اقتباس:
المشاركة الأصلية كتبت بواسطة عكــود
سلام يا مهند،
كتير والله الما اتحكى وما نزلت الصور المصاحبة (قلنا الصور، كويّس  ).
ما دام قلت (يتبع)، فـ لنسن أقلامنا معك،
فما زلنا محيّنين بالكلام.
واصل.
|
جداً ....
من طرائف ومنغصات تلك الرحلة في ذات الوقت والتي لم تُحكى سأحكي واحدة ....
اتجهنا من الشكابة شاع الدين الى سنار على اساس أنّا سنسلك طريق سنار كوستي لنصل الى ربك حيث ملتقانا ، ونسة وضحك و موجة من حكاوي ناصر و نكات كانديك التي لا تنتهي ، لمن وصلنا سنار التقاطع ناصر طلع تلفونو واتصل بزول شال منو وصف بيت وختم المكالمة بي لاقينا عند الباب ، "ده منو ياناصر؟" اجابتو المعتادة ، "ده زول صاحبي شديد " حاكم ناصر كل الخلق اصحابو
وبيكتب معاي في منتدى كده ذكره لي واسمه غريب ، ياناصر ياخ صاحبك ده ماصاحبنا ، ياناصر يهديك يرضيك ، ياناصر دربنا طويل .....ماف فايدة ... مشينا ولاقينا الزول ماف ربع ساعة جاتنا صينية العربية ماتلفها ، صينية مخيفة حتى بمقاييسي العالية ، انا وحبيبي الكاشف (كاديلاك) دورنا ضرب تحت الحزام وفوق الحزام لغاية ما ملصنا الحزام زاتو في الآخر ، وناصر مدور ونستو مع الزول ...
" تهاني بالغت في بوستيها داك "
" محاسن دي ما بتبطل حركاتا"
" أبو الرووس سحبو مداخلاتو"
فجأة انتقل الكلام لحال البلد والحاصل في دارفور فقمنا أنا والكاشف شاركنا بحكم انو البوهية حقتنا ، نفاجأ انو الزول ضابط جيش وانو من كوادر الحركة الاسلامية القدام وعضو حزب !!!!!!
بررررراحة انا وحبيبي الكاشف مرقنا ايدينا من صحانتنا وطلعنا غسلنا برة وطارق صاري وشو ....
طلعنا من البيت والبستفة بدت ، طبعا ما بقدر اجيبا عشان اللايحة ، تاني ماف زول فتح خشمو لغاية جبل موية ....
ضابط جيش وكوز ياناصر؟؟؟؟!
