اقتباس:
المشاركة الأصلية كتبت بواسطة كيشو
أها أكان ديمقراطيتنا الـ (بِنّاضل) من أجلها، ونبشر بخيرها وما تحققه لنا كسودانيين، لو ديمقراطيتنا بعد عمر طويل وصّلت مجتمعنا للحتة دي الدَّبارة كيف؟
وفلان داعية الديمقراطية العظيم والذي مات وشبع موت و(عملو ليهو تمثال كمان) جاء يوم القيامة ووجد كتابه بشماله (باعتبار جهوده العظيمة وجره لآخرين جروا آخرين حتى تمكنت الديمقراطية وتلبررت البلاد وصوت البرلمان ذي تصويت البريطانيين الأمبارح)
غايتو يوم القيامة يمكن تلقى واحد واقف ويكلم روحو ( الناس ديل جنو؟ وود ولدي أنا يعرسوه بي سببي؟ والله ما كنت قايل كلامي الزمان داك بوصل الناس للحتة دي)
|
والله داير اكتب لي كلام كتير كنت لكن كلام معتصم قفلني من النزول
يعني يامولانا الراجل بعد ماختا ليهو منهاج الناس بقت بيهو تحكم نفسها بنفسها بدل ماكان الحكم هرقلية وللا في احسن الفروض بين أهل الحل والعقد براهم ماف طريقة تجازفو ليهو موضوع كتابه بيمينه ده؟
بعد داك منهاجه ده انت بتطبقو حسب محل ماتنزلو ، ماالديمقراطية الأجازت زواج المثليين في بريطانيا ، ممارسة (النواب) للديمقراطية هي العملت كده وباقي لي الفرق مابغيب عن فطنتك ...
ولو جيت طبقت المنهاج هنا في السودان مثلا الممارسة مابتقنن المثلية لأنو ماعندك الخريطة الاجتماعية العايشين فيها أفراد اتخاذ القرار في بريطانيا ...
طبعا كلامي ده كلو عن التقنين ما عن المثلية في نفسها لأنو الاخيرة دي رااااااااااقده بلا قانون ...
نقرأ كلام الباش تاني ....
