حكاية رجل....إسمه (م . س)

[هيثم علي الشفيع]

- يا اخينا......يااخينا........ياااااااااااشاب أنا ما بتكلم معاك
- سامعك يا حاج بس عاوز أخلص الفي يدي دة
- ما أنا أصلاً بتكلم معاك عن الفي يدك دة ، بتعمل في شنو ؟؟؟؟
- والله ناس الإدارة عندنا قالوا لينا نشيل منك خط الضغط العالي دة عشان ما قانوني ، وأنا عبد المأمور يا حاج وبنفذ في أوامر المهندس..
- ما قانوني؟؟؟؟ من متين؟؟؟؟ الطاحونة دي ما شغالة ليها سنوات ، البقاها ما قانونية شنو الليلة؟؟؟؟....
- والله زي ما قلت ليك أنا جيت بيتك دة بالوصف وما عارف حاجة غير إنو المهندس قال لي تعمل كدة.
- لا....كان كدي......واصل يا ولدي أقطع قطعك.
وحفيت قدماي مابين مكاتب الكهرباء والمحلية ، لمعرفة السبب الذي قرروا به فجأة قطع الكهرباء –وبالضرورة قطع رزقي- عن طاحونتي التي آكل منها وتعتاش منها عائلتي ، وكانت المحصلة المزيد من المماطلة والأجوبة الغامضة وغير الواضحة والتي يزيد معها يقيني كل مرة بأن (أوامر عليا) صدرت لكل هؤلاء لتنفيذها على هذا ال"طابور"....وليأكل بعدها "نيماً"..................إن وجده..