[QUOTE=عباس الشريف;337600]
عقب صلاة الجمعه بمسجد النور صرح سعادة/ المشير قائد ثورة الشريعه والبرنامج الحضاري عمر البشير انه لاول مرة يعلم ان هنالك فسدا في حكومته وتوعد الناس بالتحقيق لاجتثاث المفسدين وذكر ان مستشاريه كانوا دائماً يؤكدون له بعدم وجود أي مخالفات او إنتهاكات للمال العام، وبعدها اجهش في حالة بكاء هيستيري .... انتهي.
المرة الاولي وقت مشيت الغرب اجتمعت بي زعماء القبائل وقالو ليك حكاية الاغتصاب للفتيات قعدته تبكي المرة الثانية قالو ليك الفساد قعدته تبكي اعمل حسابك من المره التالته اقعد انت قالو ليك قلت ليك قالو ليك قلت ليك ... خلاس قربت لي عتبت الباب والطلاق متحمدك منتظر هيئة الافتاء والعلماء متمحن والجماعه في طلقانه ما طلقانه طلقانه ما طلقانه طلقانه ما طلقانه لمان الخور داك اتلقانا.
تبكي يا راجل ده علينا احنا سألتك بي الذي ركز الارض معبد قصر بت نافع ما سمعته بيهو وداد ما قالت ليك وقت شالت القروش من بنك امدرمان وسألتها قالت ليك أيييييييي شلتهن كان عندك فلاحه امشي سويها مع نافع والله يا عمك طلعت ثعلب كل ما تزنق تقعد تتبكي لي انت قايلا لعب بلي دي دولة كامله تحسبو لعب تجدع وترقص ما خليت قيقم وبلال موسي تنطط زي الحمل في الخريف فرحان ماسك جانب الانطرابة ولتعلم ايضا الغنا فيهو التحزير بلال عندو اغنية اسمها ستة وستة جوني من النوم صحوني وقتا لسع ما جاء اقعد ارقص لي القرد النبق القرد النبق القرد النبق لما العسكري اتلقانا.
سالتك بالذي ركز الارض معبد ما عارف فساد عبدالرحيم حسين وجامعة الرباط وغسيل الاموال ...اريتك يا بوي راجل التابة عبدالرحيم ما عارفو شن سوي يا يابا اقعد في كضاب ما كضاب كضاب ما كضاب لما الموضوع ابقي حرابه .
عبس يا صديق
اول امس اشوف ليك الراقص مع الكلاب
فى حتة كدة
بيقول عاوز ينشى مفوضية لمحاربة الفساد
وانا ماعارف قصة مفوضية اللمت فينا فوق وتحت
اى شى مفوضية وفى الاخر نتائجه كلها خرا
المهم
قال ما حا يعين فيها ( اخوان مسلمين ) بالنص والله
لانه عشان ما الناس تفتكر انه حاتكون عبارة عن
شكارتها دلاكتها
وطبعا دا كله تغبيش ساكت
لانه اصلا فى ادارة لمكافحة (الثراء الحرام )كان مكتبها جنب
وزارة الخارجية
وطبعا هى عبارة عن يافطة فقط وكذلك مفوضيته الجديدة دى طبعا
حاتكون يافطة ومكان للغلف برضو
فياخوى البكا ما بيحل
ولو دائر يبدا خليهو يبدا بنسوانه الاتنين اولا
ويخلى للشرفاء الباقى
سلام يا حبيب
