الإسلام هو الحل

[أمين محمد سليمان]

سلام يا حلوين ...
متابع النقاش و ما لقيت لي فرقة، لكن عاجبني جدا كلام أخونا خالد الصائغ و بالذات في نقطة الديمقراطية قبل العلمانية !!
طيب يا بكة و مبر لو سقطت الانقاذ و جاء الشعب السوداني الشقيق ده ذاتو قال شريعة شريعة ولا نموت الاسلام قبال القوت و باغلبية ساحقة فاز السلفيين مثلا، الدبارة شنو ؟!
الحاجة التانية قصة إنو العلمانية لا تتعارض مع الدين، دي والله من يومها ما واقعة لي ... ما بعرف بقية الاديان، لكن الاسلام الليلنا ده - حسب شوفي طبعا - عندو قوانين و تشريعات و أحكام و عقوبات طالب بتطبيقها، لو الأغلبية قالت نطبق التشريعات دي الدبارة شنو ؟!

[أبوبكر عباس]

المشاركة الأصلية كتبت بواسطة أمين محمد سليمان

طيب يا بكة و مبر لو سقطت الانقاذ و جاء الشعب السوداني الشقيق ده ذاتو قال شريعة شريعة ولا نموت الاسلام قبال القوت و باغلبية ساحقة فاز السلفيين مثلا، الدبارة شنو ؟!

تبقى يا ها الدبارة، وين قلنا ح نفرض حاجة على الناس، نحن نبشر بدولة يكون فيها الدين بعيد عن إدارتها وحتى الآن دي يا ها قدرتنا، لسع يا زول مرحلة "قليل من الوعي" ما وصلناها

[أمين محمد سليمان]

المشاركة الأصلية كتبت بواسطة بابكر عباس

تبقى يا ها الدبارة، وين قلنا ح نفرض حاجة على الناس، نحن نبشر بدولة يكون فيها الدين بعيد عن إدارتها وحتى الآن دي يا ها قدرتنا، لسع يا زول مرحلة "قليل من الوعي" ما وصلناها

يا زول كان كده بشر علي كيفك ... الحبة ما بتجينا !!

هذا الصوت صوت الشعب... و هذا الشعب شعب مسلم !!

[مبر محمود]

المشاركة الأصلية كتبت بواسطة أمين محمد سليمان

سلام يا حلوين ...
متابع النقاش و ما لقيت لي فرقة، لكن عاجبني جدا كلام أخونا خالد الصائغ و بالذات في نقطة الديمقراطية قبل العلمانية !!
طيب يا بكة و مبر لو سقطت الانقاذ و جاء الشعب السوداني الشقيق ده ذاتو قال شريعة شريعة ولا نموت الاسلام قبال القوت و باغلبية ساحقة فاز السلفيين مثلا، الدبارة شنو ؟!

يا بروف، سلام ومحبة.
ياخوي، أقول ليك الواضح الما فاضح، مافيش نظام ديمقراطي حقيقي من غير نظام علماني حقيقي، ودونك التجارب الديمقراطية على إمتداد كوكب الأرض. ببساطة ما عندنا حزب ديني أو إثني أو جهوي أو عرقي بخوض إنتخابات أصلاً، وهذا الأمر أعتقد إنه من البداهةِ بمكان، فالأحزاب التي تقوم على مفاهيم غير ديمقراطية لا يمكن لها أن تتمتع بمزايا الديمقراطية وتكون شريك في لعبتها.

إن سلمنا بمنطق الأغلبية الذي تتحدث عنه بعاليه، فكيف تكون "الدبارة" إن قام حزب "الجعليين والشوايقة والرباطاب والمحس الأحرار" بإكتساح الإنتخابات بناءً على برنامجه الإنتخابي الذي ينص على إن الغرابة والبجا مواطنين درجة ثانية ولذلك يجب أن يكون هنالك تمييز إجتماعي وإقتصادي يحفظ إعتبار وحق المواطنيين درجة أولى؟! كيف تكون "الدبارة" لو بعث فينا هتلر سوداني وأكتسح الإنتخابات؟ كيف تكون "الدبارة" لو إكتسحت السلفية الجهادية الإنتخابات؟! في رائي إن الدبارة الحقيقية حسب التجارب الإنسانية الناضجة حول العالم، تتلخص في عدم السماح لكل هذا بأن يحدث، وذلك بوسيلة التراضي على موجهات قومية عامة تمهد لتوطين القانون وتحث على صناعة دستور قومي يراعي كآفة القيم الإنسانية من عدالة إجتماعية و ديمقراطية وحق إنسان، وبعد داك الإنتخابات ملحوقة!

وجاييك تاني يا بروف في الكلام يا قول حبوبتي!

[خالد غالي]

لايك شديد يامبر ياخي !

المفروض في قانون الاحزاب نفسو يكون ماممكن تسجيل حزب عندو اي اساس جهوي او قبلي او ديني

[أمين محمد سليمان]

المشاركة الأصلية كتبت بواسطة مبر محمود

وجاييك تاني يا بروف في الكلام يا قول حبوبتي!

كلنا آذانا صاغية يا مبر

[محسن خالد]

، وذلك بوسيلة التراضي على موجهات قومية عامة تمهد لتوطين القانون
مُبر

قومية؟ ولماذا لا تكون إنسانية شاملة (مجرية)؟
وما القومية؟ أليست هي الموسيلينية "أو" الهتلرية "أو" الأتاتوركية، الصدامية، الأسدية، الناصرية... إلخ!؟
بعد جكّة العلمانية -الماك ماخد آخرها- دي كلها ترجع تاااني للقومية؟
وفيم تختلف جملتك أعلاه عن جملتك أدناه

حزب "الجعليين والشوايقة والرباطاب والمحس الأحرار"
مُبر

المشكلة شنو! ما دا حزب القومية بتاعتك دي ذاتها!؟
الونسة سمحة آلمادح (العلماني، القومي!؟)
الحق قومك وسيب إنسياطة بابكر دي، خليه يتمجمج براه أصلو مقسومة ليه المجمجة، يدلّع كدا أتقول ربنا هو المغروض فيه!

[ام التيمان]

ان الشرائع الدينية فشلت فى ان تحقق العدالة الانسانية و الاجتماعية
و الحاصل فى كل العالم من عنصرية و تفرقة و حروب هى المتسبب الرئيسى فيه
ولو جاء الان الانبياء الذين وضعوعها لضحكو علينا من تخلفنا

[حافظ حسين]

المشاركة الأصلية كتبت بواسطة ماجد تاج

ـ



اتخاذ تجربة الانقاذ كنموذج للتدليل على أن الاسلام ليس الحل فيه ظلم ما عادي

الثابت للجميع أن ما قدمته الانقاذ ليس له صلة بالدين أو بالاسلام اكثر من إدراج كلمة إسلامي في الترويسة

الانقاذ استغلت الدين وتاجرت بيه فقط ... والاسلام برئ من كل ما صدر عنها

والشيوعي والعلماني والكافر والمؤمن والمسلم والكتابي يعلمون ذلك ..




ـ

طيب يا ماجد قول لينا نموزج معاصر غير الانقاذ بدلل ان الاسلام هو الحل؟

[أبو دعد]

الاخ بابكر الديمقراطية التى تدعونا لها
اين كانت حين فازت الجبهة الاسلامية فى الجزائر
و اين كانت حين فازت حماس على فتح
و اين هى الان من حكم مرسى الذى فاز على غيره
و اقول كما قال البروف هذا الشعب شعب مسلم و لا مكان لبنى علمان فى السودان

[مبر محمود]

المشاركة الأصلية كتبت بواسطة محسن خالد

قومية؟ ولماذا لا تكون إنسانية شاملة (مجرية)؟
وما القومية؟ أليست هي الموسيلينية "أو" الهتلرية "أو" الأتاتوركية، الصدامية، الأسدية، الناصرية... إلخ!؟
بعد جكّة العلمانية -الماك ماخد آخرها- دي كلها ترجع تاااني للقومية؟
وفيم تختلف جملتك أعلاه عن جملتك أدناه

سلام يا عمي الحاج، وبركة في الطلّة.
يا سيدي، القومية الواردة في حديثي ذات ضرورة إجرائية تعني تأسيس تفاهمات الحد الأدنى للمجموعات البشرية دافعة الضرائب المقيمة داخل الحدود الجغرافية والسياسية التي تسمّى السودان، وهي بذلك ليست لها علاقة بتلك القوميات التي أشرت إليها أنت كونها لا تقوم على أي أساس "تمييزي" "إصطفائي" مثلما هو الحال في تلك القوميات. ببساطة، نحن شئنا أم ابينا محكومين بسلطة السياسة التي رسمت الحدود الجغرافية بين الدول ورسمت الحدود السياسية بين الشعوب.

الحق قومك وسيب إنسياطة بابكر دي، خليه يتمجمج براه أصلو مقسومة ليه المجمجة، يدلّع كدا أتقول ربنا هو المغروض فيه!

والله الشايفو أنا إنو شغلة بابكر دي تمثل قمّة الإعتراف بأنو الله ما مغروض فيه، فالبديهي إن الذي يرى إن الله مغروض فيه هو من يقوم بتأسيس حزب سياسي ديني لمساعدة الله في إقامة شرعه.

يا محسن، بعيداً عن أي شئ، نحن نحتاج لنظام سياسي قانوني صارم يحفظ للدين قدسيته وذلك باخراجه من حلبة الصراع السياسي القذر، كما إننا نريده أيضاً ليعزز حق الإنسان في إنتخاب الطريقة التي تناسبه في التعبد والإعتقاد دون مضايقات أو تكفير أو ضيق.

[مبر محمود]

في بدايات هذا الخيط، قلت إن الغنوشي عندما سئل عن عبارة "الحل هو الإسلام" أجابهم بـ"ياتو إسلام؟"، وأنا من هذا المنطلق أسأل جميع الداعين لحكومة إسلامية: ياتو إسلام هو ذلك الذي تريدون له أن يحكم؟ إسلام الترابي أم الغنوشي أم محمد أقبال أم إسلام محمد عبد الوهاب؟ الإسلام المالكي أم الحنبلي؟ الشيعي أم السني؟ الجمهوري أم القرآني أم الأشعري؟!

[أمين محمد سليمان]

المشاركة الأصلية كتبت بواسطة مبر محمود

يا محسن، بعيداً عن أي شئ، نحن نحتاج لنظام سياسي قانوني صارم يحفظ للدين قدسيته وذلك باخراجه من حلبة الصراع السياسي القذر، كما إننا نريده أيضاً ليعزز حق الإنسان في إنتخاب الطريقة التي تناسبه في التعبد والإعتقاد دون مضايقات أو تكفير أو ضيق.

شفت يا مبر اهودا الكلام الببلني ذاتو !!
كل زول من حقو يبشر بما يراه مناسبا، لكن قصة ندس الدين حفاظا علي الدين من وساخة السياسة دي بتناقض الدين نفسو - طبعا هنا بتكلم عن الاسلام حسب شوفي ليه - الما داير يدخلو الدين في السياسة ده كلام يحترم كرأي ... لكن ما يجي يقول نعمل كده عشان نحفظ الدين !!
العايز يدعو لفصل الدين عن الدولة من حقو، لكن ما يقول إنو دعوتو دي لصالح الاسلام !!
بعدين يا مبر الضيق و التكفير ده ما عشان الحاكم بطبق في الاسلام، لكن لانو بعيد عن الاسلام ... ناس صدام ( بالله يا كانديك اعفي لي ) و بشار و عبد الظمبار ديل علاقتهم شنو بالحكم الاسلامي ؟ ما بكتلوك في الضحي الاعلي كان عارضتهم، المشكلة مشكلة حكم و ناس بطبق في الحكم و حكام تافهين لا هم لهم غير البقاء في السلطة !!

[مبر محمود]

المشاركة الأصلية كتبت بواسطة خالد غالي

لايك شديد يامبر ياخي !
المفروض في قانون الاحزاب نفسو يكون ماممكن تسجيل حزب عندو اي اساس جهوي او قبلي او ديني

شكراً يا غالي على التعضيد،
تعضيد العلمانية السودانية، أصلاً العلمانية دي قوسقزحية، علمانية الهند ما زي علمانية فرنسا، وعلمانية فرنسا ما زي علمانية الولايات المتحدة، وعلمانية الولايات المتحدة ما زي علمانية تركيا، فكل شعب ينتخب علمانيته التي تناسبه وفقاً لمعطياته الإجتماعية والثقافية والدينية فقط يبقى الإتفاق العام بين كل تلك الشعوب على المضامين الرئيسية.

المشاركة الأصلية كتبت بواسطة أمين محمد سليمان

كلنا آذانا صاغية يا مبر

يا بورف، لاقتك ونسة بنتظروا فيها؟! كلامي بتاع "جاييك في الكلام" داك، قصدت بيه إنو هنالك الكثير من الكلام يجب أن يكتب في هذا الصدد، ولم اقصد به أن تنتظرني فمداخلتك بلا شك تُكمِّل النقاش وتجعل للحوار فائدة.

[مبر محمود]

المشاركة الأصلية كتبت بواسطة أمين محمد سليمان

كل زول من حقو يبشر بما يراه مناسبا،

يا آمين، ياخ إنتَ بروفي المفضل على إمتداد درب التبانة، فمافي داعي للكلام البي نص تفكير دا!
كيف يعني أي زول من حقو يبشر بما يراه مناسباً؟! دا ياهو الكلام ذاتو القاشرين بيهو المتلبرلين والمتعلمنين وجايبين بيهو الهواء للبرالية والعلمانية!
الشغلة ما مطلوقة يا سيدي، لانو ما من حق أي زول إنو يبشر بمفاهيم غير قانونية لا تراعي القيم الأنسانية والأخلاق الفاضلة التي أجمعت عليها كل البشرية. جملتك الفوق دي عشان تستقيم المفروض تكون كالأتي: كل زول من حقو يبشر بما يراه مناسباً في الإطار القانوني المعروف.

بعدين يا مبر الضيق و التكفير ده ما عشان الحاكم بطبق في الاسلام، لكن لانو بعيد عن الاسلام .

كلامك دا السلفيين مثلاً رايهم فيهو شنو؟