*** مصطلحات عامّية سودانية ***

[سمراء]

نسيت اقول ليك الفكامة ماعرفتها !!
بس الحجامة والهجامة والنجّامة....عرفتهن تب
بس اخير ننتظر ا لجضّامة شبارقة

[أشتر]

المشاركة الأصلية كتبت بواسطة سمراء

غايتو بقدرة قادر قفلته نخرتى من الريحه الماعجبتنى فى درابك ياخ !
وده برجعو للمبداء الزكرتو فوق..
بس عينتنا دى والله من العينات النادرة الحدوث فى عالمنا المعاصر !! عارف ده برجع لى شنو ؟
لانو قاعدين نميز بين العينات كويس !!
وانت من العينة النادرة البتفوق فى نفاثتة ...الذهب
نفاثتة دى ماله بقت لى كيف كيف ..

نفاثته ربعانته
البوديك شنو تمسكي في درابي واساس الموضوع ما جاوبتي عليو ؟؟؟
نسيت اكتب معاهم الكجامة ... والهجامة ياهو متل كلامك دا ...
ياخ ما بكون قاصد بي عينتكم دي سوى سامبل مظهر ساي والجوهر معروف لدينا ...
مالك دايراني اقوم اخش في دور تنقيح ومراجعة والقصص البايخة ديك ...
الكلام بطلع من مصنعنا على الكرتونة وللمستهلك طوالي ...
تقومي تستهلكي قدر البنفعك عشان ما تستهلكونا ساي نقوم نستنكحكم ...
الحنك دا لو ما ظبط معاك بربط ليك مكنة تقيلة تفرطق ياياتك في ليلك دا ...

[سمراء]

المشاركة الأصلية كتبت بواسطة أشتر

نفاثته ربعانته

الكلام بطلع من مصنعنا على الكرتونة وللمستهلك طوالي ...
تقومي تستهلكي قدر البنفعك عشان ما تستهلكونا ساي نقوم نستنكحكم ...
الحنك دا لو ما ظبط معاك بربط ليك مكنة تقيلة تفرطق ياياتك في ليلك دا ...

هى نان مابكون فى واحدت مكسرات متل التكسير البحصل فى خلقو ده!
تكرتنوهن ساااى بث
والمستهلك المسكين ده يسكت يكوضم فى حنانو يعنى ولا كيف !

لا بس النبى ابعد من ياياتى دى اليومين دي شكلهن حالجات وبنقوم ندق الدلجة ساى

قيل فى الاثر : رب يايات ..ياية من بيتكم عدل

وشكرن

[أشتر]

المشاركة الأصلية كتبت بواسطة سمراء

تكرتنوهن ساااى بث

القال منو ؟؟
في هذه الحالة المصنع فييييي عضمو دا هو المستهلك ..
يا (قصطير) حشاي .. ويا فلين هناي* .. ويا نايلون قساي ...
فـ كـيّـســونا ياخ

----
كـيّـســونا دي من الكياسة وكدا .. وزاد وجدي ..

سمرا ياخ ارفعي لينا كراعك من الأبنص الحتة دي كلها دفيس وماروق ولكيب وكُجرة ..

[شبارقة]

المشاركة الأصلية كتبت بواسطة أشتر

دفيس وماروق ولكيب وكُجرة ..

1- الدفيس : معروف

2- الماروق : معروف

3- اللكيب : ما عرفتو ... لكن من سياق كلامك حيكون نفس معنى الدفيس والكرور

4- الكـُجـْرة : عندكم في قطر وفي الإمارات مقصود بيها الخردة (scrap)

أما الكـُجـْرة حقتنا في السودان فلها علاقة بالعروس والنفساء ... زمااااان كانوا بيخصصوا مكان في أحد أركان الأوضة أو القـُطـية معزول بناموسية أو ستارة تكون النفساء أو العروس بداخله ... بالنسبة للنفساء تقعد فيهو لغاية ما تربـْعـِن ... أما للعروس فهو مكان بيدسـُوها فيهو قبل اللعبة.

[شبارقة]

قُبَّال أراك أنا كنت في حيرة وضجر
واليوم حُظيت بي لقاكَ يا ظبي الكُجَر

أها الكـُجر هنا معناها شنو ؟

[أشتر]

المشاركة الأصلية كتبت بواسطة شبارقة

1- الدفيس : معروف

2- الماروق : معروف

3- اللكيب : ما عرفتو ... لكن من سياق كلامك حيكون نفس معنى الدفيس والكرور

4- الكـُجـْرة : عندكم في قطر وفي الإمارات مقصود بيها الخردة (scrap)

أما الكـُجـْرة حقتنا في السودان فلها علاقة بالعروس والنفساء ... زمااااان كانوا بيخصصوا مكان في أحد أركان الأوضة أو القـُطـية معزول بناموسية أو ستارة تكون النفساء أو العروس بداخله ... بالنسبة للنفساء تقعد فيهو لغاية ما تربـْعـِن ... أما للعروس فهو مكان بيدسـُوها فيهو قبل اللعبة.

حلوة قبل اللعبة دي ... اللعبة ولّ والحَلَبة ...
دا كلام جميل جدا ومنسق بس راكب مع القطية أكتر من الأوضة لأنو في الاساس دا شغل بتاع ناس رُحّل أو إقامتم بتتوقف على تقلبات المناخ والظروف الجوية ...
اللكيب ياخوي هو ود عم الكـُجـْرة في السترة وممكن تقول عليهو برقع بس دا متحرك والكـُجـْرة ثابتة ودا شغل بتاع ناس بطانة وشوية كدا داخل في البجا بس عندهم بتحول لرجالهم اكتر من النساء ...

[أشتر]

المشاركة الأصلية كتبت بواسطة شبارقة

قُبَّال أراك أنا كنت في حيرة وضجر
واليوم حُظيت بي لقاكَ يا ظبي الكُجَر

أها الكـُجر هنا معناها شنو ؟

عندها علاقة بـ دابي الكجر ولّ الكُجر غير الكَجر ؟؟؟
على فكرة الكُجرة ممكن تكون هي نفسها (الضَرْوَة) في وسط وغرب السودان ...

[شبارقة]

المشاركة الأصلية كتبت بواسطة أشتر

عندها علاقة بـ دابي الكجر ولّ الكُجر غير الكَجر ؟؟؟

دابي الكجر ما سمعنا بيهو لكن بنعرف دابي الكـَر شباب النيل ...
دابي الكر هو دابي خطير جدا ً بيكون مندسي في الكر والكر هو الحجارة التي توضع على جانبي القبر (المقابر القديمة بالذات).

الكـَجَـر : هو البوليس (عربية الكجر دورية الكجر جفـّلت الحمار وطوّح زي حجر)

[أشتر]

المشاركة الأصلية كتبت بواسطة شبارقة

دابي الكجر ما سمعنا بيهو لكن بنعرف دابي الكـَر شباب النيل ...
دابي الكر هو دابي خطير جدا ً بيكون مندسي في الكر والكر هو الحجارة التي توضع على جانبي القبر (المقابر القديمة بالذات).

الكـَجَـر : هو البوليس (عربية الكجر دورية الكجر جفـّلت الحمار وطوّح زي حجر)

عليك النبي ...
كان كدا اخوك خلط زيت !!!
بس برضو وارد يكون في (دابي الكُجَر) ...
متقول لي ظبي الكُجر حاجة وظبي المسالمة حاجة تانية كمان ؟؟؟

[سمراء]

كدى النمد كنشى معاكم
بحسب ثقافتى اللقطها من حبوبتى وابوى ...ظبى الكجر : تعنى ظبى الجبال
والكجر دى حارة الجبال البتكون منزلقة نحو الغابات او الاشجار القصيرة ..

والله اعلم
وشكرن

[أشتر]

المشاركة الأصلية كتبت بواسطة سمراء

كدى النمد كنشى معاكم
بحسب ثقافتى اللقطها من حبوبتى وابوى ...ظبى الكجر : تعنى ظبى الجبال
والكجر دى حارة الجبال البتكون منزلقة نحو الغابات او الاشجار القصيرة ..

والله اعلم
وشكرن

طيب دا ظبي متوحش عديل كدا ...
يكون الشاعر ضرب بيو المثل للفقارة والعصلجة والتقلة ...
موش برضو بقولو المرا التقيلة مِرِق ... والمرا الخفيفة عِرِق (هوي المثل دا قطعتو من راسي ساي )

[سمراء]

المشاركة الأصلية كتبت بواسطة أشتر

طيب دا ظبي متوحش عديل كدا ...
يكون الشاعر ضرب بيو المثل للفقارة والعصلجة والتقلة ...
موش برضو بقولو المرا التقيلة مِرِق ... والمرا الخفيفة عِرِق (هوي المثل دا قطعتو من راسي ساي )

والله الشاعر ده بكون قاصد انو البنية دى شوية راسه قوى وبراوية
فما ادتو ريق حلو ...او حنكو كان ميت ساى بس ..بس!
انا عندى امثال النصيحه برضو حصرية ....بس بتحكمنا اللائحه

[أشتر]

المشاركة الأصلية كتبت بواسطة سمراء

والله الشاعر ده بكون قاصد انو البنية دى شوية راسه قوى وبراوية
فما ادتو ريق حلو ...او حنكو كان ميت ساى بس ..بس!
انا عندى امثال النصيحه برضو حصرية ....بس بتحكمنا اللائحه

(.....................)
وطبعا قوة الراس دي مقابلا (فصلت)
سيد عبد العزيز الله يرحمو في واحدة من روايعو قال ليها ...
تعجبني والشيء العجيب هادئ واليف ماك النفور ... يعني كان ممكن يدخّل لينا كديسة في الموضوع دا ونعمل جنينة حيوانات الأغاني ...
ولامن خش هنا انا آآآآآآآمنتا
بى عفتك صنت السفور اخخخخخخخخخخخخ
كدي خليني من الغزال والظبي وكل من يمشي على اربع ...
هو إتن لو فيكن فايدة بشبهوكم بأبو أربعة ديل
ياتو يوم غزالة انقبضت باخوي واخوك كدا ...
ما تقلة منهم إلا عدم حنك ساي زي ما قتي

[سمراء]

المشاركة الأصلية كتبت بواسطة أشتر

(.....................)

بى عفتك صنت السفور اخخخخخخخخخخخخ
كدي خليني من الغزال والظبي وكل من يمشي على اربع ...
هو إتن لو فيكن فايدة بشبهوكم بأبو أربعة ديل
ياتو يوم غزالة انقبضت باخوي واخوك كدا ...
ما تقلة منهم إلا عدم حنك ساي زي ما قتي

النصيحه عفتك دى هجمتنى وطوالى عمرت الكلاش لو مالنون اختفت فجأة
انت صحى ناس الحقيبة ديل مالقو الا الحيوانات والطيور يلصقوهن فينا !
ده انا بعتبرو افلاس لغوى عديل كده ! بس بينى وبينك ، مافى شى احسن ..يعنى قولو ذى الحيط مسلن ! ولا يشبهونا بالقطر والجرارات الثقيلة !
خلينا فى طيرنا ده ...اصلنا طير من يومنا