عفاف أحمد عبد الرحمن وزيرة خطيرة، تستحق نوبل الجاية في الختة
- حضرت ليها اليوم برنامج بقناة أم درمان الخطيرة أيضا.
- برنامج وزارة الرعاية الإجتماعية بولاية الخرطوم يعتمد إعتماد أساسي على مشروع التمويل الأصغر لشريحة النساء، الوزيرة كلها تفاؤل بأنو البرنامج دا، ح يُحدث طفرة إقتصادية عظيمة للإقتصاد الكلي و إحتمال الكوني (الكوني دي، تفاؤل مني أنا).
- ركزت السيدة الوزيرة على إنو موضوع التمويل الأصغر دا، جاي من الختة بتاعة النسوان في الحلة، وهذا مجرد تطوير للفكرة القديمة!
- أخونا يونس البنغلاديشي داك (الشال نوبل قبل فترة)، طلع زبنجيرا ساكت! عامل لينا فيها الود بتاعة تخطيط وتمويل ودراسات! أتاريهو القصة ما محتاجة للكلام الفارغ دا كلو! القصة بس نقلب الختة من الحلة لبنك السودان! ومعاها تهليلة وتكبيرتين... وفي السماء رزقكم وما توعدون.
الله أكبر
الله أكبر
أها يا ناس المعارضة والأطراف دايرين تاني مننا نحن الجلابة ديل شنو؟
السلطة قسمناها ليكم
الثروة شتتناها ليكم
الله أكبر
الله أكبر
التعديل الأخير تم بواسطة أبوبكر عباس ; 01-01-2012 الساعة 05:11 AM.
|
