المرأة حذاء ،، والكلام من صفة المتكلم

[مهند الخطيب]

المشاركة الأصلية كتبت بواسطة الجيلى أحمد

أندر وير فى عينك (وكال لكلمات بذئية جدآ)
!
أكثر المستفيدين من هذا المشهد الزلق هم المثقفاتية
او قال بالبنفسج

هم أكبر المروجين وبعض المستفيدين

[زول الله]

المشاركة الأصلية كتبت بواسطة مهند الخطيب

يس ياجيلي ....
كذلك ثقافة اللباسات .....
ياخي شي عجيب ....

شوف لمن زول الله يكتب ليك:
المرأة الاندروير
!!!!!!!!!!

قلنا اهم شيء تختار منهن البـ تسترك
دي ماشفتها مالك ؟؟

المشاركة الأصلية كتبت بواسطة مهند الخطيب

؟
** كلام زول الله مؤذي جدا ان كنت فهمته كما يجب

قل لي فهمتو بي وين
أقل لك من أنت

مهند كل عام وانت بخير









اقول قولي هذا واستغفر الله لي .............

[مهند الخطيب]

المشاركة الأصلية كتبت بواسطة زول الله

قلنا اهم شيء تختار منهن البـ تسترك
دي ماشفتها مالك ؟؟


قل لي فهمتو بي وين
أقل لك من أنت

مهند كل عام وانت بخير









اقول قولي هذا واستغفر الله لي .............

ان الحديث عن المرأة كحذاء أو باروكة أو كملابس داخلية هو مشين ولا شك ...

ومفهوم السترة الذي تشير اليه يازول الله -وهو الاخلاص كما فهمته - هو أحد مقومات علاقة الرجل بالمرأة المتبادلة ولم أرى يوما من يتحدث عن الرجل الاندروير أو الرجل الباروكة أو الرجل الحذاء!!!!

اشارتك مؤذية يازول الله وتعكس الاستعلاء الذكوري بكل صلفه وتؤطر المرأة داخل جهازها التناسلي فقط بعيدا عن انسانيتها وفعلها الحضاري في صيرورة هذه الحياة ....



كل عام وانت بخير ياابن عمتي عساك وكل الحداك بخير

[أسعد]

المشاركة الأصلية كتبت بواسطة لحن الحياة

عجبني شديد الكلام ده ، فنقلتو ليكم


( كان أحد الحكماء جالساً مع مجموعة من الرجال، فطرح بعضهم موضوع الزواج والنساء، فقال أحدهم: المرأة كالحذاء.. يستطيع الرجل أن أن يغير ويبدل ويغير ويبدل حتى يجد المقاس المناسب له!!
.
.

فنظر الحاضرون إلى ذلك الحكيم وسألوه: ما رأيك يا أبا أنور بهذا الكلام؟؟
فقال: ما يقوله الأخ صحيح تماما، فالمرأة كالحذاء في نظر من يرى نفسه قَدَماً، وهي كالتاج في نظر من يرى نفسه رأساً، فلا تلوموا المتحدث، بل اعرفوا كيف ينظر إلى نفسه.

فالكلام من صفة المتكلم )

اها ، عجبكم زيي كده؟؟؟؟
مافي زول يسألني قصتي مع الاحذية شنو ، كويس؟

انا غايتو رأس
وشايف المرأة طربوش سااااااااااااي ^_^

[أسعد]

غايتو لكن يا مهند والجيلي ما بسألكم
دايرين تتحكم في تأملتنا كمان؟!
انا خايف بعد شوية تقولوا لينا ما تنظروا للملوخية على اساس انه مجرد ملاح
الملوخية هي نبات لها كينونته وعندو بوهارات يجب ان نراعيها

ياخ خلونا في ثقافة جوعنا دي
ويظل شعار (المرأة كرعين) اعظم شعار في ارشيف حياتي الثوري
علي الطلاق الحياة دي بدون جنس زي العيشة في هاواي بالملابس الرسمية
او كما قال عادل امام نبقى شعب شييييييييييييييييييييي حاااااااااااااااااااااااااااا

[مهند الخطيب]

المشاركة الأصلية كتبت بواسطة وجدي الأسعد الأسعد

غايتو لكن يا مهند والجيلي ما بسألكم
دايرين تتحكم في تأملتنا كمان؟!
انا خايف بعد شوية تقولوا لينا ما تنظروا للملوخية على اساس انه مجرد ملاح
الملوخية هي نبات لها كينونته وعندو بوهارات يجب ان نراعيها

ياخ خلونا في ثقافة جوعنا دي
ويظل شعار (المرأة كرعين) اعظم شعار في ارشيف حياتي الثوري
علي الطلاق الحياة دي بدون جنس زي العيشة في هاواي بالملابس الرسمية
او كما قال عادل امام نبقى شعب شييييييييييييييييييييي حاااااااااااااااااااااااااااا

طيب ياوجدي ....داخل ثقافة جوعك دي زاتا انت لو نظرت للملوخية دي ساي كده بدون بهاراتا وسواتا مابتبقى برسيم ساي (علوقة ) وتبقى انت ##### ساي ... مش؟

ماف زول داير يتحكم في تأملاتك ياخوي أتامل ساي لكن الـ عشرة الف سنة الفاتت من التطور دي حقها عليك انك تكبح تأملاتك الحيوانية في حدود ضيقة .....
ماأظنك بعد صبرك ده كلو داير ليك مرة كرعين وبس بلا باقي الحاجات ... وللا كيف؟

وكل عام وانت بخير ...

[ناصر يوسف]

من غير تأطير يا لحن الحياة

المرأ عندي ذاك الإنســــــــــــــــــــــــــان



وبـــــس

كوني إنسانة .. كوني بخير

[سماح محمد]

تحياتي ياصِحاب
وكل عام وأنتم بخير

لفتني حديث العزيزة (لحن الحياة) مذ قرأته وحرك فيّ ما حرك بسبب إستشعاري المفرط للإسقاطات الجندرية ، ولكني تراجعت عن التداخل لوضوح الصياغ الطريف للحديث ومحوره الذي يربط إكرام المرأة بتخير المكان الأفضل لها داخل الرجل (الختيييير )

كل التفاصيل في حياتنا تخضع لهذه الإسقاطات الذكورية، وكثيرا ما نتعامل معها كمسلمّات، لا بأس أن نقف عندها ونلفت الإنتباه إلى أنه ثمة تجاوز لإنسانية المرأة هنا..
ولكُلٍ مرامي في حديثه وإن تضمن نفس تلك الإسقاطات التي نرفضها..
فلنحاول أن نعي المغزى الموجب لكل حديث بلا كثير حدة.

(حذاء) و (تاج) يالحن ؟!!
عصرتي علينا شديد

[أسعد]

أها يا مهند أنا الحاجة البتحرضني على الارتباط بالمراة هي حوجتي لي كرعيها
ويقع ترتيبها اعلى قائمة الأولويات التي تحرضني اتجاه المرأة
انا حاليا ما بهمني ثقافة أو اخلاق المرأة بقدر ما يهمني كرعينها
الحاجات دي بتجي بعدين المشكلة الكرعين ما بجن بالساهل ^_^

انتو كدي اقنعوا لينا الذئب ما ينظر للخروف على اساس انه مجرد لحمة
بعد داك نحن ح ننظر للمرأة على اساس انه ليست مجرد كرعين
يا مهند ياخ ما تحاربوا الطبيعة ، النهاية ح تكون بطالة
لانو بعدين ما حتفرزوا الخروف من الذئب ^_^

[أسعد]

المشاركة الأصلية كتبت بواسطة سماح محمد

تحياتي ياصِحاب
وكل عام وأنتم بخير

لفتني حديث العزيزة (لحن الحياة) مذ قرأته وحرك فيّ ما حرك بسبب إستشعاري المفرط للإسقاطات الجندرية ، ولكني تراجعت عن التداخل لوضوح الصياغ الطريف للحديث ومحوره الذي يربط إكرام المرأة بتخير المكان الأفضل لها داخل الرجل (الختيييير )

كل التفاصيل في حياتنا تخضع لهذه الإسقاطات الذكورية، وكثيرا ما نتعامل معها كمسلمّات، لا بأس أن نقف عندها ونلفت الإنتباه إلى أنه ثمة تجاوز لإنسانية المرأة هنا..
ولكُلٍ مرامي في حديثه وإن تضمن نفس تلك الإسقاطات التي نرفضها..
فلنحاول أن نعي المغزى الموجب لكل حديث بلا كثير حدة.

واللاي يا سماح جندريتكم دي لا حكت لا بقت
انتو بدل تحاربونا في طبيعتنا كذكور بتحركنا وتهمنا حاجات معينة
مفروض تحاربن الاحتباس الحراري دا وكل ما يضر بالبيئة لانه يؤثر على صحة الرجل
وتحاربن الانهيار الاقتصادي العالمي الحاصل لانو برضو بأثر على نفسية الرجل

المرأة زي ما عندها حقوقها الانسانية ، برضك عندها حقوقها الحيوانية
ولا تساهمن في انتشار المقولة القائلة حليل الرجال البكسروا العناقريب ^_^

[مهند الخطيب]

المشاركة الأصلية كتبت بواسطة وجدي الأسعد الأسعد

أها يا مهند أنا الحاجة البتحرضني على الارتباط بالمراة هي حوجتي لي كرعيها
ويقع ترتيبها اعلى قائمة الأولويات التي تحرضني اتجاه المرأة
انا حاليا ما بهمني ثقافة أو اخلاق المرأة بقدر ما يهمني كرعينها
الحاجات دي بتجي بعدين المشكلة الكرعين ما بجن بالساهل ^_^

انتو كدي اقنعوا لينا الذئب ما ينظر للخروف على اساس انه مجرد لحمة
بعد داك نحن ح ننظر للمرأة على اساس انه ليست مجرد كرعين
يا مهند ياخ ما تحاربوا الطبيعة ، النهاية ح تكون بطالة
لانو بعدين ما حتفرزوا الخروف من الذئب ^_^

ياخي تشبيهك غريب جدا جدا ....

خروف وذئب ولحمة ؟!!!!

يعني المرأة دي بالنسبة ليك (أكلة) ؟ طيب بنفس السياق المرأة ممكن تنظر ليك كشنو ياوجدي؟

وهل بمعيارك الكرعيني ده انت ضد ارتباط (الذئب) بـ (غنماية) كرعينا مكعوجات وسدرا صغير وكمية الـ(اللحمة) فيها ماعلى قدر كده؟!!

باقي لي ياوجدي التطور الطبيعي - حسب صيرورة الحياة - لـ" اظفر بذات الدين " هي ذات الوعي والأخلاق والفكر ..... وده مابحولا لزولة مابتنفرز ...

[وهاد ابراهيم محمد]

المشاركة الأصلية كتبت بواسطة وجدي الأسعد الأسعد
انتو كدي اقنعوا لينا الذئب ما ينظر للخروف على اساس انه مجرد لحمة
بعد داك نحن ح ننظر للمرأة على اساس انه ليست مجرد كرعين

يا مهند قال ليك بعد الذئب, تاني انت بتناقش في منو, ولشنو..

غايتو سطرين وجدي ديل ممكن يتختو تحت عنوان ما يستفاد من البوست..
فالرجل قالها بنفسه..

[الجيلى أحمد]

المشاركة الأصلية كتبت بواسطة وجدي الأسعد الأسعد

أها يا مهند أنا الحاجة البتحرضني
انتو كدي اقنعوا لينا الذئب ما ينظر للخروف على اساس انه مجرد لحمة
بعد داك نحن ح ننظر للمرأة على اساس انه ليست مجرد كرعين

وجدى (ذا موست هابى بيرسون)
هسه الحماك منو؟
يازول شوفا ذى ماداير , ووسع خيالك قدر ماعندك ,

بس حكاية نقنع ليك الذئب دى واسعة شوية ..

مالنا ومال الذئب نحنا ,
وبعدين ياقرمبوز المسألة دى ماعندها أى علاقة بالاشتهاء والرغبة ,
عندها علاقة بالتنميط والاسقاط ..

انتو بدل تحاربونا في طبيعتنا كذكور بتحركنا وتهمنا حاجات معينة
مفروض تحاربن الاحتباس الحراري دا وكل ما يضر بالبيئة لانه يؤثر على صحة الرجل
وتحاربن الانهيار الاقتصادي العالمي الحاصل لانو برضو بأثر على نفسية الرجل

يااخى انت بعد النقة بتاعت الذئب واللحمة والغنماية , نفسياتك دى ماأظنها تتأثر بى حاجة



_____________
عمك دنزل واشنطن عندو مقطع كارب فى الفيلم بتاع( ترنينق دى ) بقنع ليك
الود البدرب فيهو انو يحاكى الذئب , مقطع فيهو منطق مربك , أديو طلة..

[الجيلى أحمد]

ياوجدى ,
ليه دقشتا الذئب واللحمة لمن بقى الكلام عن الكرعين والرغبة والاشتهاء والجنس..

يااخى ليه داير تحط من قدر الأفعال العظيمة دى وتحولا لى حيوانية مفرطة,
يااخى الجسد دا جميل جدآ ,
والرغبة والاشتهاء والجنس هى من أجمل ماصنع الله فى هذا الكون ..

لكن أن تجرد انسان من كل اشياؤه وتنمطه فى كرعين ودواعى رغبتك
بيبقى دا تجنى عليهو , وتجنى على روحك انت ذاتك

[سماح محمد]

سلامات ياوجدي

المشاركة الأصلية كتبت بواسطة وجدي الأسعد الأسعد

واللاي يا سماح جندريتكم دي لا حكت لا بقت
انتو بدل تحاربونا في طبيعتنا كذكور بتحركنا وتهمنا حاجات معينة
مفروض تحاربن الاحتباس الحراري دا وكل ما يضر بالبيئة لانه يؤثر على صحة الرجل
وتحاربن الانهيار الاقتصادي العالمي الحاصل لانو برضو بأثر على نفسية الرجل

المرأة زي ما عندها حقوقها الانسانية ، برضك عندها حقوقها الحيوانية
ولا تساهمن في انتشار المقولة القائلة حليل الرجال البكسروا العناقريب ^_^

ياخ انت ما تساعدنا بأنك تحدد نفسك ، يعني نحنا بعد مداخلاتك اللطيفة دي لا عرفناك راس كايس طربوش، ولا ذئب كايس نعجة، ولامهندس كايس صبة عواميد (سيقان).. ولا أحلى

غايتو نصيحتي ليك يافردة..ولئلا يُهدر دمك في سودانيات
كلام ما مقتنع بيهو ما تقولو ياخ..
هسه دي لو قناعتك : لي هسه مالقيت ليك جوز رجلين تعرسهم..أصلو البلد دي جفت للدرجة دي؟؟!!

أقطع وشك ياوهم