راكوبة المجادعات.. النمة والدوباي

[سجمان]

المشاركة الأصلية كتبت بواسطة تماضر حمزة

الشوق البشيق سجمان تراهو بعيد
والبيت اتملا لكنّو فاقدو قصيد
الزول السمح أنا فاقدو ياخي شديد
نغريك السلام مابنلقى ليكَ بريد؟؟

شرحووووووووووو
فلاش باك

مخازن جفني "كالكونياك ونقر الفُلة"
والبال والفكر بالشوق جميع مُحتلة
الشايلات دخول عمري ومسوية علّة
أشواقاً في القلب بيها النظام اختل

[ابرا]

تدفع كم

[سجمان]

المشاركة الأصلية كتبت بواسطة ابرا

تدفع كم

أرادب بالدفيس ما ظن يوفّن طلبو
مخزون البراتي اللتردم ما جلبو
السجمان وكت دار الأمر ما غلبو
والطير في السحاب جزم حواهو وحلبو

شنو ليك..

يا قميرية هوي شيلي السلام لي ربعو
واقريهو السلام قبل الحروف ينطبعو
قوليلو الشهير يا دوبو كمّل ربعو
والشوق العلي خرت الدمع من نبعو

الشوق والذي منو طبعاً
مع إنو ماب تستاهل يقولولك زاتو..

والله عملتها ظاهرة ... أضرب تلفون ياخ..

[عبد المنعم حضيري]

أبت تظبط معاي

دحين أدوني الخاطر لامن أجيكم

[أبو أماني]

[QUOTE=عبد المنعم حضيري;618235]أبت تظبط معاي

دحين أدوني الخاطر لامن أجيكم[/QUOTE]

خاطرك معاك يا يابا.. ونورك منور دارك
وراجينك للحول .. كان يجن بنات أفكارك
غـرّد ببديع نمك .. و أبهجنا بأشعارك..!
بالله أسعد زولا .. مناه يبقـــى .. حوارك
**************

[أبو أماني]

الحضيري يا السجمان وعدنا تب ما جانا
غير بهجة حضوره ما أظنه.. تم غنـانا..
الحق يا حضيري بيك الخلوق عشمانة!
غيرك والسجيمان راكوبتنا يوت نشفانة
**************

[أبو أماني]

في غيابكم خراب راكوبتي .. بأركانها ..
وبوجودكم نضمنا متل التقول جبخانة ..
الحضيري نمك باقي لي التكنو رطانة ..
وكبيدة السجمان متل الطلع دخانها ..!
**************

[سجمان]

المشاركة الأصلية كتبت بواسطة عبد المنعم حضيري

أبت تظبط معاي

دحين أدوني الخاطر لامن أجيكم

الحال من بعض يا حبوب

الخاطر معاك للنم تعاود تاني
ننهل من غناك نماُ تزينو معاني
السجمان معاك زيك كتير بيعاني
موفور النضم كان جاك يروح ف ثواني

[سجمان]

المشاركة الأصلية كتبت بواسطة أبو أماني

الحضيري يا السجمان وعدنا تب ما جانا
غير بهجة حضوره ما أظنه.. تم غنـانا..
الحق يا حضيري بيك الخلوق عشمانة!
غيرك والسجيمان راكوبتنا يوت نشفانة
**************

الدنيا أم قدود با خلي مي شاغلانا
أولو هم العوين للنم بخيب مسعانا
الدَرّة ان بقيت في النمة مي مليانة
عقباناُ تشوف نضماُ تكنو رطانة

[سجمان]

ناويبو السفر للشال وتني صبيتو
مبروم الحشا الزاد قلبي في خبّيتو
حارس ريدو من محن الزمن تاقيتو
حرسان اللبن في اللهبة حين ختّيتو

عن يوم السفر ما قتلو ووصيتو
لا اتبوم عليا ولا كتر نِصّيتو
معروف في المداين منشهر بي صيتو
تيترون لونو فاق الـ للقبور خصيتو

[سجمان]

ساقد للفجر يامن أززّنو صاحت
فوق دوب الوقف ود عيني ليهو اتشاحط
قصيبة التقنت الشالت ثمارا وماحت
طرطشت القلب شالت صبوري وراحت

[سجمان]

يطارش نداي نهب الظنون ماكلني
وكل ما اقول اتوب أشواقو تتعنكلني
يلجلج صبري بي لًجَنْ النضم لجّني
فرحان بي باللهج حتن يقول كجّني

[سجمان]

سكنتو الوريد فوق الوهم سكنّي
نظراتو المتل شُهب السمع سكّني
فعايل اشواقو زي هم اليتيم مسكني
أهدر كاللسد بي نظرة بس سكني

[طارق صديق كانديك]

المشاركة الأصلية كتبت بواسطة سجمان

ساقد للفجر يامن أززّنو صاحت
فوق دوب الوقف ود عيني ليهو اتشاحط
قصيبة التقنت الشالت ثمارا وماحت
طرطشت القلب شالت صبوري وراحت

ياخ يعلم الله عصرت على كل المآذن

ـــــ

منتظرنك زي هلال العيد

[سجمان]

المشاركة الأصلية كتبت بواسطة طارق صديق كانديك

ياخ يعلم الله عصرت على كل المآذن

ـــــ

منتظرنك زي هلال العيد

اصبعي مقطوع والله بكتب بي اصبع واحد

والاصبع الواحد ما بحوّق الاشواق دي ياخ..

ثم من وين جبت الخبر.. حالنا مخبيين الأتر