الروائية ( بثينة خضر مكى ) والجنقو.. ماهذا الهــراء ؟؟؟

[Ishraga Hamid]

سلام عليكم ياصلاح

ارجو قراءة هذا الاقتباس من حديث الاستاذ ابراهيم اسحق:

لكن الذي أستطيع تأكيده عن ابراهيم اسحق هو أن موظفين في المجلس القومي للمصنفات الأدبية والفنية طلبا منه في يناير 2011م استلام مخطوطتين وكتاب لابداء الرأي حول السماح بتداولها داخل السودان حسب مطلوبات قانون حماية حق المؤلف والحقوق المجاورة لسنة 1996م.. وقد أعاد ابراهيم اسحق هذه الأعمال الثلاثة إلى هذين الموظفين بعد أسبوع ومع كل منها تقرير معبأ على قسيمة مُروّسة لمجلس المصنفات.. المخطوط الأول مجموعة قصصية بعنوان" متعة الذاكرة" وهي بقلم أناهيد كمال.. والمخطوط الثاني بعنوان "أنا والكلب" وهو رواية بقلم عبد القادر ابراهيم أحمد.. وقد وصى ابراهيم اسحق بعدم تأهل المخطوطين للنشر لما بهما من ضعف فني..

انتهى الاقتباس
------------------------
الحظر هو الحظر ياصلاح
فى زمن المعلومة صعب حجب اى كتاب
كيف وباى معيار فنى اوصى الاستاذ ابراهيم بعدم النشر
لماذا الاحتجاج اذن على مصادرة الجنغو او كتاب عيسى الحلو المذكور طى حديث الاستاذ ابراهيم؟
هل هناك معيار واحد؟
هل للنقاد / الناقدات, الكاتبات والكتّاب نسق واحد ينطلقون منه لتقييم كتابات الآخرين؟
الا يعد ذلك تعديا على حقوق القراء؟
هل القراء هم محض - متلقيين-؟ ام لهم رؤيتهم ايضا؟

ان كنا سوف نناقش القضية استنادا على الرؤية الفكرية للاستاذة بثينة فلابدّ ان ننظر الى الضفة الاخرى, فى المحتوى لا اجد اختلافا كبيرا من حيث مبدأ الحظر, الربكة الحاصلة دى ماممكن قرايتها بعيدا من الحاصل فى السودان ككل واللى بحصل وسط ناس الثقافة ماهو الا احدى تداعيات الوضع الحالى اللى لعبوا فيهو دوركبير, الشىء اللى اوصلنا للحتة دى.....
يبقى السؤال الى متى نعلق كل سلبياتنا فى شماعة الانقاذ؟
والغريب شنو انها ظلت فى الحكم كل السنوات دى والتغيير واقف
فى انتظار ان يفرغ اهل الثقافة من اتهاماتهم لبعض؟!!

[أبوبكر عباس]

المشاركة الأصلية كتبت بواسطة صلاح نعمان

عموما يا بثينة .... ده كلو كوم وابراهيم اسحاق كوم براهو ؟؟!!!
سوف اعود محملا بالادلة ...
سلام

و الله يا أستاذ صلاح نعمان، أ. إبراهيم أسحق كومو تعبان تعب شديد!
و أخير منو كلام أ. بثينة الاعوج.

شكرا إشراقة على الرؤية الشاملة للموضوع.

أ. بيان سلامات
رايك شنو في وجود لجنة أصلا تسمح أو تحجر دخول المصنفات الأدبية للبلاد؟

أ. بثينة محتاجة تعتذر للأستاذ أحمد الصادق (العهدة على حامد موسى)

* المداخلة دي صرفت فيها أستذة تقيلة
يبدو انو الأدب دا صعب خلاص

[ناصر يوسف]

سلام

د. بيان بركه بالشوفه

د. إشراقه
د. بابكر

الشئ شنو آخر تلتة مداخلات كلهم دكاتره
وكلامي التحت ده بوجهو لد. إشراقه ود. بابكر
ليه أستاذنا إبراهيم إسحق أوصي بعدم نشر المخطوطتين ؟؟ أقول:
مش ممكن تكون مخطوطاتهم دي علي وزن مخطوطات ناصر يوسف ولا بابكر عباس العامليييييييييين فيها إنهم كتاب بالعافية ؟؟؟
ربما ... وحتي محاكمة الأستاذ إبراهيم إسحق بمثل هذه الكيفية بينفي أو ينسف مفهوم وجود من له الملكات بقول رأيه في المخطوطات الأدبية وهل هي في مستوي الطباعة والنشر لتصل للقارئ أم لأ
هذا ما لزم من رأي المتواضع جداً في الأمر فيما يخص الأستاذ إبراهيم إسحق

[أبوبكر عباس]

المشاركة الأصلية كتبت بواسطة ناصر يوسف

سلام

د. بيان بركه بالشوفه

د. إشراقه
د. بابكر

الشئ شنو آخر تلتة مداخلات كلهم دكاتره
وكلامي التحت ده بوجهو لد. إشراقه ود. بابكر

في داعي يا أستاذ ناصر تحرجنا مع الدكاترة الجد جد؟!
انت ما سمعت الشاعر قال:
غُضّ الطرف إنك بيطرىُ
لا طبُ بلغت و لا زراعة
يعني أيه لو غنماية ماتت؟
أو خروف ضبحوهو في
عيد الضحية؟

دحين يا أخوي ما توزع الألقاب دي ساكت

المشاركة الأصلية كتبت بواسطة ناصر يوسف

ليه أستاذنا إبراهيم إسحق أوصي بعدم نشر المخطوطتين ؟؟ أقول:
مش ممكن تكون مخطوطاتهم دي علي وزن مخطوطات ناصر يوسف ولا بابكر عباس العامليييييييييين فيها إنهم كتاب بالعافية ؟؟؟
ربما ... وحتي محاكمة الأستاذ إبراهيم إسحق بمثل هذه الكيفية بينفي أو ينسف مفهوم وجود من له الملكات بقول رأيه في المخطوطات الأدبية وهل هي في مستوي الطباعة والنشر لتصل للقارئ أم لأ
هذا ما لزم من رأي المتواضع جداً في الأمر فيما يخص الأستاذ إبراهيم إسحق

يعني انت بتأيد وجود لجنة لفحص النصوص قبل ذهابها للقاري.

يعني لو إبراهيم إسحق أوصى بحجر رواية بركة ساكن انت ما عندك مانع؟

يا زول انت كدا ما عندك مشكلة مع بثينة ذاتها

[صلاح نعمان]

شكرا
نصار
دكتورة بيان .. دكتورة أشراقة ( جميل حضوركما هنا بعد غياب )
شكرا ناصر يوسف
شكرا بابكر عباس
شكرا لجمهور القراء وللذين مروا من هنا من أهل البيت
ما يخص حديثى حول أستاذى الروائى والقاص ( ابراهيم اسحاق ) بنيت اول البوست على محادثة بينى وبينه وكذا مجذوب عيدروس ووجدت تلفون د/ احمد صادق مغلق ... ثانيا ... لابراهيم اسحاق معزة انسانية خاصة لدى ولست فى معرض الحديث عن خلقة ولكن عن ادبه ومنجزه الابداعى لن أفيه مهما قلته وكتبته !!
[frame="1 80"]
ثالثا:-
بالنسبة لى موقفى كلاتى :-
بصرف النظر عن مسميات الشخوص

المهم ان يتعامل اى اديب مع سلطة قمعية تحجر حرية الكتابة والرأى

فهذا أمر أرفضة وبالتالى هذا الامر سوف يفصل فية القضاء

كل من تعاون لحظر رواية الجنقو علية ان يقول رأية واضحا كما

فعل الخاتم عبد الله الذى هو جزء من السلطة القمعية الراهنة

وأخيرا أن بثينة نفسها جزء من سلطة القمع السياسى والثقافى فلا يمكن تنبش هنا وتصمت هناك ؟؟؟
[/frame]
رابعا :-
تداخل مع على الفيس صديقى موسى حامد مشرف الملف الثقافى لجريدة التيار
وقال لى ما كتبته يا صلاح على سودانيز أين الادلة فذكرته له الادلة هى ماكتبته جميع الاطراف والقانون سيثبت حقيقة الامر هذا استمر استاذ مجذوب فى طريق القضاء !!
خامسا نعيد اقباس متكامل لمقال ابراهيم اسحاق فى صحيفة الخرطوم :-

[frame="1 80"]
القضية لمن لم يقرأ ذلك المقال هي اكتشاف الأستاذة بثينة، ربما انطلاقاً من موقعها بتلك اللجنة في المجلس الوطني، ونتيجة لشكاية يرفعها إلى سيادتها القاص والروائي عبد العزيز بركة ساكن، اكتشافها بأن بعض الكُتاب، مثل ابراهيم اسحق، يصوتون لفوز رواية عبد العزيز بركة ساكن المسماة «الجنقو مسامير الأرض» بالجائزة الأولى في مسابقة الطيب صالح بمركز عبد الكريم ميرغني، ثم عندما تطبع الرواية، ويطلب المجلس القومي للمصنفات الأدبية والفنية رأي ابراهيم اسحق في ذات الرواية، يوصي ابراهيم اسحق بمصادرتها.. ولمزيد من التوضيح، فالاستاذة بثينة خضر مكي تنسب إلى اللجنة المسؤولة بالمصنفات انها قد أعطت للسيدة بثينة أسماء الذين يكونون لجنة المخطوطات الثقافية فيما يخص الرواية وهم: ابراهيم اسحق، مجذوب العيدروس، أحمد الصادق، الخاتم عبد الله وعيسى الحلو.. ثم ان اللجنة المسؤولة بالمصنفات تسمح للسيدة بثينة خضر مكي بنشر هذه الوقائع.. وحتى تصبح جريرة هؤلاء النقاد والكتاب كبيرة فجريدة "الأهرام اليوم" تنشر في ثنايا هذا المقال صورة لعبد العزيز بركة ساكن وغلافاً لرواية خالد عويس "وطن خلف القضبان".. وسيذكر القراء لهذا المقال، وهم يقرأون مقال بثينة خضر هذا، ذلك السجال في الشهور الماضية حول الروايات "فركة وقنقليز وأماديرا"، وكل «المنبوذات» ليعلقوها على رقبة أولئك النقاد والكتاب الكبار..
ولنتبين الآن المداخل لما سميناه بهتاناً وبهتاً مريعاً.. أنا أنقل من مقال الاستاذة بثينة خضر قولها عن الفائزين بجائزة الطيب صالح للرواية في مركز عبد الكريم ميرغني، إذ تكتب: «وقد كان على رأس المحكمين الذين اختيروا لتقييم النصوص وفرزها أدباء كبار ونقاد من القامات الابداعية التي يشهد لها داخل وخارج السودان وربما في الوطن العربي كله مثل ابراهيم اسحق ونبيل غالي» انتهى.. والبهتان والبهت هو ان ابراهيم اسحق لم يشترك قط في التحكيم لأية مسابقة بمركز عبد الكريم ميرغني، لا في الرواية، ولا في القصة القصيرة.. ناشدتكم الله، هل ترون أن كلمة «مثل» تلك تعطي للأستاذة بثينة براءة مما يصيب ابراهيم اسحق من الضرر الاعتباري حينما يتوصل قارئ مقالة بثينة خضر إلى ان ذات هذا «الكاتب الكبير» يصادر واحداً من هذه الأعمال التي يصوّت لفوزها؟!

[/frame]
ونتابع اقتباس ىخر لمقال ابراهيم اسحاق :-

[frame="1 80"]لكن الذي أستطيع تأكيده عن ابراهيم اسحق هو أن موظفين في المجلس القومي للمصنفات الأدبية والفنية طلبا منه في يناير 2011م استلام مخطوطتين وكتاب لابداء الرأي حول السماح بتداولها داخل السودان حسب مطلوبات قانون حماية حق المؤلف والحقوق المجاورة لسنة 1996م.. وقد أعاد ابراهيم اسحق هذه الأعمال الثلاثة إلى هذين الموظفين بعد أسبوع ومع كل منها تقرير معبأ على قسيمة مُروّسة لمجلس المصنفات.. المخطوط الأول مجموعة قصصية بعنوان" متعة الذاكرة" وهي بقلم أناهيد كمال.. والمخطوط الثاني بعنوان "أنا وال######" وهو رواية بقلم عبد القادر ابراهيم أحمد.. وقد وصى ابراهيم اسحق بعدم تأهل المخطوطين للنشر لما بهما من ضعف فني.. وكان الكتاب هو "رحلة الملاك اليومية" ويمثل ثلاثين قصة قصيرة لعيسى الحلو، كان قد أوصى بحظرها شخص غير معلوم.. وقد طالب ابراهيم اسحق برفع الحظر عنها.. والصور من هذه التقارير موجودة لديه الساعة..
[/frame]

ونواصل

[ناصر يوسف]

المشاركة الأصلية كتبت بواسطة بابكر عباس

يعني انت بتأيد وجود لجنة لفحص النصوص قبل ذهابها للقاري.

يعني لو إبراهيم إسحق أوصى بحجر رواية بركة ساكن انت ما عندك مانع؟

يا زول انت كدا ما عندك مشكلة مع بثينة ذاتها

يا بابكر يااااااا بابكر البيحب العِطِر ...
هل كل كتاب هو مجاز بعد فراغ كاتبه من كتابته وعلي طووووووول لاااااازم يصل القارئ فقط لأنو خلاص إنكتب كتاب ما ؟؟؟
وهل إنت عندك رأي في الأستاذ إبراهيم اسحق مثلاً ؟؟؟
ولا الأدب ما بيحتاج لتمحيص وتدقيق من أناس قادرين بوعيهم وخبرتهم وتمكنهم من اللغة وشنو شنو داك عشان يقولوا ده ينفع وده ما بينفع ؟؟؟

[أبوبكر عباس]

المشاركة الأصلية كتبت بواسطة صلاح نعمان

دكتورة بيان .. دكتورة أشراقة ( جميل حضوركما هنا بعد غياب )
......
ثالثا:-
بالنسبة لى موقفى كلاتى :-
بصرف النظر عن مسميات الشخوص

المهم ان يتعامل اى اديب مع سلطة قمعية تحجر حرية الكتابة والرأى

فهذا أمر أرفضة وبالتالى هذا الامر سوف يفصل فية القضاء

كل من تعاون لحظر رواية الجنقو علية ان يقول رأية واضحا كما

فعل الخاتم عبد الله الذى هو جزء من السلطة القمعية الراهنة

وأخيرا أن بثينة نفسها جزء من سلطة القمع السياسى والثقافى فلا يمكن تنبش هنا وتصمت هناك ؟؟؟
[/B]

ما معقول يا صلاح! مداخلة زي مداخلة إشراقة دي تجي ماري فيها مرور شكر ساكت!

شنو البخلي الخاتم و بثينة جزء من السلطة القمعية و إبراهيم أسحق ما جزء منها؟

[Ishraga Hamid]

اقتباس:
المشاركة الأصلية كتبت بواسطة ناصر يوسف
يا بابكر يااااااا بابكر البيحب العِطِر ...
هل كل كتاب هو مجاز بعد فراغ كاتبه من كتابته وعلي طووووووول لاااااازم يصل القارئ فقط لأنو خلاص إنكتب كتاب ما ؟؟؟
وهل إنت عندك رأي في الأستاذ إبراهيم اسحق مثلاً ؟؟؟
ولا الأدب ما بيحتاج لتمحيص وتدقيق من أناس قادرين بوعيهم وخبرتهم وتمكنهم من اللغة وشنو شنو داك عشان يقولوا ده ينفع وده ما بينفع ؟؟؟



سلامات ياناصر

المشكلة ووين انو يصل القارىء طوالى؟ طازج من خبز الروح؟
مسألة الادب بيحتاج لتمحيص وتدقيق دى الا تكون بحث علمى
حتى فى البحوث العلمية مافى دقة مطلقة

معليش ياناصر لكن سؤالك الاخير (عندك رأى فى الاستاذ ابراهيم اسحق مثلاً؟) فيها شىء من مصادرة حق الآخر فى ابداء وجهة نظره, فلاقدسية لتناول وجهات نظرنا باحترام ولا وصايا وبلا ابوية ولا رأيك شنو؟

تقديرى

[Ishraga Hamid]

اقتباس:
المشاركة الأصلية كتبت بواسطة بابكر عباس
ما معقول يا صلاح! مداخلة زي مداخلة إشراقة دي تجي ماري فيها مرور شكر ساكت!

شنو البخلي الخاتم و بثينة جزء من السلطة القمعية و إبراهيم أسحق ما جزء منها؟



فى اسفير مجاور قلت نفس كلامك ده يابابكر
اذا الفكرة انو صديقنا صلاح ينزل روؤى مختلفة نمر عليها مرور الكرام
فدى شىء آخر غير ان القراءة تعمل على تحريك الذهن ويصاب بالقلق وبعدين يقوم يرمى حسكينت اسئلته اللى ممكن ماتعجب الآخر..فياصلاح ياخى لا شكرا على واجبى فى ان اقول ما اؤمن به لكن برضو بحتاج لرؤيتك فيما طرحت.

[ناصر يوسف]

المشاركة الأصلية كتبت بواسطة Ishraga Hamid

اقتباس:
سلامات ياناصر

المشكلة ووين انو يصل القارىء طوالى؟ طازج من خبز الروح؟
مسألة الادب بيحتاج لتمحيص وتدقيق دى الا تكون بحث علمى
حتى فى البحوث العلمية مافى دقة مطلقة

معليش ياناصر لكن سؤالك الاخير (عندك رأى فى الاستاذ ابراهيم اسحق مثلاً؟) فيها شىء من مصادرة حق الآخر فى ابداء وجهة نظره, فلاقدسية لتناول وجهات نظرنا باحترام ولا وصايا وبلا ابوية ولا رأيك شنو؟

تقديرى

يبدو وكالعادة بإني ما بعرف أعبرعن فهمي
اشراقه إزيك يا زوله

المسألة عندي ما أبويه ولا أنا الممكن أبقي وصي علي أي إنسان ...
واحترامي لوجهة نظرك ما بالضرورة إني أكون متفق معاك فيها
وقولك يا إشراقه أختي بإنو:

المشكلة ووين انو يصل القارىء طوالى؟ طازج من خبز الروح؟
مسألة الادب بيحتاج لتمحيص وتدقيق دى الا تكون بحث علمى
حتى فى البحوث العلمية مافى دقة مطلقة

يا ريتك لما تجي السودان نتلاقي عشان أديك أكتر من خمسين مخطوطة تمت طباعتها وأقول ليك هاكي يا إشراقه أقري ... متأكد أووووول سؤال حتسأليه ومن الصفحة الأولي أو العاشرة :
والكتاب ده السمح بطباعته منو ؟؟؟
بالنسبة للمخطوتين الإتكلم عنهم الأستاذ / إبراهيم إسحق ... أنا لا قريتهم ولا قريت لأصحاب المخطوطات دي ولا حصل سمعت بيهم ...عشان أقدر أكون أكثر دقة في حكمي علي حديث الأستاذ إبراهيم إسحق عن وصيته بعدم صلاحية المخطوطات للطباعة والنشر ...
نعم الكتابة الأدبية ما زي الكتابة العلمية ( بتفرق كتيييييييييير) ... لكن لما يكون في كتابة أدبية من أصلو ... وتاني بتكلم عن نفسي أنا ... عن نفسي قاعد أكتب .. بس ما حصل وديت كتاباتي دي لأجل الطباعة لأني عارفه ما بتدخل في حيز القصة القصيرة ولا الرواية ولا الشعر ... مجرد كتابة بتكتب نفسها والسلام ...
وعموماً ومع كامل إحترامي لرؤيتك في الأمر دعيني أختلف معاك في مسألة (تحكيم العمل الأدبي الإبداعي) دي ..

[الرشيد اسماعيل محمود]

المشاركة الأصلية كتبت بواسطة Ishraga Hamid

سلام عليكم ياصلاح

ارجو قراءة هذا الاقتباس من حديث الاستاذ ابراهيم اسحق:

لكن الذي أستطيع تأكيده عن ابراهيم اسحق هو أن موظفين في المجلس القومي للمصنفات الأدبية والفنية طلبا منه في يناير 2011م استلام مخطوطتين وكتاب لابداء الرأي حول السماح بتداولها داخل السودان حسب مطلوبات قانون حماية حق المؤلف والحقوق المجاورة لسنة 1996م.. وقد أعاد ابراهيم اسحق هذه الأعمال الثلاثة إلى هذين الموظفين بعد أسبوع ومع كل منها تقرير معبأ على قسيمة مُروّسة لمجلس المصنفات.. المخطوط الأول مجموعة قصصية بعنوان" متعة الذاكرة" وهي بقلم أناهيد كمال.. والمخطوط الثاني بعنوان "أنا والكلب" وهو رواية بقلم عبد القادر ابراهيم أحمد.. وقد وصى ابراهيم اسحق بعدم تأهل المخطوطين للنشر لما بهما من ضعف فني..

مداخلة إشراقة دي انا بتخيّل لي فاحصة وتستحق الوقوف عندها..
إبراهيم إسحق طُلب منه إبداء الرأي حول السّماح بتداول المخطوطات بالسودان..
توصيته كانت عدم السّماح للمخطوطات نسبة للضعف الفني..
هل السّماح بالتداول ينبني علي وجهة نظر فنيّة معنية بالنظر في جسم المخطوطة من حيث البناء الفني والأدبي.. ولا الحكاية شاملة للأبعاد الأخلاقية الدينية و..و..إلخ..
يعني إبراهيم إسحق لمّا أدّوهو المخطوطات دي.. قالو ليهو شوفها لينا من ناحية فنية أدبية.. ولا من كلّو..؟
سلام يا نعمان.

[Ishraga Hamid]

اقتباس:
المشاركة الأصلية كتبت بواسطة ناصر يوسف

يبدو وكالعادة بإني ما بعرف أعبرعن فهمي
اشراقه إزيك يا زوله

المسألة عندي ما أبويه ولا أنا الممكن أبقي وصي علي أي إنسان ...
واحترامي لوجهة نظرك ما بالضرورة إني أكون متفق معاك فيها
وقولك يا إشراقه أختي بإنو:

المشكلة ووين انو يصل القارىء طوالى؟ طازج من خبز الروح؟
مسألة الادب بيحتاج لتمحيص وتدقيق دى الا تكون بحث علمى
حتى فى البحوث العلمية مافى دقة مطلقة

يا ريتك لما تجي السودان نتلاقي عشان أديك أكتر من خمسين مخطوطة تمت طباعتها وأقول ليك هاكي يا إشراقه أقري ... متأكد أووووول سؤال حتسأليه ومن الصفحة الأولي أو العاشرة :
والكتاب ده السمح بطباعته منو ؟؟؟
بالنسبة للمخطوتين الإتكلم عنهم الأستاذ / إبراهيم إسحق ... أنا لا قريتهم ولا قريت لأصحاب المخطوطات دي ولا حصل سمعت بيهم ...عشان أقدر أكون أكثر دقة في حكمي علي حديث الأستاذ إبراهيم إسحق عن وصيته بعدم صلاحية المخطوطات للطباعة والنشر ...
نعم الكتابة الأدبية ما زي الكتابة العلمية ( بتفرق كتيييييييييير) ... لكن لما يكون في كتابة أدبية من أصلو ... وتاني بتكلم عن نفسي أنا ... عن نفسي قاعد أكتب .. بس ما حصل وديت كتاباتي دي لأجل الطباعة لأني عارفه ما بتدخل في حيز القصة القصيرة ولا الرواية ولا الشعر ... مجرد كتابة بتكتب نفسها والسلام ...
وعموماً ومع كامل إحترامي لرؤيتك في الأمر دعيني أختلف معاك في مسألة (تحكيم العمل الأدبي الإبداعي) دي ..



صباح الخير ياناصر

شفت قرايتك لماكتبت, مش لانك زى ماقلت مابتعرف كالعادة تعبر عن وجهة نظرك وانما تكمن المشكلة فى انى ماقدرت اعبر عن وجهة نظرى فى اطار يستوعب وجهة نظرنا الاتنين.
الوصايا والابوية غير مقصود بيها انت ياصديق, ارجع لكلامى واقراهو فى نسقه
الابوية والوصايا بتاعة القوانيين المجحفة واللى استند على اساسها الاستاذ الكريم ابراهيم.
نقطتى المفصلية يا ناصر هى: شنو اللى بيحدد انو دى كتابة صالحة فنية ولا لاّ
وعلى اى اطر اجتماعية يكون الاستناد؟
ده خلينا نشوفوا فى عمقه وفى اطار التعدد والتنوع اللى حاصل فى السودان
خلينا نشوفو ونقراهو فى اطار التغييرات اللى حاصله فى العالم كلل, فى اطار انو فى اجيال جديدة ليها رؤيتها ومفاهيمها, الكتابة هى محاولة لعكس الواقع برؤية الكاتب/الكاتبة.
فى زمن 0راجل المره حلو حلا0 وبالضرا ان شاءالله راجل مرة0 وبختى ان شاءالله راجل امى0 ماممكن ينقرى واقع اى فنتازيا كتابة بعيدا عن واقع انتاجها والمحاولة لعكسها بتقنيات الكاتب/ة نفسه. والكتب اللى قلت عليها ياناصر هى بنت الواقع ده, بنت الميديا السريعة والعلاقات التيك آويه والربكة السياسية وحتى رمى اسامه بن لادن فى البحر 00 مما يتنافى مع حقوق الانسان00 اللى ارتكز عليها اوباما, ده عالمنا اليوم ياصديق, فمن ووين داير انعكاس تانى؟ يجيبهو من ووين؟
لو فى شاب/شابة اتولدت فى عام انقلاب وحجر على الرأى وغناء °° هابط°° فكيف نطالبها تكون على نسق زمن مؤتمر الخريجين مثلا؟

ده مابيعنى انو ماتكون فى جهة منوط بيها قراية ونقد الكتب الادبية وابداء وجهة نظرهم فى نسق قانون ديمقراطى وده مفروض مايمنعك ابدا من ايصال فكرتك ورفع صوتك بوجهة نظرك, ده حق انسانى ومامن حق اى جهة تصادرو تحت اى مسمى.

ياناصر مسألة انو كتابة والسلام دى اللى فى اقتباسى لكلامك اعلاها هى دى النقطة المحورية: ممكن انت تشوفها كدى, كتابة والسلام ويقراها زول انها مميزة, وتقرأها زولة تانية بانها عملت على حراكها وده بيعكس اطرنا ورؤيتنا الفكرية للوجود وبالتالى لينا. فى كتب ممكن تبدأ تقرأها وتحس من جملة واحدة انك غير قادر على مواصلتها وده مرات ليهو علاقة برضو بالركون بس لقناعاتك ورؤيتك,: مثلا, قبل فترة بديت اقرأ فى رواية , ولقلقى الخاص مرات ولمن اكون مشدودة فى فضاء القراية بستعجل اشوف النهاية شنو, على التعتر شقاوة قلقلى عترت على جملة فيها مفردة 0العبد الاسود0 دى كانت سبب ما اقدر اواصل الرواية دى.

بديت اقرأ برضو للمرة التانية رواية اخبار البنت مياكايا للاستاذ ابراهيم اسحق
وماقدرت اواصل قرايتها مجرد ماوقعت عينى على تسببه فى مصادرة حق كاتب/كاتبة.
الخلل مافى الاسباب اللى ذكرتها اعلاها انما فينى برضو: مش انا منتوج الواقع ده؟
بطلع منو كيف لو ماواجهت روحى والعالم حولى وبذهن مفتوح وقلب مليان محبة؟

فى سؤال اساسى ياناصر سألك ليهو بابكر:
انت مع المصادرة؟
ياريت اسمعك

ويبقى بينا النفاج مفتوحا لمزيد من الحوار

[الرشيد اسماعيل محمود]

المشاركة الأصلية كتبت بواسطة Ishraga Hamid

سلامات ياناصر
المشكلة ووين انو يصل القارىء طوالى؟ طازج من خبز الروح؟
مسألة الادب بيحتاج لتمحيص وتدقيق دى الا تكون بحث علمىحتى فى البحوث العلمية مافى دقة مطلقة

المشاركة الأصلية كتبت بواسطة Ishraga Hamid

ده مابيعنى انو ماتكون فى جهة منوط بيها قراية ونقد الكتب الادبية وابداء وجهة نظرهم فى نسق قانون ديمقراطى وده مفروض مايمنعك ابدا من ايصال فكرتك ورفع صوتك بوجهة نظرك, ده حق انسانى ومامن حق اى جهة تصادرو تحت اى مسمى.

سلام إشراقة..
هل التدقيق والتمحيص بيفرقن من القراية وابداء وجهة النظر..؟
من خلال كلامك ومداخلاتك الأولي فهمت انك ضد كل أشكال القيود علي المنتوج الأدبي.. مع إنو حتي في أمريكا الرأسمالية الليبرالية لا زالت هناك روايات ومخطوطات يتم حظرها سنويّاً ولأسباب مختلفة.. المهم.. ما علينا..
انا ما بتفق مع رأيك طبعاً في إطلاق الحبل علي الغارب وفتح طريق النشر لكل من هبّ ودب.. لازم يكون في معايير الناس تستند عليها.. بغضّ النظر عن ماهيتها.. يعني لو المعيار الأدبي بيهتمّ في جوهره بالنواحي الفنية مثلاً.. يبقي وين المشكلة..؟ ما من زمان في لجان إجازة لكل الأجناس الفنية ساهمت كتير جدّاً في ضبط الحركة الإبداعية وأزكت التنافس من أجل التجويد وتماسك المنتوج الأدبي سواء كان شعريّاً أو فنيّاً أو غيرو..
بتفق معاك في أنو المحاكمات الأخلاقية للنصوص الأدبية مجرّد معايير فضفاضة يمكن أن يتم استغلالها وإدخال أجمل الروايات مثلاً جوراً تحت عبائتها.. ولكن ياخي المعايير الفنية البحتة التي تهتمّ بالفضاء الأدبي ومعايير الكتابة.. دي أنا شايف انو ضابطة ومهم توافرها..
وده الفهمتو من المداخلة حقتك التانية..

[عكــود]

المشاركة الأصلية كتبت بواسطة الرشيد اسماعيل محمود

سلام إشراقة..
هل التدقيق والتمحيص بيفرقن من القراية وابداء وجهة النظر..؟
من خلال كلامك ومداخلاتك الأولي فهمت انك ضد كل أشكال القيود علي المنتوج الأدبي.. مع إنو حتي في أمريكا الرأسمالية الليبرالية لا زالت هناك روايات ومخطوطات يتم حظرها سنويّاً ولأسباب مختلفة.. المهم.. ما علينا..
انا ما بتفق مع رأيك طبعاً في إطلاق الحبل علي الغارب وفتح طريق النشر لكل من هبّ ودب.. لازم يكون في معايير الناس تستند عليها.. بغضّ النظر عن ماهيتها.. يعني لو المعيار الأدبي بيهتمّ في جوهره بالنواحي الفنية مثلاً.. يبقي وين المشكلة..؟ ما من زمان في لجان إجازة لكل الأجناس الفنية ساهمت كتير جدّاً في ضبط الحركة الإبداعية وأزكت التنافس من أجل التجويد وتماسك المنتوج الأدبي سواء كان شعريّاً أو فنيّاً أو غيرو..
بتفق معاك في أنو المحاكمات الأخلاقية للنصوص الأدبية مجرّد معايير فضفاضة يمكن أن يتم استغلالها وإدخال أجمل الروايات مثلاً جوراً تحت عبائتها.. ولكن ياخي المعايير الفنية البحتة التي تهتمّ بالفضاء الأدبي ومعايير الكتابة.. دي أنا شايف انو ضابطة ومهم توافرها..
وده الفهمتو من المداخلة حقتك التانية..

سلام للجميع،

أعجبتني مقولة قالها الأستاذ عالم عبّاس في نقاش مشابه،
قال : حاكموا الأدب بمعاييره و الأخلاق بمعاييرها!

[معتصم الطاهر]

لم يتفق المثقفون السودانيون على شيء مثلما اتفقوا على محاكمتهم لمجلس المصنفاتالفنية والأدبية، بعضهم وصف بعض ما يقوم به بالجهالة والسطحية، ودار الحديث فيندوات ثقافية كثيرة عن ضيق الأفق الذي جعل مجلس المصنفات الأدبية يكون لجنة لتحكيمالنصوص الإبداعية من موظفين ربما لم يقرأوا الآداب العربية ولا كتب التراث العربيولم يسمعوا بكتاب الأغاني ولا طوق الحمامة ولا كتاب الحيوان للجاحظ ولم يدرسوا (طبقات ود ضيف الله

».. لكن الذي أستطيع تأكيده عن ابراهيم اسحق هو أن موظفين في المجلس القوميللمصنفات الأدبية والفنية طلبا منه في يناير 2011م استلام مخطوطتين وكتاب لابداءالرأي حول السماح بتداولها داخل السودان حسب مطلوبات قانون حماية حق المؤلف والحقوقالمجاورة لسنة 1996م

بأنّ مثل هذه اللجنة أو اللجان من الواجب المفترض أنْ يتوفّر فيها أنْ تضم العديدمن المختصين والعارفين بالشأن الأدبي لا أنْ يُقرّر في مصيرها واحد فرد صمد أو فهمٌواحد يمرر ما يريد له أن يمر ويمنع مالا يروق له،

هل هناك معيارواحد؟
هل للنقاد / الناقدات, الكاتبات والكتّاب نسق واحد ينطلقون منهلتقييم كتابات الآخرين؟
الا يعد ذلك تعديا على حقوقالقراء؟
هل القراء هم محض - متلقيين-؟ ام لهم رؤيتهمايضا؟

الحظر هو الحظرياصلاح
فى زمن المعلومة صعب حجب اى كتاب

ثالثا:-
بالنسبة لى موقفى كلاتى :-
بصرف النظر عن مسميات الشخوص

المهم ان يتعامل اى اديب مع سلطة قمعية تحجر حرية الكتابة والرأىفهذا أمر أرفضة وبالتالى هذا الامر سوف يفصل فية القضاء

.. وقد وصى ابراهيم اسحقبعدم تأهل المخطوطين للنشر لما بهما منضعف فني..

ده مابيعنى انو ماتكون فى جهة منوط بيها قراية ونقد الكتب الادبية وابداء وجهةنظرهم فى نسق قانون ديمقراطى

من كل الاقتباسات أعلاه هل يمكن تكوين جملة مفيدة؟
أو عدد من الأسئلة ..

1- ما هو المطلوب من مجلس المصنفات فى مثل هذا الشأن ؟ تصنيف فقط .. حقوق .. مستوى أدبي ..؟
2- هل كل ما يكتب ينشر ..؟ما هي المعايير المطلوبة ( أدبية - وطنية - أخلاقية )
3- اللجان ..ممن تتكوّن ..؟ ما هو معيار اختيار أعضاء اللجان؟
4- الموظفين فى مجلس المصنفات .. هل يشترط أن يكون لهم علاقة بالأدب ؟ وما عيب أن يكون موظف يعرف أن يدير الأمر و تكون اللجان من أدباء متعاونين ؟
5- هل المسألة أدبية ..أم سياسية .. ومتى تكون السياسة معوقا ؟ و ما عيب تدخل السياسة ..؟