نعم اخطأت ..اعتذارات بالجملــة لاهل الاسافيـر

[طارق الحسن محمد]

المشاركة الأصلية كتبت بواسطة سارة

انت قلت هو حرامى ...عشان اقتبس عرق الناس وتعبهم ونسبه ليهو
والراجل اعتذر وانت الوحيد ما قبلت عذره نصبت نفسك حامى حمى
الملكية الفكرية وبقت شتيمة الراجل شغلك الشاغل.. لا نفعت مناشدات
زلا شفعت معزة وانت مصر.. رغم انه الراجل رغم شتيمتك والفاظ

الغير مقبولة حتى بقوانين المنبر...كان عفيف اللسان... لا احترمت المكان
ولا الناس البحترموك فى المكان... بقت مداخلاتك محفوظة يا شتيمة....
يا الفاظ بذيئة مشكلتك يا طارق اتخيلت نفسك الوطنى الوحيد البغير
على السودان وافتكرت نفسك ابو النضال ..والمشكلة انك صدقت الشغلانة

.بس ربك يمهل ولا يهمل .. قمت جيت وقعت فى نفس الخطأ نقلت
جهد انسان ونسبتو لنفسك ...والمضحك انك لم تعتذر فى الاول جبت
تبرير فطير انك كنت مشغول بتصوير الموضوع علما بانه كل المواضيع
التى نقلتها قبله كتبت مصادرها دون ان تهتم بتصويرها يعنى حسب
تعريفك انت طارق للسرقة انت زاتك طلعت حرامى

شفت كيف؟؟ يعنى الشتيمة يا طارق ما صعبة... اما قصة عجاج كرعينى
انا والرفع السما بلا عمد لما وقفت من التداخل معك كان بامر من احبهم ويحبوك
ولو انت فسرتها خوف تبقى يا طارق ما بتعرف سرورة... سرورة الزمان

والبتعرفو عنى كلو يا طارق قولوا ولو كمان بقت ليك تقيلة قولوا لناس خليهم
يشتمونى نيابة عنك

ولوشفتنى سرقت ولا عملت عيبها فى الدنيا الزايلة دى ومافى معصوم بس لو شفت او حتى سمعت
ومصرح ليك تسال اى بكان واى زمان

مخسم بالنبى تنشرها وعافية ليك

اها شن قولك آ طارق؟؟؟؟؟


نسيت اقول المرة دى ما فيها وشوش خدر نظام جادين وكدا

ياريت يكون دا كل العندك