السجارة ام خمسة و عشرين سوط

imported_عمرابي · 11-06-2008, 02:22 PM

اتذكر كان اليوم ممطر وكنت ماشي المدرسة
ركبت من محطة التعاون بعد ما اشتريت لي سجارة
وختيتها في جيبي عشان مافي زول من شماشرة الحي يشوفني
وانا بسجّر
اول ما الباص و اسمو (الريكو) يصل الخرطوم اشوف لي اقرب طبلية
و اولع سجارتي متجه لي مواصلات ناصر و برّي
و بخبخة بي مزاج كون الخرطوم زحمة و صعب تلاقي زول بتعرفو
وحتي لو لاقيت زول نسبة الزوغان كبيرة
وانا ماشي جمب البرندات اسمع زول يناديني بي اسمي
خمشت السجارة بي حركة سريعة جدا" و حولتها من ظاهر اليد الي باطنها
دون ان اطفيها
طلع طالب معانا خالو استاذ في نفس المدرسة
اطمأنيت لأنو كان براهو و مرقت سجارتي الي ظاهر اليد و بي نفس الحركة
بس عكسية
لمن قربت ليهو حسيت في كلام في عيونو لكن ماقادر يمرقوا فأشرت ليه بي
اكتافي (يعني في شنو) لكن ابي يرد و بقي يبحلق في السجارة و صرّ لي
فهمت انو في كمين
رميت السجارة وعفصتها فيظهر خالو اب شنب
طول مترين عرض متر شنب يرك فوقوا الصقر

قال لي وهو يبتسم ابتسامة خبيثة فحواها (امانة ما وقعت)
عاين الخليقة بتسجر كمان؟؟ جيب جيب السجارة دي وامشي اركب العربية
العربية بتاعتو كانت كوريلا موديل قديم كدا
مشيت مع زميلي و ركبنا العربية و زميلي اداني درس في صعوبة الفهم
وانو مفروض من قولة تيت افهم الحاصل شنو لكن طلعت ديامي فارة

انتظرناهو لحدي ما صلّح ساعتو وجا
اول شي قال لي بكرة تجيب ابوك
قلت ليه الحاج دا مسافر قال لي خلاص تجي امّك قلت ليه الحاجة دي مرة كبيرة
وما بتقدر تساسق من الديم لحدي مستشفي العيون
قال لي طيب فاكينك ساي كدا بدون ولي امر قلت ليه لا لا طبعا" ود عمتي هو ولي امري
قال لي ود عمتك ما بنفع ,, شغال وين هو
قلت ليه شغال في (منظمة الدعوة الاسلامية) هنا راقت ليه الفكرة قال الزول دا بكون كوز من النوع ابوكديس
وهو ماعارف انو انا وود عمتي سجارتنا واحدة
قال لي بكرة تجيبو قلت ليه يا استاذ خلاص ما بعمل كدا تاني (قلت عشان يطمئن و يشعر بي خوفي من ولي امري دا) قال لي بكرة الساعة عشرة صباح يكون معاي هنا مفهوم؟؟ حاضر يا استاذ.
كلمت ود عمتي بالحاصل اثناء تخميسنا لي سجارة ما بعد شاي المغرب فوافق والخبث يبرق من عينيه
الساعة عشرة الصول ناداني مشيت لقيت ود عمتي جوة المكتب وانا منتظر برة
بعد حوالي عشرة دقايق ناداني الاستاذ و كانت المفاجأة الغير متوقعة
ود عمتي بدون ما يسالني قطع فيني كف من النوع ابو كديس و اداني درس و انو انا امانة في رقبتو و ابوي موصيهو علينا و انو الكلام دا ما حا يخليهو يروح كدا ولازم يضرب تلفون هسة دي لي ابوي و يوريه صعلقتي وصلت وين و الاستاذ متكيف.
التفت ود عمتي للاستاذ و شكره علي الاهتمام فرد الاستاذ ان لا شكر علي واجب و ذهب و عيني تبرقه بشرر كاللهب وتمنيت ان ينتهي اليوم الدراسي عشان الكف دا اتسداهو
ذهب هو و انا مشيت لي اقرب نيمة قطعت منها كم سوط اخدر عشان اتجلد بيه و كنت عامل حسابي بي لستك عربية داخلي
اكلتهم خمسة و عشرين سوط لكن دقسني الاستاذ و اداني ليهم فلقة

imported_عادل عسوم · 11-06-2008, 03:40 PM

عمرابي يديك ألف عافية
ود عمتك أظنو ماصدق ...وأتمغّا

أما (الريكو) والسجانة بالنص دي

...
خمسة ومعاك الأتنين زايد 47

...ياخي نحنا الزمن داك مادخلنا المدرسة زاتو

imported_نوفل عبد الرحيم · 11-06-2008, 05:41 PM

اقتباس:

المشاركة الأصلية كتبت بواسطة adilassoom

.
خمسة ومعاك الأتنين زايد 47

...ياخي نحنا الزمن داك مادخلنا المدرسة زاتو

ياخ الحاجات البتقولوا فيها دي نحن ما سمعنا بيهو ذاتو
لكن اخوي عمرابي جاب سيرة الكيزان قلنا يمكن نكون نحن مولودين الزمن داك

شافع رباطاب قاعد في نص الصالون وبشرب في سجارتو بمزاااااج شال نفس قوووي كده
وقبل يطلع الدخان ابوه جاء داخل .. بقي يسأل فيهو ويتكلم معاهو - وهو شغال صامت طبعا
عشان الدخان ما يطلع من خشمو وكده .. ولما ابوه كتر معاهو الكلام - فتح خشمو والدخان جاء طالع
قال ليهو دا شنو الفي خشمك دا ؟ قال ليهو دا تسالي يا ابوي
قال ليهو تسالي بدخانو في خشمك بتقلي فيهو ؟

سلامات يا عمرابي وان شاء الله هسي تكون اتخلصت من العاده دي

imported_نسايم · 11-06-2008, 07:47 PM

زكرتنى بي المدرسة
وبي الشقاوة
زكريات ملونة
حتى لو كان فيها مليون دقة
تحياتى للسرد الراقي

imported_عمرابي · 12-06-2008, 08:55 AM

اقتباس:

المشاركة الأصلية كتبت بواسطة adilassoom

عمرابي يديك ألف عافية
ود عمتك أظنو ماصدق ...وأتمغّا

أما (الريكو) والسجانة بالنص دي

...
خمسة ومعاك الأتنين زايد 47

...ياخي نحنا الزمن داك مادخلنا المدرسة زاتو

تعرف يا حبيب انا لحدي هسة كل ما اتذكر الكف دا ازغلل

ياخي الريكو دا من اجمل وسائل المواصلات
اول شي زحمة الف
تلقي الواحد من شدة الزحمة نخرتو جمب اضانك
تحمد ربك عند حالة الشهيق
و زفيرو يصيبك بي شلل دماغي
تعرف كتير جدا" البنات (بغمرن) في باص الريكو
اتخيل باص ال كاباستي بتاعتو خمسة و اربعين
يكون شايل تسعين
واقرف شي يكون واحد بياكل في تسالي مع الحر دا
ياخي تجيك ريحة التسالي دي زي ريحة (الاباط)
واقرف منها تكون قاعد طرف و تتهادي عليك(المؤخرات)
من كل صوب
اتخيل وقول رايك
بس برضو حياة حلوة
لأنو الراحة و النفس البتشيلوا بعد ما تنزل محطتك
يسوي الدنيا وما فيها

imported_عمرابي · 12-06-2008, 09:02 AM

اقتباس:

المشاركة الأصلية كتبت بواسطة نوفل عبد الرحيم

ياخ الحاجات البتقولوا فيها دي نحن ما سمعنا بيهو ذاتو
لكن اخوي عمرابي جاب سيرة الكيزان قلنا يمكن نكون نحن مولودين الزمن داك

شافع رباطاب قاعد في نص الصالون وبشرب في سجارتو بمزاااااج شال نفس قوووي كده
وقبل يطلع الدخان ابوه جاء داخل .. بقي يسأل فيهو ويتكلم معاهو - وهو شغال صامت طبعا
عشان الدخان ما يطلع من خشمو وكده .. ولما ابوه كتر معاهو الكلام - فتح خشمو والدخان جاء طالع
قال ليهو دا شنو الفي خشمك دا ؟ قال ليهو دا تسالي يا ابوي
قال ليهو تسالي بدخانو في خشمك بتقلي فيهو ؟

سلامات يا عمرابي وان شاء الله هسي تكون اتخلصت من العاده دي

شافع الرباطاب هين قاعد في الصالون
لكن اتخيل واحد في نُص (الريكو) مولع سجارة
و يعاين في الناس ديل منتظر واحد يفتح خشمو

اظرف موقف في مرة من المرات في بنت بطنها (طمت) و المسكينة
واقفة شماعة قعدت تكورك للكمساري انو يوقف الباص
لكن الشغلانية اخدت زمن لحدي ما الكمساري يدق الماسورة المخصصة
بي الحجر المخصص
اها البنت دي عيونا بقوا كباااااااااار من الطمام و حاولت تدنقر عشان (تطرش)
لكن مافي طريقة
اتوكلت و فكتو في البشرية القداما دي
كانت ماكلة فتة علي ما اذكر بي موية جبنة
غايتو القدامها ديل اتبشتنوا بشتنة السواد و الرماد
وهي غير البكي مالقت طريقة تعبر بيها

imported_عمرابي · 12-06-2008, 09:05 AM

اقتباس:

المشاركة الأصلية كتبت بواسطة نسايم

زكرتنى بي المدرسة
وبي الشقاوة
زكريات ملونة
حتى لو كان فيها مليون دقة
تحياتى للسرد الراقي

طبعا" الذكريات المدرسية دي من اجمل
الذكريات و فيها من المقالب ما فيها.

بتذكر زمان عندنا حاجة اسمها المذاكرة
تبدأ من بعد المغرب لحدي بعد العشاء
واتذكر طلعت اشاعة (الديك اب شِدّة)
وانو فلان من الطلبة شافو و حكاوي كتيرة
وكت ما القي فرقة بجي بقول ليك منها قصة

مودتي

imported_كمال عكود · 12-06-2008, 08:51 PM

أنت عارف يا عمرابي علقتك دي ذكرتني أخوي ونحن صغار شوية وهو أصغر مني كان بسف لانه اولاد الحلة اغلبهم بسفوا الا انا ومعاي زويلين تلاتة وانا من صغير مكجن التنباك والسجاير الحمد لله واي مكيفات ما عندي معاها شغلة حتى كمان بعدين خليت الشاي اسع لي قريب تلاتين سنة منه من سنة 1979 ما شربته بقى راسي دا ما فيه شي الا الصلعة

أها يا اخوي قالك ابوي كان خطير ولماح قال لي الولد دا اظنه قعد يسف خلي بالك منه وانا عارفه لكن متستر على الجريمة طبعا

بعدين مرة قاعدين لنا تحت حيطة في أيام عيد الضحية نلعب لنا في شي اظنه كار ما بعرفه المهم جاء واحد صديقنا طلب من اخوي سفة فأداه ورجع الكيس في حزة سرواله لزوم الدس الشديد واتاريه ابوي واقف في الحيطة وهي عالية ويعاين للمنظر دا كله بس خلاه لما رجع الكيس وموديه على المحل ال الله لا وداك فيه داك قالو جيب الكيس دا وتعال بي هناك عاد قمنا هو قدامي وانا وراه والله المسافة دي مع انها صغيرة لكن بقت لنا زي السنة

عاد لما وصلنا بي هناك لقيناه حضر له عيدان من نيمة كبيرة في حوشنا وراجينا عيونه حمر

اول ما وصلنا قال أنت آجنى أنا ماقلت لك خت بالك للولد دا الولد قعد يسف؟؟؟!!!! طبعا ما عندي اجابة غير السكوت ولما لك فيه خلا ريحته طير طير غايتو لما عود النيم داك اتكسر كله

بس الحمد لله أنا نجوت باعجوبة لا هسع ما عارف كيف نجوت الظاهر بس لانه الوالد يدري أني ما بقرب ناحية التنباك دا الحكاية دي اظنها شفعت لي

لكن قبل الزرة دي أخوي دا مره ابوي ناداه فجاة وقالو تعال الفي جيبك دا شو؟؟؟ قام قاله دا موس وخيوت وحاجات وهو ما شي وكان في جيبه فعلا في تنباك دا مرق منها لكن طبعا ما كل مرة بتسلم الجرة

11-06-2008, 02:22 PM	#[1]
imported_عمرابي :: كــاتب نشــط::	السجارة ام خمسة و عشرين سوط اتذكر كان اليوم ممطر وكنت ماشي المدرسة ركبت من محطة التعاون بعد ما اشتريت لي سجارة وختيتها في جيبي عشان مافي زول من شماشرة الحي يشوفني وانا بسجّر اول ما الباص و اسمو (الريكو) يصل الخرطوم اشوف لي اقرب طبلية و اولع سجارتي متجه لي مواصلات ناصر و برّي و بخبخة بي مزاج كون الخرطوم زحمة و صعب تلاقي زول بتعرفو وحتي لو لاقيت زول نسبة الزوغان كبيرة وانا ماشي جمب البرندات اسمع زول يناديني بي اسمي خمشت السجارة بي حركة سريعة جدا" و حولتها من ظاهر اليد الي باطنها دون ان اطفيها طلع طالب معانا خالو استاذ في نفس المدرسة اطمأنيت لأنو كان براهو و مرقت سجارتي الي ظاهر اليد و بي نفس الحركة بس عكسية لمن قربت ليهو حسيت في كلام في عيونو لكن ماقادر يمرقوا فأشرت ليه بي اكتافي (يعني في شنو) لكن ابي يرد و بقي يبحلق في السجارة و صرّ لي فهمت انو في كمين رميت السجارة وعفصتها فيظهر خالو اب شنب طول مترين عرض متر شنب يرك فوقوا الصقر قال لي وهو يبتسم ابتسامة خبيثة فحواها (امانة ما وقعت) عاين الخليقة بتسجر كمان؟؟ جيب جيب السجارة دي وامشي اركب العربية العربية بتاعتو كانت كوريلا موديل قديم كدا مشيت مع زميلي و ركبنا العربية و زميلي اداني درس في صعوبة الفهم وانو مفروض من قولة تيت افهم الحاصل شنو لكن طلعت ديامي فارة انتظرناهو لحدي ما صلّح ساعتو وجا اول شي قال لي بكرة تجيب ابوك قلت ليه الحاج دا مسافر قال لي خلاص تجي امّك قلت ليه الحاجة دي مرة كبيرة وما بتقدر تساسق من الديم لحدي مستشفي العيون قال لي طيب فاكينك ساي كدا بدون ولي امر قلت ليه لا لا طبعا" ود عمتي هو ولي امري قال لي ود عمتك ما بنفع ,, شغال وين هو قلت ليه شغال في (منظمة الدعوة الاسلامية) هنا راقت ليه الفكرة قال الزول دا بكون كوز من النوع ابوكديس وهو ماعارف انو انا وود عمتي سجارتنا واحدة قال لي بكرة تجيبو قلت ليه يا استاذ خلاص ما بعمل كدا تاني (قلت عشان يطمئن و يشعر بي خوفي من ولي امري دا) قال لي بكرة الساعة عشرة صباح يكون معاي هنا مفهوم؟؟ حاضر يا استاذ. كلمت ود عمتي بالحاصل اثناء تخميسنا لي سجارة ما بعد شاي المغرب فوافق والخبث يبرق من عينيه الساعة عشرة الصول ناداني مشيت لقيت ود عمتي جوة المكتب وانا منتظر برة بعد حوالي عشرة دقايق ناداني الاستاذ و كانت المفاجأة الغير متوقعة ود عمتي بدون ما يسالني قطع فيني كف من النوع ابو كديس و اداني درس و انو انا امانة في رقبتو و ابوي موصيهو علينا و انو الكلام دا ما حا يخليهو يروح كدا ولازم يضرب تلفون هسة دي لي ابوي و يوريه صعلقتي وصلت وين و الاستاذ متكيف. التفت ود عمتي للاستاذ و شكره علي الاهتمام فرد الاستاذ ان لا شكر علي واجب و ذهب و عيني تبرقه بشرر كاللهب وتمنيت ان ينتهي اليوم الدراسي عشان الكف دا اتسداهو ذهب هو و انا مشيت لي اقرب نيمة قطعت منها كم سوط اخدر عشان اتجلد بيه و كنت عامل حسابي بي لستك عربية داخلي اكلتهم خمسة و عشرين سوط لكن دقسني الاستاذ و اداني ليهم فلقة
imported_عمرابي :: كــاتب نشــط::

11-06-2008, 03:40 PM	#[2]
imported_عادل عسوم :: كــاتب نشــط::	عمرابي يديك ألف عافية ود عمتك أظنو ماصدق ...وأتمغّا أما (الريكو) والسجانة بالنص دي ... خمسة ومعاك الأتنين زايد 47 ...ياخي نحنا الزمن داك مادخلنا المدرسة زاتو
imported_عادل عسوم :: كــاتب نشــط::	التوقيع: [frame="7 80"]. سُكْنايَ حيثُ يحكي النيلُ عن حضارةٍ عظيمة يشُقُّ صدرَ أرضنا السمراء في عزيمة وينحني تأدباً في (البركل) الذي يلي كريمة عادل عسوم www.marawinews.com [/frame]

11-06-2008, 07:47 PM	#[4]
imported_نسايم :: كــاتب نشــط::	زكرتنى بي المدرسة وبي الشقاوة زكريات ملونة حتى لو كان فيها مليون دقة تحياتى للسرد الراقي
imported_نسايم :: كــاتب نشــط::

12-06-2008, 08:51 PM	#[8]
imported_كمال عكود :: كــاتب جديـــد ::	أنت عارف يا عمرابي علقتك دي ذكرتني أخوي ونحن صغار شوية وهو أصغر مني كان بسف لانه اولاد الحلة اغلبهم بسفوا الا انا ومعاي زويلين تلاتة وانا من صغير مكجن التنباك والسجاير الحمد لله واي مكيفات ما عندي معاها شغلة حتى كمان بعدين خليت الشاي اسع لي قريب تلاتين سنة منه من سنة 1979 ما شربته بقى راسي دا ما فيه شي الا الصلعة أها يا اخوي قالك ابوي كان خطير ولماح قال لي الولد دا اظنه قعد يسف خلي بالك منه وانا عارفه لكن متستر على الجريمة طبعا بعدين مرة قاعدين لنا تحت حيطة في أيام عيد الضحية نلعب لنا في شي اظنه كار ما بعرفه المهم جاء واحد صديقنا طلب من اخوي سفة فأداه ورجع الكيس في حزة سرواله لزوم الدس الشديد واتاريه ابوي واقف في الحيطة وهي عالية ويعاين للمنظر دا كله بس خلاه لما رجع الكيس وموديه على المحل ال الله لا وداك فيه داك قالو جيب الكيس دا وتعال بي هناك عاد قمنا هو قدامي وانا وراه والله المسافة دي مع انها صغيرة لكن بقت لنا زي السنة عاد لما وصلنا بي هناك لقيناه حضر له عيدان من نيمة كبيرة في حوشنا وراجينا عيونه حمر اول ما وصلنا قال أنت آجنى أنا ماقلت لك خت بالك للولد دا الولد قعد يسف؟؟؟!!!! طبعا ما عندي اجابة غير السكوت ولما لك فيه خلا ريحته طير طير غايتو لما عود النيم داك اتكسر كله بس الحمد لله أنا نجوت باعجوبة لا هسع ما عارف كيف نجوت الظاهر بس لانه الوالد يدري أني ما بقرب ناحية التنباك دا الحكاية دي اظنها شفعت لي لكن قبل الزرة دي أخوي دا مره ابوي ناداه فجاة وقالو تعال الفي جيبك دا شو؟؟؟ قام قاله دا موس وخيوت وحاجات وهو ما شي وكان في جيبه فعلا في تنباك دا مرق منها لكن طبعا ما كل مرة بتسلم الجرة
imported_كمال عكود :: كــاتب جديـــد ::	التوقيع: [frame="1 80"]وما من كاتب إلا سيفنى * ويبقى الدهر ما كتبت يداه فلا تكتب بكفك غير شئ * يسرك في القيامة أن تراه[/frame]