شكر خاص لطاقم مستشفى الزيتونه

[جيجي]

بما انك اوردت مداخلتي
فانا والله ياسيدي بما اني تحدثت عن حالة اخرى هي شاهد على مستوى العناية الطبية في السودان ولكن لها منحا اخر ساتحدث عنه لاحقا في بوست مختلف يدخل تحت مسمى مجاملة الاطباء لبعضهم البعض على حساب المريض لانه فقط الطبيب المعالج الذي اتخذ القرار زميله ولايمكن كسر كلامه او التدخل في قرارته حتى و لوكانت ضد مصلحة المريض

[ناصر يوسف]

أنا أعتذر لم أتابع هذا البوست منذ مداخلتي الأولي وكانت المداخلة الثانية

وعدم متابعتي لم تكن بالقصد بل ....

إتخذت قراري بعدم الدخول إلي سودانيات إلي لقراءة بوست البشريات وإن كانت العين قد تلتفت إلي بعض البوستات الأخري ...

إنَ مبلغ همي وهو همكم بالتأكيد ...

هو الدعوات للأخ الحبيب خالد الحاج بعاجل الشفاء

أللهم آمين

وكنت أدخل لأفيد الناس بما وصلني من أخبار طيبة عن خالد

بالأمس وعدت الأخ الصديق د. أنس بكتابة بوست سأوضح فيه الكثير قد يزيل هذا اللبس ...

هنا أعتذر للأخ الحبيب د. أنس بأنني قد تأخرت في كتابة البوست وذلك لأسباب عديدة

منها الإرهاق الذهني والجسدي الذي ظلَّ يلازمني من يوم 1/1/2011م وحتي الآن

الشئ الثاني ... بُعد مسكني ومكان عملي عن وسط الخرطوم ... كنت أقود عربتي يومياً من الريف الشمالي لمدينة الخرطوم بحري بعد دوام عمل مُضني إلي الصحافه ... ومن بعد إلي مستشفي الزيتونه وأعود متأخراً لعيالي ومن ثم أواصل لإعادة الكرةِ من جديد


كل هذا جعل من الذهن بعض الوهن وبعض الضعف ..

وحتي الحالة المزاجية للكتابة وقد شابها بعض الإنكماش

د. أنس .... أعذرني في تأخر البوست والذي سيأتي لاحقاً بمشية الله




نعم بأنَّ عموووووووووووووم الأهل كانوا يعانون ضغوضات نفسية حااااااادة ...

وأخوهم يمر بمثل هذه الوعكة الصحية المفاااااجئة

شئ يزعج حقيقي ....

بيد أنني ضد المساس بشرف الناس وضد النبرات الصااااااارخة .. مع فائق إحترامي للأحاسيس التي كتبت ما تمت كتابته وقد أصاب برشاشه بعضا الناس ..

في ليلة سفر الأخ خالد الحاج كنت منفعلاً كثيراً ... وكنت أتمالك نفسي أمام الناس بيد أنني كنت أغلي في داخلي ... وأنا متحرك من الخرطوم إلي أمدرمان للمبيت مع الأخ حافظ حسين ...


كان إنفجاري عنيفاً للغاية ... أوقفت العربة علي جانب قصر الشباب والأطفال وظللتُ أبكي بحرقة من فقد عزيزاً لديه .. حتي أتاني أحد أفراد الشرطة المرابطين هناك ليستجلي حقيقة الأمر ....


وعندما وصلت إلي مسكن الأخ الحبيب / حافظ حسين ...

كنت غاااااااااااااااضباً جدُ للغاية ... لأنني كنتُ مُغيباً كثيييييييييييراً عن الكثير من المعلومات ... د. صلاح كان له دوراً في هذا التغييب وله في ذلك عذره تماماً ...

وأيضاً لا تنسوا الواقع العاااااااااااااااااااام لأمر الطب البشري في السودان .... وأمر الإستثمار أيضاً في الطب البشري .... ( وهذا أمر آخر سأجئ إليه لاحقاً )

وكنت سأكتب بوست صااااااااارخ في أمر الطب البشري في السودان ومضمونه هبوط العمق الإنساني في الطب البشري ...

لولا أن أوقفني الأخ الحبيب / حافظ حسين

أنا لستُ طبيباُ ولا أعي في الطب قيد أنملة ....

كنت أنقل للناس ما يصلني وبحيادية كااااملة دونما أي إنفعال ....

ياااااا إخوتي صدقوني أنتم بذلك تُسيئون لأشخاص وجب عليكم شكرهم ...

د. أنس / د. صلاح ود. أسامه والطاقم الطبي للزيتونه ...

ويجب أن نفرق بين نقد الطب البشري في السودان وبين أن نسئ للناس ونطعنها في شرف مهنتها ... وإنننننننننن أخطأوا يجب أن نضعهم موضع النقد الصااااااااااارخ أيضاً

عذراً ... سآتي لاحقاً بتركيز أعمق وأكبر

قد تجدون بعض الأخطاء في تداخل بعض الحروف ... فأنا أكتب هذا الرد وعيني وقد بدأت في (الشوف الطشاش) ... والساعة الآن 3:55 من فجر الأحد


أستودكم الله مع فائق إحترامي لأقلامكم جميعاً

ودعواتي الصادقااااااااااات للحبيب

خالد الحاج بعاجل الشفاء

[طيبان]

المشاركة الأصلية كتبت بواسطة جيجي

بما انك اوردت مداخلتي
فانا والله ياسيدي بما اني تحدثت عن حالة اخرى هي شاهد على مستوى العناية الطبية في السودان ولكن لها منحا اخر ساتحدث عنه لاحقا في بوست مختلف يدخل تحت مسمى مجاملة الاطباء لبعضهم البعض على حساب المريض لانه فقط الطبيب المعالج الذي اتخذ القرار زميله ولايمكن كسر كلامه او التدخل في قرارته حتى و لوكانت ضد مصلحة المريض

بما أنّك ستكتبي بوست بالمسمّي المذكور .. فلا بأس .. أهو الواحد يتنوّر شويّة ..ويلقي فرصة يفهم الوضع الحاصل في السودان كويس .. ويمكن نضيف معلومة معلومتين ..لصالح البوست ..
ومالو ؟؟
لكن ..
ما علاقة البوست المزمع كتابته بالموضوع الهنا ؟؟

وللا مافي علاقة ؟؟

[سارة]

To cut it short

فى كضب حاصل هنا وين انا شخصيا نفسى أعرف...ودى مسالة مؤذية جدا
جدا...وجدا فرجاء يا أحباب وضعنا النفسى لا يسمح والله والله والله اتمنى
من الاطراف المعنية ...يجوا يقولوا لينا الحاصل قدر ما حاولت ابلع غلبنى

رجــــــــــــــــــــــــــــــــــــــــــــــــ ــــــــاء

خلصونا من حجوة ام ضبيبنة دى

الله يشفيك يا خالد ....الله ياخد بيك.....الله يهون عسيرك ويسد عشيرك

[طيبان]

المشاركة الأصلية كتبت بواسطة سفيان ابوقصيصة

لا يستطيع مكابر ان ينكر الدافع الانساني، والنخوه والشهامه، التي تزين جبين د.اسامه..
وهي فعلا عمله نادره في هذا الزمن..

ولكن..في المقابل..لا يستطيع ان يغفل احد..حضور..الدافع والعامل المهني..في الموقفين....!!
في اطار ووضع الحاله....!!

الأخ سفيـان ..
أعذرني علي قصور فهمي عن إدراك مرمي مداخلتك .. أعلاه ..
وعليه تقبّل ردّي إن كان خارج النص ..وليك الحق تدّيني علي راسي ..ولا تبالي ..
ما أورده الأخ د/أنس عن زميله د/أسامة هو من باب إحقاق الحق .. لمن ظلم دون وجه حق ..وأظنك تتفق معي في الفكرة العامة لمغزي مداخلة د/أنس التي اقتبستها ..

واجب الطبيب هو القيام بدوره..وتسليم المريض للجهة التالية والتي ستقوم بخطوة أخري في العلاج ..عبر تقرير طبي كتابي بالحالة بعد كتابة والتوقيع علي ماتمّ من طرفه ..
في حالة كحالة العزيز خالد ..يقوم الأطباء والكادر العامل بأداء المهمة كفريق team لا كأفراد ..والحكاية دي بتحكمها موجّهات محدّدة ..ومعروفة ..وهو حسب متابعتي للأحداث ما تمّ بالمستشفي ..

[فتحي مسعد حنفي]

العزيز حذيفة..
صباح الخير وأنا أنتظر أذان الفجر..
ياعزيزي أنا لوتلاحظ قد تدخلت متأخرا فيي بداية الحديث وبالضبط بعد ما أشار الأخ ناصر لاتصال زين عبدالله وكان هدفي هو توضيح هذه النقطة حسب حديثي مع دكتور زين دون نقصان أو زيادة ولكن للأسف جاء كلامي كالهجوم علي أطباء الزيتونة وربما ساعد في ذلك ما أعلمه ويعلمه معظم مواطني السودان عن صاحب المستشفي واستنكاري لعدة مواقف له جعلتني أنفر حتي من اسم هذه المستشفي..
ياعزيزي ان كان هناك أحد قد أخطأ في هذا الموضوع فهو أنا بما كتبته من حديث تم بيني وبين زين لم يكن من الواجب ذكره في هذه المرحلة وعموما أنا أعرف زين كما تعرف أنت دكتور أنس وأعلم ان الرجل ليس كاذبا ولا مدعي بطولات ولا أعتقد انه سوف يتدخل في ما يدور الأن لأن ما نناقشه الآن نحن قائليه وليس هو..
الشخص الوحيد الذي يمكنه فك الاشتباك هو الشخص الذي لعب الدور الرئيسي في ما حدث ولم يعلق حتي الآن لأن تعليقه يعني اتهام أحد الدكاترة بالكذب سواء كان دكتور زين أو دكاترة المستشفي وأقصد هنا بالتحديد دكتور أحمد محمد زين وهو صديقك وكان من الواجب أن تسأله بينك وبينه هذا اذا اردت أن لا تضعه في موقف حرج وكلانا يعلم تماما صدق هذا اشخص وحساسيته الزائدة في مثل هذه المواقف فأنا وأنت أصدقائه وشهادته تعني أن أحدنا علي خطأ..ولكن صدقني انه الشخص الوحيد الذي بيده فك هذا الاشتباك وان كان لا يريد أن يكتب ما حدث علي العلن يمكنك سؤاله بينه وبينك وأنا متأكد من انك لو تأكدت من أن كلام زين قد حدث بالفعل كما قلناه فسوف تقفل هذا الموضع ولن تستمر في نقاشه..
توضيحك لموضوع متي يوضع المريض في جهاز التنفس الفنتليتر هو كلام صحيح من الناحية العلمية ولكن السؤال هنا متي يوضع فيه المريض وهل نسبة 20% ليست كافية لوضعه حتي بدون تدخل دكتور زينوأنت تعلم بأن النسبة الأدني يجب أن تتعدي 60%.فلماذا تركوه حتي تدنت النسبة لهذه الدرجة ياصديق.
ان كان كل ما تقوله حقيقة فلماذا جئت الي القاهرة مع أختي المريضة ولم تواصل علاجها في السودان أم أن الغرقان يتعلق بقشة وآسف لضربي مثل بهذا الموضوع فالمعنية هي أختي أو ابنتي كما هي أختك ياحذيفة..
مجيئك الي القاهرة كان لأحد سببين 1) عدم اقتناعك بما كان يتم معها في السودان..2) بسبب نقص في اجهزة معينة وفي كلا الحالتين هذا يؤثر في العلاج.
عموما أنا من جانبي أعتذر ان أصبت بعضهم بجهالة دون قصد سيئ بسبب التوتر الذي كنا جميعا فيه والحمدلله ان خالد قد خف دون النظر للأسباب التي أدت لتحسن وضعه.
دم علي خير ياصديقي فنحن في نفس المركب وخالد يهمنا جميعا ولكن ماذا أفعل وأنا قد خلقت مصادما أدخل في المواضيع كالقطار بدون سائق .

[فتحي مسعد حنفي]

المشاركة الأصلية كتبت بواسطة سارة

To cut it short

فى كضب حاصل هنا وين انا شخصيا نفسى أعرف...ودى مسالة مؤذية جدا
جدا...وجدا فرجاء يا أحباب وضعنا النفسى لا يسمح والله والله والله اتمنى
من الاطراف المعنية ...يجوا يقولوا لينا الحاصل قدر ما حاولت ابلع غلبنى

رجــــــــــــــــــــــــــــــــــــــــــــــــ ــــــــاء

خلصونا من حجوة ام ضبيبنة دى

الله يشفيك يا خالد ....الله ياخد بيك.....الله يهون عسيرك ويسد عشيرك

ياسارة عايزة تعرفي الحقيقة اتصلي بأحمد محمد زين واسأليهو وهو أما سيأكد كلام زين أو ينفيه وباقي الحكم عليك انتي..

[أبوبكر عباس]

سلامات للجميع
البوست دا بوست عجيب!
كلام طيبان القالو هنا كلو صحيح، لكنو مبني على إفتراض بتاع ونسة ساكت
الونسة الدارت بين أحمد زين و زين حتى لو بقت صحيحة غير قابلة للنشر

البوست فيهو سهام قاتلة،
أقترح يا طيبان نسحب البوست دا
و يا فتحي بدل تطلب من أحمد زين يجي هنا، حقو تعتذر عن نشرك لكلام بتاع ونسة ساكت
دي فرصة بالنسبة لي أشكر ناس مستشفى الزيتونة و أعتذر عن مداخلة قلت فيها لفيصل سعد:
كدي خلي خالد يصل هولندا و شوف الخواجات بنجضوا الشغل كيف... و كان هدفي منها رفع معنويات محبي خالد

هامش:
طيبان أنا لو كنت شايفك شغال بهنا في البوست دا، ما كان عملت ليك البوست داك، كنت فاكر ليك زمن ما دخلت المنتدى!

[فتحي مسعد حنفي]

المشاركة الأصلية كتبت بواسطة بابكر عباس

سلامات للجميع
البوست دا بوست عجيب!
كلام طيبان القالو هنا كلو صحيح، لكنو مبني على إفتراض بتاع ونسة ساكت
الونسة الدارت بين أحمد زين و زين حتى لو بقت صحيحة غير قابلة للنشر

البوست فيهو سهام قاتلة،
أقترح يا طيبان نسحب البوست دا
و يا فتحي بدل تطلب من أحمد زين يجي هنا، حقو تعتذر عن نشرك لكلام بتاع ونسة ساكت
دي فرصة بالنسبة لي أشكر ناس مستشفى الزيتونة و أعتذر عن مداخلة قلت فيها لفيصل سعد:
كدي خلي خالد يصل هولندا و شوف الخواجات بنجضوا الشغل كيف... و كان هدفي منها رفع معنويات محبي خالد

هامش:
طيبان أنا لو كنت شايفك شغال بهنا في البوست دا، ما كان عملت ليك البوست داك، كنت فاكر ليك زمن ما دخلت المنتدى!

انت يابابكر بقيت تقرا وما بتستوعب البتقراهو ولا مالك..هسة كلامي الفوق دا أنا ما أدنت فيهو نفسي وقلت اني بتحمل المسئولية ولا عايزني الكلام دا أكتبو بالأوردو عشان تستوعبو

[أبوبكر عباس]

صحيح يا فتحي مداخلتك كافية
إفتكرتك قلت لسارا أسالي أحمد زين هنا البوست
عداك العيب يا صديق
صلحت حاجاتك و نعتذر ليك

[جانيت]

الحمد لله على استرجاع خالد صحته ويارب المزيد
ما بعرف ليه شن الهجوم علي المستشفى والاطباء المتخصصين بالصورة دي
يعني خالد الحاج ربنا يوايهو بالصحةلمن جا المستشفى كان ماخد كمية مهولة من المضاد الحيوي وده واحد من الاسباب الفرضية انو يحصل خطأفي التشخيص لكن برضو طلع التشخيص صح ومطابق للتشخيص الحالي التهاب بكتيري وفايروسي
لقى رعاية وقبل الرعاية الكلمة الطيبة والابتسامة من الاطباء ودي انا بشهد بيها لي دكتور اسامة وشفتو وهو بيطمنو والقرارت الصائبة لي حالتو
وما وصل ليهو الخال كان مضاعفات لي الالتهاب الفايروسي وحتى العلاج الاخدو اللي هو مضادات حيوية لو مضاد للبكتريا او للفيروس اكيد ما حيستجيب ليها في خلال 48 ساعة بتاخد فترة اطول عشان الجسم يستجيب
يعني اطباء بلا حدود ماعندهم علاقة بالشفاء العاجل للخال العلاج ابتدا من السودان ومن مستشفى الزيتونة تحديدا
ما حننكر فضل الاطباء القامو بي علاجو لانو لو اخدنا الموضوع ده من جانب المنطق وبس المنطق البيحكم في الحتة دي ما عشان انت قريب للمجال الطبي او متغوغل داخلو
المفروض يكون في اعتذار شديد اللهجة من دكتور زين لانو شرف المهنة ما بيديهو الحق بي التشهير لي طبيب استقبل توجيهاتو ودي ما كانت توجيهات
المعروف انو اكتر المجالات البتكون فيها الشورى بينهم المجال الطبي لانو تحت طائلة الاحتمال من اعراض لي تشخيص معملي لي اشعة وصور مقطعية وغيرو وكتر خير دكتور اسامة الاتعامل بي تهذيب وده من صميم مهنتو وكان
الامر قائم يعني ما كان في اضافات لانو القرار سبق واخدو طبيب زميلو
وتاني بندعي لحد ما يجي خالد ويكتب بيدو هنا ربنا يساعدو ويقومو بي السلامة ولحد ما يجي بأذن الله المفروض الاعتذارات تملا المكان علي ما بدر من بعضهم لي ناس قامو بي واجبهم المهني وواجبهم الانساني ومشاعرهم السودانية الاصيلة منو يجي يقول انو دكتور اسامة كان واجب عليو انو يجاري الاتصال لحد ما خالد يسافر ده امر متروك لي شركات التامين وادارة المستشفى ونجي ننكر فضل الطبيب ده عيب العيب والله
بشكر ناصر يوسف نيابة عن االمؤيدين للاعتذار بانو اعتذارو مهما اتاخر المهم انو اعتذر وده من طبعك الجميل واصلك الكريم
ربنا يشفي خالد ويقومو بي السلامة

[سمراء]

الاخوة الكرام
بنفس طيبة وحسن اخلاق عرًفتم بها ..
ارجو تقديم اعتزار موسع لكل من الاخوة الكرام :

الدكتور / أنس
الدكتور / أسامة (الجعلى )
الدكتور/ أسامة
ولكل الكادر الطبى بمستشفى الزيتونة ..

كما اتمنى سحب كل المداخلات التى تشير للتقلليل او التشهير بالكادر الطبى ان اردتم
ان يتواصل هذا الرابط الاخوى الجميل الذى وصله الخال العزيز خالد الحاج بينكم وبينه .
كما اتمنى ان يحضر الدكتور زين عبد الله لفك هذا اللبس ، وتقديم الاعتزار المناسب
لرصفائه من الاطباء من اجل شرف المهنة ..

ولكم فائق الود
سمراء

[ناصر يوسف]

يا رحيم يا رؤوف يا كريم

إني أسألك بأسماءك الحسني

أن تمُنَّ علي عبدك

خالد الحاج الحسن

بتمام الصحة والعافية

وأن تُشفِهِ شفاءاً تااااااااااماً وعاجلاً يا أرحمن الراحمين

أللهم أجب دعائي

أللهم أجب دعائي

أللهم أجب دعائي

أللهم أجب دعائي

أللهم أجب دعائي

أللهم أجب دعائي

[همس الشوق]

كيف أصبحتوا
وكيف اصبح حبيبنا خالد
مافي اخبار جديده؟


أولأً حابه اشكر دكتور طيبان على سعة صدره والاجابات المستفيضه .....والله انا همس الشوق دي لا اقصد إساءة ولا أسأة لإنسان ولكن بس مجرد اسئله ليطمئن قلبي

انا همس الشوق اصالة عن نفسي لمن دخلت في تحاور مع الدكتور طيبان كان لشي ما في نفسي أولاً ....في أسئلة كثيرة تزاحمت جواي وانا كواحده من آلاف المحبين لخالد من حقي أعرف الحاصل خصوصا ونحن بعيدين من الحاصل وكنا بناخد المعلومات عن طريق الإتصالات الهاتفية ... والكلام الحاصل وكل الإتقال ما جاء من فراغ وما نجرناهو ولكن هناك في ناس لصيقين وهم المدونا بالمعلومات دي ..
أنا ما سبيت شخص ولا يكمن ان أجرو وأسب أي إنسان مهما كانت فعلته دا طبعي وتربيتي كدا .. ولكن كنت بسأل في دكتور طيبان اسئله عاديه عشان أفهم وناس كتيره من وراء الكواليس تفهم .... لانه واضح جدا ان اللغط في الموضوع دا اخد مناحي كتيره

ولسه في أسئلة كتيره ..

الناس البقولوا أنه دا ما وقته ومنتظرين خالد يقوم ويناقشوا أنا بخالفكم الرأي لأنه في أشياء لا تقبل السكوت عليها ... ومن ثم الخال إنسان مريض والنقاش هنا في ادق تفاصيل مرضه ... وحتى هو ما عارف بيها كيف سنناقشها وهو بينا .. من ناحيه نفسية بس

والشي الاهم نحن هنا ما نصبنا محكمة ولا فوضنا أنفسنا قضاء ولكن بس بعض الاسئله نابعه من خوفنا وهلعنا على الخال الغالي في محنته .. واتمنى أن يراعو الدكاتره حته مهمه اننا نحن أميين طبياً ما بنفصل المسائل الطبيه بقدر ما بنهتم بالنتيجه

انا هنا بعتذر لكل الدكاتره ان كان حسوا بأنه نحن سبيناهم
ولكن حتظل اسئلتنا قائمة
وسؤالي قائم
وين المشكله طيب ؟؟؟؟؟؟؟؟؟؟

وأساسا لو العلاج كان ناجع ليه طلبتو نقله الى هولندا
وهل الخال لو فضل في المستشفى لحدي هذه اللحظة كان حالته حتتحسن كما الآن ؟؟

برضو أسئله عفوية وبدون زعل

[همس الشوق]

وفي شي تاني

انا شايفه انه في هجوم على دكتور زين عبدالله في شخصه وانه ما مفروض يقول

دكتور زين شأنه شان كل الناس الخافت على الخال وشأنه شان دكاترة الزيتونه ومن منطلق مهنته الطبيه وزمالته ليهم حب يعرف الحاصل شنو ويساعد والرجل مسكين ما إدعى اي بطوله ولا خلافه
كله كلام منقول من ناس قالو ليهم خارج المنتدى
يعني هو ما اذى اي من زملاء مهنته
هو كلام نقلوه عنه الناس