اقتباس:
المشاركة الأصلية كتبت بواسطة حافظ حسين
نبيل سلام و محبة
اليس فيكم عبدالخالق جديد... رحمك الله ايها الزعيم بعيد النظر؟
عبدالخالق محجوب في أحد الاجتماعات قال ليك كان الشيوعيين فرحانين بقصة (وجدنا الكنز وجدنا الكنز), و عندما سألهم عن الكنز الموجود, أخرج أحدهم صورة لأحد النساء في وضع مخل بالأداب...فما كان من عبدالخالق الا ان مزق الصورة و القي بها في سلة المهملات و قال للخلق (نحن بنعادي برنامجها السياسي و الفكري أما السروالي فنحن ما عندنا بيه شغلة)...
و يا نبيل بناء علي قول عبدالخالق أنا ما داير أكرر كلام رأفت لكن لو فتحنا محاسبة الكيانات السياسية بناء علي سلوك افرادها الشخصي بنكون فتحنا كوه من جهنم.... يعني بالمنطق دا مفروض طوالي نقبل بحل الحزب الشيوعي و طرد نوابه من البرلمان لحادثة شوقي و معهد المعلمين الشهيرة و كمان نطلع ليها مسيرة بأثر رجعي... و البت القلعت ملابسها في ميدان التحرير برضو مفروض طوالي نجي نقول ياهم ديل شباب الثورة غير القليع ما عندهم شنو؟....
و زي ما قال ليك رأفت النائب دا سلفي ايوة ... لكن لا يحق لأحد محاسبة كامل المشروع السلفي لأن أحد أفراده أخل بالأداب (طبعاً دي وفق منظور الأداب و رؤية أي حد ليها).....
بعدين السلفيين ديل عندهم مشاكلهم الكتيرة الفكرية و السياسية, يا خي دي ممكن تحاسبهم بيها ليوم الدين ما تكمل....
أخيراً عندك حق تحاسب السلفيين في حتة واحدة بس لو الزول دا ثبتت عليه الجريمة دي وفق المنظور السلفي و كان لسا عضو في هذا التنظيم
الأخ العزيز حافظ
سلام
كلام عبد الخالق يعنى ألا نسعى لإغتيال شخصية من نتختلف معهم يعنى لسنا نحن من قام بتصوير هذا الشيخ مع الفتاة بالفيديو وقام بنشرها الموضوع متداول فى الإعلام المرئى والإسفيرى .
قصة معهد المعلمين كانت مسرحية لطرد الشيوعين ولم يكن لهم علاقة بالحزب الشيوعى من البرلمان والمحكمة أقرت بعودة الحزب , لكن الشيخ برلمانى وعضو فى حزب النورالسلفى .
هنا الموضوع مختلف لأن هذا الشيخ من المفترض أن يكون قدوة للشباب لأنه من الشيوخ الذين يظهرون فى الإعلام ويقوم بالفتاوى فكيف نقبل من شيخ ينهانا عن الزنا والفعل الفاحش فى نفس الوقت الذى يمارسة .
ممكن أقول نرجع الخطأ كخطأ بشرى ترجع للطبيعة للبشرية الحيونية ولا ترجع لإنتمائه الحزبى وعقيدته ولهذا للسبب أقول الدين لله والوطن للجميع ولا يجب أن نخلط الدين مع السياسة .
لك ودى وإحترامى 