ـ
في الواقع يا نبراس كويس انك بديتي مداخلتك التانية بالاشارة الى الثقالة وتقلة الدم
لأنو لو كنت وصفتك بيهن أنا كان الدنيا دي قامت وما قعدت
قصرتي علي الطريق
مداخلتينك للحق يطفحن ثقالة وتقلة دم
على المستوى الشخصي تطرقت لثقالتك وتقلة دمك حيالي في ردي على كانديك أعلاه
لكن خلينا في الشأن العام .. وخليني أوريك الثقالة وتقلة الدم الحقيقية وين
أول حاجة انتي زيك زي مهند الخطيب جيتي محمولة على اكتاف من تم تحشيدهم أثناء العملية الانتخابية ولأجلها
وانتي قبلي تعرفي أنو التحشيد عدل النتيجة سواء بالنسبة ليك أو لمهند أو حتى للاخت لنا
تجاوز الرابط الاخلاقي البيجمع الناس هنا بممارسة تحشيد لعضوية ما مهتمة ومبتعدة عن المنتدى
أو بتسجيل عضوية جديدة ـ مع أنو جايز قانوناً
لكن بما أننا في وسط الرابط فيه أخلاقي في المقام الاول
التحشيد دا ولإرتباطه بالعملية الانتخابية ـ. بيبقى عملية ثقيلة وفيها تقلة دم
لما تفرضي على الناس المهتمة والمداومة رؤيتك الخاصة قسراً من خلال وسيلة زي التحشيد
ولما تدفعي للمقدمة ناس ما بيستحقو وفقاً للمتابع هنا
ولما تحصلي على فرصة في الاحوال العادية ما كانت ليك دي تبقى ثقالة وتقلة دم
الفايز الحقيقي في انتخابات مجلس الادارة قبل التحشيد كان معروف
والفايز الحقيقي في انتخابات الامانة كان معروف
لما تكوني عارفة دا كله ومشاركة فيه بتركيز
وتجي تقولي بمنتهى البساطة أنو ما أهو فلان سبق وحشد أو جلب عضوية
وتحاولي تفهمي الناس أنو تحشيدك دا تم لأسباب تتعلق بتطور المنتدى دي تبقى ثقالة وتقلة دم
يا نبراس :
كتير من الامور ممكن تكون جائزة قانوناً أو حتى شرعاً .. لكن الناس بتتحرج من الخوض فيها تحسباً
والروابط الاخلاقية أولى برعايتها من التمسك بالقانوني
كان الاولى يا ستي طالما انتي بتقولي أنو ما عندك صلة بالحزب الشيوعي أنك ترفضي النتيجة
وتتيحي الفرصة لصاحب الحق الاصيل الانتي عملتي على أقصاءه بلا مبرر
يمكن مهند أو لنا عندهم أجندتهم الخاصة
لكن انتي أسألي نفسك خدمتك دي كانت لمصلحة ياتو أجندة
ما أنا بصدده هو عين ما تعاني منه يا أخت نبراس
التنبيه لعدم سيادة لغة منحدرة زي لغة الواااااي واااااي ، ولغة الوررررووووووك دي
لكن الثقالة وتقلة الدم صنعة
أنا تحاشيت الرد عليك لكن كان لابد مما ليس منه بد
والله من وراء القصد
ـ
التعديل الأخير تم بواسطة ماجد تاج ; 21-02-2013 الساعة 07:22 PM.
|
