شرح خواص ووظائف المنتدي الجديد

[elmhasi]

المشاركة الأصلية كتبت بواسطة admin

نواصل :
أنظر الصورة :



في الشكل رقم (1) نقوم بتظليل أي نص نريد أن نجعله إقتباس ونضغط علي الأيكون
مثال :




في الشكل (2) نجد أيكونتي ميديا بلاير وريل بلاير

في حالة رفع ملف من الآتي (mp3, wma,wmv) نضغط علي علامة ميديا بلاير سيظهر مستطيل نضع عليه رابط الأغنية أو الملف الصوتي .

في حالة الملفات المشفرة علي الريل (ram ,ra,rmv) نضغط أيكونة ريل ونضع الرابط الخاص بالملف الصوتي علي المستطيل الذي سيظهر بعد الضغط ثم نضغط أوكي.

ملاحظتين مهمتين :
(1) في حالة وجود أكثر من أغنية في صفحة واحدة نضغط علي علامة ريل بلاير بغض النظر عن نوع الملف وذلك حتى لا يشتغلوا الإثنين في وقت واحد .

(2) في حالة عمل إقتباس لمداخلة تحوي ملف صوتي أحرص علي حذف الرابط الخاص بالملف الصوتي (الأغنية) من إقتباسك حتى لا يسمع الصوت مرتين لأنك ستنقل المداخلة بالكود الخاص بالميديا .

أستاذنا خالد الحــــاج

سؤال عن رفع ملفات الريل بيلير والميديا بيلير ..

لازم الأغنية تكون موجودة في البي سي بعد عملية التحميل ، حتي تشتغل علي النت ???

يعني الأغنية ما أعمل ليها دليت من البي سي بعد عملية التحميل ???

وليك ألف شكر وتقدير

[خالد الحاج]

سلامات يا زول يا جميل
بعض الناس بيغلط الغلط ده يا محسي بيشيلوا الرابط من الكمبيوتر ويضعوه في كود الريل وبتشتغل الأغنية ولكن له هو فقط لأن مصدرها كمبيوتره لكن لو ذهب إلي أقرب جهاز آخر حتى ولو في نفس الغرفة لن تعمل .
لا بد من رفع الملف في النت يا محسي عشان يستمع إليها الكل.
إذا حملتها في النت فبإمكانك حذفها من الكمبيوتر لأنها صارت موجودة في سيرفر.

يديك العافية

[معتصم الطاهر]

سؤال


وملاحظة ( الشكية لله)
السؤال :
لو داير الصفحة فيها 50 مداخلة مثلا مش 25


الملاحظة

المسافة ( الفراغ ) بين المداخلة والأخرى بعيدة

عاملة زى كراس الانجليزى بتاع ال ( White Nile)

البنية دى العافية حسن ..
غناية مش ..
دى حركات تمبوسة ..

[خالد الحاج]

المشاركة الأصلية كتبت بواسطة معتصم الطاهر

سؤال


وملاحظة ( الشكية لله)
السؤال :
لو داير الصفحة فيها 50 مداخلة مثلا مش 25

..

إجابة علي الجزء الأول يا باش :

تقوم بالضغط علي (المكتب) تجده أسفل الصفحات إلي اليسار بعد دخولك أحد المنتديات
داخل المكتب تقوم بالتعديل حسب رغبتك .. هناك الكثير من الخيارات بدءا من عدد البوستات إلي عدد الردود وأشياء أخري
أنظر الصور :




ملاحظتك الثانية بجيك ليها باكر كان الله هون أنا ماشي الشغل وشغل الليل كعب.


تحياتي لتمبوس الزول الجميل كاتلني الشوق ليه والله يا باش
الشكية لله

[بابكر مخير]

الحبيب خالد
شكراً ليك ومرحب بيك
يعني الواحد كلو ما يشوفك متحير، وما شاء الله بيستغرب
كيف متحير وبتعمل دا كلو، احنا الواحد ما متحير وإسمي مخير وما بيقدر يعمل صفر من الف البتعملو
يديك العافية وشكرا ليك تاني

[خالد الحاج]

المشاركة الأصلية كتبت بواسطة معتصم الطاهر

سؤال


وملاحظة ( الشكية لله)
السؤال :
لو داير الصفحة فيها 50 مداخلة مثلا مش 25


الملاحظة

المسافة ( الفراغ ) بين المداخلة والأخرى بعيدة

عاملة زى كراس الانجليزى بتاع ال ( White Nile)

البنية دى العافية حسن ..
غناية مش ..
دى حركات تمبوسة ..

أها يا باش بخصوص الجزء الثاني من ملاحظاتك تم حذف الفراغ بين المداخلات..
تعلمت اليوم شيئ جديد يا معتصم حتى أحقق لك رغبتك أو قول ملاحظتك
تعلمت فك رمز الإستايل وتعديله...
اللهم زدني علما فما يزال الكثير يصعب علي ولكني أجتهد ولا كبير علي العلم.
تحياتي.

[خالد الحاج]

المشاركة الأصلية كتبت بواسطة Babiker Mukhayer

الحبيب خالد
شكراً ليك ومرحب بيك
يعني الواحد كلو ما يشوفك متحير، وما شاء الله بيستغرب
كيف متحير وبتعمل دا كلو، احنا الواحد ما متحير وإسمي مخير وما بيقدر يعمل صفر من الف البتعملو
يديك العافية وشكرا ليك تاني

دكتور مخير حبابك يا شفيف (رغما عن أختنا أسماء )

أنا لازلت أتعلم يا دكتور
وأقول ليك سر "بتعلم فيكم"
ألف شكر يا صديقي نسأل الله التوفيق بس

[معتصم الطاهر]

المشاركة الأصلية كتبت بواسطة خالد الحاج

وأقول ليك سر "بتعلم فيكم"

؟
عشان كدا بنسأل أسئلة صعبة ..

[عالم عباس]

المشاركة الأصلية كتبت بواسطة معتصم الطاهر

؟
عشان كدا بنسأل أسئلة صعبة ..

يا عزيزنا معتصم
مالك شابّي للزول في حلقو؟
أسأل أسئلتك، وخلي الراجل يتعلم فينا!!
إنحنا قبلانين!
وفرحانين
بس أسأل إنت،
وياسلام للأسئلة الذكية وأصحابها!

[haneena]

للأهمية

[Asaad Alberair]

اخونا عالم عباس قال

العزيز خالد
أبدأ بالتهنئة، قبل التحية، على هذا الجهد المبارك، والمثابرة والصبر علينا، وعلى راحتنا.
فليبق هذا" البوست" مثبتاً لأطول فترة ممكنة، حيث يمكن الرجوع إليه كلما أشكل أمر، يعني ( Help Desk )، تحت متناول اليد.
التجديد ضروري، ومهم، ونحن نساير هذا ، تذكروا قول الشقليني، بمعنى أن تحتفظ سودانيات بسمة مميزة تعرف بها دائماً (شكلاً أو لوناً أو حرفاً "بنط" )يميزها عن غيرها وتظهر بها شخصيتها

أقدر حجم السهر والعرق والوقت المستنزف لكي يخرج كل هذا الجمال، وفي أبهى صورة.
علينا، وعلى أمثالنا (الذين يجدونها جاهزة ومرتبة)، واجب الشكر والإشادة والتقدير
لقد طوقتم أعناقنا بجميل، ويسرتم لنا كل شيء، بل و(دلعتونا كمان)!

يا صديقنا الحبيب
لك،
ولمن معك،
وللإدارة
وكل من أحس بجهدكم، وارتاح إليه
لكم التهنئة والمحبة والتقدير
جزاكم الله الجزاء الأوفى،
وبسط لكم الخير والجمال كما بسطتموه لنا وللناس أجمعين
خالد
شكراً جزيلاً

وانا بقول شرحو....
يعنى بعد الشكر .... البوست ده خلوهو لينا معلق هنا

قال جدادى يلقط الحب قال..... وكمان شنو ويجرى وهو فرحان...
لا....... قفه!!!!

[عبدالله الشقليني]

المشاركة الأصلية كتبت بواسطة خالد الحاج

طريقة تحميل الصور:

تذهب إلي حيث توجد الصور وتعمل كلك علي الصورة المراد تحميلها ثم تضغط تحميل
تشيل الرابط وتاتي به.

.

حبيبنا في الإدارة :
سلام وكلام

وتعمل كِلِكْ .. كِلِكْ : كُلَكْ حِلو

[طارق الحسن محمد]

يابن عمى سلام
سوال
لو عاوز ارفع صورة من الكمبيوتر
زمان كان فى ايقونة الهدية تضغط عليها
وبعد كدة تختار صورتك من اى حتة من الجهاز
وترفعها
الان الخاصية دى مش موجودة
السبب يكون يالله خوف على الباوندث
وتحت
تحت
بخل !!!

مودتى لك

[خالد الحاج]

المشاركة الأصلية كتبت بواسطة طارق الحسن محمد

يابن عمى سلام
سوال
لو عاوز ارفع صورة من الكمبيوتر
زمان كان فى ايقونة الهدية تضغط عليها
وبعد كدة تختار صورتك من اى حتة من الجهاز
وترفعها
الان الخاصية دى مش موجودة
السبب يكون يالله خوف على الباوندث
وتحت
تحت
بخل !!!

مودتى لك

سلامات عزيزي طارق
أولآ آسف جدا لتأخير الرد

حدث أن راجعت حجم الملفات المحملة يا طارق عن طريق لوحة الكتابة التي أشرت أنت إليها ووجدت حجم المرفوع من صور أكثر من 2 جيجا تصور!
لهذا السبب قمت بتعطيل الخاصية في اللوحة الجديدة تخفيفا للباند ودس خاصة مع إزدياد العضوية وتوسع سودانيات..
الطريقة الحالية تسمح بتحميل كل أنواع الملفات وليس الصور فقط
يسهل مراجعتها وحذف ما هو مخالف أو غير منشور في سودانيات.

أنظر الصورة :



للمركز اسم دخول وكلمة مرور خاصين به ولا علاقة لهما بكلمتي المرور واسم الدخول للأعضاء. يمكن طلبهم من الإدارة عن طريق البريد الداخلي أو من الزملاء.
تحياتي لك وأي إستفسار شوت طوالي