اتفضلوا فى بيت أسامة

[معتصم الطاهر]

اقتباس:
المشاركة الأصلية كتبت بواسطة همس الشوق

كدي اول حاجه يا باش
انا جيت وجبته معاي ملح وكمون اسود اشتتوا في البيت

وبعد داك وروني المطبخ وين اهم حاجه في البيت

يكفينا أن تشرفت بك عتبة البيت ..
عند دخول الملائكة لا نحتاج لكمون ولا ملح ..

[جانيت]

الباش واسامة
انا اتفضلت براي وياجمال البيت الفيهو العزيزين
لمن تخلصو من تفاصيل مواقع الغرف والهول وغيرو خلو علي الديكور والتحف واكسسوارت الجدران

[تحفة حوا]

موضوع مفيد
شكرا يا باش مهندس
ومبروك البيت يا اسامة

http://www.sogatra.com/news/view/8

دي نماذج لمباني من الخارج

[معتصم الطاهر]

اقتباس:
المشاركة الأصلية كتبت بواسطة معتصم الطاهر





طبعا من التخطيط دا .. ممكن ننتقل للتصميم ( DESIGN) و الكلام القلناهو الفوق طوالى بوريك تفكير الزبون/العميل/المالك .

طيب
نشوف مشاكل التصميم شنو ؟

[معتصم الطاهر]

اقتباس:
المشاركة الأصلية كتبت بواسطة جانيت

الباش واسامة
انا اتفضلت براي وياجمال البيت الفيهو العزيزين
لمن تخلصو من تفاصيل مواقع الغرف والهول وغيرو خلو علي الديكور والتحف واكسسوارت الجدران

شكرا للدخول ..والمرور

يا بن اوع تغلطي زى دا فى بوست فيهو هندسة ..
لازم نفكر فى الديكور و نحن بنصمم فى البيت و نخطط فيهو ..
الديكور بعد بناء البيت يحسب فقط " تجميل " واخفاء للعيوب "

[معتصم الطاهر]

اقتباس:
المشاركة الأصلية كتبت بواسطة تحفة حوا

موضوع مفيد
شكرا يا باش مهندس
ومبروك البيت يا اسامة

http://www.sogatra.com/news/view/8

دي نماذج لمباني من الخارج

تحفة ..
اتحفتينا بوصولك

يا أسامة عينى عليك باردة

أقرب واجهة لفكرة أسامة هى هذه

[أسامة معاوية الطيب]

طبعا انا بعد دا ما عندي أي كلام
اسمع واشوف وبس
واتلقى التهاني

[معتصم الطاهر]

اقتباس:
المشاركة الأصلية كتبت بواسطة معتصم الطاهر





مشاكل كبيرة :

1-تهوية المطبخ ..وتصريف مجارى المطبخ
2-مساحة الدرج/السلم لا تكفى ..
3-مدخل البيت الرئيسى
4- ارتفاع المثلثات 45 سم فوق مستوى أرضية البيت يعنى 3 درجات .. ودى كتيرة جوة البيت

و أكبر مشكلة البيت دا بيفتح وين ؟
التخطيط على انو فاتح جهة الشمال أو الجنوب
..
لو بقى فاتح غرب أو شرق .. يبقى التصميم ( أعِد) مش ( صَحـِّح)

[نبراس السيد الدمرداش]

الف مبروك البيت
عتبه حلوه عليكم

الباش الهاش تسلم على الافكار الجميله

[عكــود]

المشاركة الأصلية كتبت بواسطة معتصم الطاهر

اقتباس:
المشاركة الأصلية كتبت بواسطة معتصم الطاهر





مشاكل كبيرة :

1-تهوية المطبخ ..وتصريف مجارى المطبخ
2-مساحة الدرج/السلم لا تكفى ..
3-مدخل البيت الرئيسى
4- ارتفاع المثلثات 45 سم فوق مستوى أرضية البيت يعنى 3 درجات .. ودى كتيرة جوة البيت

و أكبر مشكلة البيت دا بيفتح وين ؟
التخطيط على انو فاتح جهة الشمال أو الجنوب
..
لو بقى فاتح غرب أو شرق .. يبقى التصميم ( أعِد) مش ( صَحـِّح)

لا حولااااا . .
قلت كيف يا أسامة،
ساعة رسمتو كنت قايل نفسك مهندس ضُمة!

[معتصم الطاهر]

اقتباس:
المشاركة الأصلية كتبت بواسطة أسامة معاوية الطيب

طبعا انا بعد دا ما عندي أي كلام
اسمع واشوف وبس
واتلقى التهاني

لا ..دا أكبر خطأ .. أن يصمم ليك المهندس وفق مزاجو ..

دا بيتك انت

مش بيت المهندس ..!!!!!

تقول فكرتك كتابيا ..

ليه داير كدا .. طبعا انت شفت شقة/شقق او بيت/فيلل بالفكرة دى و حاولت تطبق

وتحاول تجاوب على الاسئلة الفوق دى ..

أهم حاجة الاجابات تشترك مع المدام والاولاد ..

انت بتقضى اقل ساعات فى البيت

وانا كمهندس فى التصميم بعتمد كلمة هامة جدا هي ( ست البيت) وليس سيد البيت ..انت عميل و زبون لكن الأهم ست البيت

[معتصم الطاهر]

اقتباس:
المشاركة الأصلية كتبت بواسطة نبراس السيد الدمرداش

الف مبروك البيت
عتبه حلوه عليكم

الباش الهاش تسلم على الافكار الجميله

سلام ..نبرة
عتبة دخول الجنة ان شاء الله

يلا انت أدينا أفكارك لحدى ما "حسين" يظهر

[معتصم الطاهر]

اقتباس:
المشاركة الأصلية كتبت بواسطة عكــود

لا حولااااا . .
قلت كيف يا أسامة،
ساعة رسمتو كنت قايل نفسك مهندس ضُمة!

الزول قطع 60% من المشوار

و انت يا عمدة .. بصراحة البنيتو داك بيت وظيفى/استثمارى .. وليس " بيت العمر"
بيت العمر الزول بياخد فيهو راحتو للآخر .. وبيخرف فيهو ..
عشان كدا خليك معانا هنا

[أسامة معاوية الطيب]

المشاركة الأصلية كتبت بواسطة معتصم الطاهر

اقتباس:
المشاركة الأصلية كتبت بواسطة معتصم الطاهر





مشاكل كبيرة :

1-تهوية المطبخ ..وتصريف مجارى المطبخ
2-مساحة الدرج/السلم لا تكفى ..
3-مدخل البيت الرئيسى
4- ارتفاع المثلثات 45 سم فوق مستوى أرضية البيت يعنى 3 درجات .. ودى كتيرة جوة البيت

و أكبر مشكلة البيت دا بيفتح وين ؟
التخطيط على انو فاتح جهة الشمال أو الجنوب
..
لو بقى فاتح غرب أو شرق .. يبقى التصميم ( أعِد) مش ( صَحـِّح)

انا مشكلة تهوية المطبخ وتوصيلاتو دي كانت مقلقة بي (كمهندس ضمة ) لكن ما لقيتلها حل
كت فاكر انو الزول يسوي الخريطة بعدين يجي يشوف واطتو راقدة كيف يقلب الخريطة فوقا ... يعني شمال وغرب دي ما اهتميت بيها
يا باش مهندس الفكرة الجاتك في الورقة دي ( اسي نقول المخطط عكود ينط لينا في رقبتنا دي ) دي فركتي وتصوري ... وتصور ست البيت زاتا للسكن ... بعد دا التفاصيل الفنية والملاحظات عليك
والكمون على مرافي

[بله محمد الفاضل]

كلام زي الورد
ربنا يتممو علي خير
ويجعلو بيت مبارك
بيت محبة وسلام

دا البنقدر عليهو
قصرنا