حاجة غريبة ؟؟؟؟؟
السلام عليكم
حصل لي حاجة حيرتني
أستخدم خطا من شركة أتصلات للموبايل قبل فترة كنت أتصلت في قريبي في السودان وبعد السلام اكتشفت انه ما عرفني لمن وريتو انا منو قال لي حمد لله علي السلامة متين جيت أحترت
قلت ليه انا ما جيت السودان قال لي لكنك متصل من تلفوني محلي ومن شركة سوداني وتكررت الحكاية دي في كل اتصالاتي في السودان وبعض الناس ما بصدق أني ما موجود في السودان
أمس اتصلت علي احد معارفي وبرضه ظهر معاه رقم في السودان استغربت وبعد المحادثة انتهت اتصلت عليه مره تانية وسألته هل الرقم البظهر معاه هو نفس الرقم الاول وأكد لي أنه ما الاول وبعد انتهاء المحادثة اتصلت عليه مره ثالثة وبرضه كان رقم مختلف وطلبت منه يرسل لي الارقام وهي
00249126563904
00249126685147
00249123893645
وحاولت الاتصال علي الارقام وكان بيرد علي المجيب الألي لشركة سوداني بردود مختلفة
الاول قال أنه في خلل فني يمنع اجراء المكالمة
التاني قال المشترك مشغول
التالت قال الرقم مغلق او خارج نطاق الشبكة
زادت حيرتي وحاولت أفسر الأمر وطلعت بتفسير ما أدري هل هو صحيح ام خطأ
وهو أن شركات الاتصالات تتلاعب بينا
وانه هناك اتفاق بين شركة الأتصالات وشركة سوداني عندما اتصل السودان لاتفتح الشركة الخط بل تقوم شركة اتصالات بتحويل مكالمتي بواسطة برنامج خاص إلا الانترنيت ليقوم بالاتصال برقم مخصصاه شركة لبرنامج يحول مكالمة الانترنيت إلى مكالمة محلية قليلة التكلفة وأكون دفعت قيمة مكالمة عالمية بقيمة عالية وحصلت علي مكالمة أنترنيت ومحلية رخيصات وتتقاسم الشركتين ما دفعت حسب أتفاقهم
الاسباب الخلتني أعتقد الأعتقاد دا
1- أختلاف الرنات في الاتصال فرنة الخط المباشر المفتوح واضحه وأميزها من زمن طويل لكن في الفترة الاخيرة اصبحت بعض الرنات غريبة ولا تشبة رنة الخط المفتوح
2- صعوبة الأتصال فزمان كنت بقدر اصل للشخص من أول محاولة أتصال والأن قد تصل حتى 5 او 6 محاولات حتى يتم الاتصال والطرف الاخر بقول ليك أنه الجهاز مافيه مشكلة وانه كان موجود
3-ضعف ورداءة الصوت والمحادثة وتعرضها وقد يكون تسمع الطرف الاخر او هو لا يسمعك او قد ينقطع الاتصال فجاءة
حاولت اللجوء والشكوي لشركة الأتصالات لكن كالعادة يرد علي مصريين بتسويف وحجج سخيفة
فهل انا محق في اعتقادي دا أم هناك سبب تاني
وأعمل شنو عشان احصل علي مكالمة جيدة مقابل ما ادفعه
ولكم خالص شكري
|
