الحزب الشيوعي السوداني : بؤس الايدولوجيا !!

[بابكر مخير]

المشاركة الأصلية كتبت بواسطة فتحي مسعد حنفي

تعرف يابابكر لو قريت الماركسية بتمعن وجيت قريت عن الرأسمالية بتلقي انو الرأسمالية المصريين لخصوها في المثل البقول : معاك قرش تسوي قرش معاكش ما تسواش..ودا نظام القوي ياكل الضعيف.يعني مافي نظرية من أساسو لكن في فرفطة مهروسين زوقوها بالنقابات والبرفع راسو كتير بقطعوهو ليهو زي هوفا..
أما الفكر الاقتصادي الاسلامي فهو في نظري أساس الفكر الاقتصادي الماركسي وماركس نفسو استمد الكتير في نظريتو من الاسلام..وجو بعدو العفالقة مشو في نفس الطريق..
المهم بدر الدين دا ما أتي لحوار بل لغرض في نفس يعقوب..

بمناسبة ذكر خيلاني؛
قالوا زمان (بتاعتنا إحنا قبيل) عبد الناصر كان للمبعوثين من اليسارين يرسلهم للدراسات الفوق جامعية لي أمريكا ويلقوا ليك حياة الصخب والبهجة والهجيج والقروش وحلاوتها، ينسوا ليك أبو ماركس ظاتهو ولي العاملين أولاد ذاوات وأبان دقون يبعثهم للمعسكر الاشتراكي وهناك يلقوا ليك كل شي متوفر ورخيييييص "مما جميعهو" والبنحرف ينحرف والبيرفض عيشة أهل من البراجزآ يرفض..
غايتهو لا اليسار حل ولا اليمين حل.
الحل عند النجار والنجار عايز عروس