أحلام زلوط، كانت وعشم إبليس، بقت
بعد التحية
والسلام
البلد خدمناها، الشرطة من عمرنا أديناها
لا مكافائة ولا قولتن فيها البركة أو حتى كشكرة أو حركة (تعبير أو مسمى للبلصة)
ولا معاش يتبدل كاش....
المهم مفروض يكون عندي قرشين تلاتة عند حكومة كانت تسمى بحكومة الخرتيت الإنقلب لي صقر الجديان مسمى يتناسب والذوق العسكري،،،
الصقر هو البتختا في الكتف، كان صاغ وبقى رائد في الجيش وفي البوليس كان مساعد حكمدار وبقى رائد وأنا لمن مشيت كنتا رائد ترفيعو صدر في يوم قبل الإنقاص الي أن تساوى مع دفعتي الكنتا خليتهم أيام نميري وهم كانو عمداء،، لو كان تمآ كنت حاكون في وسط آل بدري،،،
رابع بابكر قبل إسمه عميد لقب، بابكر بدري وبابكر عبد الكريم بدري "العميد ود العم" وبابكر البشير "العميد ود حبصة" وأنا وتلات عميد قبال إسمه رتبة وإنا كان الإتنين كانو حسب المسميات القديمة،، بابكر عبد المجيد علي طه "الهزبر" وبابكر محمد مالك "أبو عزيزة" وأنا...
ذي ما قلتا شاءت الأقدار وتم المقدر ونفد،،
وإتشقلبت وإتقلبت، التحت بقى فوق،، لا أقدمية ولا يحزنون،،
كشات في الرتب لإفساح المجال لأولاد المصارين البيوض،،
وصل الدور على الأخ المدير الأسبق، ما هو في سابق وفعلن كانو كان في سباق، فترة صغيرونية وبدلوهو (شقلب قلب)،، سبق الحدث في قصر فترة توليه المنصب والحكمة كان حيكون كويس خالص وبرضو من مناطق اولاد المصارين البويض، أصحاب النفوذ...
ما علينا وما علينا،،،
رسلتا ليهو جواب وإسترحام وتوصية وما خليت شي،، ودآ كله بعد ما رفعت يد المظلوم لي الله،،، واحدة من أيادي إتشمطت من الرفع،،،
ما هببو، قلتا مدام زولن بطربتني بيهو صلة نسب ما جاب ليا هم،،،
صديقي وأخي الأصغر محمد نجيب ظنيتو قدرها،،،
وإستمريت أحلم،،،،،،،،،،،،،
لمن جاني الخبر الوكيد،، نجيب شالو
نان ختو منو؟؟؟
هاشم محمد عثمان
اللييييييييييييييييييييييييييييييلة
كان كدي؟؟؟؟
بقت بدل أحلام إمكن تتحق وإمكن لا.......
بقت عليا؟؟؟
عشم إبليس في الجنة................
ما تسألوني ليه ولا كيف!!
لا ني حأرد أصلن،
كان كدي
كان دأكا
والرمادة والكنداكة
الملت الخشم
كان هولي أكان الشرطة محبوبتي...
سسسسسسسسسسسلام
|
