تاكيت الباب واستنيتك.. كم انت جميلة يا نجلاء

[طارق الحسن محمد]

المشاركة الأصلية كتبت بواسطة faris mohamed

إبدااااااااااااااااااااااع

قصيدة تبشتن الوجدان


شكرا" ياخ

تسلم
.. ياخ
فارس البشتنة هينة
كعب رقاد الواطة
فارس تحياتى

[طارق الحسن محمد]

المشاركة الأصلية كتبت بواسطة على ماجداب

والله من أجمل ما قرأت مؤخرا من دارج الشعر .. تحايا للشاعره ولك أخى طارق

العريس
يازول سلام
مشتاقون والله
شنو الغياب
....

[طارق الحسن محمد]

المشاركة الأصلية كتبت بواسطة هيثم علي الشفيع

ومنذ الأمس ترن كلمات هذه القصيدة في رأسي

......

"الجبلين" شهدت صباح أمس هطول أول أمطار خريف هذا العام ،

فتذكرت:


(وأول مطرة
ذاعت أخبارك في دمي
إنحسرت توّاً لفحة حر
كبرت فجأة ضُلاّلة البيت)

وقررت أن أمتعكم معي بهذا النص -الذي أحفظه- ، ولكن

لأني أكسل من الكتابة علي الكيبورد لفترة طويلة ، فضلت البحث عنه بالقوقل لأقوم بنسخه كاملاً.

ليقوم السيد قوقل -مشكوراً- باحالتي لهذه الصفحة..


سعدتُ بمعرفة نجلاء عثمان في الجامعة ، وكانت برلومتي الصديقة -رغم أنها كانت تدرس العلوم وكنت بالهندسة- لكن جمعنا حب الشعر ، وصديق مشترك.

وهي أول من حرّضني على الكتابة بالعامية ، بنص قصير قمت بمجاراته على طريقة الدوبيت
ربما أعرضه عليكم يوماً ما

شكراً طارق الحسن على هذا الصباح الخريفي البديع

شكراً نجلاء -أينما كنت-

ولكم جميعاً صادق الود

تسلم تسلم
هيثوم
ياخى رشنا
بشوية رشاش من الجبلين
مودتى يا هندسة

[طارق الحسن محمد]

المشاركة الأصلية كتبت بواسطة معتصم الطاهر

كم انت جميل ..
أيضا

يا طارق ..

ياخ الزولة دى بتعرف من اين ينشأ الحرف ..

ياباش جمال
كيفنك يازول
طولنا ما اتقاطعنا
فى بوست
ياخى لانك جميل
بتشوفنا
كدة
عموما النص دا
حاسى بيهو
فيهو فواكة كتيرة
بس مدسوسة
وانت نخرتك
بتعرف تلقط كويس
عشان كدة جيت
مودتى

[طارق الحسن محمد]

المشاركة الأصلية كتبت بواسطة أبوجهينة

شكرا طارق

تقرا هذا الشلال المنهمر من الصدق فينتابك شعور ذي شُعَب
شعور بالإنتماء
و بالفخر
و بالعودة للزمن الجميل
و بالدفء
و بالحميمية
و بأن هناك زولا ولوف يقالدك
و عشرات الأشياء
أغبطك يا نجلاء على هذه القريحة المتقدة الفضفاضة النقية

دمتم طارق

ابو جهينة سلام ومحبة
ياخى الحميمية دى
عصبنا
عشان كدة كلام زى دا
بيكلب شعرة جلدنا
ارقد عافية

[طارق الحسن محمد]

المشاركة الأصلية كتبت بواسطة بله محمد الفاضل

ومن (مدد) إليكم هذا المدد:
http://mdaad.com/vb/showthread.php?t=2825

ذئبة العشب




مازلت لي ..
جالس إلى مسلة الضوء
وظهرك إلى خنجري ؟
إذاً مسا الخير؛
انا الشفرة الشهيدة
و بي لك حاجات وحاجات.
بى ذبائح حية ؛
كأنما بت ُ لك المسيحة تتوضأ في مصاطب الألم .
أعوى منك،
أعوى لك ،
أعوى إليك
في الإيمان ؛
يجللني سهر ويحرسني بستان.






كلما توليتك تولاني بلد و أصابتني جهة ؛
تداعى سائري لسائري وسامرني وجهك :

بنيانك مرصوص على موجة ؛
جسدي سهري الحمى
معاول صحارى حرائق
عـين ٌ بعـينْ.






كيف تقرأني عليك؟
كيف نظرتنى
في الكمون اليائس لبذرة تحلم بشلال ؟
كيف تعرفت الىّ بصوتي الكظيم وأشلائي الناجية ؟
أنا ذئبة ُ العشب
معول ُ النجمة القديم
يمرح في الأسرار يتناوم على الندرة.







كيف تراني لما أعشب في يديك
على حين برق ؟
كيف تعتاد على نزوعي للعطب ؛
غمري الليالي في لكنة الموت ؟










بي لغة تتغشاها حروف ولدت في الحال ؛
ولى دولة من المعاني الميتة منذ كوكبٍ ونيف .
وعلىّ من غبارك شمس ٌ خلوقة ،
تراك عصى ّ الليل شيمتك الكهف ُ
فتحترق علىّ
انا بنت الرعية ،
أم ّ الفتات ،
رئتي مصحف العوسج
مرابع اللبخ الزهيد
يحرقني ناي الجنة
ولا أفتن باللهب .






يا حبيبي
تلك أشجارك وأنا جهاتك
تلك حروبي وأنا عدوي
تلك بصيرتي وأنا عمائى
تلك صورك وأنا يمامك .
غيوبي زرقاء زرقاء
بللتها الشهب بأجسادك.
تـنبأنى
لا تصدق رؤياى ؛
لا تجرب سهامك على صهيلي ،
لا تعد لي ما استطعت من خيل ،
أنا ظهيرة
في الخريف البعيد
انا مسافرا الأمل والقنوط السعيد ؛
انا آلة الظل
مرحاكة * الطرف والحكايات
شهرزاد سخية ساهية ؛
من تحت يدي
يمر الكنز لبهجة الخريطة
يمر طريق إلى عابر
يمر الندم إلى لحظة
يمر الموت إلى أم .

أنا آلة الظل ؛
اطحن نومي بسهر الفهود في قصاصة
بتأتأة نبع بنهدي حصاة ،
اكرر ما يحلم به القصب
لحرير الحقول
ما يرطن به شعاع لساعدي حبيبي.
ما يكتبه العرق
لحواف القميص؛
واقرأ
الندى والكفوف والجبين
أنسج ُ حظوظك
من شرود الودع ،
لكنة الفنجان،
من شرودي إليك ؛
من شجر ٍ يمشى في دمى
يحادث راهب الجبل عن صوتك في هاتف الصباح،
عن صيد فراشة نعاس على شمعتي أرق.



كيف اندم علىّ ؟
اسكن برية الحزانى ولا يموت لي بيت إلا في غفلة العدم.
يتداركني عندها أجاويد ** لاهون ،
سادة وعشائر
نسيتهم في الرضا
يتعازمون على قروحي ويشربون الشاي.



ــــــــــــــــــــــــــــــــــــ

* المرحاكة : حجر الرحى
** الأجاويد جماعة تسعى للصلح بين الأطراف المختصمة في العشيرة ؛ عامية سودانية

بلبلنا الشادى
ارقد عافية
طبعا دا من نوع البوستات
البتريحك
يازول يا كتأب
ارقد عافية

[طارق الحسن محمد]

المشاركة الأصلية كتبت بواسطة عمر كبير

طارق يا جميل
يا اخي الزولة دي بتكتب بي شنو؟؟؟
وتكتب من وين اصلا؟؟؟
دي زولة مليانة شعر لما بدفق دقيق وفطير ووعد ايوة وعد وده الأهم من ديل كلهم
خلو بابها ده متاكا في كل الأحوال هي كسبانة كان جا ...جات ...جو ولا لا المهم التاكت باب الروح دي زولة سمحة بالحيل والله
وانت سمحين يا طارق العجبك النص وجبتو لينا هنا
سلام يغشاك
ويغشاها هي بي بابها المتاكا ده

وسلام يغشاك يا كبير
مودتى

[طارق الحسن محمد]

المشاركة الأصلية كتبت بواسطة سماح محمد

يا سلام ياطارق
دي من القصائد الماممكن تمر عليك وتبارح ذاكرتك..
لا أذكر متى سمعتها أول مرة..لكنها كثيرا ما ترن في ذاكرتي
بكل الدهشة الجميلة التي ترسمها عباراتها الممتعة ..
وأكثر ما يعجبني فيها قولة (تاكيت)الباب..فالمتاكاة دي فيها ترقب بليغ..
وإحساس أن الباب ليس مشرع للجميع..هو فقط في إنتظاره..في حياء يُخفي لهفة
رغم طول الإنتظار..
قصيدة بتتحس بالجد..

تحياتي

سموحة سلام
الزولة دى برضو بت
عمأ ليك
وخلى بابك متاكا .... وطوالى

[طارق الحسن محمد]

المشاركة الأصلية كتبت بواسطة محمد زين العابدين

نص جميل من شخص جميل

ود زين سلام
وانت الجابك لينا جميل

مودتى