شخبطات على جدار ابيض

[جيجي]

الانتصار للنفس هو اشد الاشياء اسودادا وان بدأ لامعا

[جيجي]

دع قلبك ناصعا
ود عه يحترق وهو اكثر توهجا
وانقى رمادا


على الاقل تبقى زول فعال
في مجال الصحة العامة
وصحة البئية

[اشرف السر]

المشاركة الأصلية كتبت بواسطة جيجي

دع قلبك ناصعا
ود عه يحترق وهو اكثر توهجا
وانقى رمادا


على الاقل تبقى زول فعال
في مجال الصحة العامة
وصحة البئية

مع تحيات حزب الخضر السوداني

[جيجي]

اكتر شيء متعبني اني بحس اني مسؤلة عن اي زول بعرفه
وبالتالي له علي ان ادير له خدي الايسر
وبالرغم من شدة التعب
عشقت تورد خدّاي

[جيجي]

المشاركة الأصلية كتبت بواسطة اشرف السر

مع تحيات حزب الخضر السوداني

وحضورك هو ايضا اكثر اخضرارا ومودة
-
وازرع شجرة
تصنع حياة

[جيجي]

الحياة دي عاملة زي الوردة
لو لعبت معاها لعبة الحظ
حتنتفها بتلة بتلة
احسن خليها زي ماهي
لمين تنشف براها
وتقع كرررش

[جيجي]

كتير بقول لمامتي
انتي لو بتحبيني قدر دا
مش كان تخليني جوه بطنك اامن واجمل

على الاقل الواحد يقتنع انه المصارين في البطن بتتشاكل

[ابرا]

والرمله تشابي تتاوق ليك
لاقيتك شوف والعين بتكابس
كان تلقالا طريقة شوف
والضل راجيك
لاقيتك والشارع مشدوه
والرمضة المنتشرة نهار
بتنانق في فسحات الليل
تتنحنح كلما طل وشيك

[جيجي]

لو لقيت رجل
يسكني في عش عصفور
على شرط يبقى عصفور
عشان انا بحيا بالتغريد
حاكون اسعد انسانة- اقصد عصفورة

[احمد سيداحمد]

انا قلبي ملكك من زمان كل ما تجرحي نبضو حي
ما انتي اقرب ليهو مني وانتي اقرب منو لي
وما طال مسكنك الفؤاد انا ليه اوريك العلي

[جيجي]

المشاركة الأصلية كتبت بواسطة زول خرافي

والرمله تشابي تتاوق ليك
لاقيتك شوف والعين بتكابس
كان تلقالا طريقة شوف
والضل راجيك
لاقيتك والشارع مشدوه
والرمضة المنتشرة نهار
بتنانق في فسحات الليل
تتنحنح كلما طل وشيك

منقة والله ياصاحبي
او قل كرز
وحتى التمر هندي عندنا اليومين دي زي العسل
حصل جربتوا ياناس الامارات
لوما جربتوا نص عمركم ضائع
الفي الصندوق الاحمر ياعكود مايفوتك

[جيجي]

المشاركة الأصلية كتبت بواسطة اسمر

انا قلبي ملكك من زمان كل ما تجرحي نبضو حي
ما انتي اقرب ليهو مني وانتي اقرب منو لي
وما طال مسكنك الفؤاد انا ليه اوريك العلي

مش على الاقل توريها وصف المكان
عشان ما تتوه
وما دام نبضو حي يبقى ماجرح
خربشة ساي
ازيك ياجميل ياسمر

[جيجي]

انا ماشة
بس اكيد ماهبابة
ويمكن ارجع ويمكن لا
بس

احتمال كبير ارجع


او
اكيد برجع
اصلي بشتاق لي الجمر

[احمد سيداحمد]

المشاركة الأصلية كتبت بواسطة جيجي

مش على الاقل توريها وصف المكان
عشان ما تتوه
وما دام نبضو حي يبقى ماجرح
خربشة ساي
ازيك ياجميل ياسمر

جيجوش سلام

هي اصلا كده

يا ساكنة ما بين الضلوع في روحي جوة سواد عيني
انا قلبي ملكك من زمان كل ما تجرّحي نبضو حي
ما انتي اقرب ليهو مني وانتي اقرب منو لي
وما طال مسكنك الفؤاد انا ليه اوريك العلي

انا سحبت البيت الاول


تحياتي

[زاهر صديق الطيب]

اقتباس:
المشاركة الأصلية كتبت بواسطة جيجي
انا ماشة
بس اكيد ماهبابة
ويمكن ارجع ويمكن لا
بس

احتمال كبير ارجع


او
اكيد برجع

اصلي بشتاق لي الجمر
وريحة البن ..