سودانيات و (فقدان البوصلة) ،، وهل يستقيم المزاج ؟؟؟؟؟ !!!!!

[كيشو]

المشاركة الأصلية كتبت بواسطة مهند الخطيب

سلام ياجماعة ورمضان كريم ......

أعتقد أن انطلاقا سليما لمناقشة موضوع جامع بهذا البوست رغم تشتت الأراء والأهواء يجب أن ينطلق من مداخلة عمنا رأفت التالية:




ياقوم قولوا بقولكم او بعض قولكم !!

المشاركة الأصلية كتبت بواسطة مهند الخطيب

هسي ياكيشو نحن ملزمين باللائحة وللا بتقاليدنا البرة المنتدى؟؟؟

غضبتك وحزنك مبرران ... لو الشي الحصل ده حصل في الحلّة ......


بالجمبة كده:
أحزنني تصرف الجيلي مع المدعو خالد محجوب ولكنني لا أستطيع أخطئه ....

بالجمبة تاني:
بيتي وبيت جيراني مفتوح ليك ياكيشو برة المنتدى حباااااااااااابك وحباب اليجي من جهتك....
لكن عليكم الله خلوا لينا حبتين الرأي والفكر هنا نبني عليهن....

شكراً يا مهند على الترحيب، لكن بيت جيرانكم دي غايتو إلا نعرفا لامن نتلاقى
وبرضو تاني ما "بطمش" ساكت يقوم زول يفقد المنطق مرة ويقول شربتك عصير وأكلتك باسطة، تاني بشيل معاي تعهد أي زول يعزمني يوقع على التعهد، دا شرطي الأساسي

هسي ياكيشو نحن ملزمين باللائحة وللا بتقاليدنا البرة المنتدى؟؟؟

[justify]الاتنين يا مهند ... الاتنين، لأنو المنتدى تتصارع فيه الأفكار والعقائد والأعراف والتقاليد، فالذي يعارض ويتهم الطرف الآخر بتدمير الأفكار والعقائد والأعراف والتقاليد؛ عليه أن يرينا التزامه هو بها، وهذا يجعل حوارنا المشتمل على تلك التي ذكرت لا يكون خارج الموضوع، فالذي يريد أن يحكم بلداً لا بد له من فكر ينطلق منه، والذي يختلف معه لا بد له من فكر مضاد بالكلية أو إلى حد ما (هذه وجهة نظري)
ونأتي إلى هنا (حيث عالمنا الإسفيري هذا)؛ ما الذي يحكمه؟ هل هل تحكمه اللائحة فقط؟ وهل ما يتولد من التلاقي هنا من علاقات (صداقات وعمل وديون وحب وزواج إن شئت) هل هو تطبيق للائحة؟ أليس ذلك مخالفاً للائحة؟ لقد اجتمعنا لنسكب أفكارنا وننصرف، فلماذا تجلس خلفنا مشاعرنا؟ وماذا تفعل تلك المشاعر الآثمة بعد انصراف الأفكار؟
وهل ما يسفر عنه الحوار من كره وبغض وخشونة لفظية، هو تطبيق للائحة؟ لماذا لا نقول لهؤلاء التزموا باللائحة وعبروا عن أفكاركم بهدوء وتفرقوا بإطفاء أجهزة الكمبيوتر، وعودوا إلى وعيكم؟ ولماذا عندما نسب بعضنا نقلب اللائحة وننظر إلى بعضنا بعضاً والبراءة تملؤ جوانحنا ونسأل عن اللائحة؟ الكلام عن اللائحة لمن يعتدي ويسب هو مزيد من الاعتداء والسب، ودليل عجز في الحوار، ويأس من إقناع المتابعين[/justify]

[كيشو]

المشاركة الأصلية كتبت بواسطة مهند الخطيب

هسي ياكيشو نحن ملزمين باللائحة وللا بتقاليدنا البرة المنتدى؟؟؟

غضبتك وحزنك مبرران ... لو الشي الحصل ده حصل في الحلّة ......


بالجمبة كده:
أحزنني تصرف الجيلي مع المدعو خالد محجوب ولكنني لا أستطيع أخطئه ....

بالجمبة تاني:
بيتي وبيت جيراني مفتوح ليك ياكيشو برة المنتدى حباااااااااااابك وحباب اليجي من جهتك....
لكن عليكم الله خلوا لينا حبتين الرأي والفكر هنا نبني عليهن....

هسي ياكيشو نحن ملزمين باللائحة وللا بتقاليدنا البرة المنتدى؟؟؟

غضبتك وحزنك مبرران ... لو الشي الحصل ده حصل في الحلّة ......

[justify]ما هو حصل في الحلة يا مهند، الجابو هنا شنو؟ أها الجابو هنا خلاه تحت فكرة - على رأيك - تلاحق صاحبها
زمان اللواء محمد عبد القادر محافظ كسلا أعلن الشريعة في المحافظة التي كانت تغطي الإقيليم الشرقي الحالي بولاياته الثلاث، أها الواحد لما يقبضوه سكران في القضارف يقول شربتها في مدني[/justify]

[طارق صديق كانديك]

يقول شكسبير:

إنّنا بحاجةٍ للخلافات أحياناً لمعرفة مايخفيه الآخرون في قلوبهم؛ قد تجدُ مايجعلك في ذهول؛ وقد تجدُ ما تنحني له إحتراماً ... !

[معتصم الطاهر]

نعم يا طارق محتاجين للخلافات و ليس للمشاكل..

فعندما يصل الحد للشتم و فقدان البوصلة هنا يجب ان يتدخل الآخرون لنحافظ على شعرة معاوية ..

و هنا تكمن حكمة الحكماء و أصحاب القرار ..

[طارق صديق كانديك]

اتفق معك يا باشمهندس بدون شك .

[أسعد]

وإيه العلاقة هنا بالحرية وكلام الجيلى .. كل زول مسئول من كلامو .. إيه حشر الحرية .. بالمناسبة الحرية عكسها العبودية والأستعمار والديكتاتورية والتسلط والإذلال .. الناس تسيب التشدق بيها عشان تتشدق بشنو يعنى

كلامي عن الحرية قاصدك بيهو انت دا يا عم رافت
وبالتحديد الكلام دا

غير كدة سئمت ياخ عناوين سودانيات بيتنا وأواصر المحبة وكلام الإنشاء ده .. العلاقات شيئ ومطارحة الفكر شيئ آخر .. وده لا فيهو بيتنا لا مجاملة ولا تهادن .. هنا يأتى التثقيف والحقائق مجردة بدون مجادلة .. والناس هنا يقعدوا يتغازلوا وينسوا الشريك الثالث لسودانيات وهو المالك الحقيقى وهم (القراء) من خارج الأعضاء ..

بوستات مثل هذه مكانها الخاص .. وليس هنا لمناقشة الخصوصيات .. ود الخير يستضعف غضب الناس على بعضهم البعض ويلقى مناصرة .. دى حالة دى

النعلكم قايلين الحوار دا بس ياهو ماركس بال بول اصفر اللون وهيجل بعّر بعرة مربعة الشكل والعالم فرتكان لون الهواء بلون اسود غامق والفيلسوف هناي قال قولا احال الازرق الي لون ابيض فاتح او اي كلامات بتدور في فلك اطارات الحوارات العقيمة !!
الاهتمام بالمعرفة والثقافة ما بتصلح حال
والدليل عندك اهو كلام الجيلي اعلاه , الجيلي الذي كان اكثرنا مناداة للحوار الجاد وشابكنا الفنان الفلاني مقدس وما تقعدوا تضاحكو في حضرته والعالم الفرتكاني اله فوق ترهاتكم والخ الخ اخر حاجة جاء فكا اخره في ود الخير وورانا حقيقة قول اهل السودان انو القلم ما بزيل بلم
يا اخوي شين فايدة الثقافة والمعرفة اذا كانت السلوكيات معوجة؟!
علي العموم لو دا فهمكم للحوار وانو فقط حكر للمفاكرة والمثاقفة والجدال يبقى واطتنا اصبحت
ياخ علي الدين الحوار الجد جد بكون بين ولد وبت بجكسوا بعض او واحد وصاحبو بناكفو بعض

[طارق صديق كانديك]

ياوجدي كنت أعتقد أنك ممكن تقدّر على الأقل عدم امكانية الرد من الاخ الجيلي التي أشرت اليها في مداخلة سابقة.

ان الذي تمّ بين الجيلي وود الخير حتى الآن لم يقل فيه الجيلي كلمة واحدة فمن باب العدالة أن تترك له فرصة التعليق على كل ذلك قبل أن تناله بمثل هذا الحديث.

[عبدالعزيز خطاب]

بعد عام كامل من الابتعاد عن المنبر الا من اطلاع في أحايين بعيدة ومتقطعة فقط لأرى ما تبقى من فكرة سودانيات التي أراد لها صاحبي/ها.
وبعد الأبعاد القصري الذي مارسه البعض بعد ان تنبأت لهذا المصير مبكراً. واكتملت الرؤية بعد اسبوع تمام داخل دهاليز الادارة (ولان هذا سيثير الصفوة امنحو الناس حق الاطلاع على مداولات النخبة المنتخبة منذ تسلمكم قمع الفكر والقلم بمنبركم المقدس) خرجت وصمت حتى لا ينهار ما بناه صاحبة واضعف الايمان ان يكون صدقة جارية له ان لم يكن دعماً لورثته الشرعيين، اتهمني البعض بالنكوص والبعض بالهرب.

ما كتبته لكم بليل فى آخر مداخلاتي ازيل في ليل وحرف عبر الهواتف.
انها أمانة حملتموها ولم تحتملوا سؤال الاعضاء. فكيف ستواجهون بها الله.

[أسعد]

اسف جدا علي تغولي في رد الجيلي لود خير
وكلامي كان صادر تحت شعار (السكوت في معرض البيان بيان)
ولان الجيلي لم يتدخل ليقول شيئا عليه اعتقدت ان الجيلي سكت عن تبيان معاني مقاصده لانها كانت واضحة كما هي مذكورة في هذا البوست
عليه يظل قولي معلقا تذروه الرياح حتى عودة الجيلي

[جيجي]

المشاركة الأصلية كتبت بواسطة وجدي الأسعد الأسعد

اسف جدا علي تغولي في رد الجيلي لود خير
وكلامي كان صادر تحت شعار (السكوت في معرض البيان بيان)
ولان الجيلي لم يتدخل ليقول شيئا عليه اعتقدت ان الجيلي سكت عن تبيان معاني مقاصده لانها كانت واضحة كما هي مذكورة في هذا البوست
عليه يظل قولي معلقا تذروه الرياح حتى عودة الجيلي

ياخ والله حننتني
وتكبر تنسى ياخ

[اشرف السر]

السلام عليكم

شايف المداخلات والمحاورات ماشه للأمام...

ولكل نظرته الخاصة عن سودانيات وعن ما ينبغي أن تكونه..

ومن المستحيل وضع كافة الرؤى لكل الاعضاء في بوتقه واحدة وتكون الرؤى مكتملة دون حذف او اضافة من هنا او من هناك، لأنه من البديهي أن رأي أو رؤية الاعضاء لن تتطابق وإن انطبقت السماء بالارض...

إذت المطلوب هو مساحة وسطى ترضي جل الأعضاء..

فليأتي كل عضو هنا ويخت لينا رؤيته الشخصية لما ينبغي أن تكون عليه سودانيات
وكدي لو سمحتو خلو "خالد الحاج" له الرحمة في عليائه، ولا يحدثنا أحد بلسان خالد..

أي عضو بخت رؤيتو ونشوف ما توافقت عليه الرؤى ونعمل به...

قصة انو الناس خانت الأمانة وما قدر المسئولية دا كلام خطير وملقي على عواهنه .. زي ما ممكن اجي لأحد الاعضاء وبدون بينة واضحة وأقول ليه انت ما صاحب خالد وعضو غير مؤثر ومندس لتخريب سودانيات..

لا إله إلا الله محمد رسول الله

[أسعد]

المشاركة الأصلية كتبت بواسطة جيجي

ياخ والله حننتني
وتكبر تنسى ياخ

وين يا منقة
رمضان كريم
كيف حالك؟!
طق طرق طق طرق
اهلك كيف؟!
طأ طرأ طق طرق
ان شاء الله تكونو كويسين؟!
ط ط ط ط ط (فشل في اعادة تطقطقة الاصابع)

اما الجضوم
تحلفي تجيبي سكين وتقطعيها سلطة في ظل غلاء الطماطم

ياخ واللاي خجلتيني
واكبر انسى ان شاء الله

[رأفت ميلاد]

المشاركة الأصلية كتبت بواسطة وجدي الأسعد الأسعد
كلامي عن الحرية قاصدك بيهو انت دا يا عم رافت
وبالتحديد الكلام دا

النعلكم قايلين الحوار دا بس ياهو ماركس بال بول اصفر اللون وهيجل بعّر بعرة مربعة الشكل والعالم فرتكان لون الهواء بلون اسود غامق والفيلسوف هناي قال قولا احال الازرق الي لون ابيض فاتح او اي كلامات بتدور في فلك اطارات الحوارات العقيمة !!
الاهتمام بالمعرفة والثقافة ما بتصلح حال
والدليل عندك اهو كلام الجيلي اعلاه , الجيلي الذي كان اكثرنا مناداة للحوار الجاد وشابكنا الفنان الفلاني مقدس وما تقعدوا تضاحكو في حضرته والعالم الفرتكاني اله فوق ترهاتكم والخ الخ اخر حاجة جاء فكا اخره في ود الخير وورانا حقيقة قول اهل السودان انو القلم ما بزيل بلم
يا اخوي شين فايدة الثقافة والمعرفة اذا كانت السلوكيات معوجة؟!
علي العموم لو دا فهمكم للحوار وانو فقط حكر للمفاكرة والمثاقفة والجدال يبقى واطتنا اصبحت

ياخ علي الدين الحوار الجد جد بكون بين ولد وبت بجكسوا بعض او واحد وصاحبو بناكفو بعض

وجدى ياخ أرد أقول ليك شنو .. قلت ليك الجيلى مسئول من كلامو .. زى ما قال ليك كانديك لامن يجى أسألو

وبعدين زى ما قلت ليك على كلام الجيلى .. أقول على كلامى ده .. ده رأى مليان زعل .. وده ذاتو كان موضوع نقاش طويل كان بتتذكرو .. (قصة سودانيات بيتنا) .. منها أختفى عبد الجليل

ممكن أصوغ ليك الكلام بدون زعل بتناقشو معاى أنا يا وجدى عضو هنا زيى زيك .. يعنى كلامى ما ملزم لوصفو بالدكتاتورية .. ما تجى تغالطنى وتقول ما قلت كده .. فأنت ربطو بالحرية .. كان ما دكتاتورية يكون حرية ..

بعدين الجيلى كلامو (الماقريتو والله) .. ومافى داعى أقراهو بشهادة الجميع .. وصل بيهو للتوقيف .. ياخ الحرية هى شنو أكتر من كده .. طالما فى حماية من كل تعدى .. كدى أرجع لمداخلة النور يوسف فى الفوضى الحاصلة دى وأنا على راسا .. بتلقى دروس وأنا عمرى بقى والقبر مستفيد منها حاجة جديدة أتعلمتها .. ما بالكم أنتو اللسة بتفتحوا فى الأبواب ..

كلامك الفوق ده (من وجهة نظرى) بسميهو تقريرى وما مرن بمرونة الحرية .. هسة أنت قبال ما تطرق ليهو ما فكرت الكتابة الكتبتها أنا أو الجيلى أو زيد أو عبيد .. هل هو فقط فى لينين وسارتر أو وما شابه .. ياخ نحن ناس من لحم ودم .. نخطئ ونصيب .. وذكرت كتير أنو نحن ما سياسيين فقط بنكتب من داخل الظلم .. فإذا حل عن سمانا تتصفى الإمور على السياسيين .. ولن يكونوا حتى ربع الحاليين ..

أنت ليك الحق تنتقدنا وتنتقد ما تريد ومن تريد .. لكن غير مقبول تصطحب معاك الحرية وتدلل على وفشلها ..
الحرية أتى بها بالسلام نهرو .. وسعى إليها جيفار بالبندقية . وطبقها مانديلا على أفضل مايكون .. أجى أمسحا أنا بشوية كلام إتقال

الله يهديك ياخ

[أسعد]

يا عم رأفت
في ديكتاتورية اكتر من كلامك ادناه

غير كدة سئمت ياخ عناوين سودانيات بيتنا وأواصر المحبة وكلام الإنشاء ده .. العلاقات شيئ ومطارحة الفكر شيئ آخر .. وده لا فيهو بيتنا لا مجاملة ولا تهادن .. هنا يأتى التثقيف والحقائق مجردة بدون مجادلة .. والناس هنا يقعدوا يتغازلوا وينسوا الشريك الثالث لسودانيات وهو المالك الحقيقى وهم (القراء) من خارج الأعضاء ..

ياخ لينا تقصينا نحن اللا عندنا حبل في الثقافة ولا ناقة في المفاكرة
تقعد تقول لينا شيلوا صينتكم وتقعدوا جوة في الاوضة ديييك!!
اسي دي ما ديكتاتورية منك ؟!

[جيجي]

انت عارف يا اشرف انا بقترح انه يغيروا شعارسودانيات تواصل ومحبة الى سودانيات رأي وفكرة
ياخ عيشة الحيشان دي فترنا من مساوءها وا ولها انه يااما تجامل اوتصمت وتجهجه المباديء كلها
ياخ كدا ماحنتقدم كلوا كلوا حنفضل في اخوي واخوك وصاحبي وصاحبك لمتين

بعدين ياخ المحبة دي قسم اناماممكن اكون حبيب اي زول او اواصل ايزول والا نكون بنغش روحنا بس وبنكابر واهي السلبيات شايفها بعينك كل يوم