اقتباس:
المشاركة الأصلية كتبت بواسطة محمد السر
إزيك يا حافظ
أخطر مشكلة حقيقية ف مجتمعنا هي العنصرية البغيضة دي
والغريبة إنو حالات وكلاشات زي دي بتحصل بشكل شبه يومي والإعلام ما شغال بيها ..
لازم نحاول نعمل لينا مساهمة ولو كانت معنوية للوقوف مع سكان الحي الغربي في قرية محمد زين ..
تحياتي
|
العزيز محمد السر سلام و محبة ... صدقني سكان الحي الغربي (سميهم الكنبو عشان السيد بابكر عباس ما يتحسس) صدقني ما أظن راجين مننا حاجة و لو في حاجة يا حبيب مفروض نعملها عشان نفسنا نحن ديل ... و زي ما إشرت الحاجات دي بتحصل يومياً عندنا لكن ما قعدنا نخت ليها بال و دي الكارثة يا محمد , يعني بقت حاجات عادية جداً ... عادياً تماماً أقول ليك عب و أكثر من عادي أقول لنبراس خادم .... يا محمد الموضوع ما في لفظ خادم و عب في حد ذاته و إنما في مدلوله الإجتماعي و الثقافي و لو دايرين مفروض نبدأ من بعيد خالص نبدأ من إتفاقية البقط الدخلت الإسلام و قننت الرق, نشوف دخول الترك, الانجليز الدايرين يحاربوا الرق و الزعماء التلاتة الوقفوا ليهم بالمرصاد ... المهم يا حبيب أنا حأبدأ و انشاء الله البوست دا يتم تلاتة سنة و ليس مهم أن نصل و لكن أن نسير السكة صح... و سير السكة صاح ببدأ بتعرية العنصريين المتخفيين و سوف لن اخذ بنفسي أو أنفسهم رحمة
