** لو سالتك عن سنينك **

[فيصل سعد]

[align=center]
لو سالتك عن سنينك
وعن لياليك الزمان
ما بتقول حبانى شاعر
كان بفيض رقة وحنان

يسالوك الناس تجاوب
تبتدى تالف كلام
انت بس قول الحقيقة
واليكون بينا الخصام

____________________

لو فؤادك
خبى حبك
من عيونك
بحت بيه
لو دفنتي
الشوق في قلبك
بسمتك دلت عليه

_____________________

بقيت لو اطرى ايامك
و فرحة قلبي بغرامك
اقول يا حليل زمن ريدتك
حليل وقفاتي قدامك

كل عام و انتم بخير و ربنا
يحقق مشرقات و باهيات الاماني ..
خيرا و توفيقا و سدادا ..

و قطع شك سنعود بمزيد من الاضاءات
للنصوص الفوق دي .. و حتى عودتنا،
نود ان نسمع منكم، عن هذا الغناء الباذخ ..

و كونوا بخير ..[/align]