اقتباس:
المشاركة الأصلية كتبت بواسطة مبر محمود
كيف يعني أي زول من حقو يبشر بما يراه مناسباً؟! دا ياهو الكلام ذاتو القاشرين بيهو المتلبرلين والمتعلمنين وجايبين بيهو الهواء للبرالية والعلمانية!
الشغلة ما مطلوقة يا سيدي، لانو ما من حق أي زول إنو يبشر بمفاهيم غير قانونية لا تراعي القيم الأنسانية والأخلاق الفاضلة التي أجمعت عليها كل البشرية. جملتك الفوق دي عشان تستقيم المفروض تكون كالأتي: كل زول من حقو يبشر بما يراه مناسباً في الإطار القانوني المعروف.
كلامك دا السلفيين مثلاً رايهم فيهو شنو؟
|
يا عم مبر ... أنا هنا بتكلم عننا في نقاشنا ده و تحديدا كلام بكة إنو ببشر ( بدولة يكون فيها الدين بعيد عن إدارتها ) !! من البديهي إنو أي تبشير بقيم تعارض القانون ما قانونية !! جملتي أعلاه دي بتكلم بيها عننا نحن في هذا المكان...يعني ما عندي مشكلة هشام آدم يجي يقول الله مافي، و البديري يقول الخنازير أولاد حرام، و كل زول يقول الدايرو طالما مافي مادة بتمنع في اللائحة !!
متفق معاك في النقطة دي تماما ... لكن قصة ( القيم الأنسانية والأخلاق الفاضلة التي أجمعت عليها كل البشرية) دي فيها نظر !!
ياخي خليك من البشرية، نحن في المكان ده كلنا ما تامين متين نفر، من نفس البلد و غالبيتنا الساحقة من نفس الدين و نفس البيئة و الثقافة و العمر لحدي هسي في خلاف عميق علي أساسيات العملية الديمقراطية الأرتضوها الناس لحكمهم هذا المكان... و شنو الأخلاقي و الما أخلاقي فيها .... يبقي خلينا نتفق إنو القصة تبقي في القانون و لو القانون فيهو حاجة بتتناقض مع أخلاق الناس يتغير بالطرق الديمقراطية لانو مسالة ( القيم الأنسانية والأخلاق الفاضلة ) نحن هنا ما متفقين عليها خليه البشرية .
نقطة السلفيين دي بجيك ليها راجع إن شاء الله ...
