اقتباس:
المشاركة الأصلية كتبت بواسطة ماجد تاج
ـ
الله يخليك ويبقيك يا قرقاش يا أخي
صدقت والله ، أنا ذااااتي مكتوي بمراراتها
لكن مصدر حيرتي مش مصاقرة الكيبورد
الانتقال بحياتهم بكامل تفاصيلها ، وللأسف بكل افرازات الغربة ومآسيها للنت
مرات كتيرة في منتديات كتيرة يجيك احساس أن الناس دي عايشة في حي واحد
مشاكلهم ، خلافاتهم الشخصية ، غسيلهم الوسخ
كله منشور على النت
ليه ؟
ما هي الفائدة من المنتدى خلاف حتة تخفيف الام الغربة دي ؟
معقولة منتديات بكاملها تتحول لأنادي ؟
مش لازم يكون في فاصل بين الحياة على الواقع وعلى الاسفير ؟
مش المفروض هنا تتلاقح الافكار ، بدل عن أن تتقاطع تفاصيل الحياة اليومية
بما فيها من مخجل ومشين وسيئ ؟
ـ |
كدي دقيقة يا ماجد وقبل ما تتضايق
عليك الله اثبت لينا كلامك دا من خلال حياة اعضاء سودانيات المقيمين بالمملكة العربية السعودية
عشان علي الاقل تثبت لينا التعميم الاطلقتو في البوست دا
ما تشتغل لينا بي شعار (يحرقك هناك تفكو هنا)
مع اني ما عارف هناك بتاعتك شنو
لكن قطع شك كلامك القلتو دا ما بنطبق علي الاعضاء في سودانيات المقيمين بالسعودية
