27 مارس ،، كل سنة وأنا طيب ياخ

[ناصر يوسف]

البوست ده بالمناسبة بوست خاص بي انا ده شخصييييياً

كلت براي أهببو لنفسي وأهنئ نفسي باليوم العالمي للمسرح

كل 27 مارس والمسرح السوداني معافي
كل 27 مارس وأهل المسرح السوداني بموفور العافية يا رب
كل 27 مارس وفناني المسرح السوداني قادرين علي مواصلة الإبداع تلو الإبداع
كل 27 مارس والعلاقة بين الخشبة { مسرحية } والصالة { جمهور } تكون علاقةً قوية ومتينة وتعود لألقها القديم
كل 27 مارس وأنا بألف ألف خير يا رب



حيكون عندي بوست آخر عبارة عن تنوير لما أود القيام به كمبادرة لأهل الدراما في السودان قاطبة ،،، فتوقعوه

[نزار حسن علي]

حبيب الشعب
وانته طيب يا حبيب والمسرح بكل خير

[فيصل سعد]

نتمنى للمسرح السوداني دوام التقدم و الازدهار..
و فرحتك فرحتين يا ناصر يا حبوب..

[محمد عبد الله حرسم]

كل عام وانت مبدع وملىء بالدهشة

وكل عام والسودان فى رقى
كل عام وحركة الدراما تتطور
كل عام والمسرح من اولويات الدولة والفنانين والمبدعين

كل عام وانت اروع سيدى الانيق

[ناصر يوسف]

الإخوة الاحباب
نزار
فيصل
حرسم مقلوب مسرح

شكرا لإحتفاءكم معي بيوم المسرح العالمي

انا هذه الأيام اعمل جاهدا لإطلاق مبادرة تجمع أهل الدراما في السودان

سأفتح لها كوة هنا ببوست منفصل بمشيئة الله

بارك الله فيكم






حرسم ... تلفونك ضاع مني سهوا لأنو مسجل علي الجوال القديم

رجاءا مدني برقمك الشغال بيهو الواتس أب برسالة في الخاص عشان اعمل ليك إضافة في مجموعة أهل الدراما

[عايد عبد الحفيظ]

ناصر الجميل الفنان
من المساطب الشعبية بنقول ليك كل عام وانت طيب
والمسرح السودانى وكل المهتمين بالمسرح والسينما
والثقافة السودانية عموما .

[ناصر يوسف]

المشاركة الأصلية كتبت بواسطة عايد عبد الحفيظ

ناصر الجميل الفنان
من المساطب الشعبية بنقول ليك كل عام وانت طيب
والمسرح السودانى وكل المهتمين بالمسرح والسينما
والثقافة السودانية عموما .

د. عايد
تحية طيبة واحترام

تتبارك ايامك يا حبوب
وآسف للرد المتأخر
كنت مشغول بإعداد معرض صور فوتوغرافية
مشاركة مني الاستاذ علي مهدي واسرة ادارة مهرجان البقعة المسرحي
كوفاء وعرفان لهم وتكريم وشكر لهم
لأنهم واظبوا علي هذا المهرجان السنوي الراتب دون توقف طيلة خمسة عشر عاما علي التوالي

[الجيلى أحمد]

سبعة وعشرين إرتجال.. المسرح السودانى, مسرح الرجل الوحيد

[الجيلى أحمد]

كاميرا واحدا
ولكم الحق فى إعمال كل الصندوق الخامس ومايتوفر فيه من أدوات
كاميرا واحدا بتشتغل أغلب الدراما السودانية..
ويجى المنتج يخش فى دور المخرج ويسعجل الشغل ويكلفتو!!

حامد تيراب يشيل ويصور
والمخرج يشيل ويعيد فى المقطع من زاوية تانية
وبنفس الكاميرا..
دا شغل يكرهك فى تصويرك وتمثيلك واخراجك..
كاميرتين أقلو
براح ليك وللمشاهد.

[بابكر مخير]

إحتكروا المسرح كفن رفيع
دراما بأنواعها وكوميديا بأصنافها
وحولوه لمعاناة يومية
ذكرني الحكاية دي المنافسة الغير متوازنة بين "مسرح الشارع" الجهد وبين الذي يقوم به مجموعة من الممثلين المغلوبين على أمرهم بعد أن أغلق أمامهم المواقع المخصصة لهذه الأعمال الفنانة...
كيف الناس ديك "الإنقاص" حولوا المسرح بقيمه السامية الي معركة كل صباح ونهار ومساء...
بقآ المسرح هو السودان بطوله وعرضه يعرض فقط..
الآم أمة وضيق حياة وصعوبة معيشة...
مسرح فيه الكلمة ممنوعة والحرية محجوبة والنفس لا قيمة لها ولا معنى..
نصوري يابا
سرقوا منكم ساحة مسرحكم الرآقي وبدلهو لي باحة سجن، كان مليون ميل وصعب عليهم قاموا برباحوهو...
كل عام وأنتم بخير
ووصية يابا أبقوا إلا ساااااااااااكت
أهل مسرح "صامت"

[ناصر يوسف]

أبشلاليف
كبيرنا د. بابكر

تحية طيبة وبعد

أشكر لكم المداخلات الناقدة في إتجاه الموجب من نقد

لذا ،،، أنا أعد العدة الآن كما أسلفت الذكر عاليه

للم شمل أهل الدراما في لقاء كبير لنرفع شعار


الدراما السودانية ،،، قضية وطنية


وأعددتُ مسودةً عددتُ فيها المعضلات والمشكلات وخارطة الطريق للخروج من هذا النفق إلي براحات متقدمة

شكراً لكم