طارق ابوعبيدة .... وينك انت يا الطال غيابك

[imported_Garcia]

طارق ابوعبيدة .... ذلك الصوت الشجى العذب ... ذو الشخصية المرحة ,,
منذ ان رحلنا الديار الجديدة لم يطل علينا .... متابعين اخباره من على البعد
من سفرية السودان بعد طول غياب - عبر الدوحة ...
وعودته لهولنده بعد انقضاء الاجازه ... وجدته الاسبوع الماضى فى غرفة سودانية
بالبالتوك ... ووعدنى بالظهور مجددا فى سودانيات وما زلنا فى الانتظار ...
ويا ناس هولندة ( هارلم ) همتكم معانا ... والخال خالد مابيقصر اكيد ..

مخرج : * الى مسافرة / عثمان خالد
حليلو قال ناوى السفر كيف الوداع لمن احين وقت السفر
اهديك زهور حاشاى وانت ندى الزهر
اهديك حروف يا اجمل احرف فى الدهر
اهديك حنان ما قلبى عندك من زمان وانا راجى عطفك منتظر
اهديك حروف ما قالا زول ولا اظن اقولا وراى بشر
اهديك عيونى عشانك استريح والدنيا بعدك ما بتسر ياحليلو

* طارق ... لميت فى شريطك اخيرا وعملت الوعد بتاع اليوم داك ,,,
ولاتدرى كم فرحتهم كانت بسماع هذه الاغنية تحديدا ...
صاحبك اسامة السر بكا فى الشريط وقال لى لازم تعمل لى نسخة

كل الود والاعزاز وفى انتظارك ...