هل ينوي الشيوعيون تحرير السودان انطلاقاً من سودانيات ؟

[الفاتح]

ماجد ده يستحق وصف زول زعاط بجداااااااره

[كيشو]

المشاركة الأصلية كتبت بواسطة مهند الخطيب

مابنسى أزجي امتناني لكل أصحاب العقل والحكمة وأخص

كانديك البعثي*

وبت أبوي آمال الشيوعية*

ومحمد عبد الرحمن الليبرالي*

وماكم مشحودين ...

وأشكر (الزميل) خدر على تخفيف كراهة البوست ...
وأقول ليه ولكل (الأكتاف) المعاهو "عاش نضال الحزب الشيوعي "

وياكيشو بجيك راجع يامولانا لأنك ممن يستحقون الاختلاف معك والأخير ممتع ...

___________________
* الأوصاف أعلاه يجب تضمينها أمام اسم كل عضو عشان الناس تعرف ح تتعامل مع طرحه كيف في المنتدى ..

يا مهند يا بخيل
ياخ ما تزجي لي، مالي ما بستحق يزجو لي؟
طيب، بشيل من الأزجيت ليهم فوق ديل شوية شوية وأزجي لي نفسي
هسه كان عندي حزب كان أزجيت لي، سمح

[GamarBoBa]

ما دام الفاتح السعيد زعلان هنا وبكل حلمه وصبره.
أنا برضو بتهم في الشيوعيين
الناس ديل هم الكانوا ورا اي مصيبة احاقت بالبلاد...وبي شخصيا كمان...شابكننا الوعي وامام الجامع كل بعد صلاة جمعة بيدعي عليهم...كفار..بشربوا الدكاي وبعرسوا اخواتهم كمان
معقولة امام الجامع يطلع غلطان وشليل يطلع كلامه صاح!!!..ياخي تخ.قوم لف يا شليلي

شبكونا من الخمسينيات يا عمال العالم والمضطهدين اتحدوا فرزعونا ستين حتة.
تحت تحت كمان قالوا مشي يوقعوا ميثاق الفجر الجديد لكن الخطيب زاغ...لايفوتني ان اهنيء يوسف الكودة انو بقي شيوعي ...زيه وزي ما كنا بنكورك في الخدمة الالزامية ياسر عرمان شيوعي جبان

عموما يا شيوعيين..جدي الاتوفي في مستشفي الخرطوم .زانتو السبب فيه لانو ير الصحة قال انتو متآمرين.
شهادتي الابت تتوثق في السفارة الامريكية انتو برضو السبب لانكم عارضتوا ثورة التعليم العالي..

صلعتي دي ذا بسببكم..ياخي انتو ناس مضرين جداً جداً..وفوق دا كله حمالين تقيلة..شماعة جاهزة..لاجزب ينفي ولا بخلوا زول من حزبكم ينفي..مقرشين لينا اصحاب المؤهلات لامن بقوا كوامر
كما لا يفوتني أن الوم شعبان عبد الرحيم حين غني انا بكره اسرايييييل ولم يضمن شيوعيين السودان ديل.

_
اتفق مع ماجد تاج فيما ذهب اليه كله..وبدون اي تردد..الشعب يريد تطهير البلاد من الشباب ديل..وليبقي الوطن عاليا لحرامية الجبهة وانتهازية ...انا مع الابادة الجماعية للناس ديل..دايرين نتفرغ بقي ونشوف حياتنا ياخيواختشوا ما تحتلوا السودان دا من موقع سودانيات دوت اورغ..احتلونا بالسكة..جيبوا الناتو...ولا نحن ما بنستاهل!!!
ما اجمل الحياة بلا شيوعية ..وتخيلوا حياتكم بلا سراميك..قمة الزلقان ياخي ..

[GamarBoBa]

يا لهوييييي يا لهوي
خضر ابن خالتي شيوعي!!من هنا لا تكلمني لا اكلمك..هو انا ناقصك!!!؟؟
دايرين تقلبوا الحكومة وسودانيات دوت اورغ مطيتكم!!!..انا قاطعتك..انت ما بتعرف طاعة ولي الامر!!!؟؟عيب عليكم..

مهند برضو!!اها تاني في منو قبل اعمل ليكم ارنب نط اسفيري؟؟؟؟؟؟
وانا اقول الترحيب دا لزومه شنو..اتاريه الموضوع ماشي لاستقطاب اسفيري
انتو دايرين تستغلوا طيبتي ودايراين تجندوني موش كدا!!!
أبييت..ابيت البتة يا شباب

يعني تلفوني مراقب!!!؟؟

وكمان آمال!!؟؟
يا آمال كان فيها شنو هسة بقيتي اختنا في الله تتسوقي في باريس وتاخدي كورس عن اتحاد الشابات في قرطاج وتجي تفطري في استنطبول وترفعي يدك وتدعي لينا كمان ربنا يرفع عن بني جلدتك البلاء..تشيلي معاك شنطتين في حقيبة دبلوماسية فيها تياب سويسرية..وعلب ماكنتوش.زفي داعي تتذكري ناس طوكر والابادة في البلد دي!!!
بالغتي يا امال..انا بعرف انو بالشرع ما ليك حق التقاسم والورثة لكن ما قايلك كمان قدر كدا تفوتي حقك...عيبي لي منطمة سند الخير..وداد بابكر بذات قدرها بتوزع المهام...عيبي لي مجلس اداراة سيدات الاعمال في اتحاد اصحاب العمل..طرمبات النحلة ياخي..يا بت العمر موش بعزقة..وفوق دا يجوا يقولوا ليكم شيوعيين وكفّار!!
طيب انا بعرف واحدة نبذتني في الاسفير هسة شغالة سفيرة....لو في سكة بالله عيدي النظر لو تكرمتي...



_
عارفين من مهازل الاقدار في السودان دا..وتمش تناطع ناس فوق ارضك وحقك وعندك ليها شهادة بحث من سنة الف وتسعمية واسكت..ويقول ليك اسكت..انت شيوعي..طيب انا شيوعي ما ياخي دي ارضي ما داير ابيعها ودا حقي..وفوق دا كله اصلا ما تكون شيوعي ولا بتعرف عن نقد ولا قريت ليه واهتمامك في الحياة منصب في ايمان لندن وانتاجها وفيصل العجب وهيثم مصطفي وبونية البرير...معقولة ياخي!!!

يمين باقي ليكم البروف وانا اقول ليكم يا صحاب فرتقوا...منكم جفلة ياخ..ما تنسونا في التشكيل الوزاري...أخوكم احسن واحد بتاع تجارة خارجية..يمين كونسشنات واستثناءات توريد وتصدير..يمين تغنوا..حرّم اويل اوف يولاي وبركوتر وقاملبز ويوني ليفر وبرتش بترليوم اجيبهم ليكم من نخرتهم ادخلهم سوق السودان..يمين تغنوا يا يا شيوعيين..بالله بس اقلبوها...
Deal؟؟؟؟

[الفاتح]

بعدين يا موسى أنا بتين شيوعي .. أنا زول ساي
إلا مباراتي ليكم هي الجابت لي الهوا..
خليت ليكم الجامعه جيتو سكنتو جمبي
إنت وأبساطور وعصابة القناع الأسود
عليكم اللعنه يا كفار

[خضر حسين خليل]

جيت كالعادة عشان أعمل الواجب لقيتكم سبقتو أبأباتي يا عملات كيشو
وخشيتو مباشرة مرحلة القبقبة

ـــــ

عموماً GP

[ماجد تاج]

ـ




مرحب يا مهند

للحق بقرا في ردك أعلاه ولم يطرف لي جفن بالفعل ..

لكن للأسف .. زاد طعم المرارة في حلقي ، أسوأ ما يمكن أن يجربه الانسان هو مجابهة ثبوت فرضية سيئة قامت في ذهنه

ذلك ما فعله ردك أعلاه

إثبات الفرضيات السيئة التي قامت في ذهني على ضوء ما دار وما يدور هنا

أول مشاركاتك بعد توليك منصب الامين العام الاسفيري

المرتبط بلائحة تحكم عالم اسفيري ، عالم الوهم ـ كانت مشاركة محبطة بشكل لا تتصوره

لأنها للأسف كشفت جانب كان مخفي عني ـ بسبب عدم المتابعة وعدم القراءة

كان يمكن أن أراه من خلال بوست الحبشيات اياه .

على كل يا أخي ما ح أرد على تفاصيل ما أوردته لأنه لا يهم .. المهم هو ما فهمته أنت من كل كلامي السابق

فكرة الاستعداء ، وما تبعها من تداعيات

مربط الحديث يا مهند ليس مهند ونور زي ما قال مغني خضر حسين

لكن ما ينتج عن المثقف السوداني عند أول مطب أو محك يصادفه

ما ينكشف من مخاوف وأوهام تعشش في أذهان النخبة التي يفترض أنها ستقود البلاد

في مرحلة ما بعد الانقاذ الى طريق الخلاص

راجع البوست يا أخي بعين الامين العام التي يفترض فيها الحيادية

وتصور أن مهند المقصود هنا هو أي كائن آخر غير مهند الامين العام

وتخيل أن نور هي نور أخرى

وانظر كيف تدور حوارات أبناء النخبة .. الطليعة .. والتقدميين

كيف يرد مستنير على ظلامي عسكري لا يجيد القراءة ويحمل بين كتفيه رأس صلب

وأعد تكوين جنبات الحقيقة :

من هو الاكثر تعنتاً في هذا البوست ؟

من يحمل الرأس الاكثر تصلباً ؟

ما أشرت اليه ـ ما سأدلف اليه لاحقاً ـ يكشف الغطاء الكثيف الذي يغطي تشوهات النخبة المستنيرة لدينا في السودان

كيف يمكن أن تواجه هذه النخبة النقد وهي توجه حرابها وسهامها وأسوأ ما في جعبتها من ألفاظ قبيحة الى أهداف لا توجد الا في مخيلاتها

كيف يمكنها أن ترد هجمة من أي عدو إذا كنت لا ترى الا الاعداء التي أنشأتها في مخيلاتها فقط

كيف يمكن أن ترى مواطئ أقدامها إذا كانت تحمل ذات سواءت عدوها ـ الانقاذ ـ

وتصف كل منتقد أو معارض لنهجها وسياساتها بأنه كوز أو أمنجي


يتبع لاحقاّ بإذن الله




ـ

[خضر حسين خليل]

يا ماجد انت اتضايقت ولا شنو ؟

[ماجد تاج]

المشاركة الأصلية كتبت بواسطة GamarBoBa

اتفق مع ماجد تاج فيما ذهب اليه كله..وبدون اي تردد..الشعب يريد تطهير البلاد من الشباب ديل..وليبقي الوطن عاليا لحرامية الجبهة وانتهازية ...انا مع الابادة الجماعية للناس ديل..دايرين نتفرغ بقي ونشوف حياتنا ياخيواختشوا ما تحتلوا السودان دا من موقع سودانيات دوت اورغ..احتلونا بالسكة..جيبوا الناتو...ولا نحن ما بنستاهل!!!
ما اجمل الحياة بلا شيوعية ..وتخيلوا حياتكم بلا سراميك..قمة الزلقان ياخي ..

ـ



مرحب يا قمر بوبا

طبعاً وفقاً لما صدر عن الرفاق فيما سبق هنا بتكون كونت فكرة ممتازة عن ماجد تاج

وعن البوست ككل لذلك جاءت موافقتك هكذا ..

للحق أنا عايز أرد على حتة ما أجمل الحياة بدون شيوعية .. لأنه دي الحقيقة

مش من منطلق أن الشيوعية تهدم الاديان والاخلاق وستشيع الفواحش فور تسلمها السلطة

ولا من منطلق ما يروج له المؤتمرجية من أن الحزب الشيوعي سيحمل ضمن ما سيحمله إن وصل للسلطة البارات والانادي والمواخير

لا يا أخي

الحياة في السودان ستكون اجمل بدون شيوعية بالفعل لأنه باختفاء الفكرة

مع أنها ماتت في مسقط رأسها

ستتحرر الكثير من العقول التي يمكن أن تقدم للوطن ما هو أجدى من التمترس الدائم والخندقة المستمرة

تخيل أن نقد أفني زهرة شبابه وكامل عمره تحت الارض في محاولة لحماية فكرة ميتة أصلاً ..

ومع ذلك كانت محصلة ما قدمه للوطن صفر كبير على الصعيد الشخصي

وسالب ألف على مستوى الحزب الذي قاده ..

ومع تثبيت حقيقة أن الكثيرين هنا وفي أرض الواقع يعانون خلط عجيب بين ما هو ثوري وما هو ضد الانقاذ وبين الشيوعية

وما ينجم عن ذلك التخليط

التخليط دي كلمة ورثتها من شيوعي كان له أثر كبير في توجهاتي اسفيرياً

الاخ سلطان ، له التحية ..

ما ينجم عن هذا التخليط هو ما تراه الان أمامك من حيرة بادية بين ما يتكشف من حقائق عن :

معاداة الفكر الشيوعي للدين ، وتشديد الشيوعي كفرد ـ الدائم ـ على أنه لم يخرج من الملة

حالة من التوهان بعيد عنك تخلي الواحد ما عارف يميز بين ما هو طيب وما هو خبيث على الاطلاق

لذلك الحيلاة بلا شك ستكون اجمل بدون شيوعية ..

وقتها الكثير من المبادئ الزائفة ، والافكار التائهة ، والعقول المتحيرة ستسطع عليها شمس الحق والحقيقة

وستكون اكثر نفعاً للبلاد

أتفق معك يا أخ قمر أن الحياة ستكون اجمل بدون شيوعية




ـ

[ماجد تاج]

المشاركة الأصلية كتبت بواسطة خضر حسين خليل

يا ماجد انت اتضايقت ولا شنو ؟

ـ


كيف ما اتضايق يا خضر ياخ وأمامك رد اتنين من حملة الهم السوداني

من تقدمييه ، ومن طليعته ، ومستنيريه

اتنين من الذي يمثلون الوجه الاخر المرجو منه الكثير

شوف رد مهند ولنا .. وقول لي أنت ذاتك ما متضايق

هب أنو ماجد تاج دا نافع علي نافع شخصياً

ترد عليه باعتبارك نافع واللا باعتبارك بتمثل نخبة ؟

أي واحد فيهم كان امامه فرصة ذهبية لصياغة خطاب يخلد له هنا

لكن شوف الردود ال صدرت عنهم ..



ـ

[خضر حسين خليل]

ولماذا لا تقرأ مشاركاتهم كـ لنا ومهند دون أي ألقاب أخري يا ماجد كما أقرؤك مثلاً أنا كـ ماجد ساي ؟

[ماجد تاج]

ـ



إنصافاً يا مهند :

هشام آدم أنا اتقدمت بشكوى ضده

والامين العام وقتها بعد ما تحقق من صحتها قام بحظره

مش نصرة لماجد تاج ، لكن نصرة للرسول صلى الله عليه وسلّم

وممكن تراجع ما ورثته من ملفات الامانة العامة




ـ

[أمين محمد سليمان]

سلام يا ماجد و لعلك بخير .....
ياخي بعيدا عن قصة إنو الشيوعيين دايرين يسيطرو - ولا already سيطرو - علي سودانيات و قصة انك ما جبت شاهد واحد علي كلامك ... ولا جبت دليل علي سوء إستخدام الشيوعيين الفي الادارة للائحة ....و علاقة كونو انهم شيوعيين بهذا السوء إن وجد.... بعيدا عن الكلام ده كلو ... الفرق شنو بين اتهام واحد من الأخوان ليك انك كوز.... و اتهامك لمهند انو شيوعي ؟!

[GamarBoBa]

الحياة في السودان ستكون اجمل بدون شيوعية بالفعل لأنه باختفاء الفكرة
مع أنها ماتت في مسقط رأسها
ستتحرر الكثير من العقول التي يمكن أن تقدم للوطن ما هو أجدى من التمترس الدائم والخندقة المستمرة

يا ماجد تصدق انك زول طيّب
وتستحق الحياة بعيداً عن عكننة روحك بالشيوعيين!!؟؟
ياخي ديل شن لزمتهم زاتو؟؟
شابكننا بدرالدين طه عرس سكرتيرته!!ولا يسرق البنك كله.زهو في زول فيهم مدير بنك!!!حاقدين ياخ
منو سرق اربعة مليارات وعمل حوش في كافوري
عصام البشير الرجل الطاهر باع فيلته لوزير المالية.
واحد ينط يقول الفساد في وزارة العدل.
والتاني يقول في بت اغتصبوها..مع انو تقرير الامن المرق بقول انو برضو كدا.

طيب تصدق وتؤمن بالله يا ماجد في شيوعي قبل كدا قال لي يابوليس امك مسكينة..مع انو انا ما بوليس...يمين مشيت لدكتور نفسي عشان يعالجني..انا يقولوا لي بوليس!! قدوقدو!!!
تصدق بالجد الناس ديل حاقدين ومفروض يمشوا نار جهنم وسقر..
ياخي انا قربت اكلم ليهم عمو يجي يدق بيهم الواطة.شريرين شديد ديل...بأيدك لازم الفكرة تختفي.
ويقولوا لي كمان الحياة غالية...يعني كيف سندوتش الفول في لذيذ ما يصل خمسة جنيه والشيوعيين عايشين وبقاسمونا الارض..عشان يحصل رخاء..لابد من ابادة.
وقبل يومين تخيل في شيوعي سايق هايس قالوا قبضوه شايل 3500 قارورة عرقي..يعني زي 17500 لتر..يمين الشيوعيين ديل بحملوا الهايس زاتو ما لا يطيق..عملوا منها عبّارة..زيمين اتضامنت مع الهايس.

انا بتفق معاك وبغني معاك اغنية عبد الحليم عبد البخيت ولا اسمه منو..البتقول ما بدور الشيوعية..وبقبل بالعسكرية.

انا بتفق معاك...في اي حاجة يا ماجد..اي حاجة ولا الكفار ديل.

أتفق معك يا أخ قمر أن الحياة ستكون اجمل بدون شيوعية

وانا والله يا ماتجدني اكثر اتفاقا معك بس لو اشتغلت لي بحبة اولويات..
رايك شنو نخلي الشوعيين شهر بس
نكتل البعوض
ونقوم نبيد المفسدين في الحكومة
ونوقف شغل العطاءات من المالية بالغمتي
نحي مشروع الجزيرة حبة
نعرج علي وزارة الدفاع نقول ليهم ما تدقوا الناس..حرام كدا
الضب البقفل كهربا سنار داك
الحشايش القفلت بلوفة المشاريع
بعد داك نكتل الشيوعيين كلهم..انا معاك...هيييييييييييع..يمين معاك
لا حياة لشيوعي بعد اليوم..


_
يمين منبركم دا مبالغة يا شباب..بونس في روحي انا

[أمير الأمين]

المشاركة الأصلية كتبت بواسطة GamarBoBa

يا ماجد تصدق انك زول طيّب
وتستحق الحياة بعيداً عن عكننة روحك بالشيوعيين!!؟؟
ياخي ديل شن لزمتهم زاتو؟؟
شابكننا بدرالدين طه عرس سكرتيرته!!ولا يسرق البنك كله.زهو في زول فيهم مدير بنك!!!حاقدين ياخ
منو سرق اربعة مليارات وعمل حوش في كافوري
عصام البشير الرجل الطاهر باع فيلته لوزير المالية.
واحد ينط يقول الفساد في وزارة العدل.
والتاني يقول في بت اغتصبوها..مع انو تقرير الامن المرق بقول انو برضو كدا.

طيب تصدق وتؤمن بالله يا ماجد في شيوعي قبل كدا قال لي يابوليس امك مسكينة..مع انو انا ما بوليس...يمين مشيت لدكتور نفسي عشان يعالجني..انا يقولوا لي بوليس!! قدوقدو!!!
تصدق بالجد الناس ديل حاقدين ومفروض يمشوا نار جهنم وسقر..
ياخي انا قربت اكلم ليهم عمو يجي يدق بيهم الواطة.شريرين شديد ديل...بأيدك لازم الفكرة تختفي.
ويقولوا لي كمان الحياة غالية...يعني كيف سندوتش الفول في لذيذ ما يصل خمسة جنيه والشيوعيين عايشين وبقاسمونا الارض..عشان يحصل رخاء..لابد من ابادة.
وقبل يومين تخيل في شيوعي سايق هايس قالوا قبضوه شايل 3500 قارورة عرقي..يعني زي 17500 لتر..يمين الشيوعيين ديل بحملوا الهايس زاتو ما لا يطيق..عملوا منها عبّارة..زيمين اتضامنت مع الهايس.

انا بتفق معاك وبغني معاك اغنية عبد الحليم عبد البخيت ولا اسمه منو..البتقول ما بدور الشيوعية..وبقبل بالعسكرية.

انا بتفق معاك...في اي حاجة يا ماجد..اي حاجة ولا الكفار ديل.


وانا والله يا ماتجدني اكثر اتفاقا معك بس لو اشتغلت لي بحبة اولويات..
رايك شنو نخلي الشوعيين شهر بس
نكتل البعوض
ونقوم نبيد المفسدين في الحكومة
ونوقف شغل العطاءات من المالية بالغمتي
نحي مشروع الجزيرة حبة
نعرج علي وزارة الدفاع نقول ليهم ما تدقوا الناس..حرام كدا
الضب البقفل كهربا سنار داك
الحشايش القفلت بلوفة المشاريع
بعد داك نكتل الشيوعيين كلهم..انا معاك...هيييييييييييع..يمين معاك
لا حياة لشيوعي بعد اليوم..


_
يمين منبركم دا مبالغة يا شباب..بونس في روحي انا

غايتو يا دوب اقتنعت انك صاحب وفردة شليل