شوق
إشتقت ليك كلمات عمار محي الدين
ضميت علي وهج الشموس
رسّلت دمعات لي عينيك
واتشابى ليك مطر الغرام
ساق الغمام سلّم عليك
وإشتقت ليك ......
وصيت نجوم تضوي وتغيب
ترسل حناني وتحتويك
حتى القمر من روعتك
قدم فروض أشواقه ليك
وحضنت في جواي حروف
وكتين تشد عصب الكلام
تطلع موسيقى تغني ليك
وإشتقت ليك ......
هدهدت همسك في دماي
شفت الجمال سكة رؤاي..
ضوّة الدروب نور وجنتيك
وإشتقت ليك .......
فرّحت بيك خد الورود
وكتبت في صدر الغمام
أنا من زماااان منك وليك.
وارجع وأقول ......
إشتقت ليك ... إشتقت ليك
|
