لقاء سودانيات مع السيد وزير خارجية السودان - لاهاي

[حسين عبدالجليل]

المشاركة الأصلية كتبت بواسطة بابكر عباس

حسين عبد الجليل
البوست دا واحد من البوستات الفيهو نقاش جيد..
ما في زول قال خالد دا، ما ديمقراطي
و الدليل على ديمقراطيتو، نحن هسع واقفين ليهو ألف أحمر في منتدى حقو..
ما تلخبط لينا الكيمان يا حسين..
براحة كدا يا حسين
جيب لي إقتباس فيهو عدم إحترام لرأي خالد، أو وصاية عليه..

دون سوء ظن دي، ما بوافقك عليها، لانو أنا شايف انو سوء الظن من حسن الفطن..

بابكر
انت من الناس الذين يسهل التحاور معهم - لذا ساكون معك علي سجيتي تماما .

لاحظت انو بعض اعضاء سودانيات لهم حساسية مفرطة في بعض مايكتبه خالد , وربما لاشعوريا لايستطيعوا ان يفصلوا بين خالد الحاج صاحب الموقع والذي تحكم علاقتنا به نظم و لوائح ارتضيناها وبين خالد العضو الذي يحق له ان يكتب مايريد و يؤمن بما يشاء.

ربما تكون كلمة "وصاية" ثقيلة علي القلب ولكن مااعنيه هو ان البعض يتوقع من خالد نوع من السلوك الذي يحبونه - ربما من باب العشم - كالا يبتسم في صور بمعية اهل الانقاذ , ولو قلل من صور الانقاذيين يكون احسن - و الافضل الا يصورهم او يحاورهم اطلاقا .

و عندما لايكون سلوك و افعال الخال حسب التوقعات يستاء البعض .وربما لو فعل عضو آخر مافعله العضو خالد لما انتبه الكثيرون له .

انا اعتقد بان هذا الخلط يشكل خطورة علي تجربة سودانيات الديمقراطية التي ماتزال هشة .