ترحيب كبير بعودة المناضل الليبرالي الديمقراطي لمنتدى سودانيات

[بابكر عباس]

شرفنا بالأمس السيد عادل عبد العاطي و طفلته الجميلة آماليا، بزيارة خفيفة
و إستحق عن جدارة كباية شاي عركش

ح يرجع للكتابة بالمنتدى قريبا

[imported_أسامة الكاشف]

عادل صاحب رؤية وموقف
أختلفت أو اتفقت معه
يجبرك على احترامه
نتمنى وجوده بيننا وهمتك يا ود عباس


تسلموا

[imported_طارق صديق كانديك]

مرحبتين حباب الأستاذ عادل عبدالعاطي

شكرا بابكر عباس

[imported_جانيت]

اقتباس:
المشاركة الأصلية كتبت بواسطة بابكر عباس

و إستحق عن جدارة كباية شاي عركش

الف مراحب بالعودة

بس يا الرويعي الزول مناضل ليبرالي دمقراطي تقوم تضيفو بي كباية شاي عركش

ياخ من قميصك الاصفر ده المتصور بيهو مع سمو منو داك عرفتك جلدة

مش ياهو ول مازي بامية امبارح

[imported_مبر محمود]

مرحباً بعادل ..

[imported_فتحي مسعد حنفي]

شكرا يابابكر الجبت لينا عادل الأنا كنت كايسو وللأسف ما لحقتو في القاهرة ولما مشيت أفتش ليهو أخونا حبيب نورة قال لي سافر.
ياعادل مرحب بيك وخلي صدرك واسع عشان الكلام ما حيكون كلو مجاملات وانت جيت دخلت السلخانة بي كرعيك وهنا حتلقي البتفق معاك وكمان البختلف معاك بكل العنف القانوني..

[imported_طارق الحسن محمد]

المشاركة الأصلية كتبت بواسطة فتحي مسعد حنفي

شكرا يابابكر الجبت لينا عادل الأنا كنت كايسو وللأسف ما لحقتو في القاهرة ولما مشيت أفتش ليهو أخونا حبيب نورة قال لي سافر.
ياعادل مرحب بيك وخلي صدرك واسع عشان الكلام ما حيكون كلو مجاملات وانت جيت دخلت السلخانة بي كرعيك وهنا حتلقي البتفق معاك وكمان البختلف معاك بكل العنف القانوني..

بابكر
البركة فيك وفينا
ورحم الله خالد الحاج
وجعل الجنة مثواه
فتحى
ما اظن فى ناس كتار ممكن يختلفو مع عادل هنا
وانت عارف عادل ما بيجامل
ولو كنت خاتى فى بالك بدرالدين ود اسحاق
فدا عادل حرقه وبستفه زمان لمن جاب ليهو سرقاته
طوال وجوده الاسفيرى المدفوع الاجر

عموما مرحب بعود عادل ووجوده
اضافة كبيرة
مودتى يا خواجة

[imported_فتحي مسعد حنفي]

المشاركة الأصلية كتبت بواسطة طارق الحسن محمد

بابكر
البركة فيك وفينا
ورحم الله خالد الحاج
وجعل الجنة مثواه
فتحى
ما اظن فى ناس كتار ممكن يختلفو مع عادل هنا
وانت عارف عادل ما بيجامل
ولو كنت خاتى فى بالك بدرالدين ود اسحاق
فدا عادل حرقه وبستفه زمان لمن جاب ليهو سرقاته
طوال وجوده الاسفيرى المدفوع الاجر

عموما مرحب بعود عادل ووجوده
اضافة كبيرة
مودتى يا خواجة

ياطارق أنا عادل بحترمو جدا وكلامي دا ما هجوم عليهو لكن عندي أسئلة محتاج يجاوب عليها ابتداءا من تعريف الخط اللبرالي الانتهجو ودا ما هجوم علي اللبرالية..
بالمناسبة عادل محاور جيد وما بزعل من النقد وبعرف كويس منو العايز يفهم ومنو الجاي يهاجم..

[بابكر عباس]

من الموسوعة الحرة:
عادل عبد العاطي كاتب وناشط مدني وسياسي من السودان . يعمل بمجال النشر والإعلام .ولد في مدينة عطبرة بشمال السودان عام 1966 . درس القانون في جامعة القاهرة فرع الخرطوم والصحافة والإعلام والعلوم السياسية في وارسو. رئيس مجلس الإدارة لمؤسسة هارامبي للتنمية المسجلة في جمهورية بولندا . عضو المكتب التنفيذي في الحزب الديمقراطي الليبرالي الموحد. . أمين موقع عطبرة نت في الشبكة العالمية. له طفلة واحدة اسمها آماليا.

[imported_سمراء]

المشاركة الأصلية كتبت بواسطة بابكر عباس

شرفنا بالأمس السيد عادل عبد العاطي و طفلته الجميلة آماليا، بزيارة خفيفة
و إستحق عن جدارة كباية شاي عركش

ح يرجع للكتابة بالمنتدى قريبا

نرحب باخونا عادل عبد العاطى ترحيب يليق به

ومنى انا (ترمس) شاى عركشاوى* بالهبهان ..

_______________
عركش ده منو

[معتصم الطاهر]

عادل .. صديق

و أماليا صديقتى الصغيرة ..

[بابكر عباس]

طبعا يا عادل نحن هنا خفيفين و حساسين (ناصر ما زال نموذجا) و ما بنسوي ليك شغل حسن موسى* دا:



يا أخي عليك الله يا عادل حنس لينا هالة صديقتك دي تجي تكتب معانا هنا و الشاي حاضر

*حقوق حسن موسى من سودان للجميع محفوظة

[imported_عزو الحاج]

بابكر ازيك
لكم منى كل الود والتقدير
انا برحب بكل الناس فى المنتدى
لانى اعتز بانى اصبحت منتمية لهذه المجموعة ذات الروح السمحة
ربنا يرحمك يا خالو خالد المرحوم العايش بداخلنا

[imported_الجيلى أحمد]

اقتباس:
المشاركة الأصلية كتبت بواسطة مبر محمود
مرحباً بعادل ..

اوووووووووووك
الصديق العزيز
عادل,
وبصحبة صديقتنا الجميلة أماليا..
مرحب والله ياعادل,

وراجيانا حوارات كتيرة ماتمت ,
ومشوار غناوى..

مرحبآ بك ياصاحب..
شكرآ بابكر

[بابكر عباس]

قلنا لعادل عبد العاطي بدبي:
عليك الله يا عادل في الدولة العلمانية البتبشروا بيها،
ح تعملوا شنو في قوانين الأحوال الشخصية؟
هل عمليا ممكن تحولوا تشريعات الزواج و الميراث لقوانين علمانية؟