سودانيات و (فقدان البوصلة) ،، وهل يستقيم المزاج ؟؟؟؟؟ !!!!!

[ناصر يوسف]

ثم إن عبدالعزيز خطاب الذي لا يعرف الفرق بين ( القصري) و ( القسري) يتنبأ بمصير سودانيات مبكراً ..!!

ثم بلؤمه المعهود حين يتحدث عن الادارة هاهو يعتقد واهماً أنه بمثل هذا الحديث يمكنه أن يسئ لــــ

ــــــــــــــــــــــــ ،،،،،

المشاركة الأصلية كتبت بواسطة عبدالعزيز خطاب

وانا هنا لك منتظر لتفنيد ما يعتمل في نفسك الى يوم البعث.

برضو ،،،،،،،


رمضان كريم

[ناصر يوسف]

أللهم أغفر لي

[رأفت ميلاد]

المشاركة الأصلية كتبت بواسطة ناصر يوسف
أللهم أغفر لي

الداية بعد ما أدت مهما وصرفت تعليماتا ونصايحا .. جات طالعة الراجل عصر ليها .. عاينت ليهو أتلفتت لى النفسا .. قالت ليها (ده ياهو البطل)

دى فرصة تورينا أهداف البوست ده يا سعادتك

[سارة]

المشاركة الأصلية كتبت بواسطة عبدالعزيز خطاب

بعد عام كامل من الابتعاد عن المنبر الا من اطلاع في أحايين بعيدة ومتقطعة فقط لأرى ما تبقى من فكرة سودانيات التي أراد لها صاحبي/ها.
وبعد الأبعاد القصري الذي مارسه البعض بعد ان تنبأت لهذا المصير مبكراً. واكتملت الرؤية بعد اسبوع تمام داخل دهاليز الادارة (ولان هذا سيثير الصفوة امنحو الناس حق الاطلاع على مداولات النخبة المنتخبة منذ تسلمكم قمع الفكر والقلم بمنبركم المقدس) خرجت وصمت حتى لا ينهار ما بناه صاحبة واضعف الايمان ان يكون صدقة جارية له ان لم يكن دعماً لورثته الشرعيين، اتهمني البعض بالنكوص والبعض بالهرب.

ما كتبته لكم بليل فى آخر مداخلاتي ازيل في ليل وحرف عبر الهواتف.
انها أمانة حملتموها ولم تحتملوا سؤال الاعضاء. فكيف ستواجهون بها الله.

عزيز سلامات ورمضان كريم عليك وعلى عيالك



امانة يا سيوبر ديب ماك عجيب
المداخلة دى نفطر ونجيها بعد الفطور

[عبدالعزيز خطاب]

المشاركة الأصلية كتبت بواسطة سارة

عزيز سلامات ورمضان كريم عليك وعلى عيالك



امانة يا سيوبر ديب ماك عجيب
المداخلة دى نفطر ونجيها بعد الفطور

رمضان كريم يا سارة
وربنا يتقبل صيامنا ويعتقنا من النار
انتظرت تلفونك الموعود.

عفوا لو في خطأ في العربي اصلها صارت اللغة الثالثة واستعمالها طشاش ما انت ست العارفين.

[كيشو]

المشاركة الأصلية كتبت بواسطة مهند الخطيب

كيشو أرد عليك قبل ماتحوّد المركب دي شوف أخوك ماشة علي قيفا كعب وبعده ماببقى في طريقة على الرد ....
حكاية اللايحة التلجة السايحة انت مااديتا حقها أو خلينا نقول قددتها في كم حتة يعني زي الزول الجوانبو سمحة لكن ناسي الأتو

ملاقاة الناس وعلاقاتم البرة المنتدى مامخالفة لللايحة .....
الغضب والشحناء والذي منو ديل لا أخلاقنا لا تقاليدنا لا لايحة بتقدر عليهم كان بتقدر بلدنا ماقامت فيها حروب أهلية في تلات فجّات ولعشرات السنين!!!

تواصل ومحبة ياكيشو دي بترجعنا لكلام جليل والراجل طلع ذو فراسة ، ماف زول بواصل وبحب من طرف ، يعني عشان X عضو سودانيات يبقى مشمول بالمودة والتواصل طوالي؟؟ ياخ انا ده أحب لي الف وخمسمية زول دي كتيرة على قلبي للدين ، بود البودو وبخلي البخلي وكان لزم بعادي البعاديهو ...
الجيلي سواها شينة وخالد محجوب يستاهل البخلي يريد من طرف شنو ؟؟؟ بس فرق الكنت داير اقولو ليك في اللايحة انو رغم اعتراضي على سواة الجيلي الا اني مالاقي السبب القانوني لمحاكمتو طبعا مع استحضار انو الزول ده اتوقف بسبب خيط تاني مع بابكر عباس ماليهو علاقة بكلام حبني وأحبك المدورنو انتو فو مسّار ناصر يوسف ده هسي الحاصل ده محاكمة أخلاقية ساي ياكيشو وانت عارف ....

بعدين الدرب الشايف بعضنا سايق فيهو بانتياش مذهب الجيلي الفكري أو المبدئي مادرباً بوصل ، الجيلي هنا لاهو ممثل لمبدأ أوفكرة او المتحدث الرسمي باسم منهاج ما ومابمثل الا رويحتو دي ده من جهة ، من جهة تانية : أها ياعصام لو الطرف الحارس المبادئ ده ماورانا التزامو بيها نفرتق أم الفكرة ونقول نحن زاتنا نعوس وكت فلان عاس...؟

وفي الختام ياصديقي الحديث عن اللائحة لايعني مزيدا من سب أو شتم بل هو المفراق بين الممنوع هنا (الشتم مثلا) وبين مالم يتدعدى الى ذلك ... معتدي يقول جيبو لي اللايحة يجيبوها ليهو ونشوفا بتقول شنو كان قالت مامعتدي فهو مامعتدي وللا لايحتك انت الفيها مشكلة .....

ودي الذي تعلم ...

[justify]مهند يا صديقي
تواصل ومحبة دي ما عندها علاقة بعبد الجليل؛ إلا من باب الحكاية ما عاجباهو وعايز يفجرا من جواها
عبد الجليل ينطلق عن فكرة واضحة؛ وليست هناك فراسة ولا يحزنون، فلا تضيع على الرجل مبادئه يا أخي.
وذلك ليس ذماً لعبد الجليل، وإنما هو تشخيص لحالته، فهو لا يرى في الحياة السايبرية ما في الحياة الواقعية
أما تواصل ومحبة فأراك حشرتها في زاوية ضيقة وحصرتها في الود والحب، والذي أراه أن المقصود بالتواصل والمحبة هو الاستعداد الداخلي لعضو سودانيات، أي ما يملكه يا مهند لا ما يمنحه، وبمعنى أوضح أن يتوفر في العضو الشعور اللازم ليكون عضواً في مجتمع ما، وأن يتفاعل بما في داخله من مشاعر مع من حوله، فتنساب المودة منه لأهلها في نفسه؛ ولا يكون ملزماً ببذلها لكل أفراد المجتمع، وفي المقابل تتحفز لديه المشاعر الأخرى، وتتدافع لتعطينا الحياة التي نعيشها (حلوة ومرة)
بعدين بجيك راجع عشان موعد الإفطار عندنا اقترب وأنا معزوم (مشاعر إنسانية)[/justify]

[عبدالعزيز خطاب]

المشاركة الأصلية كتبت بواسطة ناصر يوسف

ــــــــــــــــــــــــ ،،،،،




برضو ،،،،،،،


رمضان كريم

ناصر يا خي

شفت الايام شن بتسوي!!
تنتقد عمل عام تجيك في أخلاقك وتسب وتشتم. ومن منو؟؟!!!!!!!!

هذا هو عالم التواصل والمحبة يا الحبيب.

يعف القلم وحروفي الخطأ عن السب والقذف ولنترك كل إناء يئن بحمل صاحبه

رمضان كريم

[فتحي مسعد حنفي]

في بعض الأحيان الابتعاد أحسن وأريح للجميع مليون مرة..حاجة مؤسفة تخلي الزول يخجل من نفسو قبال ما يخجل لي أخوهو الما بخجل..
خطاب أرجع لي صومعتك تاني وما تدي ابليس فرصة يخليك تخسر ناس كانوا في يوم أقرب ليك من أخوانك..هسة عليكم الله كان سألوكم انتو متزاعلين في شنو تردوا تقولوا شنو

[طيبان]

المشاركة الأصلية كتبت بواسطة عبدالعزيز خطاب

عفوا لو في خطأ في العربي اصلها صارت اللغة الثالثة واستعمالها طشاش ما انت ست العارفين.

شخصيّا أنا محتفي بالمقطع دا يا خطّـاب ..معبّر خالس

_

قد أعود

[كيشو]

المشاركة الأصلية كتبت بواسطة سارة

عزيز سلامات ورمضان كريم عليك وعلى عيالك



امانة يا سيوبر ديب ماك عجيب
المداخلة دى نفطر ونجيها بعد الفطور

[justify]اها جاية بعد الفطور عشان تسوي شنو؟ انشاء الله تشيلك نومة
دفار حياتك كيف؟ [/justify]

[نبراس السيد الدمرداش]

المشاركة الأصلية كتبت بواسطة عبدالعزيز خطاب

بعد عام كامل من الابتعاد عن المنبر الا من اطلاع في أحايين بعيدة ومتقطعة فقط لأرى ما تبقى من فكرة سودانيات التي أراد لها صاحبي/ها.
وبعد الأبعاد القصري الذي مارسه البعض بعد ان تنبأت لهذا المصير مبكراً. واكتملت الرؤية بعد اسبوع تمام داخل دهاليز الادارة (ولان هذا سيثير الصفوة امنحو الناس حق الاطلاع على مداولات النخبة المنتخبة منذ تسلمكم قمع الفكر والقلم بمنبركم المقدس) خرجت وصمت حتى لا ينهار ما بناه صاحبة واضعف الايمان ان يكون صدقة جارية له ان لم يكن دعماً لورثته الشرعيين، اتهمني البعض بالنكوص والبعض بالهرب.

ما كتبته لكم بليل فى آخر مداخلاتي ازيل في ليل وحرف عبر الهواتف.
انها أمانة حملتموها ولم تحتملوا سؤال الاعضاء. فكيف ستواجهون بها الله.

رمضان كريم خطاب
تصدق وتؤمن بالله كنت متوقعه البوست يجيبك وسبحان الله ما خذلتني
بس لو جيتنا بجديد كان بيكون اجمل وافيد لصاحبك

[طارق صديق كانديك]

المشاركة الأصلية كتبت بواسطة ناصر يوسف

ــــــــــــــــــــــــ ،،،،،




برضو ،،،،،،،


رمضان كريم

الدفسيبة دي كلها ده ياهو ال الله قدرك عليهو ... ؟

افترعت أنت هذا البوست وحتى الآن لم تتكرم بوجهة نظرك فيما يتعلق بفقدان البوصلة التي تقول في سودانيات ..

هذا المنبر يتقدم بالحوار الموضوعي وليس بالأمنيات، ليتك ناقشت وجهة نظرك وطرحتها؛ بدل الأسى على مداخلات مجتزأة لايقدم ولا يؤخر.

[جيجي]

المشاركة الأصلية كتبت بواسطة رأفت ميلاد

الداية بعد ما أدت مهما وصرفت تعليماتا ونصايحا .. جات طالعة الراجل عصر ليها .. عاينت ليهو أتلفتت لى النفسا .. قالت ليها (ده ياهو البطل)

دى فرصة تورينا أهداف البوست ده يا سعادتك

بكرة بجي يقول كلمتينوا ديك بتاعت انه انا الناس مافاهمني وانا ياني الزول المابفهم وفرمالته الحفظناها ديك
اهدااف البوست واضحة يانتيمو
انت خرفت ولا شنو

[طارق صديق كانديك]

المشاركة الأصلية كتبت بواسطة عبدالعزيز خطاب

هذا هو انت أيها الطارق

وهذه هي نفسك الامارة تتحدث بما حاولت طيلة سنوات تجميلها. اما الدبلوماسية فهي نجمة لن تطالها.
فكلما كتبت تتحسس سؤتك!!
ودعني أحدثك عن احد اهم الأسباب التي جعلتني اقدم استقالتي!! هو وجودك وانت تلبس جلد ثعبان. إبان البوست المسحوب (الصور كما تسمية) كتبت انت في تنوير لأعضاء الادارة بان عبدالعزيز خطاب لا يحترم نفسه ولا يحترم العضوية وكانت هذه كبيرة من الكبائر التي ظللت تغترفها طيلة وجودك في دهاليز الادارة.
اما البوست الذي عنيته أنا في مداخلتي السابقة هو بوست من خلف المنبر لكاتبه عبدالجليل. والعقم الذي أشرت اليه. ولي الحوار شمالاً هو كان وقوفي وبصلابة ضد محاكمة الفكر. وكنتم حينها تنصبون له مشنقة لإعدامه ، وخرجت لاحافظ على احترام نفسي التي تجنيت انت عليها قبلاً ، لان قراركم كان سيخرج بإجماع من كانوا يكتبون (نوافق على ما جاء في مذكرة الامين العام) دون ان يفندوا ما يوافقون عليه حتى يستخلصون حيثيات لمحاكمة فكر . رأى بعضكم بان شخوص القصة يمشون بيننا ولا يحتاج ذلك لدرس عصر كما جاء في المذكرة المشار اليها.
اما أيها الطارق فانت بالنسبة لي نكرة ولم اسمع بوجودك في سودانيات الا قبل الانتخابات بقليل وبالتالي فالتعالي الذى أشير اليه لم اقصد به تقليل شاني أمامك. فانا لا احتاج شهرة يا أيها الطارق ولم اكن مغمورا لتنتشلني المواقع الاسفيرية ولا اشعر بمركب نقص لامتطي صهوة أصدقائي ويكفيني فخراً رصيدي الثر من الاخوان والأصدقاء والمعارف ويرحم الله من ذهبوا للدار الآخرة. وجودي في سودانيات هو من هيأ لك هذا المنصب الذي انتشلك من قاع المطمورة، واجندتك التي أتيت بها ليست غائبة على احد ويكفي ان أشار لها الكثير من الاعضاء.
فاليرحم الله خالداً في السماوات العلى ولك ان تتصل بالأخوين عكود ومعتصم الطاهر فعندهم الخبر اليقين عن سودانيات الاولى. واولوياتي في الحياة ليس في منظورها المئوي إدارة سودانيات او اي موقع اخر فحياتي ممتلئة بالجمال.
واحذرك أيها الطارق بان تحاول ان توقع بينى وأخوة كرام اكن لهم التقدير على المستوى الشخصي وانتقادي للادارة لا يمسهم على المستوى الشخصي.
معلومة أخيرة.
عندما حاول احد اعضاء الادارة السابقين تقديم استقالته قبل دخولي كنت تقول له لا حا يجيني عبدالعزيز خطاب. فكنت تهاب وجودي قبل دخولي ولهذا كان تربصك الذي تكشف عن نيتك.
والبوست الذي أتيت برابطه في مداخلتك أعلاه لهو دليل افتقارك الحكمة والإلمام بفنون الادارة.
وانا هنا لك منتظر لتفنيد ما يعتمل في نفسك الى يوم البعث.

حتنتظر كتير؛ لأنني زاهد في حوارك ؛ الذي لدي قلته كاملا وليس لدي ما أضيفه شئ واحد أساسي هو أن الخلاف الذي بيني وبينك هو هذا المنبر ليس إلا ، ولن أنساق وراء ماحكاه لك احدهم خلف المنبر ولن أنساق وراء اعادة انتاج مواقف تم حسمها بديمقراطية وكنت أنت شاهداً عليها.

دعني أنا في موقعي النكرة وعبرك أزجي الشكر لسودانيات التي انتشلتني من طي النسيان، وتمتع أنت بلغاتك الثلاث وشهرتك التي طفقت الآفاق.

[أبوبكر عباس]

المشاركة الأصلية كتبت بواسطة طارق صديق كانديك

الدفسيبة دي كلها ده ياهو ال الله قدرك عليهو ... ؟

افترعت أنت هذا البوست وحتى الآن لم تتكرم بوجهة نظرك فيما يتعلق بفقدان البوصلة التي تقول في سودانيات ..

هذا المنبر يتقدم بالحوار الموضوعي وليس بالأمنيات، ليتك ناقشت وجهة نظرك وطرحتها؛ بدل الأسى على مداخلات مجتزأة لايقدم ولا يؤخر.

إستعمالك الجيد لعلامات الترقيم، زايد اللغة المباشرة في الحوار، بركبنك في سرج واحد مع الأستاذة نجاة محمّد علي.*

هامش:
طبعا مفهوم من التشبيه دا، انو داير أشكّر السيد رئيس مجلس الإدارة