يكون يا ربى فيكم عريقات من شندى فوق?? بس ان شاء الله مش من ود بانقا... كان بقت عريقاتكم من دى سودانيات واطاتا اصبحت
P.s ود اختى دا سامحوهوا ما شاور خالو

[رأفت ميلاد]

المشاركة الأصلية كتبت بواسطة خالد الحاج
مساء الخير يا رأفت
كنت متخيل تفهم محسن ده أن المسألة عندك ما غضب لي عقيدتك وأني ما أسأت ليها بالقول (أن ما بيني وطارق ليس بزواج كاثوليكي) لأن التعبير مقصود به التشبيه في عدم انفصام الصلة وليس التحقير من الفكرة .
يبدو أنك برضو فهمت كما فهم هو .
الله غالب

سجم خشمك يا خالم كان فهمت مداخلتى كدة .. أهو كده لقى ليه زول هببو ليه ..
هسة مداخلتى ديك بلعت ليها كم حبة بنادول

وبعدين لا أنت هبشت عقيدتى ولا أنا هبشت دنك .. الكاثوليك ما هم ناس صكوك الغفران وزواج المتعة بتاع ورثتم الكيزان
كدى أستغل الظرف وأهابش ليك ناس كيشو أنت عارف زمن تسلط الكنيسة كان كيف .. ما كان بالفتاوى .. والكنيسة كان عندها مجلس إفتاء .. ما أشبه اليوم بالأمس ..

وبعدين أديك معلومة عن الزواج الكاثلوكى .. (طبعاً الآن أصبح فى مرونة ولكن بأذن الكنيسة) الواحد كان مرتو أو زوجها مات محرم عليه/ا الزواج ..
والأدهى والأمر محرم الجنس بين الزوجين إلا بقصد الإنجاب .. يعنى المرة كان حملت تقعدوا مصقرطين لامن تولد وتتم الأربعين .. وبعدين إذا تم أثبات (عقر) أحد الطرفين يقعدوا بى صمة خشمم ..

ياخوى دى لا عقيدتى ولا بقدر عليها

[محسن الفكي]

شغل جيد للعلاقات العامة الإجتماعية
لكن لا يغير الحقائق.

[سمراء]

اقتباس:
المشاركة الأصلية كتبت بواسطة رأفت ميلاد

يعنى المرة كان حملت تقعدوا مصقرطين لامن تولد وتتم الأربعين .. وبعدين إذا تم أثبات (عقر) أحد الطرفين يقعدوا بى صمة خشمم ..

ياخوى دى لا عقيدتى ولا بقدر عليها

انتيمو ياخ قطعت مصارينى الله يجازى محنك !!
شكرن يامحسن الفكى والله اهديت لى ضحكه بعافر فيها من امس

[رأفت ميلاد]

المشاركة الأصلية كتبت بواسطة محسن الفكي
شغل جيد للعلاقات العامة الإجتماعية
لكن لا يغير الحقائق.

تعرف يا محسن ياريت تجسب لى عدد الفوائد من مساعيك دى .. هسة أنت قاصد خالد ولّ أنا .. غايتو معاى ما بتاكل عيش .. نحن فى البيات الشتوى ..

يا ريت ياخ تربى ليك علاقات إجتماعية

[محسن الفكي]

يعني المعني شنو،يا رأفت ..؟
هل اقوم اتواصل معاك،وبعد يومين نلقاك فاتح لينا بوست حدادي مدادي ولا ناشر رسالة من الايميل
ياخي نحنا ما ضربنا ليك تلفون قمت فتحت بالكلام ده بوست


العاقل من اتعظ بغيره.
لائحة الموقع والميثاق فيهم نصوص بتنص على عدم التعريض - السخرية -من الملل والنحل والطوائف الدينية المختلفة.
وانت عرّضت في اول رد بزواج المتعة
وده بيخص طائفة دينية محدده
وفي الرد الفوق بالكاثوليك وشبهتهم ،كما شبهتهم.
يعني المعني اي زول طالما بيخت وشوش بيلقي ليهو مراقة.

يا ريت ياخ تربى ليك علاقات إجتماعية

كل التهاني في هذا اليوم31 ديسمبر 2010 ومن يحتلفون به وان شاء الله دايما سعيدة يا سمراء.

[رأفت ميلاد]

المشاركة الأصلية كتبت بواسطة محسن الفكي
لائحة الموقع والميثاق فيهم نصوص بتنص على عدم التعريض - السخرية -من الملل والنحل والطوائف الدينية المختلفة.
وانت عرّضت في اول رد بزواج المتعة
وده بيخص طائفة دينية محدده
وفي الرد الفوق بالكاثوليك وشبهتهم ،كما شبهتهم.

كدى يا محسن نشوف كلامك ده مهم شديد .. عن الكاثلويك أنتقدتهم بطريقة ساخرة .. كذلك الحال لزواج المتعة .. ديل نقطتى خلاف ونقاش .. اللوائح ما أظن تشملهم كتعدى على العقيدة والطوائف ..فهم نقاط خلاف داخل العقيدة الواحدة .. ويشكك فى إسنادها أو فهم الأحاديث ..

ورينى وجهة نظرك فى القصة دى ..

[محسن الفكي]

بصراحة،يا رأفت ميلاد، وجهة نظري الخاصة في الخاص ما بقدر أقولها.

اقتباس:
المشاركة الأصلية كتبت بواسطة رأفت ميلاد
كدى يا محسن نشوف كلامك ده مهم شديد .. عن الكاثلويك أنتقدتهم بطريقة ساخرة .. كذلك الحال لزواج المتعة .. ديل نقطتى خلاف ونقاش .. اللوائح ما أظن تشملهم كتعدى على العقيدة والطوائف ..فهم نقاط خلاف داخل العقيدة الواحدة .. ويشكك فى إسنادها أو فهم الأحاديث ..

ورينى وجهة نظرك فى القصة دى ..

لكن بتكلم بحسب ما بشوف هنا من مداولات،وتأويلات..
الأهم في الموضوع شنو يا رأفت رغم كل شئ،أتفهم وجهة نظرك،واتبناها كمان،لكن الحساسيات هي البتخلي الناس بيميزو بين المواقف... لدرجة أني لي هسه بحس بلسع السوط الأنت أخدتو في الخلوة [ كان رأفت يضرب في ام راسه]فمابالك بي هسه كأن أأول كلامك في غير محله.
بس برجع بقول البيقنع الديك شنو ..؟؟ شفت كيف ..!
-
قديما قيل اللي اتسلع من الشوربة بينفخ في الزبادي
هي الشمشرة دي الا يختو ليها وشوش ..!