فتاة الفيديو ومسيرة (لالقهر النساء )

[عبدالله وداعه الامين]

المشاركة الأصلية كتبت بواسطة اروي حامد عبد الله حامد

اقتباس:
المشاركة الأصلية كتبت بواسطة سلافة التوم
صعبين خلاص


اسلو الزول مايغلط ..


ات كان ما قبلتى اعتذارى مامهم فى غيرك قبلوه


اعتذارى فى العنوان وغيرتوا

اما قانون النظام العام الطلعت ليه المسيرة انا بختلف معاهم مفروض يكون فى قانون يضبط النظام ولكن بتعديل طريقة التنفيذ دون اشهار .. والجلد دا مانزلوه ناس الانقاذ جا فى الدين .. ومن قبل قطعت أوصال الكثيرين في السودان بتهمة السرقة أو الحرابة وجلدوا وصلبوا فى زمن نميرى حينما طبق قوانين سبتمبر

حسع كان حصل انفصال وطبقوا الشريعة الناس بتقول ما دايرين حد الله ؟



والله كان اعتذرتي ولا ما اعتذرتي مابيفرق معاي بس الزول يكون عندوا شجاعة وما كل دقيقة تنطي لينا في حاجة موضوعك كان عن العارهة وليه الناس تطلع عشانها مسيرة ، وفطيتي ناس كتار سألوك اسئلة منطقية وما أمنتي علي دعوة العبد لله عبد الله وداعة ، ما اي فعل تلبسوه ثوب الدين الدين برئ من تلكم الممارسات والشريعة بطبقوها في اي حاجة ؟
تاني يوم للفيديو وانا في طريقي للمكتب ولد وبت والله بيسألني في نص الشارع الصبااااااااااااااااح بيسلمو علي بعض في الخدود اكتر من خمسة مرات عدا ونقدا
زي سلامنا نحن البنات وعاااااااااااااااااادي دا مش يندرج تحت بند الاعمال الفاضحة
والمثيرة للغرايز ولا شنو؟
اسع لو جاء واحد من بتاعين النظام العام عاااااااااادي بغض النظر لانه منطقة كل قاطنيها من زوي الضهور
فشنو ماتشبكينا حدود الله وتطبيق شريعة



قومي لفي

اخخخخخخ يا اروى
وحاتك شرقتيني لمن ما قدرت اروى

قلتي لي عدا نقدا؟
وانتي بتحسبي ليهم طالباهم زكاة؟

انا لله منك ياخ