إلى عيال ال (فيِ سي بوك): أديك سر؟!...خليك بعيد

[هاني عربي]

شكراً جزيلاً حجوج.
حديثك رغم ما فيه من ابتسامة إلا أنه يعيد إنتاج المرارة اليومية المتمثلة في العنصرية. التي لا أدري متى ستنتهي.



أعان الله وطننا ومواطنينا على إزالة كل ما هو سالب.

وزيادة كل ما هو موجب.

تحياتي

لك ولكل القراء.

[معتصم الطاهر]

حجوج

سلامات

زازوا بيك !!

غايتو حمار الوحش لو سرقوها طوالى أديها ليهم ؟

كية فيك ..( وفيهو) ..

[رأفت ميلاد]

غايتو أنا دخلت اللنك ده

http://www.sudanione.com/vb/showthread.php?t=9882

وسجلت أحتجاج .. لقيت عندهم شباك للزوار من الفييسى بوك

[AMAL]

علي بالحلال انتي مانصيحة يابتاعت التياب هههههه

[AMAL]

قلتي لي قالت ليك راجلك من ضارفور

[حافظ حسين]

المشاركة الأصلية كتبت بواسطة Ishraga Hamid

انا ذاتى حرقت روحى ياساره
تتجازى يا آمنه زول بيقول بغم بالليل ده مافى اقعد زى سارة اختى دى اضحك..

مرة زمااااااااااااااان اشتغلت فى فيينا *خدامة* وست البيت مصرية طيبانه بس وجعتنى لمن قالت لى وهى بتورينى انطف شنو فى البيت وفى المطبخ قالت لى:

شوفى بأة التلاقه دى بيفتحوها ازاى... ده انتو عندكو فى السودان تلاقة؟

انا غايتو ابتسمت لكن بانفجار

اها أولتليى ايه يا آمونة؟

و الله يا اشراقة مصريين حقارين
وقت داك كنت صغير سنة 2009
مشيت مصر ورشة 3 اسابيع
اها في الورشة ادوني جايزة احسن مشارك
اها المصريين ما رضوا
لاني بالجد كنت حالتي شلش اكتر من هسي
و هسي الجد شنو علي المخدة
اي معتصم الطاهر و قوت القلوب ما قصروا جابوا لي هدوم سمحات
لكن الناس بجوا يبيتوا في البيت و بلبسوهن و تاني ما بجيبوهن
هسي انا بالهدوم القدام و معتصم و قوت انا في حماكم
كيشو و النور جابوا لي ريحة الا كملوها الضهب
اها بتجيبوا تاني و الا افضحكم بالعفن
المهم أدوني الجايزة وسط هيلمانة و الوقت داك انا مسكين
لا بعرف سودانيز لا سودانيات عشان يعملوا لي هلولة
استلمت الجايزة بنفس المسكنة
تقوم يا المصري تنط
(مصر و السودان حاقة واحدة .... و مادام القائزة كانت من نصيب السودان معناها قائزة مصر)
أنا حنبكت و دفر فيني الدم الافريقي
مسكت المايك قلت ليه
(السودان بلد مستقل عنده رئيس (هي يا عمر البنعترف بيك وقت الزنقات), عنده سفارة, عنده شخصية اعتبارية, و الخ من العنده)
المصري عاين كدا قال لي (ما تنسي يا استاذ حافظ عندكم ستونا)
ما عرفت أرد أقول شنو غير (...................) في السر
مصريين حقارين
قلت يا حجة شالوا منك السر

[جيجي]

المشاركة الأصلية كتبت بواسطة رأفت ميلاد

غايتو أنا دخلت اللنك ده

http://www.sudanione.com/vb/showthread.php?t=9882

وسجلت أحتجاج .. لقيت عندهم شباك للزوار من الفييسى بوك

شكرا لك مشرفتنا الرائعة لمياء ...
كلماتك كانت بمثابة القوة التي ولدت في نفسي
( شي من حتى ) مع الوعد بان تكون لك مساحة و للجميع
من خلال هذا القسم واتمنى ان تنال الرضا و الاستحسان ..
مساك نور

غايتوا طارق ببالغ ياانتيمو

[حجة امنة]

المشاركة الأصلية كتبت بواسطة سارة

وحيات دينى وايمانى بقيت اضحك زى المجنونة
يابت وحات الله انت كان سرقوك فى عضمك دا وريحونا كان اخير
بعدين سارة شنو البتشوه سمعتها وتدخل واسطة لواحدة من سنجة وعريسها
من ضارفور .
والله المصرية حًرقت روحى النصيحة لى الله
امونة يا قلب اخيتك
انا اديك سر اى محل شفت لطشو قصيدتك السمحة دى وقع فى عينى ما بخلى
لانى وبينى وبينك كم مرة قلت اسرقها انا ظاتى والمافى شنو على قول واحد كان صاحبى زمان اسمو قيقا.
بس برضو المصرية ادبتكgap

إتي أقعدي أضحكي كدا لمن تلقي كلوتك مافيgap
يا بت السودانية ذات اللهجة المصرية مصرتني لمن طلعت زيتي

يعني إتخيلي كل حشرية الشعب السوداني و حبو للتِحِشِر و لزاجة الشعب المصري gap

[حجة امنة]

المشاركة الأصلية كتبت بواسطة Ishraga Hamid

انا ذاتى حرقت روحى ياساره
تتجازى يا آمنه زول بيقول بغم بالليل ده مافى اقعد زى سارة اختى دى اضحك..

مرة زمااااااااااااااان اشتغلت فى فيينا *خدامة* وست البيت مصرية طيبانه بس وجعتنى لمن قالت لى وهى بتورينى انطف شنو فى البيت وفى المطبخ قالت لى:

شوفى بأة التلاقه دى بيفتحوها ازاى... ده انتو عندكو فى السودان تلاقة؟

انا غايتو ابتسمت لكن بانفجار

اها أولتليى ايه يا آمونة؟

واااااي

طبعاً إتخيلت شكلك و هي بتقول ليك عندكو تلاقة في السودان؟ gap

مبالغة

لكين يا شرقرق، الحقارة لمن تجيك من الأجناس التانية ما حارة زي لمن تجيك من ناس بلدك زاتم، يعني مرات بيجونا سودانيات بيتعاملو معاي من فووووق، نظام انا البياعة و هم الزباين، ودي حقيقة ما قاعده أزعل، مره مجموعة نسوان سودانيات جو المحل، إشترو حاجات كتيرة، واحدة فيهم قالت ليهم تعال نخلي الحاجات هنا و نمشي و نجي، واحده فيهم لاوزت قامت التانية قالت ليها: عاااادي ياخ ما البت قاعده
البت قاعده و لوحت بي يدها في إتجاهيgap

هيييي دقيقة قبل ما أنسى
اليوما داك الولد الهندي البينضف الدكان و بيقص القماشات ما جا، قام عمك الهندي الكبير سيد الدكان شال المقشاشة و بدا يقش ، بعد شوية أداني ليها و قال لي قشي، شلت المقشاشة و بقيت أقش و قلبي يغلي، دي ما شغلتي البيدفع لي قصادها القروش، بقيت أقش سطر و أفط سطرgap
قام شال مني المقشاشة و بقى يقش هو، قلت ليو: بالجد انا ما بعرف أقش!!
قام إندهش ليك فيني: البيقش ليك البيت منو؟!
فكيتا فيو: زوجي مسئول من النضافة و انا من الطبيخgap
بعد شوية ضميري أنبني لانو راجل كبير، قمت شلت منو المقشاشة و تميت النضافةgap

اليوم داك كلو انا أتحسر علي رقبتي، رجعت البيت حكيت لي حماضة قام شمت فيني شماتة العدو: آمنة ترا الدنيا دقتكgap لكين إنتي قايله كلنا بدينا كيف ما ياهو بي قش المحلات و غسيل الحماماتgap

[حجة امنة]

المشاركة الأصلية كتبت بواسطة طارق صديق كانديك

يعلم الله، السودانية والحرامية .. الاتنين عصروا عليك عصرة شديدة خلاص

عصر الجن يا ود أميgap

بالمناسبة (عصرو عليك) دي الماركة المامسجلة حقتك، أعمل حسابك يا مان، عيال الفيِ سي بوك بيجازفوها بيجازفوها gap

المشاركة الأصلية كتبت بواسطة طارق صديق كانديك

نسيت أقول ليك، عليك الله لو السودانية اشترت منك، ماتبيعي ليها التلاتة بي خمسين كلو كلو

يسمها تاني كان أديها بي خمسين التلاته gap

[حجة امنة]

المشاركة الأصلية كتبت بواسطة جيجي

حجوج هاك البلسم الصباحي دا

[flash=http://www.youtube.com/embed/SaZP_hJsO9c?feature=player_detailpage]WIDTH=350 HEIGHT=400[/flash]

طبعاً يا أبو الجوج لو قلت ليك ما حتتخيلي

اليوما داك لقيت في تلفوني الفديو بتاع لوحة السودان الكاملة لشادي الخليج

بسمع و بتفرج فيها كدا، كان قعدت أبكي ليك في البص!!!

حسع كان شلتا الفديو الجبتو دا تاني إلا كان يسكتوني بي السكاتهgap

والله يااخواتي الغربة دي دخلت علي بالساحق و الخيابة و البكىgap

http://www.youtube.com/watch?v=oRw2l...e_gdata_player

[حجة امنة]

المشاركة الأصلية كتبت بواسطة همس الشوق

والله يا حجوج صاحبتي انتي مسكينة ساكت

المصسودانية إستعفنتك صحي صحي ... وانا في الدنيا دي ما بغيظني إلا السودانيين البغيروا لهجتم في الكلام دي .. نظام شنو ما بعرف ؟؟
ثم انه حرامية النت إستحقروك جدن ياخ

لكن قصيدتك ماااا منقة بس
ممكن أسرقا ؟؟؟؟

يا حبة هي دي لهجتها ما بتعمل في حركاتgap
تكون زي ما قال ليك عمك رافت حلفاوية او دنقلاوية النوع الإتربو من بدري في مصر، انا بعرف كم واحدة من النوع دا حتى في السودان كتيرين، قولي ديل هينين، انا بيغيظني البيتكلمن الوكت كلو بالانجليزي، الواحدة بيكون إنجليزيها زي الواطه و بعد دا تتفلسف ليك، يجن الدكان و الواحده تخش ليك فيني بي الإنجليزي حقهن القاطعاتنو من شبطهن دا، الله لا وراك ليو، بين كل كلمة و كلمة بيحشرن ليك كلمة (يعني) في النص، مرة واحدة جات معاها صحبتا و دايرة تقشر فيها دخلت علي بالانجليزي، قمت مطيت ليها شلاليفي و رخيت عيوني و رديت ليها بالعربي، تااااني إتكلمت بالانجليزي، قلت ليها: إتي حكايتك شنو ما مقتنعت إني سودانية ولا شنو؟! قالت لي: لالا لكن خلاص إتعودنا، لكين إنتي بتشبهي الحبش
بعد شوية جات داخله واحده من عرب الخليج، ديل كمان عجيبين، بيجوك داخلين و يتكلمو بالعربي كانو العالم كلو المفروض يفهمهم و يخدمهم، بقوم أرد ليهم بالانجليزيgap بعمل فيها نهاااائي ما بفهم عربي
قمت رديت للخليجية بالانجليزي، السودانية نططت لي عيونا: إنتي جيتي بتين؟! قريتي في ياتو كوووليجgap

بلا يخمكم يا عيال الفيِ سي بوك

[حجة امنة]

المشاركة الأصلية كتبت بواسطة قوت القلوب

حجوج الجميلة بت بلدي العاجبانيييييييييييييييييي

والله انا قاعدة تعجبني كتابتك لما تكوني مغيوظة

ياخ الله يبهج ايامك
والله انا جني وجن (اهلنا ديل لكن انا اصلي ما مفتخرة بالعلاقة دي ابدا )

وجني وجن النسوان السودانيات البقلبو لهجتهم
والله اسه انا بلهجتي دي اطق طق ليك كل جنسية
وقيل اولاد سام
واقدل بالتوب في نص السوق وهن صارات لي
ياخ نحنا ديل مفوقعين ياحجوج تعالي فشينا ياخ

اها نجي لعيال في سي بوكي
الله يجازيهم
هو الواحد مماعارف انو النت ده بفضح
غايتو الله يستر من كليواتنا
الفطعطيهن بالضحك
اسعدك الله ياسودانية اصلية
قلتي لي جمعتي كل الثقافات

ست الناس القيافة الفايتا النسوان مسافة

النسالك يا بت أمي، السودانيات ديل مرات كدا عندهن الفلسفة و الشنة الناتجة عن هذه الفلسفة، غايتو هنا عندنا عينات، الله لا وراك gap

[حجة امنة]

المشاركة الأصلية كتبت بواسطة رأفت ميلاد

حجة أمنة أديكى سر .. كتابتك متعة ما بعدها متعة .. أنشاءالله يسرقوكى كل يوم .. والمصرية الحلفاوية عافى منها جابت كسافتك

مشتاقين ياخ

يا عمك ما عصرت علي بي حركة الصفقة فوووق دي؟! gap

شنو إن شاءالله يسرقوكي كل يوم دي

بالاكتر يا مان

[حجة امنة]

المشاركة الأصلية كتبت بواسطة البديري

الغالية حجوج..لورفدونى..ذنى فى رقبتك

متعك الله بالسعادة ياختى

البديرررري يا زول فقدناك والله gap

الله يبارك فيك و يديم عليك الصحة و السعادة .