النشوف اخرته ...الزول تمامة عدد
ﻳﺎﺥ ﺑﺎﻟﻠﻪ ﺧﻠﻴﻚ ﻓﻲ ﺣﺎﻟﻚ
ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ﻣﻴﻦ ﺳﺎﻟﻚ ؟ ﻣﻴﻦ
ﺷﺎﻏﻠﻚ
ﺍﻧﺖ ﺩﺍ
ﺍﻧﺎ ﺷﺎﻏﻠﺘﻚ ﻛﻴﻒ ﻣﺜﻼ ﻛﺘﺤﺖ ﺍﻟﺘﺮﺍﺏ ﻓﻲ
ﺭﺍﺳﻚ ﻭﺍﻻ ﺷﺨﺒﺖ ﻓﻲ ﺣﻴﻄﺔ ﻣﻄﺒﺨﻚ !
ﻳﺎﺯﻭﻟﻪ ﻣﻬﻠﻮﺳﻪ ﺍﻧﺘﻲ .
ﻻ ﻳﻌﻨﻲ ﻭﻻ ﻋﻤﻠﺖ ﻭﺍﺣﺪﻩ ﻣﻦ ﺩﻳﻞ
ﻃﺒﻌﺎ ﻻ ﺛﻢ ﺍﻧﻮ ﻣﺘﻴﻦ ﻓﻲ ﺷﻴﻄﺎﻥ ﺑﻘﻮﻝ ﺑﺴﻢ
ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ﻻﻧﺲ ﻭﻣﻦ ﺷﺎﺑﻬﻬﻢ
ﺍﻧﺖ ﺩﺍ
ﻳﺎﺯﻭﻟﻪ ﻫﻲ ﺍﻧﺖ ﻣﺎ ﺷﺪﻳﺪﻩ ﻭﺷﻜﻠﻚ ﻛﺪﺍ
ﺑﺘﺸﻮﻓﻲ ﺣﺎﺟﺎﺕ ﻡ ﺑﺸﻮﻓﻪ ﻏﻴﺮﻙ ﻭﺗﺠﻲ
ﺗﺤﻜﻴﻬﺎ ﻭﺍﻟﻐﺮﻳﺐ ﺑﺼﺪﻗﻮﻙ
ﺍﻧﺎ ﺩﻱ
ﺍﻱ ﻣﺶ ﻛﺎﻥ ﺧﺒﺘﻲ ﺻﺪﺭﻙ ﻭﻧﻄﻄﺘﻲ
ﻋﻮﻳﻨﺎﺗﻚ ﺍﻧﺖ ﺑﺘﺨﻴﻞ ﻟﻴﻚ ﺳﺎﻱ
ﻳﺎﺯﻭﻝ ﻗﺎﺻﺪ ﺍﻧﺎ ﻣﻬﺴﻬﺴﻪ !
ﻣﺎﺑﻌﺮﻑ ﻣﻬﺴﻬﺴﻪ ﻭﺍﻻ ﻣﺎ ﻣﻬﺴﻬﺴﻪ ﺑﺲ ..ﺛﻢ
ﻣﺎﺗﻘﻮﻟﻲ ﻳﺎ ﺯﻭﻝ
ﻣﺶ ﺍﻧﺖ ﺯﻭﻝ ﻟﻴﻚ ﻛﺮﻋﻴﻦ ﻭﺍﻳﺪﻳﻦ ﻭﺭﺍﺱ ؟
ﺍﻱ ﺑﺲ ﺍﻧﺘﺒﻬﻲ ﺍﻧﺎ ﻣﺎ ﺍﻧﺎ ﻛﻴﻒ ﻳﻌﻨﻲ
ﻛﺪﺍ ﺩﺍ
ﺍﻣﺸﻲ ﻧﻮﻣﻲ ﻛﻢ ﺳﺎﻋﻪ ﺍﻭ ﻻ ﺍﻣﺶ ﻟﺪﻛﺘﻮﺭ
ﺍﺷﺎﻥ ﺗﻘﺪﺭﻱ ﺗﻨﻮﻣﻲ ﻭﺧﻠﻴﻨﺎ ﻧﺘﻼﻗﻲ ﺑﻌﺪ ﺗﻼﺗﻪ
ﻳﻮﻡ ﻓﻲ ﻧﻔﺲ ﺍﻟﺰﻣﺎﻥ ﻭﺍﻟﻤﻜﺎﻥ
ﻣﺸﻲ ﻭﺧﻼﻧﻲ ﻭﺣﻴﺪﻩ ..ﺍﻧﻮﻡ ﺍﺣﻠﻢ ﺑﻴﻪ ﺍﺻﺤﻲ
ﺍﻟﻘﻲ ﻗﺎﻋﺪ ﺟﻤﺒﻲ ﻳﻘﺮﺍ ﻟﻴﻪ ﻓﻲ ﻛﺘﺎﺏ ﺍﻣﺪ
ﻳﺪﻱ ﺍﻟﻤﺴﻮ ﻣﺎ ﺍﻫﺒﺶ ﺷﻲ ﺍﺥ ﺷﻨﻮ ﺑﺤﺼﻞ
ﻣﻌﺎﻱ .. ﻳﺎ ﻓﻮﺕ ﻋﺪﻳﻞ ﻳﺎ ﺧﻠﻴﻚ ﻋﺪﻳﻞ …
ﺍﻟﻴﻮﻡ ﺍﻟﺘﺎﻟﺖ ﻣﺮﻗﺖ ﺍﺯﻭﺭ ﺍﺧﺘﻲ ﺿﺮﺏ ﻟﻲ ﻭﻟﺪﻫﺎ
ﻗﺎﻝ ﺟﺎﻳﻴﻦ ﻳﺘﻘﺪﻣﻮ ﻻﺧﺘﻮ ﻭﺍﻧﺎ ﻓﻲ ﻧﺺ ﺍﻟﺴﻜﻪ
ﺭﺟﻌﺖ ﻗﻠﺒﻲ ﻗﺎﻝ ﻟﻲ ﻟﻴﻪ ﻣﺎﺗﻜﻠﻤﻚ ﻫﻲ …ﻟﻴﻪ
ﻳﻜﻠﻤﻚ ﺍﻟﻮﻟﺪ .. ﺑﻜﻴﻴﻴﺖ ﻭﺍﻟﺘﻠﻔﻮﻥ ﻗﺪﺭ
ﺿﺮﺏ ﺍﺑﻴﺖ ﺍﺭﻓﻊ ﻣﺎ ﻋﻨﺪﻱ ﺧﻠﻖ ﻟﺰﻭﻝ ..ﺯﻋﻠﺘﻨﻲ
ﺍﺧﺘﻲ ..ﺍﻧﺎ ﺭﺑﻴﺖ ﻣﻌﺎﻫﺎ ﺍﻟﻮﻻﺩ ﺩﻳﻞ ﻣﻦ ﻳﻮﻡ
ﺍﺑﻮﻫﻢ ﻣﺎﺕ ﻓﻲ ﺍﻟﺤﺎﺩﺙ ﻣﺎﻗﺼﺮﺕ ﺍﺑﺪﺍ ﻫﺴﻲ
ﺗﺠﻲ ﻣﺎﺗﻜﻠﻤﻨﻲ ﺑﺲ ﺧﻼﺱ ﺍﺧﻴﺮ ﺍﺗﻀﺒﻀﺐ ﻓﻲ
ﺑﻴﺘﻲ ﺷﺎﻳﻠﻨﻲ .… ﺣﺘﻲ ﻣﺮﻭﻩ ﺑﺘﻲ ﻣﻦ ﻳﻮﻡ
ﺍﺗﻄﻠﻘﺖ ﻣﺎ ﺧﺘﺖ ﻛﺮﺍﻋﻪ ﻓﻲ ﺍﻟﺒﻴﺖ ﺗﺒﻌﺖ ﺍﺑﻮﻫﺎ
ﻭﺍﻣﻲ ﺍﻟﻤﺴﻜﻴﻨﻪ ﺟﺎﺕ ﻗﻌﺪﺕ ﻣﻌﺎﻱ … ﻣﺎ ﺑﺘﻘﺪﺭ
ﺗﻄﻠﻊ ﺗﻨﺰﻝ ﺑﺲ ﻗﺎﻟﺖ ﺍﻟﻤﺮﻩ ﺍﻟﻌﺬﺑﻪ ﻣﺎ ﺑﺨﻠﻮﻫﺎ
ﺑﺮﺍﻫﺎ ..
ﻳﻌﻠﻢ ﺍﻟﻠﻪ ﺍﺭﻳﺪ ﺍﻟﻨﺎﺱ ﺩﻱ ﺧﻴﺮ ﺍﻟﻠﻪ ﺑﺲ ﺣﺘﻲ
ﺍﻣﻲ ﺍﺧﺖ ﺍﻻﻛﻞ ﺍﻣﺶ ﻭﺍﺟﻲ ﺍﻟﻘﻲ ﺷﻲ ﻣﺎ
ﺍﻛﻠﺖ ﻗﺪﺭ ﻣﺎ ﺍﺣﻨﺲ ﻭﺍﺣﻨﺲ ﻣﺎﺗﺎﻛﻞ ﻻ
ﻭﻗﺪﺍﻣﻲ ﺗﺎﻛﻞ ﻣﺎﺑﻌﺮﻑ ﻟﻤﻦ ﺍﺭﻓﻊ ﺍﻟﻤﺎﻋﻮﻥ
ﺍﻏﺴﻠﻮ ﻟﺸﻨﻮ ﺑﻠﻘﺎﻩ ﻣﺎ ﻧﻘﺺ ﺩﺍ ﻣﻦ ﺍﻟﺸﻴﻄﺎﻥ ﺩﺍ
ﺍﻟﻠﻪ ﻳﻠﻌﻨﻮ ﻳﺎﺥ
ﻭﻣﻦ ﻭﺭﺍﻱ ﻧﻂ
ﻳﺎ ﺯﻭﻟﻪ ﻫﻮﻱ ﻣﺎ ﺗﻠﻌﻨﻲ ﺳﺎﻱ ﺍﻧﺎ ﻣﺎ ﻋﻨﺪﻱ ﺷﻐﻠﻪ
ﻓﻴﻚ ﻭﻻ ﺑﻨﺎﺩﻳﻚ ﺍﻧﺖ ﺍﻟﺴﺎﻛﺎﻧﻲ … ﻛﻞ ﺷﻲ
ﺩﺍﺭ ﺗﻠﺼﻘﻲ ﻓﻴﻨﻲ
ﺑﺲ ﺍﻧﺖ ﺩﺍ ﻣﺎﻓﻲ ﻏﻴﺮﻙ ﺣﺎ ﺍﻣﺴﻜﻚ ﻭﻣﺪﻳﺖ
ﻳﺪﻱ ﺍﻣﺴﻜﻮ ﻟﻘﻴﺖ ﻧﻔﺴﻲ ﻣﺎﺳﻜﺔ ﺑﺴﺘﻠﺔ ﺍﻟﻠﺒﻦ
ﺩﺍ ﻭﻏﺪ ﺑﺘﻼﻋﺐ ﻣﻌﺎﻱ ﺍﻇﻦ ﺑﺲ ﺍﺻﻄﺒﺮ ﻟﻴﻚ
ﻳﻮﻡ
ﺿﺮﺑﺖ ﻻﺧﺘﻲ ﻟﻤﺘﻬﺎ ﻛﻴﻒ ﻣﺎﺗﻜﻠﻤﻨﻲ ؟
ﻛﻠﻤﺘﻚ ﻭﻭﻟﺪﻱ ﺑﺲ ﺿﺮﺏ ﺫﻛﺮﻙ ﺍﻟﻴﻮﻡ
ﺳﻤﺢ ﺧﻼﺹ ﺧﻼﺹ ﻭﺟﺪﻋﺖ ﺍﻟﺘﻠﻔﻮﻥ ﻟﻤﻦ
ﺍﺗﻜﺴﺮ ﺣﺪﻳﺪﻩ ﺣﺪﻳﺪﻩ ﻛﺎﻥ ﺩﺧﻞ ﺍﻟﺸﺮﻛﻪ
ﻣﺎ ﻳﺘﺠﻤﻊ ﻭﺯﻭﻟﻲ ﻳﻀﺤﻚ ﻟﻤﻦ ﻋﻴﻮﻧﻮ ﺗﺪﻣﻊ !
ﺩﺍ ﻣﺎﻟﻮ ﺣﺎﺳﻲ ﺑﺸﻨﻮ
ﻟﻤﻦ ﺟﺎ ﺍﻟﻴﻮﻡ ﺍﻟﻤﻮﻋﻮﺩ ..…ﻳﻮﻡ
ﺍﻟﻌﻤﻠﻴﻪ .. ﻋﻤﻠﻴﺔ ﺍﻣﻲ ﻛﺴﺮﺕ ﻛﺮﺍﻋﻪ ﺑﻌﺪ
ﺍﺗﺰﺣﻠﻘﺖ ﻓﻲ ﺍﻟﺤﻤﺎﻡ ﻣﺸﻴﺖ ﺳﻮﻗﺘﻬﺎ
ﺑﺮﺍﻱ ..ﺍﺗﺤﻴﺮﺕ ﻭﻻ ﺭﻏﺪ ﻭﻻ ﺍﺣﻤﺪ ﻭﻻ ﻏﻴﺚ
ﺩﻳﻞ ﺍﻭﻻﺩ ﺷﻨﻮ ﺍﻥ ﺷﺎﺀ ﺍﻟﻠﻪ ﻭﻻﺩﺓ ﺍﻟﻨﺪﺍﻣﻪ
ﺍﺗﺎﺧﺮﻭ ﺟﻮﻩ ﺑﻌﺪ ﺳﺎﻋﺘﻴﻦ ﻛﺪﻱ ﺷﺮﻑ ﺯﻭﻟﻲ
ﻳﺘﺒﺴﻢ ﻋﺎﻳﻨﺖ ﻣﺎ ﻓﻬﻤﺖ ﻣﺎﻟﻮ ﺳﺎﻟﺘﻮ
ﺧﻴﺮ ﺍﻫﺎ ﻣﺎﻟﻚ
ﻻ ﻛﻮﻳﺲ … ﺑﺲ ﻣﺎﻟﻚ ﻫﻨﺎ ؟
ﻳﻌﻨﻲ ﻣﺎ ﻋﺎﺭﻑ !
ﻻ ﻛﺪﻱ ﺍﻧﺘﻲ ﻗﻮﻟﻲ
ﺍﺑﻴﺖ
ﺷﻮﻓﻲ ﻣﻦ ﺍﺑﻴﺖ ﺩﻱ ﻣﻌﻨﺎﻩ ﺍﻣﻚ ﻡ ﺍﺗﺰﺣﻠﻘﺖ
ﻛﻴﻒ ﻳﻌﻨﻲ
ﺍﺳﺎﺳﺎ ﺍﻣﻚ ﺩﻱ ﺷﺒﻌﺖ ﻣﻮﺕ ﻟﻴﻬﺎ ﻋﺸﺮﻳﻦ ﺳﻨﻪ
ﻧﻬﺮﺗﻮ ﺍﻣﺸﻲ ﻣﻦ ﻫﻨﺎ
ﺻﺮﺧﻲ ﻣﺎﻓﻲ ﺯﻭﻝ ﺑﺴﻤﻌﻚ
ﺍﻧﺘﻲ ﻣﻨﻮ ؟
ﺍﻧﺎ ..ﺍﻧﺎ ..
ﺍﻱ ﻣﺎﻟﻚ ﺳﻜﺖ
ﺳﻜﺖ ﺍﻧﺖ ﻣﺠﻨﻮﻥ ﺑﺎﻳﻦ
ﺻﺢ ﺑﺲ ﺍﺷﺎﻥ ﺑﺘﻜﻠﻢ ﻣﻌﺎﻙ
ﻣﺸﻴﺖ ﺳﺎﻟﺖ ﻓﻲ ﺍﻟﻌﻤﻠﻴﺎﺕ ﻗﺎﻟﻮ ﺍﻣﻲ ﻓﻌﻼ ﻣﺎ
ﺟﺎﺗﻬﻢ
ﻣﺮﻗﺖ ﻣﺎﺷﺎﻳﻔﻪ ﻗﺪﺍﻣﻲ ﻭﻛﻞ ﺍﻟﺪﻧﻴﺎ ﻣﻀﻠﻤﻪ
ﻭﻗﻄﻌﺖ ﺍﻟﺸﺎﺭﻉ ﺍﺳﻤﻊ ﻟﻴﻚ ﺧﺒﻂ ﻭﻃﺮﺕ ﻓﻮﻕ
ﻭﻭﻗﻌﺖ ﺑﺲ ﻣﺎ ﺣﺴﻴﺖ ﺑﻮﺟﻊ
ﻭﺍﺷﻮﻑ ﻟﻴﻚ ﺯﻭﻟﻲ ﺑﻴﻦ ﺍﻟﻨﺎﺱ ﺍﻟﺮﻓﻌﻮﻧﻲ
.… ﻭﻣﺎﻓﻬﻤﺖ ﺷﻨﻮ ﺣﺎﺻﻞ … ﻭﻳﻦ ﺍﻧﺎ
ﻣﻴﻴﻴﻴﻦ ﺍﻧﺎ .…ﺧﻴﺎﻝ ﻭﺍﻻ ﺯﻭﻝ ﺍﻧﺎ ﻭﻣﻴﻴﻦ ﻣﻌﺎﻱ ﺩﺍ
…
ﻣﺎ ﻓﺎﻫﻤﻪ ﺷﻲ .… ﺍﻏﻤﺾ ﻋﻴﻮﻧﻲ ﺍﺳﻤﻊ ﺍﺻﻮﺍﺕ
ﺍﻫﻠﻲ ﻣﻌﺎﻱ ﺍﻓﺘﺢ ﻣﺎ ﺍﺷﻮﻑ ﺷﻲ ﺗﺎﻧﻲ ﺍﻏﻤﺾ ﺍﻣﻲ
ﺧﺎﺗﻪ ﻳﺪﻫﺎ ﻓﻲ ﻳﺪﻱ ﺑﺲ ﺍﺑﻴﺖ ﻣﺎ ﺑﻔﺘﺢ ﺍﻗﻮﻡ
ﻣﺎ ﺍﺷﻮﻓﻪ ﻭﻣﺴﻜﺖ ﻳﺪﻫﺎ ﻟﻤﻦ ﻧﻤﺖ ﺑﻌﺪ ﻣﺴﺎﻓﻪ
ﺣﺴﻴﺖ ﺷﻲ ﺣﺎﺭ ﻓﻲ ﻳﺪﻱ ﺻﺤﻴﺖ ﻟﻘﻴﺖ ﺩﻡ ﻣﻦ
ﻳﺪﻱ ﺻﺮﺧﺖ … ﺍﻣﻲ ﺟﺮﺣﺘﻴﻨﻲ ﺑﺨﺎﺗﻤﻚ …
ﻓﺘﺤﺖ ﻣﺎﻟﻘﻴﺖ ﺍﻣﻲ ﻟﻘﻴﺖ ﺣﺪﻳﺪﺓ ﺍﻟﺪﺭﺏ ﻭﺍﻗﻌﻪ
ﻭﺍﻧﺎ ﻣﺎﺳﻜﺎﻫﺎ ﻟﻤﻦ ﺍﺗﺠﺮﺣﺖ … ﺑﺲ ﻫﻨﺎ ﻗﻠﺖ
ﺍﻛﻴﺪ ﻓﻲ ﺷﻲ ﻣﺎ ﺻﺎﺡ ﺍﻫﺎ ﻭﻳﻦ ﺍﻟﺼﺢ !!
ﺷﻨﻮ ﺑﺤﺼﻞ
ﻭﺯﻭﻟﻲ ﻃﺎﺭ ﺭﻙ ﻭﻳﻦ ﻳﺎ ﺭﺏ
ﺍﺧﺮ ﺍﻟﻨﻬﺎﺭ ﺷﻔﺖ ﻧﺎﺱ ﺑﻌﺮﻓﻮﻧﻲ ﺑﺲ ﻣﺎ ﺑﻌﺮﻓﻬﻢ
ﻗﺎﻳﺪﻧﻲ ﻣﻦ ﻳﺪﻱ ﺍﻇﻦ ﻣﻮﺩﻧﻲ ﺩﻛﺘﻮﺭ …
ﻋﻠﻲ ﺍﻟﺒﺎﺏ
ﺩﻛﺘﻮﺭ ﻋﻠﻲ ﺍﻟﺼﺎﺩﻕ
ﺍﺳﺘﺸﺎﺭﻱ ﺍﻣﺮﺍﺽ ﻋﺼﺒﻴﻪ ﻭﻧﻔﺴﻴﻪ
ﺿﺤﻜﺖ ﻫﻬﻬﻪ ﺩﻳﻞ ﻗﺎﻳﻠﻨﻲ ﻣﺠﻨﻮﻧﻪ ﺑﺲ ﻳﻼ
ﻛﺪﻱ ﻧﺸﻮﻑ ﺍﺧﺮﺗﻬﻢ
ﺍﻟﺪﺧﻞ ﻣﻌﺎﻱ ﺍﻟﺪﻛﺘﻮﺭ … ﻭﻟﺪ ﺷﺎﺏ ﺣﻼﺓ
ﺍﻟﺪﻧﻴﺎ ﻓﻮﻗﻮ ﻗﺎﻝ ﻟﻠﺪﻛﺘﻮﺭ …ﻭﺍﻟﻠﻪ ﻳﺎ ﺩﻛﺘﻮﺭ
ﻟﻴﻬﺎ ﺍﺳﺒﻮﻋﻴﻦ ﺑﺘﺘﻜﻠﻢ ﺑﺮﺍﻫﺎ .…ﻭﺗﺘﺨﻴﻞ ﺍﻣﻲ
ﺍﻟﻠﻪ ﻳﺮﺣﻤﻪ ﻣﻌﺎﻫﺎ … ﺍﻟﺤﺎﻟﻪ ﻣﺎ ﻃﻮﻟﺖ ﺑﺲ ﻣﻦ
ﻳﻮﻡ ﺍﺗﺰﺣﻠﻘﺖ ﺑﺘﻬﺎ ﻓﻲ ﺍﻟﺤﻤﺎﻡ ﻭﺍﺗﻮﻓﺖ ﺑﻘﺖ
ﺑﺘﺘﻜﻠﻢ ﺑﺮﺍﻫﺎ … ﺍﻫﺎ ﺧﺒﺮﻩ ﺷﻨﻮ
ﺳﻜﺖ ﻣﻌﻘﻮﻝ ﺑﺘﻲ ﻣﺮﻭﻩ ﻣﺎﺗﺖ ؟
ﻣﺎ ﻣﺸﺖ ﻣﻊ ﺍﺑﻮﻫﺎ ﺑﻌﺪ ﻃﻠﻘﻨﻲ !! ﻻ ﻣﺠﻨﻮﻥ ﻫﻮ
ﻭﺍﻟﺪﻛﺘﻮﺭ ﺯﺍﺗﻪ ﻳﺘﺒﺴﻢ ﺑﺮﺍﻩ ﻣﻌﻨﺎﻩ ﺍﻛﻴﺪ ﻓﻲ
ﻣﻮﺍﻣﺮﻩ ﺿﺪﻱ ﻭﺑﺘﻲ ﻣﺮﻭﻩ ﻭﻏﻴﺚ ﺩﺍ ﻳﺎﻫﻮ
تمت
|
