زهرة الغَرَق

[الرشيد اسماعيل محمود]

المشاركة الأصلية كتبت بواسطة محسن خالد

هَسَّع يا الرشيد لو أخوك ود البتولا دا انترم، فهل ستواصلون من بعده حكاية.. يعني شنو (توتي)؟ يعني شنو (أروما)؟
aroma بالإنجليزي يقول عنها البعلبكي (شذا، عبير، نكهة).
aromatic عطري، قوي الرائحة، ذو نكهة خاصة، أروماتي، نبات أو دواء عطري الرائحة، مركب أروماتي.
يعني شنو سنجة؟
يعني شنو الدمازين؟
وألا ما ح تواصلوا يا الرشيد؟
.

المشكلة ما في المواصلة..
الكلام في الكيفية يا محسن..
انت هسع الكلام في البداية بشوّفوك ليهو عديييييل وبتقوم من النوم تقابض وتخت رمز فوق التاني ومرجع ورا مرجع وقاموس وعييييك..
إنت يشوّفوك مدن الأسماء وبداية الإنسان وبابكر يشوف المعز عمر بخيت في ميدان ابو جنزير ويشوفني معاهو رشا الرشيد المذيعة..
ياخي البني آدم ده الله بشوّفو الحاجات قدر عقلو وأدواتو..
هسع في ذمتك بابكر عباس كان شاف الإنت شفتو ده..كان تلقاهو يلقط في الأكياس في الزلط..
المهم:
انت كدي واصل لينا وخلص مدن الاسماء دي..كل ما تمشي قدّام بتتفتح لينا طاقات فهم واستيعاب..والزهرة دي يا بقّتنا خلفاء راشدين يا مرقتنا مع الخوارج.
وبعدين يعني شنو إنترم ..؟؟ برضو ختّها لينا معاك.
سلام يشرح الخاطر

[قيقراوي]

المشاركة الأصلية كتبت بواسطة الرشيد اسماعيل محمود

وبعدين يعني شنو إنترم ..؟؟ برضو ختّها لينا معاك.
سلام يشرح الخاطر

بردلوووووووب

انترم يعني اتلحس

و المعنى واضح



------
محسن
ياخي بعد الشر عليك

[Sana Mursi]

المشاركة الأصلية كتبت بواسطة محسن خالد

شنو يعني الدمبو وشنو يعني كلي من مناطق الجعليين؟

طيور النوبة

الدو طائر شؤم ويشبه البوم
كلي
الدمبو
كندو
سولو
يستبشرون بالسنبر وطائر (مانجو Mango) وبسقوط المطر.



---------
* راجع إثنوغرافيا كارلنجا، دراسة في التغير الثقافي في جبال تلشي، جنوب كردفان، السودان، دكتور فاروق مصطفى إسماعيل، أستاذ الأنثروبولوجيا المساعد جامعة الإسكندرية.

محسن كيفك وكيف رواد شجرتك الظليله
عارف تقريبا اي قريه نوبيه فيها حي باسم دمبو ، و المقصود بيه الجزء الشمالي من القريه.
وبرضو اخر القريه بيطلقوا عليه اسم ساب و اولها كونج.
مثال: عبرين كونج و عبرين ساب

[محسن خالد]

تمام يا قيقا

ويقال انْتَرَمَ الشيء، بمعنى انكسر بعضٌ متنحِ من حافته، وانترمت السن، لانكسار بعضها أو كلها، وأبْ تَرْمَة، وحينما يقال انترم فلان، فالمعنى أنَّه قد هَلَك.
يضحك نهاركما أنت والرشيد.

يا الرشيد القصة دي
{وبابكر يشوف المعز عمر بخيت في ميدان ابو جنزير ويشوفني معاهو رشا الرشيد المذيعة..}، أخوك ما عارفها. يا ريت تشرحها وألا تدينا لنك، بابكر دا بتاع محن ممتعة!
فدلنا عليها ينوبك ثواب.

[محسن خالد]

افتقدتك والله يا سناء، وينك إنت؟
أرجو أن تكوني بألف خير، أنت ومن معك.
لسع مع المرض والجوطة ما لقيت فرصة أتكلم مع شاعرنا النوبي الجميل والباحث المجد، لامن ربنا يهون غايتو.. بإذنه تعالى.

هل للدمبو عند نوبة الشمال أي علاقة بالطيور، مثلما هي الكلمة لدى نوبة الجبال!؟
هذه إفادة مهمة بالنسبة لي.

اتجاه ((الغرب)) في الفرعونيات القديمة دائماً يعني الموت، وله علاقة بغروب الشمس طبعاً.
حوافظ المفهوم من الكوشرثيا كثيرة للغاية ولكن أبلغها هي مقالة (فلان رَقَد غَرِب جزلانو) ويقصد بها أنه "مات". أو كأنما هو صُرع في معركة أو جُندل، فانجدع، أو انسدح جسمانه في جهة الغرب، من جزلانه.
وهنا يستخدم الجزلان، وهو حافظة النقود Wallet بهذه الأخيولة التي أجدها بديعة التركيب والجمال الغريب فعلاً، الغامض.
يعني تسقط صريعاً في جهة الغرب من جزلان قروشك بعد أن يطير من جيبك ويقع في جهة الشرق منك، هذه أخيولة وليست صورة تشبيه عادية، رهيبة، وبديعة، مش؟



الجزء الشمالي من القرية، يسمَّى دمبو، هذه متماشية مع السبر وطائر النحس، وعلاقة طيور النحس بجهة الشمال عموماً ((الأزلام)) مفهومة للكل كما أعتقد. انظر للنظام، والنسق، ولكن هل للمفردة علاقة مباشرة بالطيور لدى نوبة الشمال أم لا؟
فهي عند نوبة الجبال تعني طائراً بعينه، طائر "دمبو".
وكذلك مفردة كلي، طائر "كلي".
وهذا كله أنا أطارده لأنه رموزٌ لحروف من الأبتيات المروية القديمة، والفرعونيات القديمة إجمالاً، صاحين معاي للّون أم لا!؟
يعني بعدييين لما نجيب صور الطيور تتذكروا الكلام دا، ما تنسوه.

[الرشيد اسماعيل محمود]

المشاركة الأصلية كتبت بواسطة قيقراوي

بردلوووووووب
انترم يعني اتلحس
و المعنى واضح

يعني يا قيقا طلعتني حنكوش جد جد..
ياخي انترم شنو البتغباني..
بس حركة مني، زي ما محسن قال شنو يعني توتي..وشنو يعني دمازين..وهيك..

[محسن خالد]

يعني يا قيقا طلعتني حنكوش جد جد..
ياخي انترم شنو البتغباني..
بس حركة مني، زي ما محسن قال شنو يعني توتي..وشنو يعني دمازين ..وهيك..
رشيد

((Damazin))
كدي شوف الحركة دي

(الليلة شايلة الدَّمْبُو Dampo)

The Blue Nile rises from Lake Tana (Dambea) in the Ethiopian highlands and contributes most of the floodwaters since the White Nile loses a great percentage of its water by evaporation in the Sudd swamps. The only major tributary north of Khartoum is the seasonal Atbara River

* جهجهتني الـB أم الـP
البهيمة أم العقل؟ أم It depends يا عملات الخواجات!
لكن الشغل الكيميائي في رمز "الزين" مبالغة.

[محسن خالد]

(2) بخصوص ألعاب الشيل، راجع قانون الرافعة الذي هو أساس هذه الألعاب كلها. وقانون التوريق الذي كنا نلعب به في الساقية المسماة (ساقية إبليس).
م. خالد

Newton's second law, F=ma, can be formulated to state that an object with a constant mass will accelerate in proportion to the net force acting upon and in inverse proportion to its mass

Torque, also called moment or moment of force (see the terminology below), is the tendency of a force to rotate an object about an axis,[1] fulcrum, or pivot. Just as a force is a push or a pull, a torque can be thought of as a twist.

-----

هسّع في ذمة أصحابك ديل يا ود القرشي، القانون دا حق نيوتن؟
غايتو جنس استهبال عليهم الخواجات ديل!
قلت لي صاحب نيوتن نهّرو وقال ليهو أمسك في القوانين بتاعتك وسيب الخيمياء والدجل!؟ أها أوعك تجي تنهرني، والله عندي ليك جنس قوانين ودجل بعد تنتهي من الامتحانات بتاعتك.
يا ريت لو خلاهو يواصل في الخيمياء، الراجل نقش اللعب كلو جاي من وين، كلها رموز جاااهزة ولا في زول بودي ولا في زول بجيب!

في زول فيكم لعب (ساقية إبليس) دي!؟

[محسن خالد]

وبيس هو ليس إله كبير، وإنما هو أقرب إلى العفريت. ومن أشكاله النموذجية الوجه الذي يصد الشقاء، فهو الإله المحجّب بالأقنعة، وحتى هنا لا يظهر إلا على شكل قناع لإله الشمول الكامن.
ويظهر بيس في نفس البردي مرة أخرى، ولكنه هذه المرة بتسعة رؤوس على رقبة واحدة. وهذه الرؤوس هي:
"وجه بيس
ورأس الكبش
ورأس الصقر
ورأس التمساح
ورأس فرس البحر
ورأس الأسد
ورأس الثور
ورأس القرد
ورأس القطة".

يان أسمان
مصر القديمة


___
هسّع الرموز دي (الأسد، القرد، فرس البحر) علاقتها شنو بمصر!؟
اليوم، في يوم الناس هذا، لا يُوجد أي ليركس بشري يحمل معاني هذه الرموز ويفكك ويشرح علاقاتها ومعانيها الحضارية مثل الليركس السوداني، كله موجود بداخل هذا الغناء، فقط يحتاج للتدبّر.
باختصار، رموز الحضارات كلها، ليس السودانية فحسب، موجودة في هذا الغناء السوداني الكلاسيك، بس الناس تبقى عليه عشرة، تجمعه وتشرحه وتحافظ عليه. شوية شوية، كل مرة سيقوم أحد الناس باستخراج معنى منه، إلى أن يغدو مفهوماً ومربوطاً بماضيه كله، وفي عمومه.
الكوشرثيا فقط، اشتغلت هنا شغل كبير وضخم للغاية، وسيساعد مستقبلاً في الكيفية المعرفية التي يجب أن ينظر بها إلى هذه المواد أثناء معالجتها.

[محسن خالد]

يا أخوانا فيكم زول بعرف (القاعون)؟

[نصار الحاج]

يا أخوانا فيكم زول بعرف (القاعون)؟

القاعون دا يكون الشمَّام يا محسن ولا حاجة تانية

[قيقراوي]

المشاركة الأصلية كتبت بواسطة محسن خالد

يا أخوانا فيكم زول بعرف (القاعون)؟

نحلك الحدج ذي ماقال عمنا براهيم الراوي تلقط في الحدج قايلاه قاعونة والحدج معناها فرخ الجُرُم على وزن فرخ المقات والحدج هو ثمرة الجُرُم وايضاً الحنظل وتكون قوي ماها مستوي
الكلمة الجديدة : مامعنى القاعونة

المصدر

القاعون هو القرع

نفس المصدر السابق

القاعون هو المقات أو الشمام

نفس المصدر السابق

[بله محمد الفاضل]

المشاركة الأصلية كتبت بواسطة محسن خالد

يا أخوانا فيكم زول بعرف (القاعون)؟

من عندي يا حبيب
بدون أي مصادر غير دقنوسي الشين دا

القاعون
هم القاعدون
فأقعى عن الشيء
أي تركه وتقاعس عن فعله


براحة علي
ما تنهرني شديد
سمح

[بله محمد الفاضل]

المشاركة الأصلية كتبت بواسطة نصار الحاج

القاعون دا يكون الشمَّام يا محسن ولا حاجة تانية

أينك يا رجل
لك هنا مقعد لا ينازعنك عليه
أحد
فلم تتركه شاغراً هكذا
وتتركنا نهب الاشتياق

خبرنا عن ليلتكم صاحبي
وكُن هنا بالله عليك

محبتي وامتناني واشتياقي

[محسن خالد]

أووو نصار الحاج
مشتاقين والله يا شاب
ياخي وين إنت؟ وكيفنّها الأشعار معاك؟

القاعون ليس هو الشمّام، رُغم أنّ بعض الناس يُطلقون على الشمّام تسمية القاعون، أو العكس. ولكن هذا لعامل التشابه فقط. وكل واحدٍ منهما شيء آخر، ولا علاقة له بالثاني مطلقاً سوى التشابه في الطعم والتكوين الداخلي والرائحة.

هناك زَرْعان وهما "العجّور" و"البصل" تُستخدم معهما طريقة مختلفة كثيراً في كيفية الحصول على التيراب منهما.
بأن يُتركا حتى يتحولا إلى زرعٍ آخر، شديد الاختلاف من جميع النواحي عن أصلهما.
في حالة العجّور، يُترك إلى أن يصفرّ ويتضخم حجمه بشكل كبير للغاية، ويتغيّر شكله عموماً وطعمه ولونه وكل شيء فيه، وحين يؤكل يصبح في طعمه قريباً من الشمّام المعروف، ولذلك فبعض الناس يسمونه الشمّام، علماً بأنّ الشمّام نبتة أخرى مختلفة تماماً ولا علاقة لها بالعجّور إطلاقاً. وهنا يُسمّى هذا التحوّل في نبات العجّور بالقاعون، وحين يقال للذم، (دا زول قاعونة) فالمقصود الهشاشة الزائفة، لأنّ القاعون هش، وهو في أصله ينتمي إلى شيء آخر، أصبح لا يشبه أصله في أي شيء كان.
العجّور، الذي هو أصل للقاعون أخضر. بينما القاعون أصفر وذهبي شديد اللمعان والصفرة.
العجّور، صلب. بينما القاعون إن لم تحمله برفق وحذر شديد فستنكب أحشاؤه ومياه بواطنه على الأرض.
العجّور طعمه مالح. بينما القاعون طعمه شديد العذوبة، سكّر مركّز.
العجّور، صغير أو متوسط الحجم. بينما القاعون شديد الضخامة.
العجّور لا يمكنك أن تستخرج منه تيراباً لإعادة الزراعة. بينما القاعون يُترك خصيصاً لتوفير هذا التيراب... إلخ
لما قلت لبكور كلامكم قاعون، أي أنّ أصل كلامي في مكان، وامتداداته التي صنعتموها بأنفسكم في مكان آخر تماماً، وهي شديدة الهشاشة والاختلاف عن أصل كلامي.

في حالة "البصل" يُترك أيضاً إلى أن يصبح (كاويقاً).
كا، هي الروح، كاو هي البقرة، وهنا الكلام كثير نتركه لحينه.
الكاويق، هو ما يُستخرج منه تيراب البصل. ويُتحصّل عليه من خلال ترك البصل لينمو متجاوزاً أيضاً مرحلة النضح العادي.
يختصر بتسميته "كاو Cow". آآآي ياها البقرة بالإنجليزي ذاتها من ناحية النطق تحديداً.
الدائرة العليا للكاويق، التي تتجمّع فيها الحبيبات السوداء للتيراب، وهي بيضاء الجوانب على نحو دائري، وتُطابق بالضبط والربط عضو الذكورة بالنسبة للرجال، يُطلق عليها البنبون، ومفردها ((بنـبـونة)).
بينما عصا الخيزران المثنية، التي تُطابق بالضبط والربط شكل الهيكا، والوجّالة، التي تستخدم لاستخراج الدلاء الساقطة بعمق الآبار، ما تحدثتُ عنها سابقاً، يُطلق عليها ((بنـبـقة)).
وهذه رموز وإشارات خطيرة للغاية، سنأتيها كلها، كان ربنا رفع القلم ومدّ في الآجال.