هل ينوي الشيوعيون تحرير السودان انطلاقاً من سودانيات ؟

[AMAL]

حقيقي ياماجد وصلت الناس الحد
ياماجد انت بتدي نفس حقوق لمن شككتنا في نفسنا ياخ
الحكاية شنو ؟
ارجع ورا شوية شوف كم زول قالو ليك راسك مافي
وانت مصر تطلع ليهم لسانك
معقولة بس الناس دي كلها غلط وانت صاح
وداير تطلع نتيجة علي كيفك وتفوز العايزة والشيوعين برة
بالنسبة لقصة البحبني بقولا تاني البحبني يصوت لي مهند ولنا ونبراس ورافت ديل الا ديتهم صوتي ودي حقي الادتني ليه اللائحة وكتبت دا في الفيسبوك ومستعدا اكتبو تاني في اي مكان ديل الناس البعرفهم من ماختيت رجلي في سودانيات خبرتهم وشفت مواقفهم قبال سيادتك تشرف وتحدد لينا الدايرو يدخل وتمسك الباب

[AMAL]

بالمناسبة ياماجد
حقيقي محتاج ترجع لتاريخ سودانيات وتذاكر كويس
دا طبعا بعد تشيل نظارة شيوعيين وماشييوعين
الناس الانت بتتكلم عنهم ديل مافيهم زول جديد علي الادارة
وفازوا في انتخابات سابقة امانة ومجلس وشعبيتهم وقبولهم تم اختبارو ونجحوا بجدارة يعني ماغريب عليهم الفوز ولامحتاجين لي مكنة التحشيد وما ادراك المدورنها دا ومحتاجين فعلا ندعم وجودهم في المجلس ونديهم حبة نفس شان ينجزوا ومانستهلكم في الدوائر البتسوي فيها دي ارحمنا يرحم والديك

[AMAL]

المشاركة الأصلية كتبت بواسطة ماجد تاج

ـ



بس أحذرك يا لنا هنا في العام

ما تفتكري طولة بالي قصور

ولا تفتكري الامر ممكن يظل حبيس الاسفير فقط

تطلعي من العام للخاص تاني .. أنا ح أضطر اطلع منه برضو

وح أطلع بالقصة برضو من الاسفير للواقع ...



ـ

امر محير فعلا
الجابو قدر دا شنو ياعملات علوية جارتنا

[ماجد تاج]

المشاركة الأصلية كتبت بواسطة خالد غالي

ردك علي ده ياماجد انا بعتبرو توغل في طريق خلق العداوات الغير مبررة .. حقيقي ماعارف كيف اقرا اقحامك لآمال مرة تانية في الموضوع ده رغم انو انتهى زمان

على العموم لو كنت مصر على استعداء الجميع بالشكل ده فما عارف اقول ليك شنو لكن صدقني حاتكون الخاسر انت

ـ


دي أزمة أمة كاملة لا يتحمل وزرها ماجد تاج لوحده يا أخي ـ القراءة بتأثيرات جانبية

أمال أنا قلت عنها شنو هنا ؟

أقرأ الحتة الذكرت فيها ما يتعلق بأمال مجرداً عن تكويت لنا

وشوف أنا غلطت على أمال في شنو

يا خالد : أنا لا استعدي أحداً

وكل ما في الامر أني بقول رأيي الخاص ـ الغير مقدس والقابل للدحض والتفتيت

وال ممكن أغيره حسب مجريات النقاش لو لقيتو ما صاح

ويا عمك لا خسارة في الامر

أنا عمري ما رسلت لي زول رسالة في الخاص

ولا بنشد المحبة من خلال الكيبورد

ولا جريت خط ماسينجر لي زول

ولا ...

خليها على ربك بس



ـ

[ماجد تاج]

المشاركة الأصلية كتبت بواسطة AMAL

امر محير فعلا
الجابو قدر دا شنو ياعملات علوية جارتنا

ـ


مداخلتا القلتي عليها اتفشت فيها ديك هي الجابت الكلام دا

ما عايزا تفتكر ماجد تاج تخته تنشن فيها براحتا بدون ما ترتد عليها سهامها ...



ـ

[اسامة عبدالماجد]

صديقي وابن عمي ماجد تاج ..
صديقي مهند الخطيب ..
صديقتي لنا جعفر ..
صديقتي نبراس ..

تحية ومحبة ..
كم هو محزن أن يجد الإنسان نفسه ممزقاً من الألم حينما يرى أحبائه يتقاتلون برماح الحروف فوق لا شئ، هي كلمات سيحفظها التاريخ هنا ، وسيحاسبكم عليها كل من عبر من خلالها ، لا استثني احد.. أوقفوا هذا النزيف ولونوا بياض هذه المساحة فيما يخدم قضايا المقهورين الذين يدافعون عن مستشفى جعفر بن عوف وهم يحملون اطفالهم يتلوون من الألم.. أو اولئك الذين يسدون قرص الشمس في فداسي بحثاً عن ضوء الشمس ذاته.. وجهوا حروفكم وسهامكم حيث ما يجب أن تكون.. تصارعوا خلف أي فكرة وابتعدوا عن شخصنة الأطروحات .. ودون أن نعود إلى الخلف ودون أن نؤشر إلى من المخطئ أو من قاد اللغة إلى هذا المنحى دعونا نوقف هذه النوع من الكتابة استحلفكم بالمحبة كلها..

مودتي التي تعرفون.

[ماجد تاج]

المشاركة الأصلية كتبت بواسطة AMAL

بالمناسبة ياماجد
حقيقي محتاج ترجع لتاريخ سودانيات وتذاكر كويس
دا طبعا بعد تشيل نظارة شيوعيين وماشييوعين
الناس الانت بتتكلم عنهم ديل مافيهم زول جديد علي الادارة
وفازوا في انتخابات سابقة امانة ومجلس وشعبيتهم وقبولهم تم اختبارو ونجحوا بجدارة يعني ماغريب عليهم الفوز ولامحتاجين لي مكنة التحشيد وما ادراك المدورنها دا ومحتاجين فعلا ندعم وجودهم في المجلس ونديهم حبة نفس شان ينجزوا ومانستهلكم في الدوائر البتسوي فيها دي ارحمنا يرحم والديك

ـ


الدوائر دي تتبعي مداخلاتي هنا وشوفي أنا سويتها كيف

أنا متحرك من مداخلة للنا ذكرت فيها أمور تتعلق بخط سيرها المفترض

وأمن عليها مهند ..

وأول ما ظهر منها اللغة الغريبة الاستخدموها الاتنين هنا دي

يا أمال أنا ما عندي أي مانع أغادر سودانيات هسي

بس اسلوب الاقصاء والتجمع والمهاجمة ضمن المجموعة ده

ما عنده معنى وفي النهاية ح يحصر المنتدى على اتنين بيحاورو بعض ..



ـ

[ماجد تاج]

المشاركة الأصلية كتبت بواسطة نبراس السيد الدمرداش

يا سيدي
فيما يخص الثقاله وتقلة الدم انا قصدت اوفر عليك لانو عارفاني ثقيلة ودمي تقيل
البتطفح دي المجاري بالمناسبه

انا نبراس احب ما على قلبي اني اكون زي مهند الخطيب وآخرين هنا ما بقدر اعددهم ليك لانو بتعب
انا ما فرضت اي حاجه على اي زول لانو ما بحب زول يفرض علي حاجه ولا بحب اكون تحت رحمة زول

الاخلاق دي كلمة استهلكت كتير في الكم شهر الفاتو ديل وكل استهلاكها كان بسبب الانتخابات البخلي تحشيد سماح اخلاقي وتحشيد نبراس غير اخلاقي شنو..انا نبراس دي تجاوزت الاخلاق في شنو؟؟

منو القال ليك في الاحوال العاديه ما كان ممكن تكون الفرصه لي وما ممكن افوز يعني مستند على اي خلفيه تخص وجودي هنا تمنعني افوز بعضوية المجلس ثم انو هو الوضع الما عادي شنو..وليه ما عادي؟؟
بالمناسبه انا كنت نائب الامين العام مرتين مره بالتعيين من خالد الحاج ربنا يرحمو ومره بواسطة انتخابات عشان تكون عارف انو ممكن افوز بدون تحشيد وانو فوزي عادي بالنسبه لي عشان كدا كنت مستغربه كلامك عن الفرح بالفوز

سماح احق مني بحكم شنو جابت الاحقيه من وين يعني والبمنع اني اكون صاحبة حق شنو في عضوية المجلس انكرت علي الحق دا ليه ؟؟
وليه ما فازت سماح؟؟ فريق العمل بتاعها ضعيف؟؟لانو خسروا المنافسه والفرق بيناتنا 4 اصوات بس..حسب علمي انو التحشيد ليها تم بقوه وتحت رعاية كريمه من بعض الاعضاء والدعايه كانت غير ومؤثره جدا
انا اقصيت سماح كيف؟؟ وليه انا؟؟ممكن يكون اسامه لانو فارق اصواتنا منها 4 اصوات لكل واحد فينا

كنت متوقعه سماح تفتح بوست زي ما عملت في بوست رشحني وارشحك رشح لي الريده وتنتقد الانتخابات بكوميديا سوداء تانيه

ثم انو سؤال ليه سماح احق من البقيه(حسين عبد الجليل..زول خرافي..ساره..عادل عسوم)

انا ما فهمت اي عضو اي حاجه بالمناسبه

انا احمد ليك انك ما بتنحرج من مناقشة اي شيء سواء قانوني او شرعي او اخلاقي وبتبعد عن الشخصي سواء النقاش من راسك او من كراسك

حقيقي ما عندي صله بالحزب الشيوعي وما عارفه علاقة الحزب بانتخابات مجلس ادارة سودانيات شنو وبسودانيات ككل لما مقلق بيك وفاتح عشانو كم بوست؟؟

انا بخدم اجنده تخصني وحدي لا بتخدم حزب شيوعي ولا جبهه ديموقراطية ولا جبهه اسلامية ولا اتحاد ديموقراطي ولا اي كيان سياسي وطالما انت متابع مع مرور الايام حتكتشف الاجنده دي شنو..انت بتخدم اجندة منو وليه والحكمه من ادارة النقاش دا الان شنو ليه ما ادرتو بعد ظهور نتيجة الانتخابات مباشرة

وليه تتحاشى الرد علي اهو اسي انا عرفت رايك فيني من خلال رايك في لغتي لانو ما بنفصلوا عن بعض في راي

دا فيما يخص مداخلتك اعلاه

اما ما يخص ردك على كانديك والاتعرضت فيهو لي
انا الاحترام والادب والتهذيب بعرفهن كويس جدا جدا وابن عمك ممكن يكلمك وماخلاتي ال 7524 هنا ممكن تكلمك
شنو البدر مني ويطفح بما هو اسوأ من الثقالة وتقلة الدم
وما بخليني اتكلم عن البياخه..تاني بقولا ليك مثالك بايخ لانو لما تكون بترد على انثى واعيه وتقول ليها انا بقرا في ردك تذكرت جارتنا شطورها كبار لما بتجدعهم ورا ضهرها عشان تنجز اعمالا دي بياخه وسخريه من خلق ربنا القال "ولقد خلقنا الانسان في احسن تقويم" ربنا عاوزا كدا انت بتسخر منها ليه لو ما عارف اعرف ولو مافي زول قالا ليك انا قلتها ليك

انا ما دافعت ولا بررت انا فقط نبهتك لانو لغة مهند ما اتغيرت سواء كان امين عام او عضو عادي ومحمد عبدالرحمن شاركني الراي نفسو لكن كلامي انا الوقف في حلق كيبوردك ووصفت كلامي بالفطير..فطير بلبن الله يطراك بالخير يا سجمان

اذا جينا نتكلم عن الحقوق ومنو يحق ليهو يبدي راي او لا دا بكون الاقصاء نفسو الانت اتهمتني بيهو

اما ورووووووووووووك المزعلاك دي وحرمتني انت بقدرة قادر الكلام عن البياخه والقباحه بسببها اتوقع تشوفها كتير في بوست المنحبشين لانو صراحه انا بحبهم جدا وضعيفه امام جمالهم واذا بتسبب ليك الاذى النفسي تجاوزاها او تجاوز البوست كله

غايتو لقيتك الاول عاوزنا نستقيل انا وصديقي مهند منو الاداك الحق دا؟؟غايتو شايفاك بتفصل ليك في مجلس بمزاجك فيهو لنا لانو ما جبت سيرة استقالتها وعمو رافت واسامه(ابن عمك) وتترفع سماح من الاحتياطي بعد انا استقيل وخال فاطمه بعد مهند يستقيل..والله ما قايله وجودنا انا ومهند في المجلس قندول الذره الفنقل الريكه

غايتو ما اظن تسيب البوست دا بالساهل لانو اللكزي حاصل عرفت ليه احب ما علي اكون زي مهند لانو عينو نجيضه

الطبيعه جبل زي ما بقولوا اهلنا اهن اعفي لي زي ما بقول صديقنا بكه

ـ


عبور الخط الاحمر بيجيز لي أعبره برضو ..

ح أرد على الحتة دي بتفصيل كامل يا نبراس



ـ

[AMAL]

ياماجد انت كل مداخلة بتناقض نفسك اكتر عليك الله دا

وكل ما في الامر أني بقول رأيي الخاص ـ الغير مقدس والقابل للدحض والتفتيت

وال ممكن أغيره حسب مجريات النقاش لو لقيتو ما صاح

ياخ انت طلعت نتيجة انتخابات علي مزاجك
وحددت الفائزين وعملت خارطة طريق وريت البستقيلو منو
وهسي راجنك تشوف وضع لنا شكلها اعدام علقول عادل امام
دا مع الرأفة طبعا
ياخي ارجع ورا شوية واثبت لينا كلامك الفوق دا
شوف اراء ناس زي النور وكانديك وخالد والبديري
سيبك من الشيوعين
بعدين ياخ اسلوب التهديد وطالعني واطالعك دا حقيقي شين
ومابشبه منتدي حوار لحدي الان استعملتو مرتين
ياماجد في شنو بستحق الناس تهدد بعض وبضرب ليك وبجيك وبوريك!!!

[ماجد تاج]

المشاركة الأصلية كتبت بواسطة AMAL

ياماجد انت كل مداخلة بتناقض نفسك اكتر عليك الله دا


ياخ انت طلعت نتيجة انتخابات علي مزاجك
وحددت الفائزين وعملت خارطة طريق وريت البستقيلو منو
وهسي راجنك تشوف وضع لنا شكلها اعدام علقول عادل امام
دا مع الرأفة طبعا
ياخي ارجع ورا شوية واثبت لينا كلامك الفوق دا
شوف اراء ناس زي النور وكانديك وخالد والبديري
سيبك من الشيوعين
بعدين ياخ اسلوب التهديد وطالعني واطالعك دا حقيقي شين
ومابشبه منتدي حوار لحدي الان استعملتو مرتين
ياماجد في شنو بستحق الناس تهدد بعض وبضرب ليك وبجيك وبوريك!!!

ـ


وتفتكري اسلوب المهاترة والسخرية والطعن واللمز دا أسلوب محترم ؟

أنا صبرت على كل ما بدر في البوست دا صبر الانبياء وما زلت

ومع ذلك يا أمال مصرة توجهي كلامك لماجد تاج ؟

يا ستي أنا بحذر كل من يعبر خط احمر بأنه بيجيز لي أعبر خط أحمر برضو

أنا متقيد بحوار عام

وما بخضع لسياسة الاقصاء بالمسخرة والكلام الفارغ دي

و ح أضطر في النهاية أحسمها بطريقتي شان ما يفتكر

كل من قام ليه شوية ريش أنو ممكن يكتب أي كلام وينسكت عليه



ـ

[خضر حسين خليل]

يا ماجد تاج ياخي
تحياتي وإحترامي
إعتذر لتداخلي معك في هذا الخيط ... سأقوم بسحب كل مداخلاتي هنا والله الموفق

[AMAL]

المشاركة الأصلية كتبت بواسطة ماجد تاج

ـ



يا أمال أنا ما عندي أي مانع أغادر سودانيات هسي

بس اسلوب الاقصاء والتجمع والمهاجمة ضمن المجموعة ده

ما عنده معنى وفي النهاية ح يحصر المنتدى على اتنين بيحاورو بعض ..



ـ

ياماجد مافي زول طلب منك تغادر
لنا ومهند ونبراس واي عضو هنا بينك وبينهم اللائحة
البغلط هي البتحاكمو وتحاسبو
الفرضية القام عليها البوست دا هي قمة الاقصاء انو الشيوعيين احتلو وهاجرو وحرروا
الفكرة بحاربوها بالفكرة ياماجد ما بالتجني والتوجس ومحاربة طواحين الهوا والخوف من الخطر القادم علي سودانيات والماشايفو زول غيرك
الناس ديل البد ليهم في الشوك والبخالف اللائحة تعال اصلبو لينا مرتين ولا اقول ليك تلاتة كونهم اعضاء واداريين ثم شيوعيين غير كدا زول واحد حيقيف معاك ماف مش لو قلت قالو وررروك ولا سكلبوا ولا سوو الحي ووب وكل زول واسلوبو ياخ ودا حال المنتديات وماتتخيل انك حتلقي فيها البعجبك بس

[طارق صديق كانديك]

الأخ ماجد تاج أسعد الله نهارك

هذا الذي ألمحتُ اليه في مداخلاتي السابقة، أن الأمر وفقاً لما تسوقه هنا خرج عن كونه حرصاً على تجربة سودانيات ليتحول الى عداءات شخصية.

حول تعقيبك على مداخلتي الأخيرة، أشكر لك احترام رأي، ولكني مازلت لا أجد سوى كلمات مداخلتي نفسها رقم 229 فقد وصلت وجهة نظرك للقارئ والمتابع، والمضي في ذات الاتجاه، لن يقود لحوار موضوعي بل ينصرف كل الجهد (كما هو واضح من المداخلات الأخيرة) الى شخصنة وتهديد لا فائدة منها مرجوة في الحوار أو في تجربة سودانيات بشكل عام.

نبراس انصرف حديثها الذي تقول أنه أغضبك الى توصيف (المثال السئ) الذي أوردته أنت، وليس في ردها من تجنٍ عليك في شئ، كونك لا تستحسن مداخلاتها الممازحة في بوست آخر وصفت فيه أنت المشاركين فيه بالمراهقين، لا يعني أن تضمر ذلك لها، ثم في موضع جاد تأتي بمداخلتها الممازحة للتأكيد على رؤيتك.

إن الإصرار على إعادة إنتاج الرؤى حول الانتخابات، وتكرار ذات الحديث الذي دار وقتها ، يخرج عن كونه حديثاً موضوعياً، ليدخل باباً شخصياً تستعدى فيه مهند/لنا/نبراس، بل تسأل المشرف الفني أن يكشف عملية سير الانتخابات، وكأن هناك تواطؤ عام لم يسلم منه حتى المشرف الفني، وفي طريقك للدفاع عن رؤيتك حتى التهديد المباشر يصبح حاضرا كما لوحت به لعلاء الدين ولنا جعفر.

إنها الإنتخابات، والشرعية الذي يكتسبها المجلس والأمانة العامة فيها، شرعية لائحية، وفي ذلك تنافس المتنافسون، غض النظر عن نجاح بعضهم وفشل آخرون، وقد ظهرت الحاجة الى إضافة بنود في اللائحة تتعلق بالطعون وبسير العملية الإنتخابية، قدمت فيها أنت وآخرون رؤيتكم، وهو إتجاه جيّد ويخدم التجربة بالفعل، أما الإستمرار في عزف اسطوانة الإنتخابات السابقة، فهو لن يقدم سوى المزيد من العداء الذي وصل الآن حد التهديد المباشر.

يا أخي الفاضل، حين يوجه اليك بعض المتداخلين اللوم جراء اعتقادهم بخطأ رؤيتك تسألهم لمَ لم يوجهوا حديثهم لمحاوريك، وفي تقديري أنك المعنِي بهذا البوست صاحبه والمسئول عن إدارته والخروج به الى سوح للحوارالموضوعي، بعيداً عن النزوع الى شخوص محاوريك وتهديدهم.

إن لم يكن ذلك كله نزوعاً الى شخصنة الحوار، فدعنا جميعاً نتحسس قدرتنا على تقييم الأمور.

لك تحياتي

[طارق صديق كانديك]

المشاركة الأصلية كتبت بواسطة نبراس السيد الدمرداش

وليه ما فازت سماح؟؟ فريق العمل بتاعها ضعيف؟؟لانو خسروا المنافسه والفرق بيناتنا 4 اصوات بس..حسب علمي انو التحشيد ليها تم بقوه وتحت رعاية كريمه من بعض الاعضاء والدعايه كانت غير ومؤثره جدا

الأخت نبراس هذا اللمز والتلميح يدفعني دفعاً لئن أقول حديثاً مهماً يقطع الطريق أمام فكرة ما يشئ به الاقتباس أعلاه وأقاويل القائلين.

مضت انتخابات هذه الدورة بخيرها وشرها، مضت بعد نالت كثيراً من نسيج المنبر الاجتماعي، جراء القيل والقال وكثرة السؤال، نالت كثيرا من مواقع الأصدقاء بعضهم ضد بعض، كأن تباين الرؤى أصبح جريمة يستدعي أن تستأذن صديقك لتقول له أنني أرى غير ما ترى.

ثم جاء الحديث عن جدلية الأخلاق واللائحة أيهما يحكم العملية بل أيهما يبقى في الضمير يحركه للصحيح أيا كان هذا الصحيح، مسني مما جرى في هذه الانتخابات ما دفعني لإعادة التفكير في طريقة قبولي للآخر ، وكيف يمكن لشخص أن يحمل بين جنبيه كل التقدير ويصفع على وجهه تحت دعاوى كثيرة ليس من بينها تعديك عليه في شئ، سوى أنك قلت رأيك فيما يجرى بكل صراحة ووضوح حين حدثك صديقا لصديق وليس عضواً مع رئيس المجلس.

راسلتني الأخت نبراس على حسابي الشخصي (طارق صديق كانديك) بتاريح 25 12/2012 ممازحة، فقمت بالرد عليها بذات الروح الممازحة شاننا في كل ما سبق من مراسلاتنا. ثم بتاريخ 26/12/2012 أرسلت لي رسالة أخرى معاتبة،استوجبت توضيح رؤيتي الشخصية لها،

هذه الرسالة هي رؤيتي التي طلبتها (صديقتي ) نبراس ولم أتبرع بها ابتداءً، ولم أباشر في نقل مجرد اعتراضي على عدم ترشحها من قبل ذلك لا لشئ سوى أنني احترمتُ خيارها في التصدي للعمل الاداري، غض النظر عن رضاء طارق عنه أو عدمه.

إن هذه الرسالة موجهة الى نبراس مباشرة وليس الى عضو من اعضاء المنبر، ولم تكتب في مكان عام يطلع عليه الاعضاء لتحط من حظ نبراس في التصويت وترفع من حظ سماح. هي رؤية شخصية املتها ضرورة الرد على معاتبة صديقة وأرسلتها لها دون أن يطلع عليها ناخب، لتحسب توجيها له.

عصفت بنا الكثير من الأحداث وتراسلنا كثيراً من الرسائل مع كثيرين أعضاء وعضوات بهذا المنبر منذ بداية وجودنا فيه، ولم نسمح لأنفسنا بتبادل الرسائل مع غير أصحابها إلا بإذنهم إن كان هناك ما يستدعي التبادل. أما أن تجد أن هذه الرسالة التي قمت بارسالها بين ايدي كثيرين من الناس في المنبر فذلك ليس أمراً مخذياً فحسب، بل هو يعني في أبسط صوره أن المرسل اليه يوجه اليك صفعة كبيرة على وجهك ولا يبالي. وتمتد هذه الصفعة ليس لمكانته عندك فحسب، بل تمتد لتصل أخلاقية الفعل غض النظر عن مضمون الرسالة .

هنا دعوني أحيّ الأخت لنا جعفر على شجاعتها ومحبتها وصدقها في التعامل معي فهي الوحيدة من الذين وصلتهم هذه الرسالة قامت فوراً بالحديث المباشر معي ومناقشتها في موقف ينم عن احترامها وتقديرها لطارق كانديك، فلها مني ذات التقدير والاحترام.

لن أقوم بشرح ما احتوته رسالتي فهي تظل رؤية شخصية تبادلتها مع من كنت أعتقد أنه صديق، ولم ابادر بها بل كتبتها تحت الحاحه في معرفة رؤيتي من ترشيحه، والأمر عندي ليس مفاضلة شخصية بين سماح محمد ونبراس ، فصداقتي لسماح محمد ليس أمراً فجائيا إذ أنني من أتى بها الى هذا المنبر، وكنت قبل أن أدعوها صديقا للأخت نبراس غير أن مفاضلتي في من الذي يستحق ان يتقدم تبقى رؤية شخصية أحتفظتُ بها لنفسي، ولم أتكرم بها إلا حين أصرت نبراس على معرفة رأي. وقمتُ أنا وعكود والنور بالضغط على سماح لقبول الترشيح في انتخابات المجلس وهذا ما دعاني لذكرهما لنبراس ليقيني أنها كانت تكن لنا تقديرا كبيراً.

ربما يقول قائل أنني كتبتُ هذه الرسالة حين تقدمت نبراس على سماح، فدفعتني صداقتي لسماح أن أكتب لنبراس ما كتبت، ولكن ، نبراس نفسها تعلم أنني لم أبادر بمراسلتها، بل هي التي بادرت ورددت عليها بإقتضاب، ثم عاودت التراسل مرة أخرى حتى جعلتني مضطرا لئن اقولها ما أعتقده بصدق.

ثم تأتي اشارات هنا وهناك من بعض الأعضاء أن الذين يستاءون من الحشد يمارسونه، كتبت انا في أكتر من مداخلة عن رؤيتي عن الحشد، أجده لا يصادم لائحة لكنه يتقاطع مع فكرة الانتداء.

ولما كان ليس من عادتي، أن أقف صامتاً في معرض الحاجة الى البيان. أدعو أي شخص وصله من طارق كانديك طلب بأي وسيلة من وسائل التواصل يتعلق بالتصويت للمرشح الفلاني وعدم التصويت لغيره.

غض النظر عن كل ذلك، أجد أن المجلس والأمانة العامة يكتسبان شرعيتهما من اللائحة وليس من اعتقاداتنا وتصوراتنا الشخصية.

[AMAL]

احترامي ليك ياطارق ياصديق
ياركازة ودعامة واحد من حملوا هم هذا المكان
وعملو بجد من اجله وشالو التقيلة ومافتئوا
وياماجد كلام جد
لن تستطيع قراءة ذاكرة هذا المنبر ومعرفة شخوصه ومواقفهم
اذا تجاوزت اراء مثل طارق كانديك
اقراءهم جيدا وبعقل مفتوح وانزع هواجسك
وصدقني سودانيات غير
انظر ماذا انتج بوستك هذا ومآلاته والي اين يسير
وماذا يجني المتابعون والقراءة غير البغض والشحناء ومزيد من التشرذم والتمزق في جسد هذا المنتدي الذي عشنا فيه بمحبة وتواصلنا بود واختلفنا باحترام الشيوعي والبعثي والناصري وحزب الامة والمسلم والمسيحي واللاديني
ها انت تنقلنا من هوة لهوة وسبق حميرنا مدور وباندويدث محروق عالفاضي
ليك ياطارق احترامي الشديد
الكراهية والضيق بالاخر لاينتج سوي مزيد من الكراهية
دعونا نخرج من هنا ونغسل ايدينا من هذا الوحل ونلتفت للهم الاكبر

وليبدأ احدنا بالمحبة

وانا ادعو اصدقائي
واثقة انهم لن يخذلوني
والبمد يدو بالمحبة اول بحبني اكتر
وكلها كمها ياماجد ومهند ولنا ونبراس
كلها كمها

جمعتكم مباركة