1
مرة مره يا نسيم السحر
هب ليا من شاطي البحر
طوف الخبا و جيب ليا من
ام در عبير ذاك النحر
مثلت غرقان البحر
أنقذني وابرد عني حر
لاطف قليبي الانسحر
وارحم فؤادي الانتحر
يا سعد بدر الجيل ظهر
درة عقد جيد الدهر
حامل الزهور جامع الزهر
و البدر حولوا اتنين شهر
في عيون ذاتات الوتر
الفيها مجبول الفتر
مثـل ضميري المستتر
و عيوني بي عيون المتر
ما نظم شاعر أو نثر
فيك ماش على أثر الأثر
القال وصف حسنك جسر
في جيدك الطائل كسر
ناموا الخلوق و الليل حكر
ما صحا فيه إلا من ذكر
حاكيت سجيع قمري الوكر
هيجتيني يا قميرية كر
يا دنيا عنوانك سدر
معلوم سرورك ما ندر
نعم العبد طوع القدر
فراقة يا دار الكدر
https://youtu.be/GLkJY5mjatY
--------------------
*الليركس لقيتو في قوقل لكن بدون أي تحقيق حولو..
ياريت لو في أي مراجعة للكلمات أو للنص الأساسي..
لأنو دا شغل بديع
* البت دي فنانة بشكل ماطبيعي.. صوتها فيهو غمازات وموجات تسونامي وسحر وضربات كهرباء.. جن كلكي،
أبدا ماصوت نُصاح.. ولو كان ودالحاج حياً لقال، الشكية لي الله
